Irbich

D'Irbich ass eng Baach am Éislek an eng lénks Niewebaach vun der Klierf. Si entspréngt op enger Héicht vu 500 Meter, an engem Hang zu Hëpperdang.

Irbich

D'Irbich virum Zesummelaf mat der Fëschbech
Längt	11.850 m
Hydrographesche Baseng	Rhäin
Originn
Originn	Quell
Plaz	Hëpperdang
Héicht	500 m
Koordinaten	50° 05’ 41.1’’ N 06° 03’ 28.6’’ O
Konfluenz
Leeft an	Klierf
Plaz	Draufelt (Aal)
Héicht	313.5 m
Koordinaten	50° 00’ 58.1’’ N 06° 00’ 32.0’’ O
Geographie
Land	Lëtzebuerg
Regioun	Éislek
Uertschaften	Ischpelt, Reiler

Si ass 11,85 km laang a fléisst a südlecher Richtung. Dobäi leeft se ëstlech laanscht Ischpelt, ënner dem Irbich-Viaduc erduerch, laanscht Reiler, an dann duerch en eppes iwwer 5 km laangen enken Dall, dovun déi lescht 2 km a südwestlecher Richtung.

Nodeems s'ënner dem CR326c erduerch gelaf ass, leeft se, 200 Meter ëstlech vun Draufelt, op enger Héicht vun 313.5 m, vu lénks an d'Klierf.

Op hirem Laf hëlt si, vu lénks, noeneen d'Haardbaach, d'Grandsenerbaach, d'Fëschbech, d'Spelleschbaach an d'Hatzelbaach op, sou wéi eng hallef Dose kleng Baachen ouni Numm.