Museksinstrument

Dëse Museksartikel ass eréischt just eng Skizz. Wann Dir méi iwwer dëst Theema wësst, sidd Dir häerzlech invitéiert, aus dëse puer Sätz e richtegen Artikel ze schreiwen. Wann Dir beim Schreiwen Hëllef braucht, da luusst bis an d'FAQ eran.

E Museksinstrument ass e Géigestand fir Musek ze maachen, deen duerch d'Awierke vun deem, deen drop spillt, ganz oder deelweis vibréiert a sou d'Loft ronderëm sech a Schwéngunge versetzt; dës Schwéngunge ginn dann als Geräisch oder Toun erfaasst.

Klassifizéierung vun de Museksinstrumenter

Eng méiglech Andeelung vun de Museksinstrumenter riicht sech no der Aart a Weis, wéi den Toun entsteet. Sou kann een dann ënnerscheeden:

Chordophonen (Säiteninstrumenter): Gespaante Säite ginn zum schwénge bruecht, z. B. Gei, Gittar.
Aerophonen: E Loftstroum léisst d'Instrument erkléngen, z. B. all Blosinstrumenter, awer och den Akkordeon.
Idiophonen: Dës Instrumenter vibréieren an hirer Gesamtheet, meeschtens well s'un- oder géintenee geschloe ginn, z. B. Holzblock, Klackespill, Klibber.
Membranophonen: Dës Instrumenter hunn eng Membran (e "Fell"), déi schwéngt, z. B. well drop geschloe gouf, z. B. Tromm.
Elektrophonen sinn elektronesch Instrumenter, déi un en Hautparleur ugeschloss sinn, an duerch dee sinn hir Téin ze héieren, z. B. Syntheziser.
Aetherophon: En elektronescht Instrument, dat ouni Kontakt gespillt gëtt.

Um Spaweck

Commons: Museksinstrumenter – Biller, Videoen oder Audiodateien