Partei fir Aarbecht, Rechtsstaat, Trucmachin, Elitefërderung a basisdemokratesch Initiativ

Dëse Politiksartikel ass eréischt just eng Skizz. Wann Dir méi iwwer dëst Theema wësst, sidd Dir häerzlech invitéiert, aus dëse puer Sätz e richtegen Artikel ze schreiwen. Wann Dir beim Schreiwen Hëllef braucht, da luusst bis an d'FAQ eran.

D'Partei fir Aarbecht, Rechtsstaat, Trucmachin, Elitefërderung a basisdemokratesch Initiativ[1] (kuerz: d'PARTEI) ass eng Lëtzebuerger politesch Partei déi den 9. Dezember 2019 gegrënnt gouf[2]. D'PARTEI ass d'Lëtzebuerger Schwësterpartei vun der däitscher Satirpartei Die PARTEI. Si huet momentan keng Mandater.

Partei fir Aarbecht, Rechtsstaat, Trucmachin, Elitefërderung a basisdemokratesch Initiativ
Ofkierzungd'PARTEI
PresidentJeff Cigrand
GeneralsekretärJil Eiffes
FondateurenJeff Cigrand, Florian Holtgen, Ayla Hentges
Gegrënnt09.12.2019
Parteizentral

70, rue Camille Wampach

L-2739 Lëtzebuerg
IdeologieSatir
Politesch PositiounZentrum
FaarfHimmelblo 
SloganWielt d'PARTEI, well si ass gutt.
HymnDie Endgültige Parteihymne
Websäit
partei.lu/

Geschicht

D'PARTEI gouf mat der Iddi fir méi Satir an d'Lëtzebuerger Politiklandschaft ze brénge gegrënnt[3]. Zanterhier probéiert si mat Witz a Satir anere Parteien a politesche Beweegungen de Spigel virzehalen.

Juristesch Affären

D'PARTEI an hire President goufen 2021 vum Christian Isekin, deemolege President vun der Partei PID a Leeder vu verschiddene libertäre Mouvementer, ugeklot[4]. D'Behaaptung war, datt duerch d'politesch Aktioun de Ruff vum Här Isekin a sengem Mouvement geschiedegt gi wier. D'Klo géint d'PARTEI gouf als net fondéiert klasséiert an den Här Isekin huet misse Schuedenersaz leeschten[Source?].

Walen

Den 16. Oktober 2023 huet d'PARTEI ugekënnegt bei den EU-Walen 2024 unzetrieden, ënnert dem Motto: "D'EU endgülteg Splécken"[5].

Um Spaweck

Referenzen