Raphael Gindt
De Raphael Gindt, gebuer de 7. Mee 1993 an der Stad Lëtzebuerg, ass e lëtzebuergesche fräischaffende Kënschtler a Lokalpolitiker.
| Raphael Gindt | |
|---|---|
 De Raphael Gindt, Kënschtler a Leidelenger Schäffen (2019) | |
| Gebuer | 7. Mee 1993 Lëtzebuerg |
| Nationalitéit | Lëtzebuerg |
| Aktivitéit | Kënschtler, Foussballspiller, Politiker |
| Famill | |
| Papp | Jean-Louis Gindt |
 | |
Hie bezeechent sech selwer als Urban Artist, Street Artist, Muralist, Expressionist a Surrealist, deen e Schwéierpunkt op legal Graffiti am ëffentleche Raum leet. Dofir versteet hie sech och als Kënschtler, net als Tagger[1]. Doniewent schafft hien och op Glas, dat hien a Graffititechnik beaarbecht, souwuel als Bild wéi als Skulptur. Seng Wierker sinn niewent Lëtzebuerg, och an der Belsch, a Frankräich, an Däitschland, an Italien, am Vereenegte Kinnekräich, an den USA, um Cap Vert[2],[3], a Portugal an an der Tierkei ze gesinn.Hie schafft och mat Jugendhaiser, Schoulen, Associatiounen zesummen, wéi der Kulturfabrik, MASKéNADA, APEMH, wou hie virun allem mat Jonken Graffitiworkshoppe leet.
Zesumme mam Daniel Mac Lloyd huet hien den 29. September 2018 d'Konschtgalerie Kamellebuttek zu Esch-Uelzecht opgemaach[4],[5]. Donieft hunn si zwee zwou Asblen am Beräich Konscht gegrënnt. Am Januar 2019 hunn déi zwéi Kënschtler am Kamellebuttek eng eege Konschtschoul opgemaach[6].
Bei de Gemengewale vum 8. Oktober 2017 ass hien zu Leideleng an de Gemengerot gewielt ginn. Am Gemengerot vum 29. Januar 2019 gouf hien als Schäffe gewielt[7] an de 14. Februar 2019 vun der Inneministesch Taina Bofferding vereedegt[8], nodeems den 1. Schäffen Tom Berend zeréckgetruede war. Bei de Gemengewalen 2023 ass hien net ugetrueden.
A senger Fräizäit huet hie Foussball gespillt a war Golkipp.
Ausstellungen
Perséinlech
- 2022 Kamellebuttek, Esch-Uelzecht
- 2021 Centro de Artes e Cultura de Ponte de Sor[9], Portugal
- 2019 Artifact, New York City
- 2018 Kamellebuttek, Esch-Uelzecht
- 2016 Galerie d'Art du SIT, Schëffleng
- 2016 Vitralux, Lëtzebuerg
- 2015 peppe parola – Art Gallery, Lëtzebuerg
Gruppenausstellungen
- 2024, District 13 Art Fair, Hôtel Drouot, Paräis
- 2023 Esch23, Kamellebuttek, Esch
- 2022 Nature Takes Over, Kamellebuttek, Esch-Uelzecht, Nuit de la Culture 11.-12.3. 2022, Esch 2022
- 2022 FAUX PAS, CAL
- 2022 Springbreak Luxembourg
- 2020 Bâtiment 4, (Domaine Schlassgoart), Cueva, Esch-Uelzecht[10],[11]
- 2020 EXPO3, Kamellebuttek, Esch-Uelzecht
- 2020 FUEL BOX IV, 20 rue des Scillas, Houwald
- 2019 Urban History Festival
- 2019 Leidelenger Kiermes 2.0: Where Urban Art and Indie Pop meets Kniddelen and Knuppautoen![12]
- 2019 Aal Esch, Cueva, Esch-Uelzecht
- 2019 Urban Art Gallery, Springbreak Luxembourg
- 2019 Femme et Féminité 2019, Sofitel Luxembourg Europe
- 2018 Zeideg, Galerie Am Duerf, Steesel
- 2018 FUEL BOX III, 244, Areler Strooss, Stroossen
- 2018 Rossocinabro Galleria, Roum
- 2018 FUEL BOX II, 244, Areler Strooss, Stroossen
- 2018 Schwaartz Haus, Temporary Art Gallery, Lëtzebuerg
- 2018 Jukowo - Gewënner vum Jugendkonschtpräis 2018 vun der Gemeng Déifferdeng
- 2018 ARTEXPO New York | Pier 94, New York
- 2018 Art City, City Concorde, Bartreng
- 2017 Contemporary Venice – International Art Show, Palazzo Ca‘ Zanardi, Venedeg
- 2017 PopUp Art Event by ARTichoc worldwide, Espace H2O, Déifferdeng
- 2017 A'DAM INT'L ART FAIR, Beurs van Berlage, Amsterdam
- 2017 PRAGUE ART COCKTAIL, Arista Art, Prag
- 2017 Konscht am Minett 11, Hall Paul Wurth, Fond-de-Gras
- 2017 M.A.D. Milan Biennial, Mailand
- 2017 Beautiful Decay, Beetebuerg
- 2017 Uecht, Cueva, Esch-Uelzecht
- 2017 The Brick Lane Gallery, London
- 2017 La Galerie Spiren, Stroossen
- 2016 KUFA'S URBAN ART, Villerupt
- 2016 FUEL BOX 301, 301 Arelerstross, Stroossen
- 2016 Mash up!, Gallery UNIT, Glasgow
- 2016 Zaepert, Cueva, Esch-Uelzecht
- 2016 Itinérart, ZINNEMA, Anderlecht
- 2014 Galerie d'Art du SIT, Schëffleng, Gewënner vun der Jugendkonschtwoch
- 2014 Wäifest, Meechtem
- 2013 PLANG B, Maskénada, Bouneweg
- 2012 Lux Urban Culture, Diddeleng
Kuckt och
Um Spaweck
| Commons: Raphael Gindt – Biller, Videoen oder Audiodateien |
