Théodore Géricault
Den Théodore Géricault gebuer de 26. September 1791 zu Rouen a gestuerwen de 26. Januar 1824 zu Paräis war e franséische Moler a Sculpteur.
| Théodore Géricault | |
|---|---|
 | |
| Gebuertsnumm | Jean-Louis André Théodore Géricault |
| Gebuer | 26. September 1791 Rouen |
| Gestuerwen | 26. Januar 1824 Paräis |
| Nationalitéit | Frankräich |
| Educatioun | Lycée Louis-le-Grand, École nationale supérieure des beaux-arts, Collège Stanislas |
| Aktivitéit | Moler, Graphiker, Sculpteur, Bauzeechner, Zeechner |
 | |
De Géricault mécht seng Léier an den Ateliere vum Pierre Guérin a vum Carle Vernet. Do léiert hien deem säi Jong, den Horace Vernet, kennen. De 5. Februar 1811 geet en op d'École des Beaux-Arts zu Paräis. No engem Echec beim Concours vum Grousse Präis vu Roum decidéiert en an Italien ze reese well hie staark vun de Renaissance–Molere beandrockt war, besonnesch vum Michelangelo, mä awer och vum Flammänner Rubens.
Am Ufank vu senger Carrière ënnerscheet hie sech vun den neoklassesche Moler aus der Schoul vum David. E moolt haaptsächlech Theemen aus dem Alldag. Als ee Spezialist fir d'mënschlecht Leiden duerzestellen gëtt hie séier een Haaptmoler vum Romantissem.
De Géricault ass zu Paräis um Kierfecht Père-Lachaise begruewen. Säi Graf, op deem hien a Bronz duergestallt ass, ass e Wierk vom Sculpteur Antoine Étex.
Molereien
Le derby d'Epsom (1821)
Le monomane du vol (1822)
Le Chasseur de la Garde, (1812)
La monomane du jeu,
(1819-1822)
Le monomane du commandement militaire,
(1819-1822)
Cuirassier blessé quittant le feu, (1814)
Skulpturen
- Cheval écorché
- Cheval arrêté par un homme
- Satyre et Nymphe am Musée des beaux arts zu Rouen.
- Bœuf terrassé par un tigre
- Nègre brutalisant une femme
- Statue équestre de l'Empereur Alexandre
- Lion au repos
- Cavalier Antique
- Ecorché
Um Spaweck
| Commons: Théodore Géricault – Biller, Videoen oder Audiodateien |
