Bintang neutron
Bintang neutron adolah inti Bintang nan alah jatuah dari bintang super raksasa nan kuek, nan mamiliki barek total antaro 10 hinggo 25 massa matoari, tatapi massanyo bisa labiah jiko bintang tasabuik banyak kanduanan logam nyo.[1] Bintang neutron adolah objek bintang nan paliang ketek sarato nan paliang padek di Alam Semesta, indak tamasuak lubang itam, lubang putiah hipotetis, bintang quark, jo Strange star.[2] Bintang neutron mamiliki radius sakitar 10 kilometer (6,2 mil) nan mamiliki massa sakitar 1,4 massa matoari.[3] Mereka diasilkan dari ledakan supernova dari bintang nan kuek sarato padek, digabuangan jo jatuahnyo gravitasi, nan manyebar inti malewati karapatan bintang katai putiah ka inti atom.[4]
Satalah tabantuak, bintang neutron indak aktif lai maasilkanpaneh atau energi, nan mandingin jo sairiang wakatu; Tatapi, bintang neutron mungkin masih bisa bakambang labiah jauah malalui tabrakan atau akresi. Sabagian gadang model dasa ilmiah man-teorikan bahwasonyo hampia saluruah bintang neutron tadiri dari partikel neutron (partikel subatomik tanpa muatan listrik netto jo massa nan saketek labiah gadang dari proton); elektron jo proton nan ado dalam materi normal dapek bagabuang nan mambantuak neutron pado kondisi bintang neutron. Sabagian massa Bintang neutron ditahan dek tekanan degenerasi neutron untuak mancagah jaruahnyo labiah lanjuik, sabuah fenomena nan hanyo dapek dijalehan dek prinsip pangacualian Pauli, saparti halnyo katai putiah nan jatuahnyo ditahan dek takanan degenerasi elektron. Tatapi, takanan degenerasi neutron indak cukuik untuak manahan objek jo massa di ateh 0,7 M☉[5][6] jo gaya nuklir repulsif-nyo mamainkan paran nan labiah gadang dalam manahan massa bintang neutron nan jauah labiah padek.[7][8] Jiko siso bintang mamiliki massa malabihi bateh Tolman–Oppenheimer–Volkoff sakitar 2 kali massa matoari, gabuangan takanan degenerasi jo gaya repulsif nuklirnyo indak cukuik untuak manahan massa bintang neutron nan kamudian jatuah manjadi lubang itam.[9]
Bintang neutron nan dicaliak umumnyo mamiliki suhu nan angek bana, yoitu mamiliki suhu permukaan sakitar 600.000 K.[10] Mereka padek bana sahinggo kotak korek api nan baukuran normal nan barisi bahan bintang neutron akan mamiliki barek sakitar 3 miliar ton (barek nan samo jo bongkahan 0,5 kilometer kubik bumi/ kubus jo tapi sakitar 800 meter) dari permukaan bumi.[11][12] Medan magnet Bintang neutron mamiliki kakuatan antaro 108 - 1015 (100 juta hinggo 1 kuadriliun) kali labiah kuek dari medan magnet Bumi. Medan gravitasi di permukaan bintang ko adolah sakitar 2 × 1011 (200 miliar) kali labiah kuek dari medan gravitasi bumi.[13]
Pambantuakan
Satiok bintang deret utamo jo massa awal di ateh 8 kali massa matoari (8 M☉) nan bapotensi maasilkan bintang neutron. Katiko bintang baevolusi dari deret utamo, pambakaran nuklir di intinyo salanjuiknyo maasilkan inti nan banyak kanduangan basi. Katika sadoalah bahan baka nuklir di dalam inti alah abih, inti tasabuik hanyo didukuang dek takanan degenerasi biaso. Endapan massa labiah lanjuik dari pambakaran cangkang manyababkan intinyo malabihi batas Chandrasekhar. Takanan degenerasi elektron diatasi jo inti bintang jatuah nan labiah lanjuik, manyababkan suhu malonjak ka ateh 5 × 109 K. Pado suhu iko, fotodisintegrasi (pamacahan inti basi manjadi partikel alfa dek sinar gamma nan mamiliki energi tinggi) tajadi katiko suhu naiak labiah tinggi, elektron jo proton bagabuang mambantuak neutron malalui panangkapan elektron, manyababkan tabantuaknyo samudra neutrino. Katiko kapadatan mancapai kapadatan inti4 × 10 17 kg/m3, gabuangan gaya batulak kuek jo takanan degenerasi neutron manghantikan kontraksi.[14] Salubuang lua bintang nan jatuah baranti sarato talempa kalua dek fluks neutrino nan dihasiakan dalam tabantuaknyo neutron, jo tajadilah supernova. Siso nan tasiso adolah bintang neutron. Jiko siso massa bintang nan maalami supernova mamiliki massa sakitar 3 M☉, inyo akan jatuah labiah jauah manjadi lubang itam.[15]
