Parang Dunia II

Parang Dunia Kadua (disingkek Parang Dunia II atau PD II) adolah parang dunia nan balansuang antara 1939 hinga 1945, walaupun babarapa konflik takaik lah tajadi labiah daulu. Parang ko maliputi sabagian gadang nagara-nagara di dunia, tamasuak sadonyo nagara adikuasa, nan akianyo manjadi duo aliansi maliter: Sakutu jo Aksis. Iko adolah parang nan paliang laweh taseba dalam sijarah, malibaikan labiah dari 100 juta urang dari 30 labiah nagara. Dalam situasi "parang total" ko, nagara-nagara utamo nan talibaik mangarahan sadonyo kamampuan ekonomi, industri, jo ilimu pangatauan nan ado ka dalam upayo paparangan, inggo indak ado lai bedonyo antaro sumberdaya sipil jo maliter. Kamatian masal masarakaik sipil, sarupo kajadian Holokaus (kiro-kiro 11 juta urang tewas),^[1][2] pamboman strategis pado pusek industri jo populasi (kiro-kiro satu juta urang tewas, tamasuak pamboman atom di Hiroshima dan Nagasaki),^[3] saluruahnyo dipakiroan lah mambuek sakitar 50 juta inggo 85 juta urang tewas tabunuah. Iko manjadian Parang Dunia II sabagai konflik nan paliang mamatian dalam sijarah umaik manusia.^[4]