Kabupaten Humbang Hasundutan
Humbang Hasundutan, acok disingkek Humbahas, (Aksara Batak Toba: ᯂᯅᯮᯇᯗᯩᯉ᯲ ᯂᯮᯔ᯲ᯅᯰ ᯂᯘᯮᯉ᯲ᯑᯮᯗᯉ᯲) adalah sebuah kabupaten di Sumatera Utara, Indonesia.[6][7] Dibantuak pado 28 Juli 2003, kabupaten iko mampunyoi laweh wilayah sagadang 2.335,33 km² dan baribu kotakan Dolok Sanggul. Kondisi fisik kabupaten iko talatak pado katinggian 330-2.075 meter dpl. Manuruik data taun Sensus Penduduk 2010 panduduaknyo bajumlah 171.650 jiwa, dan diakhia taun 2020, panduduaknyo bajumlah 197.751 jiwa.[1] Kabupaten Humbang Hasundutan kini dipimpin dek Bupati Dosmar Banjarnahor jo Oloan Paniaran Nababan sabagai wakil bupati.
| Kabupaten Humbang Hasundutan ᯂᯅᯮᯇᯖᯉᯩ᯲ ᯂᯔᯮᯮ᯲ᯅᯰ ᯂᯘᯉᯮᯮ᯲ᯑᯮᯖᯉ᯲ | ||
|---|---|---|
Kabupaten di Sumatera Utara, Indonesia | ||
 | ||
| ||
| Semboyan: Humbahas HEBAT | ||
 | ||
| Nagara |  Indonesia | |
| Provinsi | Sumatera Utara | |
| Tanggal paresmian | 28 Juli 2003 | |
| Dasa hukum | UU No. 9 Tahun 2003 | |
| Ibu kota | Dolok Sanggul | |
| Pamarintahan | ||
| • Bupati | Dosmar Banjarnahor | |
| • Wakil Bupati | Oloan Paniaran Nababan | |
| • Sekretaris Daerah | Drs. Tonny Sihombing | |
| • Ketua DPRD | Ramses Lumban Gaol | |
| Laweh | ||
| • Total | 2.502,71 km2 (966,30 sq mi) | |
| Panduduak (2020)[1] | ||
| • Total | 197.751 jiwa | |
| • Kapadatan | 79,00/km2 (204,6/sq mi) | |
| Demografi | ||
| • Etnik | Batak Toba | |
| • Agamo | Kristen 96,88% - Protestan 84,00% - Katolik 12,88% Islam 3,07% Parmalim 0,04% Buddha 0,01%[2][3] | |
| • Bahaso | Indonesia, Batak Toba (bahaso sahari-hari masyarakaik) | |
| Zona wakatu | WIB (UTC +7) | |
| Kode telepon | 0633 | |
| Jumlah kecamatan | 10 kecamatan | |
| Jumlah kelurahan | 1 kelurahan | |
| Jumlah desa | 153 desa | |
| DAU | Rp 543.828.964.000,- (2020)[4] | |
| IPM | ▲ 68,87 (2020) Sedang[5] | |
| Kode Kemendagri | 12.16  | |
| Situs web | humbanghasundutankab.go.id | |
Sijarah
Pado taun 1915, Balando barasia manguasoi sadoalah wilayah Batak dan dimasuakan dalam Karesidenan Tapanuli. Karesiden Tapanuli tabagi manjadi ampek afdeling, yaitu:[8]
- Afdeling Mandailing Angkola
- Afdeling Sibolga en Omstreken
- Afdeling Nias
- Afdeling Bataklanden
Satiok afdeling tabagi manjadi babarapo onderafdeling dan wilayah Humbang Hasundutan tamasuak dalam Afdeling Bataklanden jo namo Onderafdeling Hoovlakte van Toba, basamo ampek onderafdeling lainnyo.
Pado taun 1947, Afdeling Bataklanden dipacah manjadi ampek kabupaten, yaitu:[8]
- Kabupaten Tapanuli Utara
- Kabupaten Humbang Hasundutan
- Kabupaten Toba Samosir
- Kabupaten Dairi
Kudian pado taun 1956, kaampek kabupaten tasabuik disatukan baliak manjadi Kabupaten Tapanuli Utara. Inggo taun 1964, Kabupaten Tapanuli Utara dimekarkan manjadi duo, yaitu jo muncuanyo Kabupaten Dairi. Kudian taun 1988, Kabupaten Tapanuli Utara dimekarkan baliak inggo tabantuak kabupaten baru, yaitu Kabupaten Toba Samosir. Baru pado taun 2002, usulan mambantuak Kabupaten Humbang Hasundutan muncua. Pado 28 Juli 2003, Kabupaten Humbang Hasundutan diresmikan dek Menteri Dalam Negeri RI.[9]
Ekonomi
Parak
Mayoritas panduduak Humbang Hasundutan karajo di parak. Hasia parak paliang gadang adolah kopi nan dapek mamanen inggo 12.309 Ha sarato produksi 7.546,22 ton. Salain kopi, kabupaten iko tanamo juo jo kumayannyo. Laweh panenannyo mancapai 4.837,5 Ha nan mahasiakan 1.087,56 ton. Laweh lahan kumayan mancapai 23,16%.[10]
Hasia tani panduduak lainnyo adolah lado nan laweh panennyo mancapai 1.285 Ha sarato mahasiakan 70.285 ton pado taun 2020. Tanaman lado mancapai 39,97% lahan tani. Hasia parak tani lainnyo ado gatah, kulik manih, kemikir, coklat, sawit, anau, karambia, tabu, sipadeh, cangkeh, andaliman, lobak, tomaik, kantang, sawi, wortel, jo bawah merah.[10]
Kautanan
Di bidang kautanan, Kabupaten Humbang Hasundutan mamiliki lahan 159.392 Ha utan tadiri dari utan produksi 84.540 Ha; utan linduang 74.852 Ha. Kawasan hutan paliang laweh talatak di Kecamatan Parlilitan yakni 38,58% dari utan nan ado di kabupaten iko.[11]
Pambangkik listrik
Potensi ekonomi lain di kabupaten iko adolah pambangkik listrik. Ado 10 lokasi sarasah nan dapek dimanfaatkan manjadi pambangkik listrik. Sarasah jo katinggian jatuahnyo paliang tinggi adolah Aek Sipang nan bakatinggian 125 meter. Barikuiknyo adolah Sipulak (75 m), Sisira (75 m), Simarhilang (50 m), dan lain-lain. Sabanyak 4 sarasah talatak di ciek desa yakni Sijarango (Janjimatogu), Kecamatan Pakkat.[11]
Geografi
Kabupaten Humbang Hasundutan marupokan salah satu kabupaten di wilayah Sumatera Utara. Kabupaten iko mampunyoi laweh wilayah sagadang 251.765,93 Ha nan tabagi ka dalam 10 kecamatan. Sacaro geografis, kabupaten iko talatak antaro 2°13'–2°28' Lintang Utara dan 98°10'–98°57' Bujur Timur.[11]
Bateh wilayah
| Utara | Kabupaten Samosir |
| Selatan | Kabupaten Tapanuli Tengah |
| Barat | Kabupaten Pakpak Bharat |
| Timur | Kabupaten Tapanuli Utara |
Topografi
Secaro topografi, wilayah Kabupaten Humbang Hasundutan mampunyoi sipaik muko tanah bagalombang sarato babukik jo katinggian antaro 330–2075 mdpl. Kamiriangan tanah di wilayah iko tabagi manjadi tigo, yaitu data bapersentase 11% dari laweh wilayah kasadoalahan Kabupaten Humbang Hasundutan, landai jo persentase 20% dari laweh wilayah kasadoalahan Kabupaten Humbang Hasundutan, dan miring/curam sagadang 69% dari laweh wilayah kasadoalahan Kabupaten Humbang Hasundutan.[11]
Iklim
| Data iklim Humbang Hasundutan, Sumatera Utara, Indonesia | |||||||||||||
|---|---|---|---|---|---|---|---|---|---|---|---|---|---|
| Bulan | Jan | Peb | Mar | Apr | Mai | Jun | Jul | Agt | Sep | Okt | Nov | Des | Tahun |
| Rato-rato tatinggi °C (°F) | 24.4 (75.9) | 24.8 (76.6) | 25.1 (77.2) | 25.7 (78.3) | 26.5 (79.7) | 26.1 (79) | 25.7 (78.3) | 25.1 (77.2) | 24.6 (76.3) | 23.8 (74.8) | 23.4 (74.1) | 23.5 (74.3) | 24.89 (76.81) |
| Rato-rato harian °C (°F) | 20.1 (68.2) | 20.3 (68.5) | 20.5 (68.9) | 20.6 (69.1) | 20.5 (68.9) | 20.7 (69.3) | 20.2 (68.4) | 20.1 (68.2) | 19.7 (67.5) | 18.8 (65.8) | 18.8 (65.8) | 19.6 (67.3) | 19.99 (67.99) |
| Rata-rato tarandah °C (°F) | 14.5 (58.1) | 14.8 (58.6) | 15.1 (59.2) | 15.5 (59.9) | 15.4 (59.7) | 15.4 (59.7) | 15.3 (59.5) | 14.9 (58.8) | 14.3 (57.7) | 13.9 (57) | 13.4 (56.1) | 13.6 (56.5) | 14.68 (58.4) |
| Presipitasi mm (inci) | 200 (7.87) | 181 (7.13) | 220 (8.66) | 225 (8.86) | 138 (5.43) | 82 (3.23) | 78 (3.07) | 121 (4.76) | 184 (7.24) | 241 (9.49) | 250 (9.84) | 230 (9.06) | 2.150 (84,64) |
| Rato-rato ari baujan | 17 | 16 | 19 | 19 | 11 | 8 | 7 | 10 | 16 | 21 | 22 | 20 | 186 |
| % kalambapan | 82 | 82 | 83 | 83 | 82 | 81 | 79 | 80 | 81 | 83 | 84 | 84 | 82 |
| Rato-rato cahayo matoari bulanan | 189 | 198 | 172 | 191 | 202 | 234 | 247 | 225 | 194 | 163 | 148 | 157 | 2.320 |
| Sumber #1: Climate-Data.org[12] | |||||||||||||
| Sumber #2: Weatherbase[13] | |||||||||||||
Pamarintahan
Daftar Bupati
| No | Bupati | Mulai menjabat | Akhia menjabat | Periode | Wakil Bupati | Katarangan | ||
|---|---|---|---|---|---|---|---|---|
| Manatap Simanungkalit | ||||||||
 | Maddin Sihombing | |||||||
| Bukit Tambunan | ||||||||
 | Dosmar Banjarnahor | |||||||
Dewan Perwakilan
_Kabupaten_Humbang_Hasundutan.svg)
Barikuik iko adolah komposisi anggota DPRD Kabupaten Humbang Hasundutan dalam duo periode tarakhia.[14][15]
| Partai Politik | Jumlah Kurisi dalam Periode | |
|---|---|---|
| 2014-2019 | 2019-2024 | |
 PKB | 2 | ▼ 0 |
 Gerindra | 5 | ▼ 2 |
 PDI Perjuangan | 3 | ▲ 7 |
| Golkar | 6 | ▼ 5 |
 NasDem | 3 |  3 |
 Perindo | (baru) 2 | |
 PSI | (baru) 1 | |
 PAN | 1 | ▼ 0 |
 Hanura | 3 | ▲ 4 |
.svg){kind=small} Demokrat | 2 | ▼ 1 |
| Jumlah Anggota | 25 | 25 |
| Jumlah Partai | 8 | 8 |
Kecamatan
Kabupaten Humbang Hasundutan tadiri ateh 10 kecamatan, 1 kelurahan, jo 153 desa jo laweh wilayah mancapai 2.335,33 km² dan jumlah panduduak sakitar 195.111 jiwa (2017) sarato kapadatan panduduak 84 jiwa/km².[6][7]
Daftar kecamatan dan kelurahan di Kabupaten Humbang Hasundutan, adolah sabagai barikuik:
| Kode Kemendagri | Kecamatan | Jumlah Kelurahan | Jumlah Desa | Status | Daftar Desa/Kelurahan |
|---|---|---|---|---|---|
| 12.16.03 | Bakti Raja | 7 | Desa | ||
| 12.16.06 | Dolok Sanggul | 1 | 27 | Desa | |
| Kelurahan | |||||
| 12.16.05 | Lintong Nihuta | 22 | Desa | ||
| 12.16.08 | Onan Ganjang | 12 | Desa | ||
| 12.16.09 | Pakkat | 22 | Desa | ||
| 12.16.04 | Paranginan | 11 | Desa | ||
| 12.16.01 | Parlilitan | 20 | Desa | ||
| 12.16.02 | Pollung | 13 | Desa | ||
| 12.16.07 | Sijama Polang | 10 | Desa | ||
| 12.16.10 | Tara Bintang | 9 | Desa | ||
| TOTAL | 1 | 153 |
Panduduak
Panduduak Humbang Hasundutan manuruik Sensus Panduduak 2020 mancapai 191.175 jiwa. DIbandiangkan jo hasia Sensus Panduduak 2010, panduduaknyo maalami patumbuahan sabanyak 1,38%. Samantaro itu, kapadatan panduduak di Humbang Hasundutan pado 2020 mancapai 79,01 jiwa/km2. Kecamatan nan paliang padek yaitu Kecamatan Baktiraja nan mancapai 339,62 jiwa/km2, sadangkan nan randah ado di Kecamatan parlilitan sabanyak 27,33 jiwa/km2.[10]
Agamo
Agamo nan paliang banyak dianuik panduduak Humbang Hasundutan adolah agamo Protestan. Manuruik catatan Dukcapil Kementerian Dalam Negeri 2021, panduduak Humbang Hasundutan nan baragamo Protestan mancapai 171.092 urang. Samantaro agamo lain nan dianuik panduduak Humbang Hasundutan adolah Katolik sabanyak 26.297 jo Islam sabanyak 6.337 urang.[16]
Etnis
Mayoritas panduduak Humbang Hasundutan adolah urang Batak. Ado duo rumpun Batak nan taseba di Humbang Hasundutan, yaitu Batak Toba jo Pakpak.[17] Urang Batak Toba taseba di ampia sadoalah kecamatan di Humbang Hasundutan. Samantaro urang Pakpak, utamonyo dari suak Kelasen, taseba di Kecamatan Parlilitan.[18][19]
