Kabupaten Lahat

Bateh Wilayah

Sakitar taun 1830 pado maso Kasultanan Palembang, alah ado sistem pamarintahan marga di wilayah nan kini tamasuak Kabupaten Lahat. Marga-marga tasabuik tabantuak dari sumbai-sumbai ado suku-suku nan ado pado wakatu itu cando Lematang, Besemah, Lintang, Gumai, Tebing Tinggi, jo Kikim. Marga ikolah nan manjadi asa mulo adonyo pamarintahan di Kabupaten Lahat.

Pado maso Inggirih bakuaso di Indonesia, sistem marga tatap ado. Inggo pado maso Ulando tibo, sasuai kapantingannyo, pamarintahan di Lahat tabagi dalam afdeling (karesidenan) jo onderafdeling (kawedanan). Dari 7 afdeling nan ado di Sumatera Selatan, di Kabupaten Lahat ado 2 afdeling, yaitu afdeling Tebing Tinggi jo 5 daerah onderafdeling, sarato afdeling Lematang Ulu, Lematan Ilir, Kikim, jo Besemah nan mampunyoi 4 onderafdeling. Pado 20 Mei 1869, afdeling Lematang Ulu, Lematang Ilir, Kikim, jo Besemag baribu kota di Lahat nan dipimpin dek PP Ducloux, jo posisi marga sabagai bagian dari afdeling. Tanggal iko kudian ditatapkan sabagai ari jadi Kabupaten Lahat sasuai Keputusan Gubernur Kepala Daerah Tingkat I Sumatera Selatan No. 008/SK/1998 tanggal 6 Januari 1988.

Masuaknyo tantara Japang pado taun 1942, afdeling nan dibantuak Ulando diubah namonyo manjadi sidokan. Sidokan dipimpin dek urang satampek ateh panunjuakkan pamarintah militer Japang jo namo Gunco jo Fuku Gunco. Salapeh kamardekaan, Kabupaten Lahat manjadi salah satu kabupaten di Provinsi Sumatera Selatan manuruik UU No. 22 Tahun 1948, Keppres No. 141 Tahun 1950, Perpu No. 3 Tahun 1950 tanggal 14 Agustus 1950. Kabupaten Lahat dipimpin dek R. Sukarta Marta Atmajaya.

Daftar Bupati

Artikel utamo untuak bagian ko adolah: Daftar Bupati Lahat

No	Bupati			Mulai Jabatan	Akhia Jabatan	Prd.	Ket.	Wakil Bupati
1			Muhammad Oemar	1954	1960	1
2			H. Taslim Ibrahim	1960	1965	2
3			Mgs H.A. Rachman (Tjek Ketjik)	1965	1966	3
4			Muhammad Sohan	1966	1966	4
5			Sofyan Kasim	1966	1967	5
6			H. M. Oemar Kanada	1967	1968	6
7			H. Muchtar Madjid	1968	1972	7
8			Drs. H. Sued Tamam	1972	1973	8
9			H. Abdul Lani	1973	1978	9
10			H. Zainal Anwar	1978	1983	10
11			A. Malik Sukmadi	1983	1988	11
12			Drs. H. M. Kafrawi Rahim	1988	1993	12
13			Drs. H. Solichin Daud	1993	1998	13
14			Drs. H. Harunata M.M.	1998	2003	14	[3]	Yulizar Dinoto
				2003	2008	15		Zubir Ali
15			H. Saifudin Aswari Rivai S.E.	2008	2013	16		Sukadi Duadji
				2013	2018	17	[Ket. 1]	Marwan Mansyur
16			Marwan Mansyur S.H., M.M.	21 September 2018	9 Desember 2018		[4]
17			Cik Ujang S.H.	9 Desember 2018	Petahana	18		Haryanto
Catatan

Dewan Perwakilan

Artikel utamo untuak bagian ko adolah: Dewan Perwakilan Rakyat Daerah Kabupaten Lahat

Barikuik iko adolah komposisi anggota DPRD Kabupaten Lahat dalam duo periode tarakhia.^[5][6]

Partai Politik	Jumlah Kurisi dalam Periode
	2014-2019	2019-2024
PKB	3	▲ 4
Gerindra	4	▲ 6
PDI Perjuangan	6	▼ 4
Golkar	5	5
NasDem	4	▼ 2
PKS	1	1
Perindo		(baru) 2
PPP	3	▲ 4
PAN	3	3
Hanura	3	▼ 2
Demokrat	4	▲ 6
PBB	3	▼ 1
PKPI	1	▼ 0
Jumlah Anggota	40	40
Jumlah Partai	12	12

Kecamatan

Artikel utamo untuak bagian ko adolah: Daftar kecamatan dan kelurahan di Kabupaten Lahat

Kabupaten Lahat dibagi manjadi 22 kecamatan jo 527 kelurahan/desa (14 kelurahan, 509 desa definitif, 4 desa persiapan).

1. Gumay Ulu
2. Tanjung Tebat
3. Jarai
4. Kikim Barat
5. Kikim Selatan
6. Kikim Tengah
7. Kikim Timur
8. Kota Agung
9. Lahat
10. Merapi Barat
11. Merapi Timur
12. Merapi Selatan
13. Mulak Ulu
14. Pajar Bulan
15. Muara Payang
16. Gumay Talang
17. Pulau Pinang
18. Tanjung Sakti Pumu
19. Tanjung Sakti Pumi
20. Pseksu
21. Suka Merindu
22. Pagar Gunung

Manuruik Sensus Panduduak 2020, panduduak Kabupaten Lahat bajumlah 430.071 jiwa jo patumbuahan panduduak dalam 10 taun tarakhia adolah 1,47%. Kapadatan panduduak di Kabupaten Lahat mancapai 98,60 jiwa/km2. Kapadatan panduduak paliang tinggi ado di Kecamatan Lahat nan mancapai 999,13 jiwa/km2, sadangkan kapadatan paliang randah ado di Kecamatan Pseksu nan mancapai 33,58 jiwa/km2.^[7]

Agamo

Mayoritas panduduak Kabupaten Lahat maanuik agamo Islam nan mancapai 98,04% populasi. Samantaro agamo lain nan dianuik panduduak Lahat di antaronyo Protestan 0,45%, Katolik 0,73%, Hindu 0,33%, jo Buddha 0,45%.^[7]

Etnis

Panduduak Lahat acok manyabuik dirinyo sabagai Jeme Lahat atau Urang Lahat. Urang Lahat asali barasa dari babarapo etnis nan manuruik sastra lisan asa mulonyo dari niniak muyang nan samo. Etnis-etnis itu disabuik sabagai Lekipali, disingkek dari Lematang, Kikim, Pasemah (Besemah), jo Lintang. Salain itu, ado pulo etnis Semendo nan marupokan etnis nan barasa dari Muara Enim. Urang Semendo manuruik sastra lisannyo juo masih sakaturunan jo urang Lahat.^[8][9][10]

Etnis lain nan mauni Lahat adolah urang Jao. Urang Jao mulonyo tibo ka Lahat dek program transmigrasi dari pamarintah. Salain itu, etnis-etnis pandatang lainnyo nan mauni Lahat antaro lain Malayu Palembang, Minang, Batak, jo Cino.^[8]

Bahaso

Bahaso nan dipakai dek urang Lahat adolah bahaso Besemah. Bahaso Besemah marupokan bahaso nan tamasuak dalam rumpun bahaso Malayu Tangah nan dipakai sacaro laweh di barat Sumatera Selatan jo Bengkulu. Bahaso Besemah Lahat atau nan dek urang satampek disabuik base Lahat (baso Lahat) mampunyoi babarapo dialek, yaitu Saling, Kikim, Muara Pinang, jo Lematang.^[8] Bahaso Besemah Lahat jikok dibandiangkan jo bahaso lain di Sumatera Selatan, masih bakarabaik jo bahaso Malayu Palembang sabanyak 79,5%. Samantaro jo bahaso Kayuagung (Komering) sabanyak 56%.^[11]

Bahaso lain nan dipagunokan jo panduduak Lahat adolah bahaso Semendo atau Semende. Bahaso iko dipagunokan di antaro panduduak nan urang Semendo.^[8] Salain bahaso etnisnyo, urang Lahat mangecek juo jo bahaso Palembang. Bahaso Palembang marupokan basantara di antaro panduduak Sumatera Selatan nan baragam.^[8]

Bukik Serelo

Bukik Serelo talatak di Desa Perangai, Kabupaten Lahat. Bukik Serelo marupokan markah tanah Kabupaten Lahat. Bukik Serelo disabuik juo jo julukan Gunuang Jempol dek bantuaknyo saroman ampo jari tangan manusia. Panorama sakitarannyo manjadi tampek raun dan di kaliliangi Batang Lematang. Bukik Sarelo tamasuak dari gugusan Bukik Barisan nan marupokan gugusan bukik paliang panjang di Sumatera.