Kota Bekasi
Bekasi (pangucapan bahaso Indonesia: [ˈbɛkasi]) adolah kota di Jawa Barat, Indonesia, talatak babatehan lansuang jo timur Jakarta. Kota ko marupokan kota satelit nan tamasuak dalam area Metropolitan Jakarta (Jabodetabek), walau baitu kota ko mampunyoi banyak industri padagangan, bisnis, jo pangolahan nan tanamo. Bekasi marupokan kota tapadek panduduak katigo di Indonesia, jo 2,93 juta panduduak pado area salaweh 210.49 kilometer persegis (81.27 sq mi).[2] Kota Bekasi babatehan lansuang jo Kabupaten Bekasi pado sisi utara jo timurnyo, Kabupaten Bogor jo Depok pado sisi selatan, sarato Jakarta Timur di baratnyo. Kota ko juo marupokan kota satelit Jakarta paliang padek panduduak, dan salah satu tapadek di dunia, sasudah kota Incheon jo Yokohama.
| Bekasi | ||
|---|---|---|
| Kota Bekasi | ||
 Dari ateh ka tangah kanan saarah jarum jam; Ateh: Stadion Patriot Chandrabhaga, Tangah-kanan Simpang Bekasi, Bawah-kiri jo kanan: Gaduang-gaduang Mall, Tangah-kiri: Kota Pekayon | ||
| ||
| Semboyan: Bekasi Maju, Sejahtera dan Ihsan | ||
 Lokasi di Jawa Barat | ||
| Nagara |  Indonesia | |
| Provinsi |  Jawa Barat | |
| Pamarintahan | ||
| • Walikota | Rahmat Effendi[1] | |
| • Wakia Walikota | Tri Adhianto | |
| Laweh | ||
| • Total | 210,49 km2 (8,127 sq mi) | |
| Katinggian | 11–81 m (36–265 ft) | |
| Panduduak (2018) | ||
| • Total | 2.931.897 | |
| • Kapadatan | 140/km2 (360/sq mi) | |
| Zona wakatu | Wakatu Indonesia Barat (UTC+7) | |
| Kode are | (+62) 21 | |
| Plat nomor | B | |
| Situs web | bekasikota.go.id | |
Bekasi adolah salah satu kota tatuo di Indonesia, dan punyo sijarah subagai ibukota Karajaan Tarumanagara. Sangkek maso tu, Bekasi banamo Dayeuh Sundasembawa. Bukti paliang awa iyolah alah ado sajak abaik ka-5 manuruik Batu Basurek Tugu.[3] Sabagai kota unian, banyak area manangah-ateh dikambangkan di Bekasi,[4] langkok jo pusek pabalanjoan, sikolah, rumah sakik, rumah klub, taman aia, jo halte layanan bus ka pusek Jakarta. Banyak juo parusaoan-parusaoan multinasional di siko, nan mamikek banyak ekspatriat untuak tingga di Bekasi (sarupo urang Japang jo urang Korea).[5]
Pamarintahan
Kecamatan
Kecamatan di Kota Bekasi di antaronyo:
- Bantar Gebang
- Bekasi Barat
- Bekasi Selatan
- Bekasi Timur
- Bekasi Utara
- Jatiasih
- Jatisampurna
- Medan Satria
- Mustika Jaya
- Pondok Gede
- Pondok Melati
- Rawalumbu
Panduduak
Manuruik sensus taun 2010, kecamatan Bekasi Utara marupokan wilayah jo tingkek kapadatan tatinggi di Kota Bekasi, yakni sagadang 12.237 jiwa/km² jo kecamatan Bantar Gebang jo kapadatan 4.310 jiwa/km² manjadi nan tarandah.[6] Samantaro pancari karajo di kota ko didominasi dek tamatan SMA atau sederajat, yakni sakitar 65,6% dari total pancari karajo tadaftar.[7]
Sabagai kawasan unian masyarakaik urban, Bekasi banyak mambangun kota-kota mandiri, di antaronyo Kota Harapan Indah, Kemang Pratama, jo Galaxi City. Salain itu pangambang Summarecon Agung juo mambangun kota mandiri Summarecon Bekasi salaweh 240 ha di kecamatan Bekasi Utara.[8] Sairiang jo maningkeknyo jumlah masyarakaik kelas manangah ka ateh, Bekasi pun gigiah malakukan pambangunan apartemen jo pusek pabalanjoan mewah.
Kasehatan
Kota Bekasi mampunyoi 31 Puskesmas nan taseba di wilayahnyo[9]. Salain itu kota Bekasi juo maluncuakan Kartu Bekasi Sehat (KBS) nan dibagikan kapado warga nan kurang mampu[10]. Salain itu ado sajumlah rumah sakik gadang di kota Bekasi sarupo Rumah Sakik Umum Daerah Kota Bekasi[11] jo Rumah Sakik Mitra Keluarga[12].
Rujuakan
Pautan lua
| Ado kategori tantang Kota Bekasi di Wikimedia Commons |
Wikidata: Bekasi (city)
Caliak panduan wisata Kota Bekasi di Wikivoyage
- (Indonesia) web site Pemkot Bekasi
