Malta
Malta atau sacaro rasmi Republik Malta (bahaso Malta: Repubblika ta' Malta), adolah nagara pulau di Eropa Selatan, nan talatak di Lauik Mediterania. Nagara ko tadiri dari sabuah kapulauan, antaro Itali jo Libya.[1] Itu talatak 80 km (50 mil) selatan Sisilia (Italia), 284 km (176 mil) timur Tunisia,[2] dan 333 km (207 mil) utara Libya.[3]
Politik Malta barado dalam karangko republik demokrasi perwakilan parlementer, dima Presiden sabagai kapalo nagara. Sistem parlementer jo administrasi publiknyo sarupo jo sistem Westminster.[4] Kuaso eksekutif barado ditangan presiden jo arahan umum sarato kendali pamarentahan tatap barado ditangan Pardana Mantari nan manjadi kapalo pamarentahan jo kabinet. Parlemen unikameral tadiri dari presiden jo Dewan Perwakilan Rakyat (bahaso Malta: Kamra tad-Deputati) nan punyo 65 anggota, dipiliah untuak maso jabatan limo tahun.[4]
Manuruik sensus tahun 2021, panduduak Malta mancapai 519.562 jiwa,[5] maningkek dibandiangan tahun 2011 nan dipakiroan bajumlah 408.000 jiwa. Panduduak asli Malta marupokan mayoritas pulau. Namun, ado minoritas, nan tagadang adolah urang Inggirih, banyak diantaronyo pensiunan.[6]
