എം.എ. ബേബി

1954 ഏപ്രിൽ 5 നു ജനിച്ചു. അദ്ധ്യാപകനായിരുന്ന കുന്നത്ത്‌ പി.എം. അലക്സാണ്ടറുടെയും ലില്ലിയുടെയും എട്ടു മക്കളിൽ ഇളയവൻ. പ്രാക്കുളം എൻ.എസ്‌.എസ്‌. ഹൈസ്കൂൾ, കൊല്ലം എസ്‌.എൻ.കോളജ്‌ എന്നിവിടുങ്ങളിൽ വിദ്യാഭ്യാസം.

കേരള സ്റ്റുഡന്റ്സ് ഫെഡറേഷനിലൂടെ കേരള രാഷ്ട്രീയത്തിൽ പ്രവേശിച്ച ബേബി എസ്.എഫ്.ഐ, ഡെമോക്രാറ്റിക് യൂത്ത് ഫെഡറേഷൻ ഓഫ് ഇന്ത്യ, സി.പി.ഐ.(എം), എന്നീ സംഘടനകളിൽ പ്രവർത്തിച്ചിട്ടുണ്ട്. അദ്ദേഹം അടിയന്തരാവസ്ഥക്കാലത്ത് ജയിൽ‌വാസം അനുഭവിച്ചു. 32-ആം വയസ്സിൽ രാജ്യസഭാംഗമായ ബേബി രാജ്യസഭയിലേക്കു തിരഞ്ഞെടുക്കപ്പെടുന്ന ഏറ്റവും പ്രായം കുറഞ്ഞ ആൾക്കാരിൽ ഒരാളാണ്.^{[അവലംബം ആവശ്യമാണ്]} സി.പി.എം കേന്ദ്ര കമ്മിറ്റിയിലും സംസ്ഥാന സെക്രട്ടറിയേറ്റിലും അംഗമായിരുന്നു. കുണ്ടറയിൽ നിന്ന് 2006-ൽ ആദ്യമായി കേരള നിയമസഭയിലേക്ക് തിരഞ്ഞെടുക്കപ്പെട്ടു. ^[1]

1986 ലും 1992 ലും രാജ്യസഭാംഗം. ക്യൂബൻ ഐക്യദാർഢ്യ സമിതിയുടെ സ്ഥാപക കൺവീനറായിരുന്നു. ഡൽഹി കേന്ദ്രമായി സ്വരലയ എന്ന കലാസാംസ്കാരിക സംഘടന രൂപവത്കരിക്കുന്നതിൽ മുൻ‌കയ്യെടുത്തു.

• 2012-തുടരുന്നു : പൊളിറ്റ് ബ്യൂറോ അംഗം, സി.പി.എം
• 2011 : നിയമസഭാംഗം, കുണ്ടറ
• 2006-2011 : സംസ്ഥാന വിദ്യാഭ്യാസ വകുപ്പ് മന്ത്രി
• 2006 : നിയമസഭാംഗം, കുണ്ടറ
• 2002-2004 : സി.പി.എം, ആലപ്പുഴ ജില്ലാ സെക്രട്ടറി
• 1997 : സംസ്ഥാന സെക്രട്ടേറിയറ്റ് അംഗം, സി.പി.എം
• 1992-1998 : രാജ്യസഭാംഗം, കേരളം (2)
• 1992 : കേന്ദ്ര സെക്രട്ടേറിയറ്റ് അംഗം, സി.പി.എം
• 1989 : കേന്ദ്രക്കമ്മറ്റി അംഗം, സി.പി.എം.
• 1987 : അഖിലേന്ത്യ പ്രസിഡൻ്റ്, ഡി.വൈ.എഫ്.ഐ
• 1986-1992 : രാജ്യസഭാംഗം, കേരളം (1)
• 1984 : സി.പി.എം സംസ്ഥാന സമിതി അംഗം
• 1983 : അഖിലേന്ത്യ ജോയിൻ്റ് സെക്രട്ടറി, ഡി.വൈ.എഫ്.ഐ
• 1979 : അഖിലേന്ത്യ പ്രസിഡൻ്റ്, എസ്.എഫ്.ഐ
• 1977 : സി.പി.എം, കൊല്ലം ജില്ലാക്കമ്മറ്റിയംഗം
• 1975 : സംസ്ഥാന പ്രസിഡൻ്റ്, എസ്.എഫ്.ഐ
• 1974 : കേന്ദ്ര എക്സിക്യൂട്ടീവ് അംഗം, എസ്.എഫ്.ഐ

• 1992-1998 : സി.പി.ഐ.എം., എൽ.ഡി.എഫ്.
• 1986-1992 : സി.പി.ഐ.എം., എൽ.ഡി.എഫ്.

കൈരളി ടി.വിയിൽ ഉദ്യോഗസ്ഥയായ ബെറ്റി ലൂയിസ്‌ ആണ് ഭാര്യ. മകൻ: അശോക്‌

• നോം ചോംസ്കി: നൂറ്റാണ്ടിന്റെ മനഃസാക്ഷി
• നൂറ്റാണ്ടുകളിലെ ലോക യുവജനപ്രസ്ഥാനം

• 
• 
• 
  കാക്കനാടൻ അനുസ്മരണം 2022

M. A. Baby എന്ന വിഷയവുമായി ബന്ധപ്പെട്ട ചിത്രങ്ങൾ വിക്കിമീഡിയ കോമൺസിലുണ്ട്.