എൻ. സുന്ദരൻ നാടാർ

തിരുവനന്തപുരം ജില്ലയിൽ ചെങ്കൽ ഗ്രാമത്തിൽ ജെ. നല്ലതമ്പി നാടാരിന്റേയും ലക്ഷ്മിയുടേയും മകനായി 1931 സെപ്റ്റംബർ 10 ന് ജനിച്ചു. 2007 ജനുവരി 21 ന് അന്തരിച്ചു. ^[1]

സ്കൂൾ വിദ്യഭ്യാസ കാലത്ത് തന്നെ രാഷ്ട്രീയപ്രവർത്തനം തുടങ്ങിയ അദ്ദേഹം 1954-ൽ സർക്കാർ ജോലിയിൽ ഗ്രാമ സേവകായി സേവനം അനുഷ്ഠിച്ചു. 1960-ൽ ജോലി രാജി വെച്ചതിനുശേഷം കമ്യൂണിസ്റ്റ് പാർട്ടിയിൽ അംഗമായി 1964 വരെ പ്രവർത്തിച്ചു. അതിനുശേഷം കോൺഗ്രസിൽ ചേർന്ന് പ്രവർത്തനം തുടങ്ങിയ അദ്ദേഹം ബ്ലോക്ക് പ്രസിഡന്റ്, ജില്ലാ കോൺഗ്രസ് കമ്മിറ്റി അംഗം, കെ.പി.സി.സി അംഗം എന്ന നിലയിൽ പ്രവർത്തിച്ചിട്ടുണ്ട്. ^[2]

• 1980 - പാറശ്ശാല നിയമസഭാ മണ്ഡലത്തിൽ നിന്ന് വിജയിച്ചു.
• 1982 - പാറശ്ശാല നിയമസഭാ മണ്ഡലത്തിൽ നിന്ന് വിജയിച്ചു. ഈ കാലയളവിൽ കരുണാകരൻ മന്ത്രിസഭയിൽ 1983 സെപ്റ്റംബർ ഒന്ന് മുതൽ 1987 മാർച്ച് 25 വരെ ട്രാൻസ്പോർട്ട്, റൂറൽ വികസനം, കൃഷി വകുപ്പുകളുടെ മന്ത്രിയായി സേവനം അനുഷ്ഠിച്ചിട്ടുണ്ട്.
• 1993-1996 - ചെയർമാൻ, KELPAM
• 1996 - പാറശ്ശാല നിയമസഭാ മണ്ഡലത്തിൽ നിന്ന് വിജയിച്ചു.
• 2001 - പാറശ്ശാല നിയമസഭാ മണ്ഡലത്തിൽ നിന്ന് വിജയിച്ചു. 2001 ജൂലായ് നാലിന് ഡെപ്യൂട്ടി സ്പീക്കറായി അധികാരം ഏറ്റെടുത്ത അദ്ദേഹം 2004 സെപ്റ്റംബർ 5 മുതൽ 2004 സെപ്റ്റംബർ 15 വരെ വക്കം പുരുഷോത്തമൻ രാജിവെച്ച സമയത്ത് സ്പീക്കറുടെ ചുമതലയേറ്റെടുത്തിരുന്നു.

കെ. ബേബി സരോജമാണ് ഭാര്യ. കുട്ടികൾ മൂന്ന്, രണ്ട് ആണും ഒരു പെണ്ണൂം