കളത്തിൽ വേലായുധൻ നായർ

സ്വാതന്ത്ര്യസമര സേനാനി, രാഷ്ട്രീയനേതാവ്, അഭിഭാഷകൻ, സാമൂഹിക പരിഷ്കർത്താവ്, തിരു-കൊച്ചി മന്ത്രി, എൻ.എസ്.എസ്. പ്രസിഡന്റ് എന്നീ നിലകളിൽ അറിയപെടുന്ന ഒരു ഇന്ത്യൻ നേതാവായിരുന്നു കളത്തിൽ വേലായുധൻ നായർ(ജനനം: 1912, ജനുവരി 9 - മരണം: 1976, സെപ്റ്റംബർ 1).^[1][2] 1952-ൽ തിരു-കൊച്ചി സംസ്ഥാന മന്ത്രിസഭയിലേക്കു തിരഞ്ഞെടുക്കപ്പെടുകയും വൈദ്യുതി, പൊതുമാരാമത്ത്, ഗതാഗതം എന്നീ വകുപ്പുകളിലെ മന്ത്രിയായിരുന്നു. നായർ സർവീസ് സൊസൈറ്റിയുടെ പതിനാറാമത്തെ പ്രസിഡന്റും, എൻ.ഡി.പി.യുടെ ആദ്യ പ്രസിഡന്റുമാണ് കളത്തിൽ വേലായുധൻ നായർ. കേരള ലോ അക്കാദമിയുടെ സ്ഥാപകരിൽ ഒരാളാണ് ഇദ്ദേഹം. കേരളാ ഹൈക്കോടതിയിലെ മുതിർന്ന അഭിഭാഷകനായിരുന്നു.^[3] കേരളാ യൂണിവേഴ്സിറ്റി സെനറ്റംഗം, സിൻഡിക്കേറ്റംഗം എന്നി നിലകളിലും പ്രശസ്തനായിരുന്നു ഇദ്ദേഹം.