കെ.പി. വിശ്വനാഥൻ

തൃശൂർ ജില്ലയിലെ കുന്നംകുളം താലൂക്കിൽ കല്ലായിൽ പാങ്ങൻ്റെയും പാറുക്കുട്ടിയുടേയും മകനായി 1940 ഏപ്രിൽ 22ന് ജനിച്ചു. പ്രാഥമിക വിദ്യാഭ്യാസത്തിന് ശേഷം തൃശൂർ കേരള വർമ്മ കോളേജിൽ നിന്ന് ബിരുദം നേടി. ഒരു അഭിഭാഷകൻ കൂടിയാണ് കെ.പി. വിശ്വനാഥൻ.^[7]

യുവജന സംഘടനയായ യൂത്ത് കോൺഗ്രസ് വഴിയാണ് രാഷ്ട്രീയ പ്രവേശനം. 1967 മുതൽ 1970 സംഘടനയുടെ തൃശൂർ ജില്ലാ പ്രസിഡൻറായിരുന്നു.

പ്രധാന പദവികൾ

• 1970-1987 തൃശൂർ ഡി.സി.സി. സെക്രട്ടറി
• 1971-1980 കെ.പി.സി.സി നിർവാഹക സമിതി, തിരഞ്ഞെടുപ്പ് സമിതി, ഖാദി ബോർഡ് അംഗം
• 1971-1975 കെ.എസ്.ആർ.ടി.സി. ഡയറക്ടർ ബോർഡ് അംഗം
• 1972 പ്രസിഡൻറ്, തൃശൂർ ജില്ലാ സഹകരണ ബാങ്ക്, സംസ്ഥാന തെങ്ങ് കർഷക ഫെഡറേഷൻ
• 1972 മുതൽ കെ.പി.സി.സി. അംഗം
• 1972-1984 സംസ്ഥാന സഹകരണ യൂണിറ്റ്, മാനേജിംഗ് കമ്മിറ്റി അംഗം
• 1974- 1988 സംസ്ഥാന സഹകരണ ബാങ്ക് ഡയറക്ടർ
• 1980 സെക്രട്ടറി, കോൺഗ്രസ് പാർലമെൻററി പാർട്ടി
• 1977, 1980 നിയമസഭാംഗം കുന്നംകുളം
• 1987, 1991, 1996, 2001 നിയസഭാംഗം കൊടകര
• 1991-1994 , 2004-2005 സംസ്ഥാന വനം വകുപ്പ് മന്ത്രി

^[8][9]

2006, 2011 നിയമസഭ തിരഞ്ഞെടുപ്പുകളിൽ കൊടകരയിൽ നിന്ന് മത്സരിച്ചെങ്കിലും സി.പി.എമ്മിലെ സി.രവീന്ദ്രനാഥിനോട് പരാജയപ്പെട്ടു^[10][11]കെ.പി.സി.സി. നിർവാഹക സമിതി മുൻ അംഗമായിരുന്നു.

മറ്റ് പദവികൾ

• പ്രസിഡൻ്റ്
• അളകപ്പ നഗർ ടെക്സ്റ്റൈൽ വർക്കേഴ്സ് കോൺഗ്രസ്
• കേരള ഫോറസ്റ്റ് റിസർച്ച് ഇൻസ്റ്റിറ്റ്യൂട്ട്, ഐ.എൻ.ടി.യു.സി.
• കീച്ചേരി, നാഷണൽ ഹെഡ്ലോഡ് & ജനറൽ വർക്കേഴ്സ് യൂണിയൻ
• പ്രിയദർശിനി സഹകരണ ആശുപത്രി, കീച്ചേരി
• സംസ്ഥാന തെങ്ങ് കർഷക ഫെഡറേഷൻ
• തൃശൂർ, താലൂക്ക് സഹകരണ വിദ്യാഭ്യാസ സൊസൈറ്റി

വാർധക്യ സഹജമായ അസുഖങ്ങൾക്ക് ചികിത്സയിലിരിക്കവെ 2023 ഡിസംബർ 15 ന് രാവിലെ 9:30 മണിക്ക് അന്തരിച്ചു.^[12]