ചിറയിൻകീഴ്

തിരുവനന്തപുരം വിമാനത്താവളമാണ് ഏറ്റവും അടുത്തുള്ള വിമാനത്താവളം. ചിറയിൻ‌കീഴ് റെയിൽ‌വേസ്റ്റേഷൻ കൊല്ലം-തിരുവനന്തപുരം റെയിൽ പാതയിലാണ്. കൊല്ലം, ആറ്റിങ്ങൽ, തിരുവനന്തപുരം, കണിയാപുരം എന്നിവിടങ്ങളിൽ നിന്ന് ചിറയൻ‌കീഴിലേക്ക് യാത്രാബസ്സുകൾ ഓടുന്നുണ്ട്.

ശാർക്കരദേവി ക്ഷേത്രവും വർക്കല കടപ്പുറവുമാണ് ചിറയിൻ‌കീഴിന്റെ പ്രധാന ആകർഷണങ്ങൾ. മാർച്ച്-ഏപ്രിൽ മാസങ്ങളിലായി 10 ദിവസം നീണ്ടുനിൽക്കുന്ന ശാർക്കര ഭരണി ഉത്സവം ഒരു വലിയസംഘം ഭക്തജനങ്ങളെ ആകർഷിക്കുന്നു. കേരളത്തിലെ ചുരുക്കം ക്ഷേത്രങ്ങളിൽ മാത്രം നടന്നു വരുന്ന കാളിയൂട്ട് എന്ന ക്ഷേത്ര ആചാരം (അടിസ്‌ഥാന കല), ശാർക്കരദേവീ ക്ഷേത്രത്തിലെ പ്രത്യേകതയായി ഏല്ലാ വർഷവും നടന്നുവരുന്നു.

• പ്രേംനസീർ,
• ഭരത് ഗോപി
• ജി. ശങ്കരപ്പിള്ള
• എട്ടുവീട്ടിൽ പിള്ളമാരുടെ ജന്മനാട് ( മതിലകം രേഖകളിൽ)

ചിറയിൻകീഴ് ശാർക്കര ദേവീക്ഷേത്രത്തിന് നാല് കിലോമീറ്റർ അകലെയായാണ് പ്രശസ്തമായ മുതലപ്പൊഴി ഫിഷിങ് ഹാർബർ സ്ഥിതി ചെയ്യുന്നത്, അത് പോലെ തന്നെ നാല് കിലോമീറ്റർ മാത്രം അകലെയായി ചിറയിൻകീഴ് മുരുക്കുമ്പുഴ റോഡിനോടടുത്തായാണ് പ്രദേശത്തെ ഏറ്റവും വലിയ അഗ്നിക്കാവടി അഭിഷേകം നടക്കുന്ന പെരുങ്ങുഴി ശ്രീ രാജ രാജേശ്വരി ക്ഷേത്രം സ്ഥിതി ചെയ്യുന്നതും.

തിരുവനന്തപുരം ജില്ലയുടെ ഭൂമിശാസ്ത്രവുമായി ബന്ധപ്പെട്ട ഈ ലേഖനം അപൂർണ്ണമാണ്‌. ഇതു വികസിപ്പിക്കുവാൻ സഹായിക്കുക.