പോപ്പ്! ഓഎസ്

പോപ്പ്!_ഒഎസ് പ്രാഥമികമായി സ്വതന്ത്ര സോഫ്റ്റ്‌വെയർ ഉപയോഗിക്കുന്നു, വൈഫൈ, ഡെഡികേറ്റഡ് ഗ്രാഫിക് കാർഡിന്, എന്നിവയുടെ ഹാർഡ്‌വെയർ ഡ്രൈവറുകൾ, മീഡിയ കോഡെക്കുകൾ എന്നിവയ്ക്കായി ചില കുത്തക സോഫ്റ്റ്വെയർ ഉപയോഗിക്കുന്നു. ലിബ്രെ ഓഫീസ്, ഫയർഫോക്സ്, ഗിയറി എന്നിവയുൾപ്പെടെ നിരവധി സോഫ്റ്റ്വെയറുകളുമായാണ് ഇത് വരുന്നത്. പാക്കേജ് മാനേജർ ഉപയോഗിച്ച് അധിക സോഫ്റ്റ്വെയർ ഡൌൺലോഡ് ചെയ്യാൻ കഴിയും. ^[5]

പോപ്പ്!_ഒഎസ് അതിന്റെ പാക്കേജ് മാനേജരായി ആപ്റ്റ് ഉപയോഗിക്കുന്നു, തുടക്കത്തിൽ സ്നാപ്പുകളോ ഫ്ലാറ്റ്പാക്കോ ഉപയോഗിച്ചിരുന്നില്ല, എന്നാൽ 20.04 LTS പതിപ്പിൽ ഫ്ലാറ്റ്പാക്ക് പിന്തുണ ചേർത്തു. റെപ്പോസിറ്ററീസ് എന്നു വിളിക്കുന്ന ഓൺലൈൻ സ്രോതസ്സുകളിൽ നിന്നുമാണ് പ്രധാനമായും ആപ്ലിക്കേഷനുകൾ ഇൻസ്റ്റോൾ ചെയ്യുക. സോഫ്റ്റ്വെയർ പാക്കേജുകൾ ഉബുണ്ടു റെപ്പോസിറ്ററികളിൽ നിന്നും പോപ്പ്!_ഒഎസ് ന്റെ സ്വന്തം റെപ്പോസിറ്ററികളിൽ നിന്നും ഡൌൺലോഡ്  ചെയ്ത് ഇൻസ്റ്റാൾ ചെയ്യുവാൻ സാധിക്കും. പോപ്പ്!_ഒഎസ് മാറ്റം വരുത്തിയ തീം ഉള്ള ഗ്നോം ഷെൽ ഇന്റർഫേസ് ആണ് ഉപയോഗിക്കുന്നത്. ^[8][9]

ഇരട്ട ജിപിയു ലാപ്ടോപ്പുകളിൽ വ്യത്യസ്ത വീഡിയോ മോഡുകൾ തമ്മിൽ മാറുന്നതിന് ഗ്നോം സിസ്റ്റം മെനുവിൽ ഒരു ജിയുഐ ടോഗിൾ ഉണ്ട്. മൂന്ന് ഡിസ്പ്ലേ മോഡുകൾ ഇവയാണ്: ഹൈബ്രിഡ്, ഡിസ്ക്രീറ്റ്, ഐജിപിയു മാത്രം. ഇന്റൽ ക്ലിയർ ലിനക്സ് വിതരണത്തിൽ നിന്ന് വികസിപ്പിച്ചെടുത്ത ഒരു പവർ മാനേജുമെന്റ് പാക്കേജ് ഉണ്ട്. ^[10][5] പോപ്പ്!_ഒഎസ് ഡിസ്പ്ലേ മാനേജർ ആയി എക്സ്.ഓർഗ് ഉപയോഗിക്കുന്നു. വേലാൻഡിലേക്ക് ഡിസ്പ്ലേ മാനേജർ ആവശ്യം എങ്കിൽ ഇൻസ്റ്റാൾ ചെയ്യാവുന്നതാണ്. പ്രൊപ്രൈറ്ററി ഡിവൈസ് ഡ്രൈവറുകൾക്ക്, പ്രത്യേകിച്ച് എൻ‌വിഡിയയ്‌ക്ക് വെയ്‌ലാൻഡിന് പിന്തുണയില്ല, അതേസമയം എക്സ്.ഓർഗ്ഗിനെ പിന്തുണയ്‌ക്കുന്നു. മികച്ച പ്രകടനത്തിനും ജിപിയു സ്വിച്ചിംഗിനും എൻവിഡിയ പ്രൊപ്രൈറ്ററി ഡ്രൈവറുകളുടെ ഉപയോഗം പ്രാപ്തമാക്കുന്നതിന്, പോപ്പ്!_ഒഎസ് ഇന്നുവരെ എക്സ്.ഓർഗ് മാത്രമേ ഉപയോഗിക്കുന്നുള്ളൂ.^{[11][12][13][14]}

ടെൻസർഫ്ലോ, കുഡ പാക്കേജുകൾ അധിക കോൺഫിഗറേഷൻ ആവശ്യമില്ലാതെ പോപ്പ്!_ഒഎസ് റെപ്പോസിറ്ററികളിൽ നിന്ന് ഇൻസ്റ്റാൾ ചെയ്തുകൊണ്ട് ഇവ ഉപയോഗിക്കുന്ന പലതരം പ്രോഗ്രാമുകൾ ഉപയോഗിക്കാൻ കഴിയും.^[15]

ഉപയോക്തൃ ഫയലുകൾ സംരക്ഷിക്ഷിച്ചുകൊണ്ട് സിസ്റ്റം 'പുതുക്കുന്നതിന്' ഉപയോഗിക്കാൻ കഴിയുന്ന ഒരു വീണ്ടെടുക്കൽ പാർട്ടീഷൻ പോപ്പ്!_ഒഎസിൽ ലഭ്യമാണ്. പ്രാരംഭ ഇൻസ്റ്റാളേഷൻ സമയത്ത് ഇത് സജ്ജീകരിച്ചിട്ടുണ്ടെങ്കിൽ മാത്രമേ ഇത് ഉപയോഗിക്കാൻ കഴിയൂ. ^[16]

പോപ്പ്!_ഒഎസ് ഡൌൺ‌ലോഡ് ചെയ്യുവാനായി, വെബ്‌സൈറ്റിൽ രണ്ട് ഐ‌എസ്ഒ ഇമേജുകൾ‌ ലഭ്യമാണ്: ഒന്ന് എ‌എം‌ഡി വീഡിയോ ഡ്രൈവറുകൾ‌ ഉള്ളതും, മറ്റൊന്ന് എൻ‌വിഡിയ വീഡിയോ ഡ്രൈവറുകൾ‌ ഉള്ളതും. എച്ചർ അല്ലെങ്കിൽ യുനെറ്റ്ബൂട്ടിൻ പോലുള്ള പ്രോഗ്രാമുകൾ ഉപയോഗിച്ച് ഉചിതമായ ഐ‌എസ്ഒ ഫയൽ യുഎസ്ബി ഫ്ലാഷ് ഡ്രൈവ് അല്ലെങ്കിൽ ഡിവിഡിയിലേക്ക് 'ഫ്ലാഷ്' ചെയ്തതിനു ശേഷം അത് ഉപയോഗിച്ച് ഓപ്പറേറ്റിംഗ് സിസ്റ്റം പുതുതായി ഒരു കമ്പ്യൂട്ടറിൽ ഇൻസ്റ്റാൾ ചെയ്യാം. ^[17]

പോപ്പ്!_ഒഎസ് തുടക്കത്തിൽ ഉബുണ്ടു-തീം ഇൻസ്റ്റാളർ ഉപയോഗിച്ചു. പിന്നീട് ഇത് എലിമെന്ററി ഒഎസുമായി സഹകരിച്ച് നിർമ്മിച്ച ഒരു പുതിയ ഇൻസ്റ്റാളറിലേക്ക് മാറി. ^[18][19]

പോപ്പ്!_ഒഎസ് ഉബുണ്ടുവിനെ അടിസ്ഥാനമാക്കിയുള്ളതാണ്, അതിനാൽത്തന്നെ റിലീസ് സൈക്കിൾ ഉബുണ്ടുവിന്റെത് പോലെയാണ്. ഓരോ ആറുമാസത്തിലും അതായത് ഏപ്രിൽ, ഒക്ടോബർ മാസങ്ങളിൽ പുതിയ റിലീസുകൾ. രണ്ട് വർഷത്തിലൊരിക്കൽ, ഏപ്രിലിൽ ദീർഘകാല പിന്തുണാ റിലീസുകൾ നടത്തുന്നു. ഓരോ എൽ‌ടി‌എസ് ഇതര പതിപ്പുകളും ഉബുണ്ടുവിന് സമാനമായി അടുത്ത പതിപ്പ് പുറത്തിറങ്ങിയതിന് ശേഷം മൂന്ന് മാസത്തേക്ക് പിന്തുണയ്‌ക്കുന്നു. അടുത്ത എൽ‌ടി‌എസ് റിലീസ് വരെ എൽ‌ടി‌എസ് പതിപ്പുകൾ‌ക്കുള്ള പിന്തുണ നൽ‌കുന്നു. എൽ‌ടി‌എസ് റിലീസുകൾ‌ക്ക് 5 വർഷത്തെ പിന്തുണ നൽകുന്ന ഉബുണ്ടുവിനേക്കാൾ ഇത് കുറവാണ്. ^[3]

• ഡെബിയൻ
• ഉബുണ്ടു അടിസ്ഥാനമാക്കിയുള്ള വിതരണങ്ങളുടെ പട്ടിക

• ഔദ്യോഗിക വെബ്സൈറ്റ്
• പോപ്പ്!_ഒഎസ് ഡിസ്ട്രോവാച്ചിൽ