ကန်းစုပြည်နယ်

ကန်းစုပြည်နယ်ကို ခရိုင်ကြီးအဆင့်စုစုပေါင်း (၁၄)ခု ခွဲခြားထားသည်။

Map	စဉ်	ရုံးစိုက်ရာမြို့	တရုတ်စာဖြင့်	ဖျင်းယင်းဖြင့်	ခရိုင်ကြီးအမည်	လူဦးရေ (၂၀၁၀)
	— ခရိုင်ကြီးများ —
	1	ကျိုချွမ်မြို့	酒泉市	Jiǔquán Shì	စုကျိုးခရိုင်	1,095,947
	2	ကျားယွိကွမ်းမြို့	嘉峪关市	Jiāyùguān Shì	ကျားယွိကွမ်းခရိုင်	231,853
	3	ကျန်းယဲ့မြို့	张掖市	Zhāngyè Shì	ကန်းကျိုးခရိုင်	1,199,515
	4	ကျင်းချောင့်မြို့	金昌市	Jīnchāng Shì	ကျင်းချောင့်ခရိုင်	464,050
	5	ဝူးဝေမြို့	武威市	Wǔwēi Shì	လျန်ကျိုးခရိုင်	1,815,054
	6	ပိုင်ယင်းမြို့	白银市	Báiyín Shì	ပိုင်ယင်းခရိုင်	1,708,751
	7	လန်ကျိုးမြို့	兰州市	Lánzhōu Shì	ချင်ကွမ်းခရိုင်	3,616,163
	10	တင့်ရှီးမြို့	定西市	Dìngxī Shì	အန်းတင့်ခရိုင်	2,698,622
	11	လုံးနန်မြို့	陇南市	Lǒngnán Shì	ဝူတုခရိုင်	2,567,718
	12	ထျန်းရွှေမြို့	天水市	Tiānshuǐ Shì	ချင်းကျိုးခရိုင်	3,262,548
	13	ဖျင်းလျန်မြို့	平凉市	Píngliàng Shì	ခုံးထုံခရိုင်	2,068,033
	14	ချင်းယန်မြို့	庆阳市	Qìngyáng Shì	ရှီးဖွင်းခရိုင်	2,211,191
	— ကိုယ်ပိုင်အုပ်ချုပ်ခွင့်ရခရိုင်ကြီးများ —
	8	လင်ရှ ဟွေလူမျိုး ကိုယ်ပိုင်အုပ်ချုပ်ခွင့်ရခရိုင်	临夏回族自治州	Línxià Huízú Zìzhìzhōu	လင်ရှမြို့	1,946,677
	9	ကန်းနန် တိဘက်လူမျိုး ကိုယ်ပိုင်အုပ်ချုပ်ခွင့်ရခရိုင်	甘南藏族自治州	Gānnán Zāngzú Zìzhìzhōu	ဟဲဇော့	689,132

ကန်းစုပြည်နယ်တွင် လူဦးရေ ၃၀,၇၁၁,၂၈၇ ယောက် နေထိုင်ကြသည်။ ၇၃% ခန့်မှာ ကျေးလက်တွင် နေထိုင်ကြသည်။ လူမျိုးအနေဖြင့် ဟန့်တရုတ်လူမျိုး (၉၂%) ရှိပြီး အခြားလူမျိုးများမှာ ဟွေလူမျိုး၊ တိဘက်လူမျိုး၊ တုန်းရှန်းလူမျိုး၊ ထူလူမျိုး၊ မန်ချူးလူမျိုး၊ အူရ်ဂါလူမျိုး၊ ယူဂါလူမျိုး၊ ပေါနန်လူမျိုး၊ မွန်ဂိုလူမျိုး၊ ဆာလာလူမျိုး နှင့် ကာဇက်လူမျိုး များနေထိုင်ကြသည်။ ရှေးယခင်က ဟွေလူမျိုး ပန်းသေးတရုတ် (မူဆလင်များ) အများအပြားနေထိုင်ခဲ့ကြသည်။

အများစုသည် မြောက်ပိုင်းတရုတ်စကား (Mandarin Chinese) မူကွဲများကိုပြောဆိုကြသည်။ နယ်ခြားဒေသများတွင် ထူ၊ အန်ဒိုတိဘက်၊ မွန်ဂို နှင့် ကာဇက် ဘာသာစကားများကို ပြောဆိုကြသည်။ ယင်းတိုင်းရင်းသားများသည် တရုတ်စကားကိုလည်း ပြောဆိုနိုင်ကြသည်။

အဓိကအစားအသောက်မှာ ဒေသထွက် ဂျုံ၊ ဘာလီ၊ ပဲအမျိုးမျိုး၊ ကန်စွန်းဥ နှင့် လူး၊ ဆပ်များ ဖြစ်ကြသည်။ ကန်းစုပြည်နယ်သည် ယင်း၏ လားမြန့်ခေါ် လက်ဆွဲခေါက်ဆွဲ (pulled noodles) ကြောင့် အထူးထင်ရှားသည်။ မူဆလင်စားသောက်ဆိုင်များ (Muslim restaurants) မှာ သိုးသား၊ ဆိတ်သား စသည့် စားသောက်ဖွယ်ရာများ ရနိုင်သည်။

အစ္စလာမ်ဘာသာဝင်များ နှင့် ဗုဒ္ဓဘာသာဝင်များ နေထိုင်ကြသည်။ ကူမင်တန်အစ္စလာမ္မစ်ပုန်ကန်မှု (Kuomintang Islamic insurgency in China (1950–1958) သည် တရုတ်ပြည်တွင်းစစ်၏ အဆက်ဖြစ်သည်။ ဗုဒ္ဓယဉ်ကျေးမှု အနုလက်ရာများလည်း တွေ့ရသည်။ တွန်းဟွမ်သည် အလယ်ခေတ်မှ ထင်ရှားသော ဗုဒ္ဓဘာသာ ဗဟိုချက် ဖြစ်ခဲ့သည်။ ^[၁]

ကန်းစုပြည်နယ်၊ ဂိုဘိသဲကန္တာရအတွင်းရှိ ကျိုချွမ်မြို့တွင် ကျိုချွမ်အာကာသယာဉ်ပစ်လွှတ်စခန်း (Jiuquan Satellite Launch Center) တည်ရှိသည်။

• Gansu Government Website Archived 15 October 2016 at the Wayback Machine.