ဌာနိဿရော
ဌာနိဿရော မထေရ် (အင်္ဂလိပ်: Ṭhānissaro) သည် အမေရိကန် ဗုဒ္ဓဘာသာရဟန်း တစ်ပါးဖြစ်၍ အာချန်(အာစရိယ) ဂျဲ့ဖ် (Ajahn Geoff) ဟူ၍လည်း သိရှိကြသည်။ ထိုင်းတောကျောင်းဂိုဏ်း (ကမ္မဋ္ဌာန ထိုင်းတောကျောင်းဂိုဏ်း) မှဖြစ်၍ အာချန် ဖူဝမ် ဇောတိကမထေရ်၏ သွန်သင်မှုအောက်တွင် ဆယ်နှစ်ကြာ လေ့လာသင်ယူခဲ့သည်။ ၁၉၉၃ မှစ၍ ကာလီဖိုးနီးယား၊ ဆန်ဒီယေဂိုကောင်တီရှိ မေတ္တာတောရပ်ကျောင်း၏ ကျောင်းထိုင်ဆရာတော်အဖြစ် တာဝန်ယူခဲ့သည်။[၂]
| ဌာနိဿရော မထေရ် | |
|---|---|
 | |
| ဘာသာ | ဗုဒ္ဓဘာသာ |
| ဘာသာအုပ်စု | ထေရဝါဒ |
| ဆင်းသက်မှု | ထိုင်းကမ္မဋ္ဌာန်းတောကျောင်း |
| ဂိုဏ်း | ဓမ္မယုတ္တိက နိကာယ |
| ပညာရေး | Oberlin College |
| ပုဂ္ဂိုလ်ရေးရာ | |
| နိုင်ငံသား/လူမျိုး | အမေရိကန် |
| မွေးဖွား | Geoffrey DeGraff ၂၈ ဒီဇင်ဘာ၊ ၁၉၄၉[၁] နယူးယောက်၊ လောင်းအိုက်လန် |
| ဘာသာရေးရာ | |
| ဆရာ(များ) | အာချန် ဖူဝမ် ဇောတိက |
| ရဟန်းခံခြင်း | ၁၉၇၆ နိုဝင်ဘာ ၇ (အသက်-၂၆) (၄၇ နှစ် အကြာက)[၁] |
| ရာထူး | မေတ္တာတောရပ်ကျောင်း၏ ကျောင်းထိုင်ဆရာတော် |
| ဝက်ဘ်ဆိုဒ် | dhammatalks.org |
အရှင် ဌာနိဿရောကို ဓမ္မပဒ နှင့် သုတ္တန်ပိဋကတ်မှ သုတ္တန်ပေါင်း ၁၀၀၀ နီးပါး ဘာသာပြန်ဆိုမှုများကြောင့် လူသိများထင်ရှားကာ အစောပိုင်းတွင် ကိုးကားဝက်ဘ်ဆိုဒ်ဖြစ်သော 'Access to Insight' အတွက် သုတ္တန်များစွာကို အခမဲ့ပြန်ဆိုပေးခဲ့၍[၃] ထိုဆိုဒ်တွင် အသစ်ထပ်မံထည့်သွင်းမှု မရှိသည့်အခါ ကိုယ်ပိုင်ဝက်ဘ်ဆိုဒ်တွင် ဆက်လက်ဖော်ပြရေးသားခဲ့သည်။[၄] ထိုဆက်လက်ရေးသားမှုများ၌ ထိုင်းတောကျောင်း အာစရိယတို့၏ ဓမ္မဟောပြောပို့ချမှုများပါဝင်သည်။ ကိုယ်တိုင်ရေးသားသော ဓမ္မဆိုင်ရာလက်ရာများ၊ ၎င်း၏ ပါဠိဘာသာပြန်များနှင့် ပတ်သက်သော လေ့လာမှုလမ်းညွှန်စာအုပ်များကိုလည်း ပြုစုခဲ့၏ ။[၅]