နိုက်ခီ

Nike, Inc.
	အမေရိကန်ပြည်ထောင်စု၊ အိုရီဂွန်ပြည်နယ်၊ ဘီဗာတန်မြို့အနီးရှိ ရုံးချုပ်
အမျိုးအစား	အများပိုင်
လုပ်ငန်း	အဝတ်အထည်; ဖက်ရှင်အသုံးအဆောင်; အားကစားပစ္စည်း;
ဌာနချုပ်	ဘီဗာတန်မြို့၊ အိုရီဂွန်ပြည်နယ်၊ အမေရိကန်ပြည်ထောင်စု
ဝန်ဆောင်မှု ဧရိယာ	ကမ္ဘာတဝှမ်း
အရေးပါ ပုဂ္ဂိုလ်များ	ဖီးလ် နိုက်တ် (ဂုဏ်ထူးဆောင် နာယက); Mark Parker (နာယက); John Donahoe (ဥက္ကဋ္ဌ နှင့် အမှုဆောင်အရာရှိချုပ်); John Hoke III (ဒီဇိုင်းပိုင်းဆိုင်ရာ အမှုဆောင်အရာရှိချုပ်);
ထုတ်ကုန်ပစ္စည်း	အားကစားဖိနပ်; အားကစားဝတ်စုံ; အားကစားပစ္စည်း; ဖက်ရှင်အသုံးအဆောင်;
ဝင်ငွေ	အမေရိကန်ဒေါ်လာ $ ၄၆.၇၁ ဘီလီယံ (၂၀၂၂)
အခွန်မဆောင်မီ ဝင်ငွေ	အမေရိကန်ဒေါ်လာ $ ၆.၈၆ ဘီလီယံ (၂၀၂၂)
အသားတင် ဝင်ငွေ	အမေရိကန်ဒေါ်လာ $ ၆.၀၅ ဘီလီယံ (၂၀၂၂)
ရင်းနှီးမြှုပ်နှံမှု	အမေရိကန်ဒေါ်လာ $ ၄၀.၃၂ ဘီလီယံ (၂၀၂၂)
စုစုပေါင်း ရှယ်ယာတန်ဖိုး	အမေရိကန်ဒေါ်လာ $ ၁၅.၂၈ ဘီလီယံ (၂၀၂၂)
အလုပ်သမားဦးရေ	c. ၇၉,၁၀၀ (မေ ၂၀၂၂)
ကုမ္ပဏီခွဲ	Converse
	ကိုးကား

နိုက်ခီ အင်ကော်ပိုရေးရှင်း (အင်္ဂလိပ်: Nike, Inc.)^{[မှတ်စု ၁]} သည် ဖိနပ်များ၊ အဝတ်အစားများ၊ အားကစား ပစ္စည်းများနှင့် ဆက်စပ်ပစ္စည်းများကို ဒီဇိုင်းရေးဆွဲပြုလုပ်ခြင်း၊ တီထွင်ဖန်တီးခြင်း၊ ထုတ်လုပ်ခြင်းများ ပြုလုပ်၍ ၎င်း၏ထုတ်ကုန်များအား ကမ္ဘာတဝှမ်း ရောင်းချခြင်းနှင့် ဝန်ဆောင်မှုပေးခြင်းများ ပြုလုပ်နေသော အမေရိကန် နိုင်ငံတကာ ကော်ပိုရေးရှင်း တစ်ခုဖြစ်သည်။ ကုမ္ပဏီ၏ ရုံးချုပ်သည် အမေရိကန်ပြည်ထောင်စု၊ အိုရီဂွန်ပြည်နယ်၊ ဘီဗာတန်မြို့၏ ပေါ့လန်း မြို့ပြဧရိယာအနီးတွင် တည်ရှိသည်။^[၄] ၎င်းသည် ကမ္ဘာ့အကြီးဆုံး အားကစားသုံး ဖိနပ်နှင့် အဝတ်အထည်များ တင်ပို့ရေးလုပ်ငန်းစုဖြစ်သည့်အပြင် အားကစားပစ္စည်း ထုတ်လုပ်ရေးတွင်လည်း အဓိကကျသော လုပ်ငန်းစုတစ်ခုဖြစ်သည်။ နိုက်ခီသည် ၂၀၂၂ ဘဏ္ဍာရေးနှစ်တွင် ဝင်ငွေ အမေရိကန်ဒေါ်လာ ၄၆ ဘီလီယံကျော်ရရှိထားသည်။^[၅]^[၆]

ကုမ္ပဏီကို Bill Bowerman နှင့် ဖီးလ် နိုက်တ် တို့မှ "Blue Ribbon Sports" ဟူသော အမည်ဖြင့် ၁၉၆၄ ခုနှစ် ဇန်နဝါရီလ ၂၅ ရက်နေ့တွင် စတင်တည်ထောင်ခဲ့ပြီး ၁၉၇၁ ခုနှစ် မေလ ၃၀ ရက်နေ့တွင် Nike Inc. ဟူသော အမည်သည် တရားဝင်ဖြစ်လာခဲ့သည်။ ကုမ္ပဏီသည် ၎င်း၏အမည်ကို ဂရိအောင်ပွဲနတ်သမီး Nike ၏ အမည်အား အစွဲပြု၍ ပေးထားခြင်းဖြစ်သည်။^[၇] နိုက်ခီသည် Air Jordan နှင့် Converse လုပ်ငန်းခွဲများ အပါအဝင် Nike Golf၊ Nike Pro၊ Nike+ ၊ Air Jordan ၊ Nike Blazers ၊ Air Force 1၊ Nike Dunk၊ Air Max ၊ Foamposite၊ Nike Skateboarding ၊ Nike CR7^[၈] စသည့် ၎င်း၏ ထုတ်ကုန်များအား ၎င်း၏ကိုယ်ပိုင်အမှတ်တံဆိပ်အောက်၌ ဈေးကွက်သို့ တင်ပို့ရောင်းချသည်။^[၉] အားကစားဝတ်စုံနှင့် ပစ္စည်းများကို ထုတ်လုပ်ခြင်းအပြင် ကုမ္ပဏီသည် Niketown အမည်ဖြင့် လက်လီစတိုးဆိုင်များကိုလည်း ဖွင့်လှစ်ထားသည်။ Nike သည် ၎င်း၏ ကမ္ဘာတဝှမ်း အသိအမှတ်ပြုခြင်းခံထားရသော "Just Do It" နှင့် အမှန်ခြစ် (Swoosh) လိုဂိုအမှတ်တံဆိပ်တို့ဖြင့် ကမ္ဘာတစ်ဝန်းမှ နာမည်ကြီး အားကစားသမားများနှင့် အားကစားအသင်းများစွာကို ပံ့ပိုးကူညီပေးထားသည်။

၂၀၂၀ ခုနှစ်စာရင်းအရ နိုက်ခီသည် ကမ္ဘာတစ်ဝန်းတွင် ဝန်ထမ်းဦးရေ ၇၆.၇၀၀ ဦးအား အလုပ်ခန့်အပ်ထားသည်။^[၁၀] ၂၀၂၀ ခုနှစ်တွင် အမှတ်တံဆိပ်တစ်ခုတည်း၏တန်ဖိုးသည် အမေရိကန် ဒေါ်လာ $ ၃၂ ဘီလီယံကျော်ရှိခဲ့ပြီး အားကစားလုပ်ငန်းများတွင် တန်ဖိုးအကြီးဆုံး အမှတ်တံဆိပ်ဖြစ်လာခဲ့သည်။^[၁၁] ယခင် ၂၀၁၇ ခုနှစ်က နိုက်ခီ အမှတ်တံဆိပ်တန်ဖိုးသည် အမေရိကန် ဒေါ်လာ $ ၂၉.၆ ဘီလီယံရှိခဲ့သည်။^[၁၂] Nike သည် ၂၀၁၈ ခုနှစ် Fortune 500 စာရင်းတွင် နံပါတ် (၈၉) နေရာ၌ ရပ်တည်ခဲ့သည်။^[၁၃]

မန်ဟက်တန်ရှိ Nike စတိုးဆိုင်
Vaughan Mills ရှိ စက်ရုံမှ တိုက်ရိုက်ရောင်းချသော Nike စတိုးဆိုင်

ဘဏ္ဍာရေး

ခုနှစ်	ဝင်ငွေ	အသားတင်ဝင်ငွေ	စုစုပေါင်းပိုင်ဆိုင်မှု	ရှယ်ယာတစ်ခု၏ ဈေးနှုန်း (အမေရိကန်ဒေါ်လာ)	ဝန်ထမ်း အရေအတွက်
ခုနှစ်	(အမေရိကန်ဒေါ်လာ သန်းဂဏန်းပမာဏဖြင့်)			ရှယ်ယာတစ်ခု၏ ဈေးနှုန်း (အမေရိကန်ဒေါ်လာ)	ဝန်ထမ်း အရေအတွက်
၂၀၀၅	၁၃,၇၄၀	၁,၂၁၂	၈,၇၉၄	၈.၇၅	၂၆,၀၀၀
၂၀၀၆	၁၄,၉၅၅	၁,၃၉၂	၉,၈၇၀	၉.၀၁	၂၈,၀၀၀
၂၀၀၇	၁၆,၃၂၆	၁,၄၉၂	၁၀,၆၈၈	၁၂.၁၄	၃၀,၂၀၀
၂၀၀၈	၁၈,၆၂၇	၁,၈၈၃	၁၂,၄၄၃	၁၃.၀၅	၃၂,၅၀၀
၂၀၀၉	၁၉,၁၇၆	၁,၄၈၇	၁၃,၂၅၀	၁၂.၁၄	၃၄,၃၀၀
၂၀၁၀	၁၉,၀၁၄	၁,၉၀၇	၁၄,၄၁၉	၁၆.၈၀	၃၄,၄၀၀
၂၀၁၁	၂၀,၁၁၇	၂,၁၃၃	၁၄,၉၉၈	၁၉.၈၂	၃၈,၀၀၀
၂၀၁၂	၂၃,၃၃၁	၂,၂၁၁	၁၅,၄၆၅	၂၃.၃၉	၄၄,၀၀၀
၂၀၁၃	၂၅,၃၁၃	၂,၄၇၂	၁၇,၅၄၅	၃၀.၅၀	၄၈,၀၀၀
၂၀၁၄	၂၇,၇၉၉	၂,၆၉၃	၁၈,၅၉၄	၃၈.၅၆	၅၆,၅၀၀
၂၀၁၅	၃၀,၆၀၁	၃,၂၇၃	၂၁,၅၉၇	၅၃.၁၈	၆၂,၆၀၀
၂၀၁၆	၃၂,၃၇၆	၃,၇၆၀	၂၁,၃၇၉	၅၄.၈၀	၇၀,၇၀၀
၂၀၁၇	၃၄,၃၅၀	၄,၂၄၀	၂၃,၂၅၉	၅၄.၉၉	၇၄,၄၀၀
၂၀၁၈	၃၆,၃၉၇	၁,၉၃၃	၂၂,၅၃၆	၇၂.၆၃	၇၃,၁၀၀
၂၀၁၉	၃၉,၁၁၇	၄,၀၂၉	၂၃,၇၁၇	၈၆.၇၃	၇၆,၇၀၀
၂၀၂၀	၃၇,၄၀၃	၂,၅၃၉	၃၁,၃၄၂	၁၀၆.၄၆	၇၅,၄၀၀
၂၀၂၁	၄၄,၅၃၈	၅,၇၂၇	၃၇,၇၄၀	၁၄၁.၄၇	၇၃,၃၀၀
၂၀၂၂	၄၆,၇၁၀	၆,၀၄၆	၄၀,၃၂၁	၁၆၆.၆၇	၇၉,၁၀၀