ဘလိဇ်မြို့
ဘလိဇ်မြို့သည် အမေရိကတိုက် အလယ်ပိုင်းရှိ နိုင်ငံ တစ်ခုဖြစ်သော ဘလိဇ်နိုင်ငံ၏ အကြီးဆုံး မြို့ဖြစ်သည်။ တရားဝင် မဟုတ်သော ခန့်မှန်းခြေ စာရင်းဇယား အရ လူဦးရေ ၇ သောင်း သို့ ၇ သောင်းကျော် ခန့်ရှိမည်ဟု ခန့်မှန်းရသည်။ ဘလိဇ်မြစ်ဝတွင် တည်ရှိပြီး ကာရစ်ဘီယံပင်လယ်၏ ကမ်းရိုးတန်းပေါ်တွင် တည်ရှိသည်။ ဘလိဇ်မြို့သည် ဘလိဇ်နိုင်ငံ၏ အဓိက ဆိပ်ကမ်းမြို့ ဖြစ်ပြီး ငွေကြေးဆိုင်ရာ နှင့် စက်မှုလုပ်ငန်းဆိုင်ရာ ဗဟိုဒေသ ဖြစ်သည်။ အပျော်စီးသင်္ဘော အချို့သည် ဆိပ်ကမ်း၏ အပြင်ဘက်တွင် ကျောက်ချ ရပ်နားလေ့ ရှိပြီး ဒေသခံများက ကြည့်ရှု စောင့်ရှောက် ထားကြသည်။ ၁၉၆၁ အောက်တိုဘာ ၃၁ ရက်နေ့ တွင် တိုက်ခတ်ခဲ့သော ဟက်တီ ဟာရီကိန်းကြောင့် တစ်မြို့လုံးနီးပါး ပျက်စီးခဲ့ရသည်။ ယခင်က ဗြိတိသျှ ဟွန်ဒူးရပ်စ် ၏ မြို့တော် အဖြစ် ရှိခဲ့ပြီး ၁၉၇၀ ခုနှစ်တွင် အစိုးရက မြို့တော်သစ်ဖြစ်သော ဘယ်လ်မိုပန်မြို့သို့ ရွှေ့ပြောင်းသည် အထိပင် ဖြစ်သည်။
