မန်ဒါလီ
မန်ဒါလီဘဲ | |
---|---|
မွေးမြူထားသော မန်ဒါလီဘဲတစ်ကောင် | |
မျိုးရိုးခွဲခြားခြင်း | |
လောက: | Animalia |
မျိုးပေါင်းစု: | Chordata |
မျိုးပေါင်း: | Aves |
မျိုးစဉ်: | Anseriformes |
မျိုးရင်း: | Anatidae |
မျိုးရင်းသေး: | Tadorninae |
မျိုးစု: | Cairina (လင်းနီးယပ်၊ ၁၇၅၈) |
မျိုးစိတ်: | C. moschata |
ဒွိနာမ | |
Cairina moschata (လင်းနီးယပ်၊ ၁၇၅၈) | |
တြိနာမ | |
Cairina moschata domestica (Donkin, 1989) | |
Synonyms | |
Cairina moschata momelanotus |
မန်ဒါလီ ဘဲ (သို့) မတ်စ်ကာဗီ ဘဲ (အင်္ဂလိပ်: Muscovy duck)သည် လူမှ မွေးမြူရန် အလို့ငှါ ယဉ်ပါးအောင်ပြုလုပ်ခဲ့သော မူလ ဘဲ မျိုးစိတ် နှစ်မျိုးမှ တစ်မျိုးဖြစ်လေသည်။ နောက်မျိုးစိတ်မှာ ဘဲခေါင်းစိမ်း (အင်္ဂလိပ်: Mallard) ဖြစ်သည်။[၁]
နောက်ဆုံးသော စူစမ်းရှာဖွေဖော်ထုတ်မှုများအရ ၎င်းမန်ဒါလီဘဲ (အင်္ဂလိပ်: Cairina moschata) နှင့် မျိုးစုတူဟု အစောပိုင်းကာလများမှ သတ်မှတ်ထားသော တောဘဲ (သို့) တောဘဲ (အင်္ဂလိပ်: Asarcornis scutulata)မှာ သွင်ပြင်လက္ခဏာအရ တူသော်လည်း DNA ဆင်းသက်လာမှုသည် အနည်းငယ်ကွာခြားသော သီးခြားမျိုးစု (Asarcornis)မှ ဆင်းသက်လာသည်ကို တွေ့ရှိခဲ့လေသည်။[၂][၃]
အမှန်စင်စစ်တွင် တိရစ္ဆာန်အမည်များ ရှေ့၌ ထည့်သွင်းသုံးစွဲခေါ်ဝေါ်သည့် “တော” ဟူသည့် စကားလုံး၏ ဆိုလိုရင်းသည် “မယဉ်ပါးသော (သို့) အရိုင်းဆန်သော” ဟူသည့် အဓိပ္ပာယ်ဆောင်ပြီး အိမ်မွေးတိရစ္ဆာန်များ၏ မျိုးစိတ်တူပြီး မွေးမြူခြင်းခံမထားရသော တိရစ္ဆာန်များနှင့်ပတ်သက်၍ ပိုမိုသုံးစွဲလေ့ရှိသည်ကို လေ့လာတွေ့ရှိရသည်။[၄] ဥပမာ- တောကြောင်၊ တောကြက်၊ တောဝက်၊ တောဆိတ်၊ တောဘဲ၊ တောခွေး။