မေတ္တာသုတ်
မေတ္တသုတ် + မေတ္တာသုတ်သည် စုစုပေါင်း (၉)သုတ် ရှိပါသည်။
[၁]ဘုရားရှင် ကောသလနိုင်ငံ ... သီတင်းသုံးတော်မူစဉ် ဝိဝေကနိဿိတ၊ ဝိရာဂနိဿိတ၊ နိရောဓနိဿိတ၊ ဝေါဿဂ္ဂပရိဏာမီဖြစ်အောင် မေတ္တာဘာဝနာကို ပွားများအပ်၊ ကြိမ်ဖန်များစွာ အလေ့အလာပြုအပ်သည်ရှိသော် များစွာ ချမ်းသာစွာနေခြင်းငှာ ဖြစ်၏ဟု ရဟန်းတို့အား ဘုရားရှင် ဟောတော်မူသည့်သုတ်။
[၂]ဘုရားရှင် ကောသလနိုင်ငံ ... သီတင်းသုံးတော်မူနေစဉ် ဗြဟ္မဝိဟာရတရား လေးပါးတို့တွင် တစ်ပါးပါးကို ဟောတော်မူသည့်အတိုင်း ပွားများသောအကျိုးနှင့် သုတဝန္တအရိယာသာဝကနှင့် အဿုတဝန္တပုထုဇဉ်တို့ ခြားနားပုံကို တစ်ပါးစီ တစ်ပါးစီ ခွဲစိတ်၍ ရဟန်းတို့အား ဘုရားရှင် ဟောတော်မူသည့်သုတ်။
[၃]ဘုရားရှင် ကောသလနိုင်ငံ ... သီတင်းသုံးတော်မူစဉ် အထက်သုတ်ဒေသနာတော်အတိုင်းပွားများပြီး ယင်းတို့၌ရှိသော ခန္ဓာငါးပါးတို့ကို အနိစ္စအစရှိသော ရှုမှတ် နည်း ၁၁-နည်းတို့ဖြင့် ပွားများသောပုဂ္ဂိုလ် ကွယ်လွန်လျှင် သုဒ္ဓါဝါသဗြဟ္မာဘုံသို့ ရောက်ရှိနိုင်သော ဗြဟ္မဝိဟာရ ပွားများနည်းတို့ကို ရဟန်းတို့အား ဘုရားရှင်ဟောတော်မူသည့်သုတ်။
[၄]ဘုရားရှင် ကောသလနိုင်ငံ ... သီတင်းသုံးတော်မူစဉ် ခုနစ်နှစ်မေတ္တာပွားများ ရသော ကောင်းမှုကြောင့် ခံစားတော်မူခဲ့ရသော မေတ္တာဘာဝနာ၏ အကျိုးအမျိုးမျိုးတို့ကို ရဟန်းတို့အား ဘုရားရှင် ဟောတော်မူသည့်သုတ်။
အဋ္ဌကထာ, ဋီကာတို့၌ မှတ်သားဖွယ်ဖွင့်ဆိုချက်များရှိပါသည်။
[၅]ဘုရားရှင် ကောသလနိုင်ငံ ... သီတင်းသုံးတော်မူနေစဉ် မေတ္တာစေတောဝိမုတ္တိ၏ အကျိုးရှစ်မျိုးတို့ကို ရဟန်းတို့အား ဘုရားရှင် ဟောတော်မူသည့်သုတ်။
အဋ္ဌကထာ, ဋီကာတို့၌ မှတ်သားဖွယ်ဖွင့်ဆိုချက်များရှိပါသည်။
[၆]ဘုရားရှင် ကောသလနိုင်ငံ ... သီတင်းသုံးတော်မူစဉ် မေတ္တာဘာဝနာ ကုသိုလ်၏ အကျိုး ၁၁-မျိုးကို ရဟန်းတို့အား ဘုရားရှင် ဟောတော်မူသည့်သုတ်။
အဋ္ဌကထာ, ဋီကာတို့၌ မှတ်သားဖွယ်ဖွင့်ဆိုချက်များရှိပါသည်။
[၇]ဘုရားရှင် ကောသလနိုင်ငံ ... သီတင်းသုံးတော်မူစဉ် ရုက္ခဇိုဝ်းနတ်တို့ ခြောက်လှန့်ခံရသော ယောဂီရဟန်းငါးရာ (ဓမ္မ၊ဋ္ဌ၊၁၊၁၉၉-၂၀၂)တို့အား ဘုရားရှင် ဟောတော်မူသည့်သုတ်။
[၈]ခုနစ်နှစ် မေတ္တာဘာဝနာပွားများခဲ့ရသော မေတ္တာဘာဝနာကုသိုလ် အကျိုး အမျိုးမျိုးတို့ကို ဘုရားရှင်ထံမှ ကြားနာခဲ့ရပုံကို ဝံသနိုင်ငံ ကောသမ္ဗီမြို့ ဥတေနမင်း နန်းတော်၌ ခုဇ္ဇုတ္တရာက သာမာဝတီအမှူးရှိသော မိဖုရားတို့အားဟောကြားသည့်သုတ်။
အဋ္ဌကထာ၌ မှတ်သားဖွယ် ဖွင့်ဆိုချက်များရှိပါသည်။
[၉]ဘုရားရှင် ကောသလနိုင်ငံ ... သီတင်းသုံးတော်မူစဉ် ရုက္ခဇိုဝ်းနတ်တို့ ခြောက်လှန့်ခံရသော ရဟန်းတော်ငါးရာတို့အား အရံအတားဖြစ်စိမ့်သောငှာ ဘုရားရှင်ဟောတော်မူသည့်သုတ်။[၁၀]