မြင့်သူ

၁၉၆၃ ခုတွင် ညွှန်ကြားရေးမှူးချုပ် ဦးတင်လှ၊ ဒေါ်ခင်မမတို့မှ ရန်ကုန်၌ မွေးသည်။ ၁၉၈၅ ခုတွင် ရေဆင်းစိုက်ပျိုးရေးတက္ကသိုလ်မှ ဘွဲ့ရသည်။ ၂၀၀၉ ခုတွင် စင်ကာပူအမျိုးသားတက္ကသိုလ်ရှိ လီကွမ်ယု လူထုရေးရာမူဝါဒကျောင်းမှ လူထုစီမံ မဟာဘွဲ့ရသည်။

ဘွဲ့ရသည်နောက် စိုက်ပျိုးရေးနှင့်ဆည်မြောင်းဝန်ကြီးဌာနရှိ စိုက်ပျိုးရေးဌာနတွင် အလုပ်ဝင်သည်။

၁၉၉၀ ခု၊ ဇွန်လတွင် ပြည်သူ့ဝန်ထမ်းရွေးချယ်လေ့ကျင့်ရေးဘုတ်အဖွဲ့မှ ရွေးချယ်ခံရကာ နိုင်ငံခြားရေးဝန်ကြီးဌာနတွင် ဒုတိယလက်ထောက်ညွှန်ကြားရေးမှူး/လက်ထောက်တတိယအတွင်းဝန်ဖြစ်လာသည်။

၁၉၉၃ - ၉၇ ကာလ၌ တိုကျိုရှိ မြန်မာသံရုံးတွင် တတိယအတွင်းဝန်အဖြစ် အမှုထမ်းသည်။

၂၀၀၂ - ၂၀၀၆ အချိန်များကို ဂျနီဗာရှိ ကုလသမဂ္ဂရုံးတွင် မြန်မာနိုင်ငံဆိုင်ရာ အတွင်းဝန်နှင့် ကောင်စစ်ဝန်အဖြစ် တာဝန်ယူသည်။

၂၀၁၀ - ၁၃ အတွင်း ဂျာကာတာရှိ အာဆီယံရုံးတွင် မြန်မာ လက်ထောက်အတွင်းဝန်ကိုယ်စားလှယ်/ဝန်ကြီး-ကောင်စစ်ဝန်အဖြစ် လုပ်ကိုင်သည်။

၂၀၁၇ ခု၊ နိုဝင်ဘာလ ၁၅ ရက်တွင် နိုင်ငံခြားရေးဝန်ကြီးဌာန အမြဲတမ်းအတွင်းဝန် ဖြစ်လာသည်။

၂၀၁၉ ခု၊ ဩဂုတ်လ ၆ ရက်တွင် ဂျပန်နိုင်ငံဆိုင်ရာ မြန်မာသံအမတ်အဖြစ် ခန့်အပ်ခံရသည်။

၂၀၂၀ ပြည့်၊ စက်တင်ဘာလ ၂၄ ရက်တွင် ကုလသမဂ္ဂ၌ မြန်မာနိုင်ဆိုင်ရာ အမြဲတမ်းကိုယ်စားလှယ်အဖြစ် သမ္မတ ဦးဝင်းမြင့်က ခန့်သည်။ အောက်တိုဘာလ ၂၀ ရက်တွင် ၎င်းတာဝန်ကို စတင် တာဝန်ထမ်းသည်။ ^[၂]

အသက် ၅၀ ကျော်သည့်တိုင် အိမ်ထောင်မပြုဖူးသော လူပျိုကြီးဖြစ်သည်။