မွှေကြော်ခြင်း

မွှေကြော်ခြင်း (အင်္ဂလိပ်: Stir frying) သည် မီးရှိန်ပြင်းပြင်းပေါ်ရှိ အလွန်ပူနေသော ဒယ်အတွင်းသို့ ကြော်လိုသည့် ပစ္စည်းများ ထည့်ပြီး ကျက်သည် အထိ ဟိုဘက်သည်ဘက် လှန်ပေးခြင်း နည်းလမ်းဖြစ်သည်။ ကြော်ဒယ်အတွင်းသို့ ဆီလောင်းထည့်ပြီး ပူလာလျှင် ကြက်သွန်နီ၊ ချင်း၊ ကြက်သွန်ဖြူ များ ထပ်ထည့်ကာ မွှေးလာသည် အထိ မွှေကာဆီသတ်ရမည်။ ပြီးလျှင် ချက်မည့် ပစ္စည်း အားလုံးထည့်ကာ အတူတူရောနှောသွားအောင် မွှေကြော်ပေးခြင်းမျိုး ဖြစ်သည်။ ဤလုပ်ဆောင်ချက်များအားလုံးသည် အချိန်တိုအတွင်း လျင်မြန်စွာ ပြုလုပ်ရသည်။ သို့မှသာ အကျက်လွန်၊ အနူးလွန်ခြင်း မဖြစ်စေနိုင်ပါ။