၁၉၆၉ အရှေ့တောင်အာရှကျွန်းဆွယ် အားကစားပွဲတော်

၁၉၆၉ အရှေ့တောင်အာရှကျွန်းဆွယ် အားကစားပွဲတော် သည် မြန်မာနိုင်ငံ၊ ရန်ကုန်မြို့ တွင် ၁၉၆၉ ခုနှစ် ဒီဇင်ဘာ ၆ ရက်မှ ၁၃ ရက်​နေ့အထိ ကျင်းပခဲ့​သော ပဉ္စမအကြိမ်​မြောက် အ​ရှေ့​တောင်အာရှကျွန်းဆွယ် အားကစားပြိုင်ပွဲဖြစ်သည်။

၁၉၆၉ အ​ရှေ့​တောင်အာရှကျွန်းဆွယ် အားကစားပွဲ​တော်
5th Southeast Asian Penisular Games

ကျင်းပရာမြို့	ရန်ကုန်မြို့
ပါဝင်သော နိုင်ငံများ	၆ နိုင်ငံ
ကစားပွဲအမျိုးအစား	အားကစား ၁၅ မျိုး
ဖွင့်ပွဲအခမ်းအနား	၆ ဒီဇင်ဘာ
ပိတ်ပွဲအခမ်းအနား	၁၃ ဒီဇင်ဘာ
တရားဝင်ဖွင့်လှစ်ပေးခဲ့သူ	ဦးနေဝင်း ဝန်ကြီးချုပ်
အခမ်းအနားကျင်းပရာ အားကစားကွင်း	ဗိုလ်ချုပ်အောင်ဆန်း အားကစားကွင်း
<  ၁၉၆၇ ၁၉၇၁  >

ထိုနှစ်တွင် ဗီယက်နမ်နိုင်ငံသည် အိမ်ရှင်အဖြစ် ကျင်းပခွင့်ရရှိသော်လည်း ဗီယက်နမ်စစ်ပွဲကြောင့် အိမ်ရှင်အဖြစ် လက်ခံကျင်းပရန် ငြင်းဆန်ခဲ့သည်။ မြန်မာနိုင်ငံသည် ဒုတိယအကြိမ်ပွဲ​တော်ကို အိမ်ရှင်အဖြစ်လက်ခံကျင်းပခဲ့ပြီး ယခုအားကစားပွဲ​တော်သည် မြန်မာနိုင်ငံအ​နေဖြင့် ဒုတိယအကြိမ် လက်ခံကျင်းပခြင်းဖြစ်သည်။ ထိုအချိန်၌ အရှေ့တောင်အာရှကျွန်းဆွယ် အားကစားပြိုင်ပွဲ၏ အငယ်ဆုံးအဖွဲ့ဝင် နိုင်ငံဖြစ်နေသော စင်ကာပူနိုင်ငံသည် အားကစားပြိုင်ပွဲ၏အမည်ကို အရှေ့တောင်အာရှ အားကစားပြိုင်ပွဲ (Southeast Asian Games) ဟု ပြောင်းလဲရန် အကြံပြုခဲ့သည်။

ထိုစဉ်က နိုင်ငံ​တော်ဝန်ကြီးချုပ်နှင့် တော်လှန်ရေးကောင်စီ ဥက္ကဋ္ဌ ဗိုလ်ချုပ်ကြီး​နေဝင်းမှ ဗိုလ်ချုပ်​အောင်ဆန်းအားကစားကွင်းတွင် အားကစားပွဲ​တော်အား ဖွင့်လှစ်​ပေးခဲ့သည်။

နိုင်ငံအသီးသီးမှ ဝင်​ရောက်ယှဉ်ပြိုင်သူ ၉၂၀ဦးရှိခဲ့သည်။ မြန်မာ၊ ထိုင်းနှင့် စင်ကာပူတို့မှ နိုင်ငံအလိုက် ပထမ၊ဒုတိယနှင့် တတိယရရှိခဲ့သည်။