၂၀၀၉ အရှေ့တောင်အာရှ အားကစားပြိုင်ပွဲ

ကျင်းပရာမြို့များ

၂၀၀၃ အရှေ့တောင်အာရှ အားကစားပြိုင်ပွဲတွင် လာအိုနိုင်ငံ၏ မြို့တော် ဗီယင်ကျင်းအား ၂၀၀၉ ခုနှစ် အရှေ့တောင်အာရှ အားကစားပြိုင်ပွဲ၏ ကျင်းပရာမြို့အဖြစ် ရွေးချယ်ခဲ့သည်။

ပြင်ဆင်မှုများ

လာအိုဆီးဂိမ်းကော်မတီအား သမ္မတ၏ ဦးဆောင်မှုဖြင့် ဖွဲ့စည်းခဲ့သည်။

အားကစားကွင်းများ

ကွင်းအသစ်အများစုနှင့် ကွင်းဟောင်းအချို့ကို အသုံးပြုခဲ့သည်။ အမျိုးသားအားကစားကွင်းသစ်မှာ ပရိသတ် ၂၅၀၀၀ ဆံ့ပြီး အဓိကပွဲများ ကျင်းပခဲ့သည်။ လာအိုအမျိုးသားတက္ကသိုလ်တွင် အားကစားသမားများကို ထားကာ အားကစားရွာအဖြစ် အသုံးပြုထားသည်။

စုစုပေါင်းနေရာ ၂၇ ခု အသုံးပြုခဲ့သည်။

အခက်အခဲများ

လာအိုနိုင်ငံသည် ကုန်းတွင်းပိတ်နိုင်ငံဖြစ်သည့်အညီ ရွက်လှေ၊ ၃မျိုးဆင့်အားကစားနည်း စသည့်အားကစားနည်းများကို ကျင်းပနိုင်ခြင်းမရှိပေ။ ထို့အပြင် အားကစားအဆင့်အတန်း နိမ့်ပါးခြင်းကြောင့် အားကစားနည်းများကို လျှော့ချခဲ့ရသည်။ ဖိလစ်ပိုင်နိုင်ငံအပါအဝင် နိုင်ငံအချို့က အားကစားပြိုင်ပွဲများကိုခွဲ၍ လက်ခံကျင်းပရန် ကမ်းလှမ်းခဲ့သော်လည်း လာအိုနိုင်ငံက ငြင်းဆိုခဲ့သည်။ တရုတ်၊ ဗီယက်နမ်၊ ဂျပန်နှင့် အခြားသော အာဆီယံတိုင်းပြည်များမှ ကူညီမှုများကိုသာ လက်ခံခဲ့ပြီး အားကစားအဆောက်အဦးများ တည်ဆောက်ခဲ့သည်။

အထိမ်းအမှတ်တံဆိပ်

၂၀၀၉အ​ရှေ့​တောင်အာရှအားကစားပြိုင်ပွဲ၏ အထိမ်းအမှတ်တံဆိပ်မှာ မဲခေါင်မြစ်ကမ်းဘေးရှိ လာအိုနိုင်ငံ အထိမ်းအမှတ်ဖြစ်သော ဖသတ်လောင် ဖြစ်သည်။ ၎င်းအောက်ရှိ လိုင်း ၃ လိုင်းမှာ မဲခေါင်မြစ် ဖြစ်သည်။ အပေါ်ပိုင်းတွင် ဆီးဂိမ်းလိုဂို ပါရှိသည်။

လာဘ်ကောင်

၂၀၀၉အ​ရှေ့​တောင်အာရှအားကစားပြိုင်ပွဲ၏ လာဘ်ကောင်မှာ လာအိုရိုးရာဝတ်စုံ ဝတ်ဆင်ထားသော ဆင်နှစ်ကောင် ဖြစ်သည်။ အထီးမှာ ချန်ပ၊ အမမှာ ချန်ပီး ဖြစ်သည်။ ဆင် ၂ ကောင်မှာ အိမ်ရှင်လာအိုကို ကိုယ်စားပြုသည်။ (လာအိုရှေးနိုင်ငံဖြစ်သော "လန်ဆင်း"၏ အဓိပ္ပာယ်မှာ ဆင်များစွာ၏နိုင်ငံဟု ရသည်)

သီချင်း

သီချင်း ၃၃ ပုဒ်ရှိသည်။

ဖွင့်ပွဲအခမ်းအနား

၉ ဒီဇင်ဘာ ၂၀၀၉ ဒေသစံတော်ချိန် ၆ နာရီ ၁၀ မိနစ်တွင် လာအိုအမျိုးသားအားကစားကွင်းအသစ်တွင် ကျင်းပခဲ့သည်။ သမ္မတနှင့် ဧည့်သည်တော်များ ကြွရောက်လာမှုနှင့်အတူ အမှတ်စဉ်ရေတွက်မှုနှင့် စတင်ခဲ့သည်။ လာအိုရဲတပ်ဖွဲ့ ဘင်ခရာတပ်ဖွဲ့၊ နိုင်ငံတော်အလံကိုင်တပ်ဖွဲ့များနှင့်အတူ ပြိုင်ပွဲဝင်နိုင်ငံများမှ အားကစားသမားများ ဝင်ရောက်လာသည်။ လာအိုဒုတိယဝန်ကြီးချုပ်က အဖွင့်အမှာစကား ပြောကြားပြီး သမ္မတမှ ပြိုင်ပွဲအား ဖွင့်လှစ်ပေးခဲ့သည်။ ထို့နောက်တွင် မီးရှုးတိုင် ထွန်းညှိကာ ဖျော်ဖြေရေးအစီအစဉ်များဖြင့် အခမ်းအနားပြီးဆုံးခဲ့သည်။

ပိတ်ပွဲအခမ်းအနား

၁၈ ဒီဇင်ဘာ ၂၀၀၉ ဒေသစံတော်ချိန် ၆ နာရီ ၁၀ မိနစ်တွင် လာအိုအမျိုးသားအားကစားကွင်းအသစ်တွင် ကျင်းပခဲ့သည်။ ဝန်ကြီးချုပ်နှင့် ဧည့်သည်တော်များ ကြွရောက်လာမှုနှင့်အတူ အမှတ်စဉ်ရေတွက်မှုနှင့် စတင်ခဲ့သည်။ ပွဲအပြီးတွင် ၂၀၁၁ ခုနှစ် အရှေ့တောင်အာရှ အားကစားပြိုင်ပွဲ လက်ခံကျင်းပမည့် အင်ဒိုနီးရှားနိုင်ငံအား အလံလွှဲပြောင်းပေးခဲ့သည်။

ပါဝင်သည့် နိုင်ငံများ

•  ဘရူနိုင်း(၇၄)
•  ကမ္ဘောဒီးယား(၂၁၄)
•  အင်ဒိုနီးရှား(၆၅၀)
•  လာအို(၈၅၃)
•  မလေးရှား(၅၆၄)
•  မြန်မာ(၃၈၉)
•  ဖိလစ်ပိုင်(၃၆၀)
•  စင်ကာပူ(၄၁၃)
•  ထိုင်း(၈၆၀)
•  အရှေ့တီမော(၆၁)
•  ဗီယက်နမ်(၆၈၁)

အားကစားနည်းများ

• ​ရေပိုင်းဆိုင်ရာအားကစားနည်းများ
  • ဒိုင်ဗင်
  • ​ရေကူး
  • ဝါတာပိုလို
  • Finswimming
• မြားပစ်
• ပြေးခုန်ပစ်
• ကြက်တောင်ရိုက်
• ဘီလိယက်နှင့် စနူကာ
• လက်​ဝှေ့
• စက်ဘီးစီး
• ​ဘောလုံး
• ​ဂေါက်သီးရိုက်
• ဂျူဒို
• ကရာ​တေး
• ​မွေထိုင်း
• ပန်ကြပ်ဆီလပ်
• ပီတန်း
• ပိုက်​ကျော်ခြင်း
• ​Shuttlecock
• စားပွဲတင်တင်းနစ်
• တိုက်ကွမ်ဒို
• တင်းနစ်
• ​ဘော်လီ​ဘော
• အ​လေးမ
• နပန်း
• ဝူရှုး

ဆုတံဆိပ်ဇယား

Key

  *   အိမ်ရှင်

၂၀၀၉ အရှေ့တောင်အာရှ အားကစားပြိုင်ပွဲ ဆုတံဆိပ်ဇယား

အဆင့်	NOC	ရွှေ	ငွေ	ကြေး	စုစုပေါင်း
၁	ထိုင်း	၈၆	၈၃	၉၇	၂၆၆
၂	ဗီယက်နမ်	၈၃	၇၅	၅၇	၂၁၅
၃	အင်ဒိုနီးရှား	၄၃	၅၃	၇၄	၁၇၀
၄	မလေးရှား	၄၀	၄၀	၅၉	၁၃၉
၅	ဖိလစ်ပိုင်	၃၈	၃၅	၅၁	၁၂၄
၆	စင်ကာပူ	၃၃	၃၀	၃၅	၉၈
၇	လာအို*	၃၃	၂၅	၅၂	၁၁၀
၈	မြန်မာ	၁၂	၂၂	၃၇	၇၁
၉	ကမ္ဘောဒီးယား	၃	၁၀	၂၇	၄၀
၁၀	ဘရူနိုင်း	၁	၁	၈	၁၀
၁၁	အရှေ့တီမော	၀	၀	၃	၃
စုစုပေါင်း (11 NOCs)		၃၇၂	၃၇၄	၅၀၀	၁၂၄၆