Batisme

Lo batisme^[2], bateg, la batejada (var. bat(e)iada), batejalha, batialha (var. batielha auv.), lo batejament, batejat, batesme o la batesma (e batiau/batiòu en gascon) (del grèc βαπτίζω baptizo: «immersion», «far d'ablucions»)^[3] es un acte ritual crestian, amb utilizacion d'aiga, per lo qual una persona es admesa coma sòci de la Glèisa^[4].

Jèsus se meteis foguèt batejat.^[5] La forma usuala del baptisme entre los primièrs crestians èra per lo candidat d'èsser banhat totalament o parcialament^{[6][7][8][9][10]}. Mentre que Joan Baptista fasiá servir un riu prigond per son baptisme, çò que suggerís una immersion,^[11] las pròvas iconologicas e arqueologicas del baptisme crestian dempuèi lo sègle III indican que la forma normala èra de versar d'aiga subre la part nauta del còs de la persona que se teniá quilhada dins lo riu^{[12][13][14][15]}. Una autra forma comuna de batisme es de versar d'aiga tres còps subre lo front de la persona.