ಬ್ಯಾಪ್ಟಿಸಮ್(ದೀಕ್ಷಾಸ್ನಾನ, ಜ್ಞಾನಸ್ನಾನ)

ಹಲವಾರು ಸಂಪ್ರದಾಯ್ತಗಳ ಕ್ರಿಶ್ಚಿಯನ್ನರು ದೀಕ್ಷಾಸ್ನಾನದಲ್ಲಿ ಸಂಪೂರ್ಣ ಅದ್ದುವಿಕೆ (ಮುಳುಗುವಿಕೆ) ಅವಶ್ಯಕವೆ ಎಂದು ವಾದವಿವಾದಗಳಲ್ಲಿ ತೊಡಗಿರುವಾಗ ಮೂಲ ಗ್ರೀಕ ಪದದ ನಿಖರವಾದ ಅರ್ಥವು ಚರ್ಚೆಯಲ್ಲಿ ಪ್ರಾಮುಖ್ಯತೆಯನ್ನು ಪಡೆದುಕೊಳ್ಳುತ್ತದೆ.

ಲಿಡೆಲ್ ಮತ್ತು ಸ್ಕಾಟ್‌ರ ಗ್ರೀಕ್-ಇಂಗ್ಲಿಷ್ ಲೆಕ್ಸಿಕೊನ್ ಗ್ರಂಥದಲ್ಲಿ ಆಂಗ್ಲ ಪದವಾದ "ಬ್ಯಾಪ್ಟಿಸಮ್"ನ ಮೂಲವಾದ ಗ್ರೀಕ್ ಪದದ ಪ್ರಾಥಮಿಕ ಅರ್ಥವು βαπτίζω (ಲಿಪ್ಯಂತರ ಮಾಡಿದಾಗ "ಬ್ಯಾಪ್ಟೈಜೋ"), as "ಅದ್ದು, ಧುಮುಕು" ಎಂದಾಗುತ್ತದ ಆದರೆ ಇದು ಸೂಚಿಸುವುದು, Luke 11:38ನ ಉದಾಹರಣೆಯನ್ನು ನೀಡುವುದಾದಲ್ಲಿ, "ಶುದ್ಧೀಕರಣವನ್ನು ಮಾಡುವುದು" ಎಂದಾಗುತ್ತದೆ.^[೨]

ಕ್ರಿಯಾಪದ βαπτίζωನ ಸಾಮಾನ್ಯ ಅರ್ಥ

βαπτίζω ಎಂಬ ಗ್ರೀಕ್ ಪದದ ಅರ್ಥವು ನಿರ್ದಿಷ್ಟವಾಗಿ ಅದ್ದುವುದು, ಧುಮುಕುವುದು ಅಥವಾ ಮುಳುಗಿಸುವುದು(ಭಾಗಶಃವಾಗಿಯಾದರೂ) ಎಂದಲ್ಲವಾದರೂ, ಶಬ್ದವಿವರಣಾ ಮೂಲಗಳ ಪ್ರಕಾರ ಈ ಪದವನ್ನು ಸೆಪ್ಟುವಾಗಿಂಟ್^{[೧೯][೨೦][೨೧]} ಮತ್ತು ಹೊಸ ಒಡಂಬಡಿಕೆಗಳರಡರಲ್ಲಿಯೂ ಇದೇ ಅರ್ಥದಲ್ಲಿ ಬಳಸಲಾಗಿದೆ.^[೨೨] ಇದಕ್ಕೇ ಸಂಬಂಧಿಸಿದ ಪದವಾದ βάπτω ಅನ್ನು ಕೂಡಾ ಹೊಸ ಒಡಂಬಡಿಕೆಯಲ್ಲಿ "ಅದ್ದು" ಅಥವಾ "ಬಣ್ಣಹಾಕು",^{[೨೩][೨೪][೨೫][೨೬]} ಎಂಬರ್ಥದಲ್ಲಿ ಬಳಸಲಾಗುತ್ತದೆ. ಈ ಅದ್ದುವಿಕೆಯು ಬ್ರೆಡ್‌ನ ತುಂಡೊಂದನ್ನು ವೈನಿನಲ್ಲಿ ಅದ್ದುವ ರೀತಿಯಲ್ಲಿಯೇ ಅಪೂರ್ಣವಾಗಿರಲೂಬಹುದು(Ruth 2:14).^[೨೭]

ಮೇಲಿನ ಅರ್ಥಕ್ಕಿಂತ ಭಿನ್ನವಾದವು

ಹೊಸ ಒಡಂಬಡಿಕೆಯ ಎರಡು ಭಾಗಗಳ ಪ್ರಕಾರ βαπτίζω ಎಂಬ ಪದವು ಒಬ್ಬ ವ್ಯಕ್ತಿಯನ್ನು ಸಂಬಂಧಿಸಿದಂತೆ ಪ್ರಯೋಗಿಸಲ್ಪಟ್ಟಿದ್ದಾದಲ್ಲಿ, ಯಾವಾಗಲೂ ಮುಳುಗುವಿಕೆಯನ್ನು ಮಾತ್ರ ಸೂಚಿಸುತ್ತಿರಲಿಲ್ಲ ಎಂಬುದಾಗಿ ಮಾಹಿತಿ ನೀಡುತ್ತವೆ. ಮೊದಲನೆಯ ಭಾಗವು ಲ್ಯೂಕ್ 11:38^[೨೮] ಆಗಿದ್ದು, ಇದರಲ್ಲಿ ಜೀಸಸ್ ಭೋಜನ ಮಾಡಿದ ಮನೆಯೊಂದರ ಒಡೆಯನಾಗಿದ್ದ ಫರಿಸೀ ಎಂಬಾತನು "ಆತ ಭೋಜನಕ್ಕೆ ಮೊದಲು ಶುದ್ಧನಾಗಲಿಲ್ಲ (ἐβαπτίσθη ಎಂಬ ಪದವು βαπτίζω ಎಂಬ ಪದದ ಏಯೋರಿಸ್ಟ್ ಪೂರ್ವರೂಪ —ಅಕ್ಷರಶಃ ಅರ್ಥ-"ಬ್ಯಾಪ್ಟೈಜ್ ಆಗು")." ಲಿಂಡೆಲ್ ಮತ್ತು ಸ್ಕಾಟ್ ಈ ಭಾಗವನ್ನು ಉದ್ಧರಿಸಿ βαπτίζω ಅನ್ನು ಶುಚಿರ್ಭೂತರಾಗುವುದು ಎಂಬ ಅರ್ಥದಲ್ಲಿ ಬಳಸಿರುವುದಕ್ಕೆ ಉದಾಹರಣೆಯಾಗಿ ಬಳಸುತ್ತಾರೆ. ಯೇಸುವು ಈ ಕ್ರಿಯೆಯನ್ನು ಮಾಡದಿರುವುದು ಆತನ ಅನುಯಾಯಿಗಳು ಮಾಡಿದ್ದಕ್ಕೆ ಸರಿಸಮವಾಗಿದೆ: "ಯೇಸುವಿನ ಬಳಿ ಜೆರೂಸಲೇಮಿನ ನಿವಾಸಿಗಳಾದ ಸ್ಚ್ರೈಬೆಸ್ ಮತ್ತು ಫರಿಸೀಸ್ ಬಂದು ಈ ರೀತಿಯಾಗಿ ಕೇಳಿದರು, ನಿನ್ನ ಶಿಷ್ಯರು ಹಿರಿಯರ ಸಂಪ್ರದಾಯಗಳನ್ನೇಕೆ ಉಲ್ಲಂಘಿಸುತ್ತಿರುವರು? ಏಕೆಂದರೆ ರೊಟ್ಟಿಯನ್ನು ತಿನ್ನುವ ಮೊದಲು ಅವರು ತಮ್ಮ ಕೈಗಳನ್ನು ತೊಳೆಯುತ್ತಿಲ್ಲ(νίπτω )"^[Mt 15:1-2] ಸೂಚಿಸಲಾದ ಹೊಸ ಒಡಂಬಡಿಕೆಯ ಇನ್ನೊಂದು ಭಾಗವು ಈ ರೀತಿಯಾಗಿದೆ: "ಫರಿಸೀಯರು...ತಮ್ಮ ಕೈಗಳನ್ನು ಚೆನ್ನಾಗಿ ತೊಳೆದುಕೊಳ್ಳುವ ತನಕ ತಿನ್ನುವುದಿಲ್ಲ (νίπτω , ತೊಳೆಯುವುದಕ್ಕೆ ಸಾಮಾನ್ಯವಾಗಿ ಬಳಸಲಾಗುವ ಪದ), ಅವರು ತಮ್ಮ ಹಿರಿಯರ ಈ ಸಂಪ್ರದಾಯವನ್ನು ಪಾಲಿಸುತ್ತಾರೆ; ಮತ್ತು ಅವರು ಮಾರುಕಟ್ಟೆಯಿಂದ ಮನೆಗೆ ಬಂದಾಗ, ತಮ್ಮನ್ನು ತೊಳೆದುಕೊಳ್ಳುವ ಮುನ್ನ ಆಹಾರವನ್ನು ಸೇವಿಸುವುದಿಲ್ಲ (ಅಕ್ಷರಶಃ ಅರ್ಥದಲ್ಲಿ, "ತಮ್ಮನ್ನು ಬ್ಯಾಪ್ಟೈಜ್ ಮಾಡಿಕೊಳ್ಳುವುದು"—βαπτίσωνται , ಇದು βαπτίζω ನ ಪೂರ್ವ ಅಥವಾ ಮಧ್ಯರೂಪವಾಗಿದೆ)".^{[Mk 7:3–4]}

ಹಲವಾರು ಪಂಗಡಗಳಿಗೆ ಸೇರಿದ ವಿದ್ವಾಂಸರು ^{[೨೯][೩೦][೩೧]} ಈ ಎರಡೂ ಭಾಗಗಳು ಆಹ್ವಾನಿತ ಅತಿಥಿಗಳು ಸಂಪೂರ್ಣವಾಗಿ ನೀರಿನಲ್ಲಿ ಮುಳುಗೇಳಬೇಕೆಂದು ("ತಮ್ಮನ್ನು ಬ್ಯಾಪ್ಟೈಜ್ ಮಾಡಿಕೊಳ್ಳುವುದು") ನಿರೀಕ್ಷಿಸಲಾಗುತ್ತಿರಲಿಲ್ಲವೆಂದೂ, ಕಡೆಯಪಕ್ಷ ಅವರು ಕೈಗಳನ್ನು ನೀರಿನಲ್ಲಿ ಅದ್ದುವುದು ಇಲ್ಲವೇ ಕೈಗಳ ಮೇಲೆ ನೀರು ಸುರಿಯುವುದೇ ಮೊದಲಾದ ಭಾಗಶಃ ಅದ್ದುವಿಕೆಯಂತಹ ಆಚರಣೆಯನ್ನಾದರೂ ಮಾಡಬೇಕು ಎಂದು ನಿರೀಕ್ಷಿಸುತ್ತಿದ್ದರು ಮತ್ತು ಇದು ಈಗಿನ ಯಹೂದಿ ಸಂಪ್ರದಾಯಕ್ಕೆ ಸಮ್ಮತವಾಗಿರುವ ಆಚರಣೆಯಾಗಿದೆ.^[೩೨]

ಜೋಢಿಯಾಟೆಸ್ ಹಾಗೂ ಬಾಲ್ಜ್ ಮತ್ತು ಶ್ನೀಡರ್‌ರ ಪದವಿವರಣಾಶಾಸ್ತ್ರದ ಕೃತಿಗಳ ಪ್ರಕಾರ ಇಲ್ಲಿನ ಎರಡನೇ ಭಾಗದಲ್ಲಿ,Mark 7:4, βαπτίζω ಎಂದರೆ, ಫರಿಸೀಯರು ಮಾರುಕಟ್ಟೆಯಿಂದ ಬಂದ ನಂತರ ತಮ್ಮ ಕೈಗಳನ್ನು ಮಾತ್ರ ಸಂಗ್ರಹಿಸಿದ ನೀರಿನಲ್ಲಿ ಅದ್ದುತ್ತಿದ್ದರು, ಆದ್ದರಿಂದ ತಮ್ಮನ್ನು ಸಂಪೂರ್ಣವಾಗಿ ನೀರಿನಲ್ಲಿ ಅದ್ದುತ್ತಿರಲಿಲ್ಲ ಎಂದಾಗುತ್ತದೆ.^[೩೩] ಅವರ ಪ್ರಕಾರ βαπτίζω ಮತ್ತು βάπτω ಎಂಬ ಪದಗಳ ಅರ್ಥವು ಒಂದೇ ಆಗಿದ್ದು, ಅದು ಅದ್ದು ಅಥವಾ ಮುಳುಗಿಸು ಎಂದಾಗುತ್ತದೆ,^{[೩೪][೩೫][೩೬]} ಮತ್ತು ಇದನ್ನು ಕೈಯಲ್ಲಿ ಹಿಡಿದ ರೊಟ್ಟಿಯ ತುಣುಕನ್ನು ವೈನ್‌ನಲ್ಲಿ ಮುಳುಗಿಸುವುದಕ್ಕೆ ಅಥವಾ ಚೆಲ್ಲಿದ ರಕ್ತದಲ್ಲಿ ಬೆರಳನ್ನು ಅದ್ದುವುದಕ್ಕೆ ಸಮಾನವಾದ ಅರ್ಥದಲ್ಲಿ ಬಳಸಲಾಗುತ್ತದೆ.^[೩೭]

ಉತ್ಪತ್ತಿಯಾದ ನಾಮಪದಗಳು

βαπτίζωನಿಂದ ಉದ್ಭವಿಸಿದ ಎರಡು ನಾಮಪದಗಳನ್ನು ಹೊಸ ಒಡಂಬಡಿಕೆಯಲ್ಲಿ ಬಳಸಲಾಗುತ್ತದೆ: ಅವು βαπτισμός ಮತ್ತು βάπτισμα.

Βαπτισμός ಎಂಬುದು Mark 7:4ನಲ್ಲಿ ಶುದ್ಧೀಕರಣಕ್ಕಾಗಿ ಬಳಸಲಾಗುವ ನೀರಿನ ವಿಧಿ, ತೊಳೆಯುವುದು, ಪಾತ್ರೆಗಳನ್ನು ಶುಚಿಗೊಳಿಸುವುದು ಎಂಬ ಅರ್ಥವನ್ನು^{[೩೮][೩೯]} ಅದೇ ಪಂಕ್ತಿಯಲ್ಲಿ ಹೊಂದಿದೆ ಮತ್ತು Hebrews 9:10ನಲ್ಲಿ ಪಾತ್ರೆಗಳು ಅಥವಾ ದೇಹದ ಲೆವಿಟೈಕಲ್ ಶುದ್ಧೀಕರಣವನ್ನು ಉಲ್ಲೇಖಿಸುತ್ತದೆ;^[೪೦] ಮತ್ತು Hebrews 6:2ರಲ್ಲಿ ಬಹುಶಃ ಇದು ಬ್ಯಾಪ್ಟಿಸಮ್‌ನ ಅರ್ಥವನ್ನು ಕೂಡ ಹೊಂದಿದೆ, ಅದರೆ ಇಲ್ಲಿ ಒಂದು ಜೀವರಹಿತ ವಸ್ತುವಿನ ತೊಳೆಯುವಿಕೆಗೆ ಸಂಬಂಧಿಸಿದ ಅರ್ಥವೂ ಕೂಡ ಇರಬಹುದು.^[೩೯] Colossians 2:12ನಲ್ಲಿ, ಕೆಳದರ್ಜೆಯ ಹಸ್ತಪ್ರತಿಗಳು βάπτισμα ಅನ್ನು ಹೊಂದಿದ್ದು, ಅತ್ಯುತ್ತಮವಾದವುಗಳಲ್ಲಿ βαπτισμός ಎಂಬುದು ಕಂಡುಬರುತ್ತದೆ, ಮತ್ತು ಇದು ಹೊಸ ಒಡಂಬಡಿಕೆಯ ಆಧುನಿಕ ವಿಮರ್ಶಾತ್ಮಕ ಆವೃತ್ತಿಗಳಲ್ಲಿ ಓದಿಕೊಳ್ಳಲಾಗಿರುವ ರೀತಿಯಾಗಿದೆ.^[೪೧] ಇದು βαπτισμός ಎಂಬ ಪದವನ್ನು ಗುಣವಾಚಕವಾದ ತೊಳೆಯುವಿಕೆಗೆ ಬದಲಾಗಿ ಸುಸ್ಪಷ್ಟವಾಗಿ ಕ್ರಿಶ್ಚಿಯನ್ ಬ್ಯಾಪ್ಟಿಸಮ್ ಎಂಬರ್ಥದಲ್ಲಿ ಹೊಸ ಒಡಂಬಡಿಕೆಯಲ್ಲಿ ಬಳಸಲಾಗಿರುವುದರ ಏಕೈಕ ಉದಾಹರಣೆಯಾಗಿದೆ, ಆದರೆ Hebrews 6:2 ಎಂಬುದು ಕೂಡಾ ಬ್ಯಾಪ್ಟಿಸಮ್ ಎಂಬರ್ಥದ ಉಲ್ಲೇಖವಾಗಿರಬಹುದು.,^[೩೯] ಬರೆ ಸಲಕರಣೆಗಳನ್ನು ಶುದ್ಧೀಕರಿಸುವುದರ ಕುರಿತು ಹೇಳುವಾಗ, βαπτισμός ಎಂಬುದನ್ನು ῥαντισμός(ಪ್ರೋಕ್ಷಣೆ)ಗೆ ಸಮಾನಾರ್ಥದಲ್ಲಿ ಬಳಸಲಾಗುತ್ತದೆ, ಮತ್ತು ಇದು Hebrews 12:24 ಮತ್ತು 1Peter 1:2ರಲ್ಲಿ ಮಾತ್ರ ಕಂಡುಬರುವುದಾಗಿದ್ದು, ಈ ಪದವು ಹಳೆಯ ಒಡಂಬಡಿಕೆಯ ಪಾದ್ರಿಯು ನಡೆಸುವ ಸಾಂಕೇತಿಕ ಶುದ್ಧೀಕರಣವನ್ನು ಸೂಚಿಸುತ್ತದೆ.^[೪೨]

Βάπτισμα ಎಂಬ ಪದವನ್ನು βαπτισμός ಎಂದು ಕಲ್ಪಿಸಿಕೊಂಡು ಗೊಂದಲ ಮಾಡಿಕೊಳ್ಳಬಾರದು,^[೪೨] ಮತ್ತು ಮೊದಲನೆಯ ಪದವು ಕೇವಲ ಕ್ರಿಶ್ಚಿಯನ್ನರ ಬರಹಗಳಲ್ಲಿ ಮಾತ್ರ ಕಂಡುಬರುವುದು.^[೩೮] ಹೊಸ ಒಡಂಬಡಿಕೆಯಲ್ಲಿ ಇದು ಕಡಿಮೆಯೆಂದರೂ 21 ಬಾರಿ ಕಂಡುಬರುತ್ತದೆ:

• ಜಾನ್ ದ ಬ್ಯಾಪ್ಟಿಸ್ಟ್ನ ಧಾರ್ಮಿಕ ವಿಧಿಗೆ ಸಂಬಂಧಿಸಿದಂತೆ 13 ಬಾರಿ;^[೪೩]
• ನಿರ್ದಿಷ್ಟವಾದ ಕ್ರಿಶ್ಚಿಯನ್ ವಿಧಿಗೆ ಸಂಬಂಧಿಸಿದಂತೆ 3 ಬಾರಿ^[೪೪] (Colossians 2:12ರಲ್ಲಿನ ಕೆಳಮಟ್ಟದ ಹಸ್ತಪ್ರತಿಗಳಲ್ಲಿನ ಬಳಕೆಯನ್ನೂ ಪರಿಗಣಿಸುವುದಾದಲ್ಲಿ 4 ಬಾರಿ);
• 5 ಬಾರಿ ರೂಪಕೋಕ್ತಿಗಳ ರೀತಿಯಲ್ಲಿ.^[೪೫]

ಬ್ಯಾಪ್ಟಿಸಮ್ ಆರಂಭದಿಂದಲೂ ಕ್ರೈಸ್ತಧರ್ಮದ ಭಾಗವಾಗಿದ್ದು, ಇದಕ್ಕೆ ನಿದರ್ಶನಗಳು ಆಕ್ಟ್ಸ್ ಆಫ್ ದ ಅಪಾಸ್‌ಲ್ಸ್(ಏಸುದೂತರ ಕೃತ್ಯಗಳು) ಮತ್ತು ಪಾಲೀನ್ ಓಲೆಗಳಲ್ಲಿನ ಹಲವಾರು ಉಲ್ಲೇಖಗಳಲ್ಲಿ ಕಂಡುಬರುತ್ತವೆ. ಕ್ರೈಸ್ತಧರ್ಮೀಯರು ಯೇಸುವು ಬ್ಯಾಪ್ಟಿಸಮ್‌ನ ಪವಿತ್ರ ವಿಧಿಯನ್ನು ಆರಂಭಿಸಿದರೆಂದು ನಂಬುತ್ತಾರೆ. ಯೇಸುವಿನ ಉದ್ದೇಶಗಳು ಎಷ್ಟು ಸ್ಪಷ್ಟವಾಗಿದ್ದವು, ಹಾಗೂ ಆತ ಒಂದು ನಿರಂತರ, ವ್ಯವಸ್ಥಿತವಾದ ಚರ್ಚ್‌ನ ಬಗ್ಗೆ ದೂರದೃಷ್ಟಿಯನ್ನು ಹೊಂದಿದ್ದರೆ ಎನ್ನುವುದು ವಿದ್ವಾಂಸರ ನಡುವೆ ವಿವಾದಿತ ವಿಷಯವಾಗಿದೆ.^[೧೫]

ಯಹೂದೀ ವಿಧಿಗಳ ಹಿನ್ನೆಲೆ

"ಬ್ಯಾಪ್ಟಿಸಮ್" ಎಂಬ ಪದವನ್ನು ಯಹೂದೀ ಧಾರ್ಮಿಕ ಪ್ರಕ್ರಿಯೆಗಳನ್ನು ವರ್ಣಿಸಲು ಬಳಸಲಾಗುವುದಿಲ್ಲವಾದರೂ,ಯಹೂದೀ ಕಾನೂನುಗಳು ಮತ್ತು ಸಾಂಪ್ರದಾಯಿಕ ಆಚರಣೆಗಳ ಶುದ್ಧೀಕರಣ ವಿಧಿಗಳು (ಅಥವಾ ಮಿಕ್‌ವಾಹ್ —ವಿಧ್ಯುಕ್ತ ಅದ್ದುವಿಕೆ) ಬ್ಯಾಪ್ಟಿಸಮ್ ಅನ್ನು ಹೋಲುತ್ತವೆ, ಮತ್ತು ಇವೆರಡನ್ನೂ ಬೆಸೆಯಲಾಗಿರುವುದು^[೪೬] ಯಹೂದಿ ಬೈಬಲ್ ಮತ್ತಿತರ ಯಹೂದಿ ಗ್ರಂಥಗಳಲ್ಲಿ ಕಂಡುಬರುತ್ತದೆ, ಏಕೆಂದರೆ ವಿಧ್ಯುಕ್ತ ಶುದ್ಧೀಕರಣಕ್ಕಾಗಿ ನೀರಿನಲ್ಲಿ ಅದ್ದುವುದನ್ನು ನಿರ್ದಿಷ್ಟವಾದ ಸನ್ನಿವೇಶಗಳಲ್ಲಿ "ವಿಧಿವತ್ತಾದ ಶುದ್ಧತೆ"ಯ ಸ್ಥಿತಿಗೆ ಮರುಸ್ಥಾಪಿತಗೊಳಿಸುವುದಕ್ಕಾಗಿ ಊರ್ಜಿತಗೊಳಿಸಲಾಗಿತ್ತು. ಉದಾಹರಣೆಗೆ,(ಮೋಸಸ್‌ನ ಕಾನೂನು ಪ್ರಕಾರ) ಶವದೊಂದಿಗೆ ಸಂಪರ್ಕದಿಂದ ಅಪವಿತ್ರರಾದ ಯಹೂದಿಗಳು ಪವಿತ್ರ ದೇವಾಲಯದಲ್ಲಿ ಭಾಗವಹಿಸಲು ಸಮ್ಮತಿ ದೊರಕುವ ಮೊದಲು ಮಿಕ್‌ವಾಹ್ ಅನ್ನು ಬಳಸಬೇಕಾಗಿತ್ತು. ಜೂಡಾಯಿಸಮ್‌ಗೆ ಮತಾಂತರ ಹೊಂದಿದವರು ತಮ್ಮ ಮತಾಂತರದ ಅಂಗವಾಗಿ ನೀರಿನಲ್ಲಿ ಮುಳುಗೇಳುವುದು ಅವಶ್ಯಕವಾಗಿರುವುದು. ಮಿಕ್‌ವಾಹ್‌ನಲ್ಲಿಯ ಮುಳುಗುವಿಕೆಯು ಶುದ್ಧೀಕರಣದ ವಿಷಯದಲ್ಲಿ ಸ್ಥಾನಮಾನದ ಬದಲಾವಣೆ, ಮರುಸ್ಥಾಪನೆ, ಮತ್ತು ಸಮುದಾಯದ ಧಾರ್ಮಿಕ ಆಚರಣೆಗಳಲ್ಲಿ ಸಂಪೂರ್ಣವಾಗಿ ಭಾಗವಹಿಸಲು ಅರ್ಹತೆಯನ್ನು ಪ್ರತಿನಿಧಿಸುತ್ತದೆ, ಮತ್ತು ಶುದ್ಧೀಕೃತಗೊಂಡ ವ್ಯಕ್ತಿಯು ಸ್ವತ್ತು ಮತ್ತು ಅದರ ಮಾಲೀಕರ ಮೇಲೆ Num. 19 ಮತ್ತು ಬ್ಯಾಬಿಲೋನಿಯನ್ ಟಾಲ್‌ಮಡ್, ಟ್ರಾಕ್ಟೇಟ್ ಚ್ಯಾಜಿಗಾಹ್ , p. 12)ಗಳ ಮೇಲೆ ಅಪವಿತ್ರತೆಯನ್ನು ಹೇರುವುದಿಲ್ಲವೆಂದು ಖಾತ್ರಿಪಡಿಸಿದಂತಾಗುತ್ತದೆ. ಮಿಕ್‌ವಾಹ್‌ನ ಮೂಲಕ ಈ ರೀತಿಯ ಸ್ಥಾನಮಾನದ ಬದಲಾವಣೆಯನ್ನು ಪುನರಾವರ್ತಿಸಿಕೊಳ್ಳಬಹುದು, ಆದರೆ ಕ್ರಿಶ್ಚಿಯನ್ ಬ್ಯಾಪ್ಟಿಸಮ್ ಎಂಬುವುದುಪರಿಕರ್ತನದಂತೆಯೇ, ಕ್ರೈಸ್ತಮತೀಯರ ಸಾರ್ವತ್ರಿಕ ದೃಷ್ಟಿಕೋನದ ಪ್ರಕಾರ ಅದ್ವಿತೀಯವಾದ್ದು ಮತ್ತು ಪುನರಾವರ್ತಿಸಲಾಗದಂಥದ್ದು.^[೪೭] (ಆದರೆ ಸೆವೆಂತ್ ಡೇ ಅಡ್ವೆಂಟಿಸ್ಟರು ವಿಶ್ವಾಸಿಯೊಬ್ಬನಿಗೆ ಕ್ರೈಸ್ತಧರ್ಮದ ಬಗ್ಗೆ ನೂತನ ಜ್ಞಾನವು ಉದಾಹರಣೆಗೆ Acts 19:1-5ನಂತೆ ಪ್ರಾಪವಾದಲ್ಲಿ ಬ್ಯಾಪ್ಟಿಸಮ್ ಅನ್ನು ಪುನರಾವರ್ತಿಸಬಹುದೆಂದು ಕಾಣುತ್ತಾರೆ. ಇದಲ್ಲದೆ ಕ್ರಿಸ್ತನನ್ನು ಅನುಸರಿಸುವುದನ್ನು ನಿಲ್ಲಿಸಿ ದೂರವಾದ ವ್ಯಕ್ತಿಯೊಬ್ಬನು ಮರುದೀಕ್ಷಾಸ್ನಾನದ ಮೂಲಕ ಹೊಸ ಬದ್ಧತೆಯನ್ನು ಮಾಡಿಕೊಳ್ಳಬಹುದು.)^[೪೮]

ಜಾನ್ದ ಬ್ಯಾಪ್ಟಿಸ್ಟ್ ತನ್ನ ಮೆಸ್ಸಿಯಾನಿಕ್ ಆಂದೋಲನದಲ್ಲಿ ದೀಕ್ಷಾಸ್ನಾನದ ಮುಳುಗಿಸುವಿಕೆಯನ್ನು ಪ್ರಮುಖ ಪವಿತ್ರವಿಧಿಯನ್ನಾಗಿ ಅಂಗೀಕರಿಸಿದರು.^[೪೯]

ಯೇಸುವಿನ ದೀಕ್ಷಾಸ್ನಾನ

ಜಾನ್ ದ ಬ್ಯಾಪ್ಟಿಸ್ಟ್ ಒಂದನೇ ಶತಮಾನದಲ್ಲಿ ಯೋರ್ದಾನ್ ನದಿಯ ತಟದಲ್ಲಿದ್ದ ಧರ್ಮೋಪದೇಶಕರಾಗಿದ್ದರು.^[೫೦] ಕ್ರೈಸ್ತ ಧರ್ಮಶಾಸ್ತ್ರದ ಪ್ರಕಾರ, ಅವರು ಕ್ರಿಸ್ತನ ಪ್ರಥಮ ಆಗಮನವನ್ನು ಸಾರಲು ದೇವರು ಆಯ್ಕೆಮಾಡಿದವರಾಗಿದ್ದರು. ಅವರು ಯಹೂದಿಗಳಿಗೆ ಪಶ್ಚಾತ್ತಾಪಕ್ಕಾಗಿ ಯೋರ್ದಾನ್ ನದಿಯಲ್ಲಿ ದೀಕ್ಷಾಸ್ನಾನವನ್ನು ಮಾಡಿಸಿದರು.^[೫೧]

ಆತನ ಪ್ರಚಾರಕಾರ್ಯದ ಆರಂಭದಲ್ಲಿ, ಜಾನ್ ದ ಬ್ಯಾಪ್ಟಿಸ್ಟ್ ಯೇಸುವಿನ ಬ್ಯಾಪ್ಟಿಸಮ್ ಅನ್ನು ನಡೆಸಿದರು. ಯೇಸುವಿನ ಮೊದಮೊದಲ ಹಲವಾರು ಅನುಯಾಯಿಗಳು, ಆತನ ರೀತಿಯಲ್ಲೇ ಯೋರ್ದಾನಿನಲ್ಲಿ ಜಾನ್ ದ ಬ್ಯಾಪ್ಟಿಸ್ಟನಿಂದ ದೀಕ್ಷೆಯನ್ನು ಪಡೆದವರಾಗಿದ್ದರು.^[೫೨]

ಯೇಸುವಿನ ದೀಕ್ಷಾಸ್ನಾನವು ಐತಿಹಾಸಿಕ ಯೇಸುಕ್ರಿಸ್ತನ ಜೀವನದಲ್ಲಿ ನಡೆದಿರಬಹುದಾದ ಅತ್ಯಂತ ಅಧಿಕೃತವಾದ, ಇಲ್ಲವೇ ಐತಿಹಾಸಿಕವಾಗಿ ಸಾಧ್ಯವಾಗಿರಬಹುದಾದ ಘಟನೆಗಳಲ್ಲೊಂದಾಗಿದೆ. ಯೇಸು ಮತ್ತು ಆತನ ಆರಂಭದ ಅನುಯಾಯಿಗಳು ಜಾನ್‌ನ ದೀಕ್ಷೆಯ ಸಿಂಧುತ್ವವನ್ನು ಅಂಗೀಕರಿಸಿದರು, ಆದರೆ ಯೇಸುವೇ ಸ್ವತಃ ತಾನು ಬ್ಯಾಪ್ಟಿಸಮ್ ಮೂಲಕ ಪಶ್ಚಾತ್ತಾಪದ ವಿಚಾರದಿಂದ ತನ್ನನ್ನು ಪ್ರತ್ಯೇಕಿಸಿಕೊಂಡರು ಮತ್ತು ಧಾರ್ಮಿಕ ಆಚರಣೆಗಳಿಗೆ ಪ್ರತಿಯಾಗಿ ಪರಿಶುದ್ಧತೆಯ ನೀತಿಯನ್ನು ಪ್ರಚಾರ ಮಾಡಿದರು.^[೫೩] ಆರಂಭದ ಕ್ರೈಸ್ತಧರ್ಮವು ಪಾಪಗಳನ್ನು ಕ್ಷಮಿಸುವ ಪಶ್ಚಾತ್ತಾಪದ ಬ್ಯಾಪ್ಟಿಸಮ್ ಅನ್ನು ಆಚರಿಸುತ್ತಿದ್ದಿತು. ಕ್ರೈಸ್ತ ದೀಕ್ಷಾಸ್ನಾನವು ನೇರವಾಗಿ ಮತ್ತು ಐತಿಹಾಸಿಕವಾಗಿ - ಎರಡೂ ರೀತಿಗಳಲ್ಲಿ ಯೇಸುವಿನ ದೀಕ್ಷಾಸ್ನಾನದಿಂದ ಉಗಮವಾಯಿತೆಂದು ಹೇಳಬಹುದು.^[೫೪]

ಈ ಘಟನೆಯಿಂದಾಗಿ ಜಾನ್ ದ ಬ್ಯಾಪ್ಟಿಸ್ಟನಿಗೆ ಯೇಸುವಿನ ವಿಧೇಯತೆಯ ವಿಷಯದಲ್ಲಿ ವಿವಾದವನ್ನುಂಟುಮಾಡಿತು ಮತ್ತು ಯೇಸುಕ್ರಿಸ್ತನು ಪಾಪರಹಿತನೆಂಬ ಕ್ರಿಶ್ಚಿಯನ್ ನಂಬಿಕೆಗೆ ವ್ಯತಿರಿಕ್ತವಾದುದಾಗಿತ್ತು. ಜಾನ್‌ನ ಬ್ಯಾಪ್ಟಿಸಮ್ ಪಾಪವನ್ನು ಮನ್ನಿಸುವಂಥದಾಗಿರಲಿಲ್ಲ. ಅದು ಕೇವಲ ಪಶ್ಚಾತ್ತಾಪಕ್ಕಾಗಿ ಮತ್ತು ಕ್ರಿಸ್ತನನ್ನು ತಲುಪಲು ಮಾರ್ಗವನ್ನು ತಯಾರುಮಾಡುವಂಥದು ಮಾತ್ರವಾಗಿದ್ದಿತು (ಸ್ವತಃ ಯೇಸುವೇ ಪುನರುತ್ಥಾನದ ನಂತರ ಆದೇಶಿಸಿದಂತೆ ಯೇಸುವಿನಲ್ಲಿ ದೀಕ್ಷಾಸ್ನಾನದ ಮೂಲಕ ಸೇರುವುದರಿಂದ ಮಾತ್ರ ಪಾಪಗಳನ್ನು ಮನ್ನಿಸುವುದು ಸಾಧ್ಯವಾಗುವುದು). ಈ ಧರ್ಮಶಾಸ್ತ್ರದ ಕಗ್ಗಂಟನ್ನು ಬಿಡಿಸಲು ಮಾಡಲಾದ ಪ್ರಯತ್ನಗಳು ಸುವಾರ್ತೆಗಳನ್ನೂ ಒಳಗೊಂಡಂತೆ ಆರಂಭದ ಕ್ರಿಶ್ಚಿಯನ್ ಬರವಣಿಗೆಗಳಲ್ಲಿ ಸ್ಪಷ್ಟವಾಗಿ ಕಂಡುಬರುತ್ತವೆ. ಮಾರ್ಕ್‌ನ ಪ್ರಕಾರ, ಜಾನ್‌ ನಡೆಸಿದ ದೀಕ್ಷಾಸ್ನಾನವು ಯೇಸುವು ದೇವರ ಮಗನೆಂಬ ಪವಿತ್ರ ಗುರುತಿನ ದಿವ್ಯದರ್ಶನಕ್ಕೆ ಕಾರಣವಾಯಿತು.^[Mk 1:7-11] ಮ್ಯಾಥ್ಯೂ ತೋರಿಸುವಂತೆ, ತನಗಿಂತ ಶ್ರೇಷ್ಠರಾದ ಯೇಸುವನ್ನು ಬ್ಯಾಪ್ಟೈಜ್ ಮಾಡಲು ಜಾನ್ ತಕರಾರು ಎತ್ತುತ್ತಾರೆ ಮತ್ತು ಯೇಸುವು ಈ ವಾದವನ್ನು ತಳ್ಳಿಹಾಕಿದಾಗ ಮಾತ್ರ ಒಪ್ಪಿಕೊಳ್ಳುತ್ತಾರೆ^{[Mt 3:14-15]} ಮತ್ತು ಬ್ಯಾಪ್ಟಿಸಮ್ ಪಾಪಗಳನ್ನು ಮನ್ನಿಸುವುದೆಂಬ ಮಾರ್ಕ್‌ನ ಉಲ್ಲೇಖವನ್ನು ವರ್ಜಿಸುತ್ತಾರೆ. ಇವರಿಬ್ಬರೂ ತಾಯ ಗರ್ಭಗಳಲ್ಲಿದ್ದಾಗಿಂದಲೂ ಜಾನ್‌ರವರು ಏಸುವಿಗೆ ಅಧೀನವಾಗಿದ್ದರೆಂಬ ಅಂಶಕ್ಕೆ ಲೂಕ್ ಒತ್ತುನೀಡುತ್ತಾರೆ^{[Lk 1:32-45]} ಮತ್ತು ಯೇಸುವಿನ ಬ್ಯಾಪ್ಟಿಸಮ್‌ನಲ್ಲಿ ಜಾನ್‌ನ ಪಾತ್ರವಿದೆಯೆಂಬುದನ್ನು ಪರಿಗಣಿಸುವುದಿಲ್ಲ. ^[3:18-21] ಜಾನ್‌ನ ಸುವಾರ್ತೆಯು ಈ ಘಟನೆಯನ್ನು ಸೇರಿಸಿಕೊಂಡಿಲ್ಲ.^[೫೫]

ಇಗ್ನೇಶಿಯಸ್ ಆಂಟಿಯೋಖ್ನ ಪ್ರಕಾರ ಬ್ಯಾಪ್ಟಿಸಮ್‌ನ ಜಲವನ್ನು ಪವಿತ್ರಗೊಳಿಸಲು ಯೇಸುವನ್ನು ಬ್ಯಾಪ್ಟೈಜ್ ಮಾಡಲಾಯಿತೆಂಬ ವಾದ ಮತ್ತು ಎಲ್ಲರ ದೃಷ್ಟಿಯಲ್ಲಿ ಆದರ್ಶ ಉದಾಹರಣೆಯಾಗಿರುವ ಸಲುವಾಗಿ ಯೇಸುವನ್ನು ಬ್ಯಾಪ್ಟೈಜ್ ಮಾಡಲಾಯಿತು ಎಂಬ ಜಸ್ಟಿನ್ ಮಾರ್ಟೈರ್ನ ವಿವರಣೆಗಳು ಯೇಸುವಿನ ಬ್ಯಾಪ್ಟಿಸಮ್‌ನ ಬಗ್ಗೆ ಹೆಚ್ಚು ಜನಪ್ರಿಯವಾಗಿ ಉಳಿದುಕೊಂಡು ಬಂದಿರುವ ಆರಂಭದ ವಿವರಣೆಗಳಲ್ಲಿ ಕೆಲವು.^[೫೫]

ಯೇಸುವಿನಿಂದ ಬ್ಯಾಪ್ಟಿಸಮ್

ಗಾಸ್ಪೆಲ್ ಆಫ್ ಜಾನ್^{[Jn 3:22-30] [4:1-4]}ನ ಹೇಳಿಕೆಯ ಪ್ರಕಾರ ಯೇಸುವು ಆರಂಭದ ಹಂತದಲ್ಲಿ ಜನರನ್ನು ಗುಂಪುಗುಂಪಾಗಿ ಆಕರ್ಷಿಸಿದ ಬ್ಯಾಪ್ಟಿಸಮ್‌ನ ಧರ್ಮಪ್ರಚಾರ ಮಂಡಲಿಯ ಮುಂದಾಳತ್ವವನ್ನು ವಹಿಸಿದ್ದರು. John 4:2, ಎಂಬುದು ಹಲವಾರು ವಿದ್ವಾಂಸರು ಪರಿಗಣಿಸುವಂತೆ ನಂತರದಲ್ಲಿ ಸೇರಿಸಲಾದ ಸಂಪಾದಕೀಯ ಅಂಶವಾಗಿದ್ದು,^[೫೬] ಇದು ಯೇಸುವು ತಾನು ಬ್ಯಾಪ್ಟೈಜ್ ಆಗಿದ್ದರೆಂಬುದನ್ನು ನಿರಾಕ್ರರಿಸುತ್ತದೆ ಮತ್ತು ಆತ ತನ್ನ ಭಕ್ತರ ಮೂಲಕ ಈ ಕಾರ್ಯವನ್ನು ನೆರವೇರಿಸಿದರೆಂದು ವಿವರಣೆ ನೀಡುತ್ತದೆ.

ಹಲವು ಪ್ರಮುಖ ವಿದ್ವಾಂಸರು ಯೇಸುವನ್ನು ಬ್ಯಾಪ್ಟೈಜ್ ಮಾಡಲಾಗಿರಲಿಲ್ಲ ಎಂಬ ಅಭಿಪ್ರಾಯ ಹೊಂದಿದ್ದಾರೆ. ಜೆರ್ಡ್ ಥೀಸ್ಸೆನ್ ಮತ್ತು ಆನೆಟ್ ಮರ್ಜ್ರ ವಾದದ ಪ್ರಕಾರ ಯೇಸುವು ಬ್ಯಾಪ್ಟೈಜ್ ಆಗಿರಲಿಲ್ಲ, ಬ್ಯಾಪ್ಟಿಸಮ್‌ನಿಂದ ಪಶ್ಚಾತ್ತಾಪದ ಕಲ್ಪನೆಯನ್ನು ಪ್ರತ್ಯೇಕಿಸಿದರು, ಜಾನ್‌ನ ಬ್ಯಾಪ್ಟಿಸಮ್ ಅನ್ನು ಮಾನ್ಯ ಮಾಡಿದರು, ಮತ್ತು ಬ್ಯಾಪ್ಟಿಸಮ್‌‌ನ ಜತೆಗೆ ಸ್ಪರ್ಧೆಗಿಳಿಯುವ ಪರಿಶುದ್ಧತೆಯ ನೈತಿಕತೆಗೆ ಒತ್ತು ನೀಡಿದರು.^[೫೩] Oxford Dictionary of World Religions ಕೂಡಾ ಯೇಸುವು ಬ್ಯಾಪ್ಟಿಸಮ್ ಅನ್ನು ತನ್ನ ಧರ್ಮಪ್ರಚಾರದ ಅಂಗವಾಗಿ ನಡೆಸುತ್ತಿರಲಿಲ್ಲ ಎಂದು ಹೇಳಿಕೆ ನೀಡುತ್ತದೆ.^{[೧೪][page needed]}

ಇ.ಪಿ.ಸ್ಯಾಂಡರ್ಸ್ ಏಸುವನ್ನು ಒಬ್ಬ ಐತಿಹಾಸಿಕ ವ್ಯಕ್ತಿಯಾಗಿ ವರ್ಣಿಸುವಾಗ ಯೇಸುವಿನ ಬ್ಯಾಪ್ಟೈಸಿಂಗ್ ಚಳುವಳಿಯ ಬಗ್ಗೆ ಜಾನ್ ಹೇಳಿರುವುದನ್ನು ವರ್ಜಿಸಿದ್ದಾರೆ.^[೫೭]

ರಾಬರ್ಟ್ ಡಬ್ಲ್ಯೂ ಫಂಕ್ ಜಾನ್‌ನ ಸುವಾರ್ತೆಯಲ್ಲಿರುವ ಯೇಸುವಿನ ಬ್ಯಾಪ್ಟಿಸಮ್‌ನ ವರ್ಣನೆಯು ಕೆಲವು ತೊಡಕುಗಳನ್ನು ಹೊಂದಿರುವುದಾಗಿ ಪರಿಗಣಿಸುತ್ತಾರೆ: ಉದಾಹರಣೆಗೆ, ಅಲ್ಲಿನ ವರದಿಯು ಯೇಸುವು ಜೂಡಿಯಾಗೆ ಬರುವುದನ್ನು ತಿಳಿಸುತ್ತದೆ, ಆದರೆ ಯೇಸುವು ಆಗಲೇ ಜೆರೂಸಲೇಮಿನಲ್ಲಿದ್ದರು ಹಾಗಾಗಿ ಜೂಡಿಯಾದಲ್ಲಿಯೆ ಇದ್ದರು.^[೫೮] John 3:22 ನಿಜವಾಗಿ ಯೇಸು ಮತ್ತು ಆತನ ಶಿಷ್ಯಂದಿರು "εἰς τὴν Ἰουδαίαν" (ಜೂಡಿಯಾಗೆ) ಬರುವುದನ್ನಲ್ಲ ಆದರೆ, "εἰς τὴν Ἰουδαίαν γῆν" (ಜೂಡಿಯದ ಗ್ರಾಮೀಣಪ್ರದೇಶಕ್ಕೆ) ಬರುವುದನ್ನು ತಿಳಿಸುತ್ತದೆ,^[೫೯] ಮತ್ತು ಇದನ್ನು ಈ ಘಟನೆಗೆ ಮುನ್ನ ನಡೆಯಿತೆಂದು ತಿಳಿಸಲಾಗಿರುವ ನಿಕೋಡೆಮಸ್ಸನ ಜೊತೆಯ ಜೆರೂಸಲೇಮ್‌ನ ಮುಖಾಮುಖಿಯ ಘಟನೆಗೆ ವ್ಯತಿರಿಕ್ತವಾಗಿದೆ.^[೬೦] ಜೀಸಸ್ ಸೆಮಿನಾರ್ ಪ್ರಕಾರ, ಯೇಸುವು ಬ್ಯಾಪ್ಟಿಸಮ್‌ನ ಪ್ರಚಾರಕಾರ್ಯದ ಮುಂದಾಳತ್ವ ವಹಿಸಲು "ಜೂಡಿಯಾಗೆ ಬಂದರು" ("εἰς τὴν Ἰουδαίαν γῆν" ಎಂದು ವ್ಯಾಖ್ಯಾನಿಸಲಾಗಿರುವಂತೆ) ಎಂದು ವಿವರಿಸಲಾಗಿರುವ ಭಾಗವು ಬಹುಶಃ ಯಾವುದೇ ಐತಿಹಾಸಿಕ ಮಾಹಿತಿಯನ್ನು ಉಳಿಸಿಕೊಂಡಿಲ್ಲ (ಒಂದು "ಕಪ್ಪು" ಶ್ರೇಣಿ).^[೫೮]

ಇದಕ್ಕೆ ವ್ಯತಿರಿಕ್ತವಾಗಿ, ಕೇಂಬ್ರಿಡ್ಜ್ ಕಂಪಾನಿಯನ್ ಟು ಜಿಸುಸ್^[೬೧] ಬೇರೆಯೇ ದೃಷ್ಟಿಕೋನವನ್ನು ಹೊಂದಿದೆ. ಈ ಮೂಲದ ಪ್ರಕಾರ, ಯೇಸುವು ಜಾನ್‌ ದ ಬ್ಯಾಪ್ಟಿಸ್ಟನ ಪಶ್ಚಾತ್ತಾಪ, ಕ್ಷಮೆ ಮತ್ತು ಬ್ಯಾಪ್ಟಿಸಮ್‌ನ ಸಂದೇಶವನ್ನು ಒಪ್ಪಿದರು ಮತ್ತು ತನ್ನದಾಗಿಸಿಕೊಂಡರು;^[೬೨] ಜಾನ್ ಬಂಧನಕ್ಕೊಳಗಾದಾಗ, ಯೇಸುವು ಅವರ ಸಂಪ್ರದಾಯವನ್ನು ಮುಂದಕ್ಕೊಯ್ಯುತ್ತ, ಸನ್ನಿಹಿತವಾದ ದೇವರ ರಾಜ್ಯವನ್ನು ಸ್ವೀಕರಿಸುವಲ್ಲಿ ಪ್ರಥಮ ಹೆಜ್ಜೆಗಳೆಂದರೆ ಪಶ್ಚಾತ್ತಾಪ ಮತ್ತು ಬ್ಯಾಪ್ಟಿಸಮ್ ಎಂದು ಕರೆ ನೀಡಿದರು;^[೬೩] ಮತ್ತು ಅವರ ಸಂದೇಶದಲ್ಲಿ ಬ್ಯಾಪ್ಟಿಸಮ್‌ಗೆ ನೀಡಲಾಗಿರುವ ಪ್ರಮುಖ ಸ್ಥಾನವು ಜಾನ್‌ನ ಸುವಾರ್ತೆಯಲ್ಲಿ ಯೇಸುವಿನ ಬ್ಯಾಪ್ಟಿಸಮ್ ಮಾಡುವುದರ ಬಗೆಗಿನ ಭಾಗದ ಮೂಲಕ ದೃಢವಾಗುತ್ತದೆ.^[೬೪] ಜನ್‌ನ ಮರಣದಂಡನೆಯ ಬಳಿಕ, ಯೇಸುವು ದೀಕ್ಷಾಸ್ನಾನವನ್ನು ನಿಲ್ಲಿಸಿದರು, ಮತ್ತು ಮಧ್ಯದಲ್ಲಿ ಒಮ್ಮೊಮ್ಮೆ ಈ ಆಚರಣೆಗೆ ಅವರು ಮರಳಿರಬಹುದು; ಇದರಿಂದ ತಿಳಿದುಬರುವುದೇನೆಂದರೆ, ಯೇಸುವಿನ ಧರ್ಮಪ್ರಚಾರದಲ್ಲಿ ಬ್ಯಾಪ್ಟಿಸಮ್ ಜಾನ್‍ನ ಸಾವಿಗೆ ಮುನ್ನ ಮತ್ತು ಪುನರುತ್ಠಾನದ ನಂತರ ಆತನ ಅನುಯಾಯಿಗಳಲ್ಲಿ ಮುಖ್ಯ ಪಾತ್ರವನ್ನು ವಹಿಸಿದ್ದಿತಾದರೂ, ನಡುವಿನ ಕಾಲಘಟ್ಟದಲ್ಲಿ ಈರೀತಿಯ ಯಾವುದೇ ಪ್ರಾಮುಖ್ಯತೆಯನ್ನು ಹೊಂದಿರಲಿಲ್ಲ.^[೬೫]

ಹೊಸ ಒಡಂಬಡಿಕೆಯ ವಿದ್ವಾಂಸರಾದ ರೇಮಂಡ್ ಇ. ಬ್ರೌನ್ ಯೊಹಾನನ ಬರಹಗಳ ವಿಶೇಷಜ್ಞರಾಗಿದ್ದು, ಅವರು, ಯೇಸುವು ತನ್ನ ಭಕ್ತರ ಮೂಲಕ ಮಾತ್ರ ದೀಕ್ಷೆಯನ್ನು ಪಡೆದರೆಂಬ John 4:2ನ ಒಳತೂರಿಸಲಾದ ಸಂಪಾದಕೀಯ ವ್ಯಾಖ್ಯಾನವು ಅದೇ ಅಧ್ಯಾಯದ ಅದಕ್ಕೆ ಹಿಂದಿನ ಭಾಗಗಳಲ್ಲಿ ಯೇಸುವು ಬ್ಯಾಪ್ಟಿಸಮ್ ಅನ್ನು ನಡೆಸಿದರೆಂದು ಎರಡು ಬಾರಿ ಮತ್ತೆ ನೀಡಲಾಗಿರುವ ಹೇಳಿಕೆಗೆ ವಿವರಣೆ ನೀಡುವ ಇಲ್ಲವೆ ಅದನ್ನು ತಿದ್ದುವ ಉದ್ದೇಶದಿಂದ ನೀಡಿರುವುದಾಗಿ ಪರಿಗಣಿಸುತ್ತಾರೆ, ಮತ್ತು ಲೇಖಕನು ಶಿಷ್ಯರು ನಡೆಸಿದ ಬ್ಯಾಪ್ಟಿಸಮ್ ಅನ್ನು ಪವಿತ್ರ ಆತ್ಮದಲ್ಲಿನ ಬ್ಯಾಪ್ಟಿಸಮ್ ಆಗಿ ಪರಿಗಣಿಸದೆ, ಬ್ಯಾಪ್ಟಿಸ್ಟನ ಕೆಲಸದ ಮುಂದುವರಿಕೆಯೆಂದು ಭಾವಿಸಿದ್ದು ಈ ಸೇರಿಸುವಿಕೆಗೆ ಕಾರಣವೆಂದು ತಿಳಿಸುತ್ತಾರೆ.^[೬೬]

ಇತರ ಹೊಸ ಒಡಂಬಡಿಕೆಯ ವಿದ್ವಾಂಸರೂ ಕೂಡ ಜಾನ್‌ನಲ್ಲಿಯ ಈ ಭಾಗದ ಐತಿಹಾಸಿಕ ಮೌಲ್ಯವನ್ನು ಸ್ವೀಕರಿಸುತ್ತಾರೆ. ಇದೇ ಅಭಿಪ್ರಾಯವನ್ನು ಜೊಯೆಲ್ ಬಿ. ಗ್ರೀನ್, ಸ್ಕಾಟ್ ಮೆಕ್‌ನೈಟ್, ಐ.ಹವರ್ಡ್ ಮಾರ್ಷಲ್ ಕೂಡಾ ಹೊಂದಿದ್ದಾರೆ.^[೬೭] ಇನ್ನೊಂದು ಹೇಳಿಕೆಯ ಪ್ರಕಾರ ಇಲ್ಲಿ "ಕೆಲಕಾಲದವರೆಗೆ ಯೇಸು ಮತ್ತು ಅವರ ಶಿಷ್ಯಂದಿರು ಬ್ಯಾಪ್ಟಿಸಮ್‌ನ ಧರ್ಮಪ್ರಚಾರವನ್ನು ನಡೆಸಿದರೆಂಬ ವರದಿಯನ್ನು ನಿರಾಕರಿಸಲು ಯಾವುದೇ ಪೂರ್ವ ಕಾರಣವೂ ಇಲ್ಲ"ವೆಂದು ಅಭಿಪ್ರಯ ವ್ಯಕ್ತಪಡಿಸಲಾಗಿದೆ, ಮತ್ತು ಈ ವರದಿಯನ್ನು "ಐತಿಹಾಸಿಕವಾಗಿರಬಹುದಾದ ಸಾಧ್ಯತೆಯುಳ್ಳ ಮತ್ತು ಪ್ರಾಮುಖ್ಯತೆಯನ್ನು ನೀಡಬೇಕಾದಂತಹ" ಜಾನ್‌ನ ಹೇಳಿಕೆಯ ಅಂಶಗಳಲ್ಲೊಂದು ಎಂಬುದಾಗಿ ತಿಳಿಸುತ್ತದೆ^[3:22-26] .^[೬೮]

ಜಾನ್ ದ ಬ್ಯಾಪ್ಟಿಸ್ಟ್ ಮತ್ತು ನಜರೇತಿನ ಯೇಸುವಿನ ನಡುವಣ ಸಂಬಂಧದ ಬಗೆಗಿನ ತನ್ನ ಪುಸ್ತಕದಲ್ಲಿ ದಾನಿಯೆಲ್ ಎಸ್. ದಾಪಾಹ್ರವರು ಜಾನ್‌ನ ಹೇಳಿಕೆಯು "ಐತಿಹಾಸಿಕ ಸಂಪ್ರದಾಯದ ಒಂದು ತುಣುಕಾಗಿರಬಹುದು" ಎಂದು ಹೇಳುತ್ತಾರೆ, ಮತ್ತು ಸೈನಾಪ್ಟಿಕ್ ಸುವಾರ್ತೆಗಳ ಮೌನದ ಅರ್ಥ ಜಾನ್‌ನ ಮಾಹಿತಿ ಕಟ್ಟುಕಥೆಯೆಂದಲ್ಲ, ಮಾರ್ಕ್‌ನ ಹೇಳಿಕೆಯೂ ಕೂಡ ಯೇಸುವು ಗಲಿಲೀಗೆ ಮುನ್ನ ಜಾನ್‌ನ ಜತೆ ಕೆಲಸ ಮಾಡಿದ್ದನೆಂದು ಸೂಚಿಸುತ್ತದೆ ಎಂದು ವ್ಯಾಖ್ಯಾನಿಸುತ್ತಾರೆ.^[೬೯] ಫ್ರೆಡರಿಕ್ ಜೆ. ಚ್ವೆಕೋವ್‌ಸ್ಕಿಯವರು ಜಾನ್‌ನ ಹೇಳಿಕೆಗಳು ಯೇಸುವು ದೀಕ್ಷಾಸ್ನಾನವನ್ನು ನಡೆಸುತ್ತಿದ್ದರು ಎಂಬ "ಭಾವನೆಯನ್ನುಂಟುಮಾಡುತ್ತದೆ" ಎಂದು ಒಪ್ಪಿಕೊಂಡಿದ್ದಾರೆ.^[೭೦]

ಬೈಬಲ್‌ನ ಜೋಸೆಫ್ ಸ್ಮಿಥ್ ಅನುವಾದವು ಹೇಳುವುದೇನೆಂದರೆ, "ಆತನು [ಕ್ರಿಸ್ತ] ಸ್ವತಃ ತಾನು ತನ್ನ ಶಿಷ್ಯಂದಿರಷ್ಟು ಸಂಖ್ಯೆಯಷ್ಟೇ ಜನರಿಗೆ ಮಾತ್ರ ದೀಕ್ಷೆ ನೀಡಿರಬಹುದು; 'ಏಕೆಂದರೆ ಅವರು ಒಂದು ಮೇಲ್ಪಂಕ್ತಿಯನ್ನು ಹಾಕಿಕೊಡುವ ಸಲುವಾಗಿ, ಒಬ್ಬರಿಗೊಬ್ಬರು ಪ್ರಾಶಸ್ತ್ಯ ನೀಡಬೇಕೆನ್ನುವ ಸಲುವಾಗಿ ಈ ತೊಂದರೆಯನ್ನು ತೆಗೆದುಕೊಂಡರು.’^[೭೧]

ಜಾನ್‌ನ ಸುವಾರ್ತೆಯು John 3:32ನಲ್ಲಿ, ಯೇಸುವು ಹಲವಾರು ಜನರನ್ನು ತನ್ನ ಬ್ಯಾಪ್ಟಿಸಮ್‌ನೆಡೆಗೆ ಸೆಳೆದರೂ ಕೂಡ, ಅವರು ಆತನ ರುಜುವಾತುಗಳನ್ನು ಆಗಲೂ ನಂಬುತ್ತಿರಲಿಲ್ಲ ಎಂದು ಹೇಳುತ್ತದೆ,^[೭೨] ಮತು ಜೀಸಸ್ ಸೆಮಿನಾರ್ ಜೋಸೆಫಸ್‌ನ ಹೇಳಿಕೆಗಳನ್ನು ಆಧರಿಸಿ, ಸಾರ್ವಜನಿಕವಾಗಿ ಜಾನ್‌ ದ ಬ್ಯಾಪ್ಟಿಸ್ಟನು ಸಾರ್ವಜನಿಕರ ಮನದಲ್ಲಿ ಯೇಸುವಿನಿಗಿಂತ ಹೆಚ್ಚಿನ ಪ್ರಭಾವವನ್ನು ಹೊಂದಿದ್ದನೆಂಬ ಅಭಿಪ್ರಾಯಕ್ಕೆ ಬರುತ್ತದೆ.^[೫೧]

ಹೊಸ ಒಡಂಬಡಿಕೆ

ಹೊಸ ಒಡಂಬಡಿಕೆಯು ಬ್ಯಾಪ್ಟಿಸಮ್ ಆರಂಭದ ಕ್ರಿಶ್ಚಿಯನ್ನರಲ್ಲಿ ಪ್ರಮುಖ ಆಚರಣೆಯಾಗಿತ್ತೆಂಬುದಕ್ಕೆ ಹಲವಾರು ಉಲ್ಲೇಖಗಳಾನ್ನು ಒಳಗೊಂಡಿದೆ, ಮತ್ತು ಯೇಸುವು ಇದನ್ನು ಆರಂಭಿಸಿದರೆನ್ನುವುದಕ್ಕೆ ಯಾವ ನೈಜ ಘಟನೆಗಳನ್ನು ಆಧಾರವಾಗಿ ನೀಡದಿದ್ದರೂ ಕೂಡ ತನ್ನ ಪುನರುತ್ಟಾನದ ನಂತರ ಈ ವಿಧಿಯನ್ನು ನಡೆಸಲು ತನ್ನ ಅನುಯಾಯಿಗಳಿಗೆ ನಿರ್ದೇಶಿಸುತ್ತಿರುವಂತೆ ಚಿತ್ರಿಸುತ್ತದೆ (ನೋಡಿ ಮಹಾ ನಿಯೋಜನೆ).^[೭೩] ಜತೆಗೇ ಇದು ಬ್ಯಾಪ್ಟಿಸಮ್‌ನ ಪ್ರಾಮುಖತೆಯ ಬಗ್ಗೆ ಏಸುದೂತ ಪಾಲ್ನ ವ್ಯಾಖ್ಯಾನಗಳು ಮತ್ತು ಪೇತ್ರನ ಮೊದಲನೆ ಓಲೆಗಳಲ್ಲಿನ ಉಲ್ಲೇಖಗಳನ್ನು ಕೂಡ ನೀಡುತ್ತದೆ.

ಪಾಲ್‌ನ ಓಲೆಗಳು

ಏಸುದೂತ ಪಾಲ್ ಕ್ರಿಸ್ತ ಕ್ರಿಸ್ತಶಕೆ 50ರಲ್ಲಿ ಹಲವಾರು ಪ್ರಭಾವಶಾಲೀ ಓಲೆಗಳನ್ನು ಬರೆದರು ಮತ್ತು ನಂತರದಲ್ಲಿ ಇವಕ್ಕೆ ಶಾಸ್ತ್ರೀಯ ಸ್ಥಾನಮಾನವನ್ನು ಹೊಂದಿರುವುದಾಗಿ ಸ್ವೀಕರಿಸಲಾಯಿತು. ಪಾಲ್‌ನ ಪ್ರಕಾರ, ಬ್ಯಾಪ್ಟಿಸಮ್ ನಂಬಿಕೆಯುಳ್ಳ ವ್ಯಕ್ತಿಯು ಕ್ರಿಸ್ತನಲ್ಲಿ, ಕ್ರಿಸ್ತನ ಮರಣ ಮತ್ತು ಆತನ ಪುನರುತ್ಟಾನದಲ್ಲಿ ಐಕ್ಯವಾಗಲು ಕಾರಣವೂ, ಅದರ ಪ್ರತಿನಿಧಿಯೂ ಆಗಿದೆ; ಎಲ್ಲ ಪಾಪವನ್ನೂ ತೊಳೆಯುತ್ತದೆ; ಅವರನ್ನು ಕ್ರಿಸ್ತನ ದೇಹದೊಳಗೆ ಸೇರ್ಪಡೆ ಮಾಡುತ್ತದೆ, ಮತ್ತು "ಆತ್ಮಪಾನವನ್ನು ಮಾಡುವಂತೆ" ಮಾಡುತ್ತದೆ.^{[1 Co 12:13][೧೫]} ಪಾಲ್‌ನ ಬರಹಗಳಾನ್ನು ಆಧರಿಸಿ, ಬ್ಯಾಪ್ಟಿಸಮ್ ಅನ್ನು ರಹಸ್ಯಧರ್ಮಗಳಲ್ಲೊಂದು ಎಂಬಂತೆ ಅರ್ಥೈಸಿಕೊಳ್ಳಲಾಯಿತು.^[೭೪]

ಮಾರ್ಕ್‌ನ ಸುವಾರ್ತೆ

ಟೆಂಪ್ಲೇಟು:ಬೈಬಲ್‌ಉಲ್ಲೇಖ2

ಈ ಸುವಾರ್ತೆಯನ್ನು ಸಾಮಾನ್ಯವಾಗಿ ಮೊದಲನೆಯದೆಂದೂ, ಮ್ಯಾಥ್ಯೂ ಮತ್ತು ಲೂಕ್‌ಗೆ ತಳಪಾಯವಾಗಿ ಬಳಕೆಯಾಗಿರುವುದೆಂದೂ ನಂಬಲಾಗುತ್ತದೆ, ಮತ್ತು ಇದು ಪಾಪಗಳ ಕ್ಷಮೆಗಾಗಿ ಪಶ್ಚಾತ್ತಾಪದ ಬ್ಯಾಪ್ಟಿಸಮ್ ಅನ್ನು ಬೋಧಿಸಿದ ಜಾನ್‌ನಿಂದ ಯೇಸುವಿನ ದೀಕ್ಷಾಸ್ನಾನದೊಂದಿಗೆ ಆರಂಭವಾಗುತ್ತದೆ. ಯೇಸುವಿನ ಬಗ್ಗೆ ಹೇಳುತ್ತ ಜಾನ್ ತಾನು ಅವರಿಗೆ ನೀರಿನ ಬದಲಾಗಿ ಪವಿತ್ರ ಆತ್ಮದ ದೀಕ್ಷಾಸ್ನಾನವನ್ನು ಮಾಡಿಸುವೆನೆಂದು ಹೇಳುತ್ತಾರೆ. ಯೇಸುವಿನ ದೀಕ್ಷಾಸ್ನಾನದ ವೇಳೆಯಲ್ಲಿ ಅವರಿಗೆ ದೇವರು ಯೇಸುವು ತಮ್ಮ ಪುತ್ರನೆಂದು ಘೋಷಿಸಿದ ದನಿಯು ಕೇಳುತ್ತದೆ ಮತ್ತು ಪಾರಿವಾಳದ ರೀತಿಯ ಆತ್ಮವೊಂದು ಅವರ ಮೇಲೆ ಬಂದಿಳಿಯುವುದು ಗೋಚರವಾಗುತ್ತದೆ. ಯೇಸುವಿನ ಧರ್ಮಪ್ರಚಾರದ ವೇಳೆಯಲ್ಲಿ ಜೇಮ್ಸ್ ಮತ್ತು ಜಾನ್ ಯೇಸುವನ್ನು ಬರಲಿರುವ ರಾಜ್ಯದಲ್ಲಿ ಗೌರವಯುತ ಸ್ಥಾನಗಳಾನ್ನು ನೀಡಬೇಕೆಂದು ಕೇಳಿಕೊಂಡಾಗ, ಯೇಸುವು ತನ್ನ ವಿಧಿಲಿಖಿತವನ್ನು ಒಂದು ಬ್ಯಾಪ್ಟಿಸಮ್ ಮತ್ತು ಒಂದು ಬಟ್ಟಲಿಗೆ ಹೋಲಿಸುತ್ತಾರೆ, ಮತ್ತು ಈ ಬ್ಯಾಪ್ಟಿಸಮ್ ಮತ್ತು ಬಟ್ಟಲುಗಳೇ ಜಾನ್ ಮತ್ತು ಜೇಮ್ಸ್‌ಗಾಗಿ ಕಾದಿವೆ (ಎಂದರೆ ಮತನಿಷ್ಠೆಗಾಗಿ ಮರಣ).^[೭೫]

ಟೆಂಪ್ಲೇಟು:ಬೈಬಲ್‌ಉಲ್ಲೇಖ2

ಮಾರ್ಕ್‌ನ ಸಾಂಪ್ರದಾಯಿಕ ಕೊನೆಯು ಎರಡನೇ ಶತಮಾನದ ಆರಂಭದ ಭಾಗದಲ್ಲೆಲ್ಲೊ ಸಂಕಲಿಸಲಾಯಿತೆಂದು ಭಾವಿಸಲಾಗುತ್ತದೆ, ಮತ್ತು ಆ ಶತಮಾನದ ಮಧ್ಯಭಾಗದ ಹೊತ್ತಿಗೆ ಮೊದಲು ಲಗತ್ತಿಸಲಾಯಿತೆಂದು ಅಭಿಪ್ರಾಯವಿದೆ.^[೭೬] ಅದರ ಪ್ರಕಾರ, ಯಾರು ನಂಬುವರೋ ಮತ್ತು ದೀಕ್ಷಾಸ್ನಾನವನ್ನು ಪಡೆಯುವರೊ ಅವರನ್ನು ಕಾಪಾಡಲಾಗುವುದು.^{[Mk 16:9-20]}

ಮ್ಯೂಥ್ಯೂನ ಸುವಾರ್ತೆ

ಟೆಂಪ್ಲೇಟು:ಬೈಬಲ್‌ಉಲ್ಲೇಖ2; Matthew 28:18-20

ಮ್ಯಾಥ್ಯೂನಲ್ಲಿ ಯೇಸುವಿನ ದೀಕ್ಷಾಸ್ನಾನದ ಸಂಕ್ಷಿಪ್ತ ಸ್ವರೂಪವನ್ನು ಒಳಗೊಳ್ಳಲಾಗಿದೆ.^{[Mt 3:12-14]}

ಜತೆಗೇ ಮ್ಯಾಥ್ಯೂನ ಸುವಾರ್ತೆಯು ಮಹಾ ನಿಯೋಜನೆಯ ಅತ್ಯಂತ ಪ್ರಸಿದ್ಧ ಸ್ವರೂಪವನ್ನು ಕೂಡಾ ಒಳಗೊಂಡಿದೆ.^[28:18-20] ಇಲ್ಲಿ, ಪುನರವತರಿಸಿದ ಯೇಸುವು ಧರ್ಮದೂತರಿಗೆ ಕಾಣಿಸಿಕೊಳ್ಳುತ್ತಾರೆ ಮತ್ತು ಅವರನ್ನು ಶಿಷ್ಯರನ್ನು ಪಡೆಯಲು, ಬ್ಯಪ್ಟೈಜ್ ಮಾಡಲು ಮತ್ತು ಧರ್ಮಬೋಧನೆ ಮಾಡಲು ನಿಯೋಜಿಸುತ್ತಾರೆ.^[೭೭] ಈ ನಿಯೋಜನೆಯು ಶೈಶವಾವಸ್ಥೆಯ ಕ್ರಿಶ್ಚಿಯನ್ ಆಂದೋಲನದ ಕಾರ್ಯಕ್ರಮ ವ್ಯವಸ್ಥೆಯನ್ನು ಪ್ರತಿಫಲಿಸುತ್ತದೆ.^[೭೭]

ಅಧ್ಯಾಯಗಳು

ಸುವಾರ್ತೆಗಳ ಅಧ್ಯಾಯಗಳು, ಬರೆಯಲಾಗಿದ್ದು c. 85–90,^[೭೮] ಜೆರೂಸಲೇಮಿನ ಸುಮಾರು 3,000 ಜನರನ್ನು ಪೆಂಟೆಕೋಸ್ಟ್ನ ಒಂದೇ ದಿನದಲ್ಲಿ ಬ್ಯಾಪ್ಟೈಜ್ ಮಾಡಲಾಯಿತು ಎಂದು ಹೇಳಿಕೆ ನೀಡುತ್ತದೆ.^[2:41] ಮುಂದಕ್ಕೆ ಇದು ಸಮೇರಿಯದ ಪುರುಷರು ಹಾಗೂ ಮಹಿಳೆಯರು,^[8:12-13] ಇಥಿಯೋಪಿಯನ್ ನಪುಂಸಕನೊಬ್ಬ,^[8:36-40] ಸಾಲ್ ಆಫ್ ಟಾರಸ್,^{[9:18] [22:16]}ಕಾರ್ನೇಲಿಯಸ್ನ ಕುಟುಂಬದವರು,^[10:47-48] ಲಿಡಿಯಾರ ಕುಟುಂಬದವರು,^[16:15] ಫಿಲಿಪ್ಪಿ ಜೈಲರ್‌ರ ಕುಟುಂಬದವರು,^[16:33] ಹಲವಾರು ಕಾರಿಂಥ್ ನಿವಾಸಿಗಳು^[18:8] ಮತ್ತು ಪಾಲ್ ತಾನೇ ಖುದ್ದಾಗಿ ಬ್ಯಾಪ್ಟೈಜ್ ಮಾಡಿಸಿದ ಕೆಲವು ಕಾರಿಂಥಿಯನ್ನರು - ಇವರೆಲ್ಲರ ಬ್ಯಾಪ್ಟಿಸಮ್‌ಗಳಿಗೆ ಸಹಸಂಬಂಧವನ್ನು ಕಲ್ಪಿಸುತ್ತದೆ.{{|1Cor|1:14-16||1 Co 1:14-16|date=May 2010}}

ಅಧ್ಯಾಯಗಳ ಪ್ರಕಾರ ಬ್ಯಾಪ್ಟಿಸಮ್‌ಗೆ ಅವಶ್ಯಕವದ ಅಂಶಗಳೆಂದರೆ ನಂಬಿಕೆ ಮತ್ತು ಪಶ್ಚಾತ್ತಾಪ.^[೧೫] ಅಧ್ಯಾಯಗಳು ಬ್ಯಾಪ್ಟಿಸಮ್ ಅನ್ನು ಆತ್ಮವನ್ನು ಸ್ವೀಕರಿಸುವುದರ ಜತೆಗೆ ಸೇರಿಸುತ್ತವೆ, ಆದರೆ ನಿಖರವಾದ ಸಂಬಂಧವು ಪ್ರತಿಸಾರಿಯೂ ಒಂದೇ ರೀತಿಯಾಗಿರುವುದಿಲ್ಲ.^[೧೫]

ಜತೆಗೇ ಈ ಅಧ್ಯಾಯಗಳಲ್ಲಿ, ಜಾನ್‌ನಿಂದ ದೀಕ್ಷಾಸ್ನಾನವನ್ನು ಪಡೆದುಕೊಂಡ ಮತ್ತು ನಂತರದಲ್ಲಿ ಪವಿತ್ರ ಆತ್ಮವನ್ನು ಸ್ವೀಕರಿಸಬೇಕಾಗಿದ್ದ ಹನ್ನೆರಡು ವ್ಯಕ್ತಿಗಳಿಗೆ ಪಾಲ್ ಮರು ದೀಕ್ಷೆಪಡೆಯುವಂತೆ ನಿರ್ದೇಶಿಸಿದರು, ಮತ್ತು ಇದಾದ ನಂತರ ಅವರು ಪವಿತ್ರಾತ್ಮವನ್ನು ಸ್ವೀಕರಿಸಿದರು.^[19:1-7]

Acts 2:38, Acts 10:48 ಮತ್ತು Acts 19:5 "ಯೇಸುವಿನ ಹೆಸರಿನ" ಅಥವಾ "ಯೇಸುಕ್ರಿಸ್ತಪರಭುವಿನ ಹೆಸರಿನ" ಬ್ಯಾಪ್ಟಿಸಮ್ ಬಗ್ಗೆ ಮಾತನಾಡುತ್ತಾರೆ, ಆದರೆ ಇದು ಆಗ ಬಳಸಲಾಗುತ್ತಿದ್ದ ಒಂದು ಸೂತ್ರವೆ ಎಂಬುದರ ಬಗ್ಗೆ ಪ್ರಶ್ನೆಗಳೆದ್ದಿವೆ.^[೧೫]

ಓಲೆಗಳ ಕಾಲಘಟ್ಟ

ಯೇಸುವಿನ ಜೀವನದಿಂದ ಆರಂಭಿಸಿ ಕೊನೆಯ ಏಸುದೂತನ ಮರಣದವರೆಗಿನ ಕಾಲವನ್ನು ದ ಅಪೋಸ್ಟೋಲಿಕ್ ಏಜ್(ಯೇಸುದೂತರ ಯುಗ) ಎಂದು ಕರೆಯಲಾಗುತ್ತದೆ c. 100 (ನೋಡಿ: ಪ್ರೀತಿಪಾತ್ರ ಶಿಷ್ಯ). ಹೊಸ ಒಡಂಬಡಿಕೆಯ ಹೆಚ್ಚಿನ ಭಾಗವನ್ನು ಈ ಕಾಲದಲ್ಲಿ ಬರೆಯಲಾಯಿತು, ಮತ್ತು ಬ್ಯಾಪ್ಟಿಸಮ್ ಮತ್ತು ಯೂಕರಿಸ್ಟ್ನ ಪ್ರಾಥಮಿಕ ಧಾರ್ಮಿಕ ವಿಧಿಗಳನ್ನು ಊರ್ಜಿತಗೊಳಿಸಲಾಯಿತು. ವಿಶೇಷವಾಗಿ ಪ್ರಾಟೆಸ್ಟೆಂಟರು ಅಪೋಸ್ಟೋಲಿಕ್ ಯುಗದ ಚರ್ಚ್ ಅನ್ನು ಯೇಸುವಿನ ನಿಜವಾದ ಸಂದೇಶಕ್ಕೆ ಸಾಕ್ಷಿಯಾಗಿರುವುದೆಂದು ನಂಬುತ್ತಾರೆ, ಮತ್ತು ಅವರ ಪ್ರಕಾರ ಈ ಸಂದೇಶವು ಕ್ರಮೇಣ ಮಹಾ ಧರ್ಮತ್ಯಾಗದ ವೇಳೆಯಲ್ಲಿ ಭ್ರಷ್ಟಗೊಳಿಸಲಾಯಿತು.

ಜಾನ್‍ನ ಮೊದಲಿನ ಅನುಯಾಯಿಗಳ ಪ್ರಭಾವದಡಿಯಲ್ಲಿ ಉಪವಾಸದ ಜತೆಗೇ ಬ್ಯಾಪ್ಟಿಸಮ್‌‌ನ ಆಚರಣೆಯೂ ಕೂಡ ಕ್ರಿಶ್ಚಿಯನ್ ಆಚರಣೆಗಳನ್ನು ಪ್ರವೇಶಿಸಿರುವ ಸಾಧ್ಯತೆಯಿದೆ.^[೫೧]

The ಡಿಡಾಖೆ ಅಥವಾ ಹನ್ನೆರಡು ಏಸುದೂತರ ಬೋಧನೆಗಳು ಎಂಬ 16 ಅಧ್ಯಾಯಗಳ ಅನಾಮಿಕ ಪುಸ್ತಕವು ಬೈಬಲ್ ಅನ್ನು ಹೊರತುಪಡಿಸಿ, ಬ್ಯಾಪ್ಟಿಸಂ ಅನ್ನು ಹೇಗೆ ನಡೆಸುವುದು ಎಂಬ ಬಗೆಗಿನ ಅತ್ಯಂತ ಹಳೆಯ ಬರಹರೂಪದ ಸೂಚನೆಗಳನ್ನು ನೀಡಿರುವ ಆಕರವಾಗಿದೆ. ಇದರ ಪ್ರಥಮ ಆವೃತ್ತಿಯನ್ನು ಬರೆಯಲಾಗಿದ್ದು c. 60–80 AD.^[೭೯] ಹೆಚ್ಚಿನ ಸೇರ್ಪಡಿಕೆ ಮತ್ತು ಕೂಡಿಕೆಗಳನ್ನೊಳಗೊಂಡ ಎರಡನೇ ಆವೃತ್ತಿಯನ್ನು ಬರೆಯಲಾಗಿದ್ದು c. 100–150 AD.^[೭೯] 19ನೇ ಶತಮಾನದಲ್ಲಿ ಮರುಶೋಧಗೊಂಡ ಈ ಕೃತಿಯು ಅಪೋಸ್ಟೋಲಿಕ್ ಯುಗದ ಕ್ರೈಸ್ತಧರ್ಮದ ಬಗ್ಗೆ ವಿಶೇಷ ಬೆಳಕು ಚೆಲ್ಲುತ್ತದೆ. ವಿಶೇಷವಾಗಿ, ಈ ಗ್ರಂಥವು ಕ್ರೈಸ್ತ ಧರ್ಮದ ತಳಹದಿಗಳಾಗಿರುವ ಎರಡು ಪವಿತ್ರ ವಿಧಿಗಳಾದ ಯೂಕರಿಸ್ಟ್ ಮತ್ತು ಬ್ಯಾಪ್ಟಿಸಮ್‌ಗಳನ್ನು ವಿವರಿಸುತ್ತದೆ. ಇದರಲ್ಲಿ "ಜೀವಿತ ಜಲ"(ಅರ್ಥಾತ್ ಹರಿವ ನೀರನ್ನು ಜೀವನದ ಸಂಕೇತವಾಗಿ ಕಾಣಲಾಗುತ್ತದೆ)ದಲ್ಲಿ ಮುಳುಗೇಳಿಸುವುದರ ಮೂಲಕ ದೀಕ್ಷಾಸ್ನಾನ ಮಾಡಿಸುವುದಕ್ಕೆ ಪ್ರಾಶಸ್ತ್ಯ ನೀಡಲಾಗಿದೆ^[೮೦] ಅಥವಾ, ಅದು ಲಭ್ಯವಿಲ್ಲದಿದ್ದಲ್ಲಿ ಸ್ವಾಭಾವಿಕ ಉಷ್ಣತೆಯ ನಿಂತ ನೀರನ್ನು ಉಪಯೋಗಿಸಬಹುದು, ಆದರೆ ಮುಳುಗಲು ಸಾಕಷ್ಟು ನೀರಿಲ್ಲದೆ ಹೋದಲ್ಲಿ, ತಲೆಯ ಮೇಲೆ ನೀರನ್ನು ಸುರಿಯುವುದನ್ನು ಕೂಡ ಮಾನ್ಯ ಮಾಡಲಾಗುವುದು ಎಂದು ತಿಳಿಸಲಾಗಿದೆ.^{[೮೧][೮೨][೮೩][೮೪][೮೫]}

ಮ್ಯಾಥ್ಯೂನ (c. 80–85^[೭೮]) ಮಹಾ ನಿಯೋಜನೆಯಲ್ಲಿ, ಕ್ರೈಸ್ತರನ್ನು ಪಿತ, ಸುತ ಮತ್ತು ಪವಿತ್ರ ಆತ್ಮದ ಹೆಸರಿನಲ್ಲಿ ದೀಕ್ಷಾಸ್ನಾನವನ್ನು ಮಾಡಿಸಬೇಕೆಂದು ತಿಳಿಸಲಾಗಿದೆ.^[೭೭] ಒಂದನೆಯ ಶತಮಾನದ ಅಂತ್ಯಭಾಗದಿಂದಲೂ ಕೂಡ ಬ್ಯಾಪ್ಟಿಸಮ್ ಅನ್ನು ಪಿತ, ಸುತ ಮತ್ತು ಪವಿತ್ರ ಆತ್ಮದ ಹೆಸರಿನಲ್ಲಿಯೇ ನಡೆಸಲಾಗುತ್ತಿದೆ.^[೧೫] (c. 90),^[೭೮] ಅಧ್ಯಾಯಗಳಲ್ಲಿ, ಕ್ರೈಸ್ತರು "ಯೇಸುವಿನ ಹೆಸರಿನಲ್ಲಿ" ದೀಕ್ಷಾಸ್ನಾನವನ್ನು ನಡೆಸುವರೆಂದು ಹೇಳಲಾಗಿದ್ದು, ಇದರರ್ಥವು ಈಗಾಗಲೆ ಘೋಷಿಸಲಾದ ಸಿದ್ಧಸೂತ್ರವೊಂದರ ಉಲ್ಲಂಘನೆಯೆ ಎಂಬುದು ಪ್ರಶ್ನಾರ್ಹ ವಿಚಾರ.^[೧೫]

ಹೊಸ ಒಡಂಬಡಿಕೆಯಲ್ಲಿ ಶಿಶುಗಳ ದೀಕ್ಷಾಸ್ನಾನದ ಬಗ್ಗೆ ಯಾವುದೇ ಧನಾತ್ಮಕ ಆಧಾರಗಳಿಲ್ಲವೆಂದು ಸಾರ್ವತ್ರಿಕವಾಗಿ ಒಪ್ಪಲಾಗಿದೆ,^{[೮೬][೮೭]} ಮತ್ತು ದೀಕ್ಷಾಸ್ನಾನದ ಅಭ್ಯರ್ಥಿಗಳ ಅರ್ಹತೆಯ ಬಗ್ಗೆ ಡಿಡಾಖೆಯಲ್ಲಿನ ಉಲ್ಲೇಖಗಳು ಕೂಡ ಶೈಶವ ದೀಕ್ಷಾಸ್ನಾನವನ್ನು ಹೊರತುಪಡಿಸಿದ್ದು ಎಂದೇ ಅರ್ಥೈಸಿಕೊಳ್ಳಲಾಗಿದೆ.^{[೮೮][೮೯][೯೦]}

ಆರಂಭದ ಕ್ರೈಸ್ತಧರ್ಮ

ಬ್ಯಾಪ್ಟಿಸಮ್ ಬಗೆಗಿನ ಆರಂಭದ ಕ್ರಿಶ್ಚಿಯನ್ ನಂಬಿಕೆಗಳು (ಆಪೋಸ್ಟೋಲಿಕ್ ಯುಗದ ನಂತರ ಆಚರಿಸಲಾಗುತ್ತಿದ್ದ ಕ್ರೈಸ್ತಧರ್ಮ) ವ್ಯತ್ಯಾಸ ಸಾಧ್ಯವಾಗಿದ್ದವು.^[೧೪] ಆದಿ ಕ್ರಿಶ್ಚಿಯನ್ ಬ್ಯಾಪ್ಟಿಸಮ್‌ನ ಆತ್ಯಂತ ಬಳಕೆಯಲ್ಲಿದ್ದ ಸ್ವರೂಪದಲ್ಲಿ, ಅಭ್ಯರ್ಥಿಯು ನೀರಿನಲ್ಲಿ ನಿಲ್ಲುತ್ತಿದ್ದನು ಮತ್ತು ನೀರನ್ನು ದೇಹದ ಮೇಲ್ಭಾಗದ ಮೇಲೆ ಸುರಿಯಲಾಗುತ್ತಿತ್ತು.^[೧೪] ಕಯಿಲೆಯುಳ್ಳವರು ಮತ್ತು ಮರಣಶಯ್ಯೆಯಲ್ಲಿದ್ದವರ ಬ್ಯಾಪ್ಟಿಸಮ್‌ನಲ್ಲಿ ಭಾಗಶಃ ಅದ್ದುವುದಕ್ಕಿಂತಲೂ ಬೇರೆ ರೀತಿಯ ವಿಧಾನಗಳನ್ನು ಬಳಸಲಾಗುತ್ತಿತ್ತು ಮತ್ತು ಇದಕ್ಕೆ ಮಾನ್ಯತೆಯಿದ್ದಿತು.^[೯೧] 3 ಮತ್ತು 4ನೇ ಶತಮಾನಗಳ ಹೊತ್ತಿಗೆ ಬ್ಯಾಪ್ಟಿಸಮ್‌ನ ಧರ್ಮಶಾಸ್ತ್ರವು ನಿಷ್ಕೃಷ್ಟತೆಯನ್ನು ಪಡೆದುಕೊಂಡಿತು.^[೧೪]

ಮೊದಲಿಗೆ ಸೂಚನೆಗಳನ್ನು ಬ್ಯಾಪ್ಟಿಸಮ್‌ನ ನಂತರ ನೀಡಲಾಗುತ್ತಿತ್ತು, ಆದರೆ ನಾಲ್ಕನೆ ಶತಮಾನದಲ್ಲಿ ದೈವನಿಂದೆಗಳನ್ನು ಗಮನದಲ್ಲಿಟ್ಟುಕೊಂಡು ಬ್ಯಾಪ್ಟಿಸಮ್‌ಗೆ ಮುನ್ನವೇ ನಂಬಿಕೆಯುಳ್ಳ ಅಭ್ಯರ್ಥಿಗಳಿಗೆ ಹೆಚ್ಚುಹೆಚ್ಚು ನಿಖರವಾಗಿರುವಂತಹ ಸೂಚನೆಗಳನ್ನು ನೀಡಲಾಗುತ್ತಿತ್ತು.^[೯೨] ಆ ಹೊತ್ತಿಗೆಲ್ಲ, ಬ್ಯಾಪ್ಟಿಸಮ್ ಅನ್ನು ಮುಂದೂಡುವುದು ಸಾಮಾನ್ಯವಾಗಿತ್ತು ಮತ್ತು ನಂಬಿಕೆಯುಳ್ಳವರಲ್ಲಿ ಹೆಚ್ಚಿನವರು ಬರೆ ಕ್ಯಾಟಕ್ಯೂಮೆನ್ಗಳಾಗಿದ್ದರು (ಕಾನ್‌ಸ್ಟಾಂಟೀನ್ ಅನ್ನು ಸಾಯುವವರೆಗು ಬ್ಯಾಪ್ಟೈಜ್ ಮಾಡಲಾಗಿರಲಿಲ್ಲ); ಆದರೆ ವಯಸ್ಕರಾದವರಿಗಾಗಿ ಉದ್ದೇಶಿಸಲಾಗಿದ್ದ ವಿಧಿಗಳ ರೂಪಾಂತರಗಳನ್ನು ಬಳಸಿಕೊಳ್ಳುವಂತಹ ಕ್ರಿಶ್ಚಿಯನ್ನರ ಮಕ್ಕಳ ಬ್ಯಾಪ್ಟಿಸಮ್‌ಗಳು ವಯಸ್ಕರಾದ ಮತಾಂತರಗೊಳ್ಳುವವರ ಬ್ಯಾಪ್ಟಿಸಮ್‌ಗಳ ಸಂಖ್ಯೆಗಿಂತ ಹೆಚ್ಚಾಗತೊಡಗಿದಾಗ ಕ್ರಮೇಣ ಕ್ಯಾಟಕ್ಯೂಮೆನ್‌ಗಳ ಸಂಖ್ಯೆಯು ಕ್ಷೀಣಿಸಿತು.^[೯೨]

ಬ್ಯಾಪ್ಟಿಸಮ್‌ನಿಂದ ಪಾಪಗಳು ನಾಶವಗುವವು ಎಂಬ ನಂಬಿಕೆಯಿದ್ದುದರಿಂದ, ಬ್ಯಾಪ್ಟಿಸಮ್‌ನ ನಂತರದ ಪಾಪಗಳ ಬಗ್ಗೆ ವಿವಾದಗಳೆದ್ದವು. ಕೆಲವರು, ಜೀವಭಯದ ನೆರಳಿನಲ್ಲಾದರೂ ಸರಿಯೆ, ಧರ್ಮತ್ಯಾಗ ಮತ್ತು ಇತರ ಘೋರ ಪಾಪಗಳನ್ನು ಮಾಡುವವರು ಚರ್ಚಿನಿಂದ ಮರಳಿ ಬಾರದಂತೆ ದೂರವಾಗುವರು ಎಂದು ಸಾಧಿಸಿದರು. ಸಂತ ಸಿಪ್ರಿಯನ್ನ ಬರವಣಿಗೆಯಲ್ಲಿ ಸೂಚಿತವಾಗಿರುವ ಪ್ರಕಾರ, ಇತರರು "ಲ್ಯಾಪ್‌ಸೈ(ಧರ್ಮಚ್ಯುತ)"ಗಳನ್ನು ಮತ್ತೆ ಸುಲಭವಾಗಿ ಸೇರಿಸಿಕೊಳ್ಳುವ ಬಗ್ಗೆ ಒಲವು ತೋರಿದರು. ಇದರ ನಂತರ ಉಳಿದುಕೊಂಡ ನಿಯಮವೆಂದರೆ ತಮ್ಮ ಪ್ರಾಮಾಣಿಕವಾದ ಪಶ್ಚಾತ್ತಾಪವನ್ನು ತೋರಿಸಲು ಆಯಾ ವ್ಯಕ್ತಿಗಳು ನಿಗದಿತ ಅವಧಿಯನ್ನು ಪ್ರಾಯಶ್ಚಿತ್ತ ಮಾಡುವುದರಲ್ಲಿ ಕಳೆದ ನಂತರವೇ ಅವರನ್ನು ಮರುಸೇರ್ಪಡೆ ಮಾಡಲಾಗುತ್ತಿದ್ದಿತು.

ಈಗ ಸಾಮಾನ್ಯವಾಗಿ ನೈಸೀನ್ ಕ್ರೀಡ್ ಎಂದು ಕರೆಯಲಾಗುವ, 325ರ ಫಸ್ಟ್ ಕೌನ್ಸಿಲ್ ಆಫ್ ನೈಸಿಯಾ ಸ್ವೀಕರಿಸಿದ ಪಠ್ಯಕ್ಕಿಂತಲೂ ಉದ್ದವಿರುವ, 381ರಲ್ಲಿ ಫಸ್ಟ್ ಕೌನ್ಸಿಲ್ ಆಫ್ ಕಾನ್‌ಸ್ಟಾಂಟಿನೋಪಲ್ ಇದನ್ನು ಅದೇ ರೂಪದಲ್ಲಿ ಸ್ವೀಕರಿಸಿದುದರಿಂದಾಗಿ ನೈಸಿನೋ-ಕಾನ್‌ಸ್ಟಾಂಟಿನೋಪಾಲಿಟನ್ ಕ್ರೀಡ್ ಎಂದೂ ಕರೆಯಲ್ಪಡುವ ಸಿದ್ಧಾಂತ/ಪಂಥವು ಬಹುಶಃ 381 ಕೌನ್ಸಿಲ್‌ನ ವಾಸಸ್ಥಾನವಾಗಿದ್ದ ಕಾನ್‌ಸ್ಟಾಂಟಿನೋಪಲ್‌ನಲ್ಲಿ ಬಳಕೆಯಲ್ಲಿದ್ದ ದೀಕ್ಷಾಸ್ನಾನದ ಸಿದ್ಧಾಂತವಾಗಿತ್ತು.^[೯೩]

ಮಧ್ಯ ಯುಗದ ಪೂರ್ವಭಾಗ

ಶೈಶವಾವಸ್ಥೆಯ ಬ್ಯಾಪ್ಟಿಸಮ್ ಸಾಮಾನ್ಯವಾಗಿತ್ತು,ಇದರ ಜತೆಗೇ, ಇದಕ್ಕೆ ಮೊದಲು ಬ್ಯಾಪ್ಟಿಸಮ್ ಅನ್ನು ಮರಣಶಯ್ಯೆಯ ತನಕ ಮುಂದೂಡುವ ಸಾಮಾನ್ಯ ಆಚರಣೆಯನ್ನು ಅಗ ಪ್ರವರ್ಧಮಾನಕ್ಕೆ ಬರುತ್ತಿದ್ದ ಮೊತ್ತಮೊದಲ ಪಾಪದ ಧಾರ್ಮಿಕ ಸಿದ್ಧಾಂತವು ಸ್ಥಾನಪಲ್ಲಟಗೊಳಿಸತೊಡಗಿತು.^[೧೪] ಪೆಲೇಜಿಯಸ್‌ಗೆ ವಿರುದ್ಧವಾಗಿ ಅಗಸ್ಟೈನನು, ನಿಷ್ಕಳಂಕರಾದ ಜನರು ಮತ್ತು ಮಕ್ಕಳಿಗೂ ಸಹ ಮೋಕ್ಷವನ್ನು ಪಡೆಯಲು ಬ್ಯಾಪ್ಟಿಸಮ್‌ನ ಅವಶ್ಯಕತೆಯಿದೆಯೆಂದು ಪ್ರತಿಪಾದಿಸಿದನು.

ಮಧ್ಯಕಾಲೀನ ಯುಗ

ಹನ್ನೆರಡನೆಯ ಶತಮಾನದಲ್ಲಿ "ಸ್ಯಾಕ್ರಮೆಂಟ್" ಎಂಬ ಪದದ ಅರ್ಥವು ಕಿರಿದುಗೊಂಡು ಕೇವಲ ಏಳು ವಿಧಿಗಳಷ್ಟಾಯಿತು, ಇವುಗಳಲ್ಲಿ ಬ್ಯಾಪ್ಟಿಸಮ್ ಕೂಡ ಒಂದಾಗಿದ್ದು, ಇತರ ಸಾಂಕೇತಿಕ ವಿಧಿಗಳನ್ನು "ಸ್ಯಾಕ್ರಮೆಂಟಲ್ಸ್" ಎಂದು ಹೆಸರಿಸಲಾಯಿತು.^[೯೪]

ಹನ್ನೆರಡನೆಯ ಮತ್ತು ಹದಿನಾಲ್ಕನೆಯ ಶತಮಾನಗಳ ನಡುವಿನ ಅವಧಿಯಲ್ಲಿ, ಪಶ್ಚಿಮ ಯುರೋಪಿನಲ್ಲಿ ಅಫ್ಯೂಶನ್ ಬ್ಯಾಪ್ಟಿಸಮ್ ಅನ್ನು ನಡೆಸಲು ಪ್ರಚಲಿತ ವಿಧಾನವಾಗಿ ಬಳಕೆಗೆ ಬಂದಿತು, ಆದರೂ ಸುಮಾರು ಹದಿನಾರನೇ ಶತಮಾನದವರೆಗೂ ಕೆಲವು ಸ್ಥಳಗಳಲ್ಲಿ ಮುಳುಗಿಸುವಿಕೆಯು ಚಾಲ್ತಿಯಲ್ಲಿದ್ದಿದ್ದು ಕಂಡುಬರುತ್ತದೆ.^[೯೧] ಇದರಿಂದಾಗಿ, ಮಧ್ಯಕಾಲೀನ ಯುಗದುದ್ದಕ್ಕೂ ಬ್ಯಾಪ್ಟಿಸಮ್‌ಗೆ ಅವಶ್ಯಕವಾದ ವ್ಯವಸ್ಥೆಯಲ್ಲಿ ಗಣನೀಯವಾದ ವಿಭಿನ್ನತೆಯಿದ್ದಿತು, ಉದಾಹರಣೆಗೆ 13ನೇ ಶತಮಾನದ ಬ್ಯಾಪ್ಟಿಸ್ಟರಿ ಆಫ್ ಪಿಸಾದಲ್ಲಿ ಹಲವಾರು ವಯಸ್ಕರನ್ನು ಒಟ್ಟಿಗೇ ಮುಳುಗಿಸಬಹುದಾದಷ್ಟು ವಿಶಾಲವಾದ ಬ್ಯಾಪ್ಟಿಸಮ್ಮಿನ ಕೊಳವಿದ್ದರೆ, ಆರನೇ ಶತಮಾನದಷ್ಟು ಹಳೆಯ ಕಲೋನ್ ಕಥೀಡ್ರಲ್ನಲ್ಲಿ ಅರ್ಧ ಮೀಟರ್ ಆಳದ ಪಾತ್ರೆ ಕಂಡುಬರುತ್ತದೆ.^[೯೫]

ಪೂರ್ವ ಮತ್ತು ಪಶ್ಚಿಮಗಳೆರಡೂ ನೀರಿನಿಂದ ಶುದ್ಧೀಕರಣ ಮತ್ತು ಬ್ಯಾಪ್ಟಿಸಮ್ಮಿನ ತ್ರಿಕೂಟದ ಸೂತ್ರಗಳು ಈ ವಿಧಿಯನ್ನು ನಡೆಸಲು ಅವಶ್ಯಕವೆಂದು ಭಾವಿಸಿದ್ದವು. ಸ್ಕೊಲಾಸ್ಟಿಸಿಸಮ್ ಈ ಎರಡೂ ಅಂಶಗಳನ್ನು ಪವಿತ್ರ ವಿಧಿಯ ಮೂಲದ್ರವ್ಯ ಮತ್ತು ಸ್ವರೂಪವೆಂದು ಉಲ್ಲೇಖಿಸುತ್ತದೆ, ಮತ್ತು ಈ ಪಾರಿಭಾಷಿಕ ಪದಗಳನ್ನು ಆಗ ಜನಜನಿತವಾಗಿದ್ದ ಅರಿಸ್ಟಾಟಲನ ತತ್ವಶಾಸ್ತ್ರದಿಂದ ತೆಗೆದುಕೊಳ್ಳಲಾಗಿದೆ. ಕ್ಯಾಥೊಲಿಕ್ ಚರ್ಚಿನ ಕ್ಯಾಟೆಕಿಸಮ್ ಈ ಎರಡೂ ಅಂಶಗಳ ಅವಶ್ಯಕತೆಯ ಬಗ್ಗೆ ಬೋಧಿಸುವಾಗ, ಯಾವುದೇ ಪವಿತ್ರ ವಿಧಿಯ ಬಗ್ಗೆ ಮಾತನಾಡುವಾಗ ಈ ತಾತ್ವಿಕ ಪದಗಳನ್ನು ಎಲ್ಲಿಯೂ ಬಳಸುವುದಿಲ್ಲ.^[೯೬]

ರಿಫಾರ್ಮೇಶನ್ ಕಾಲ

16ನೇ ಶತಮಾನದಲ್ಲಿ, ಮಾರ್ಟಿನ್ ಲೂಥರ್ ಬ್ಯಾಪ್ಟಿಸಮ್ ಅನ್ನು ಒಂದು ಪವಿತ್ರ ವಿಧಿಯಾಗಿ ಪರಿಗಣಿಸಿದರು. ಲುಥೆರನ್ನರಿಗೆ, ಬ್ಯಾಪ್ಟಿಸಮ್ ಒಂದು "ಅನುಗ್ರಹದ ಮಾರ್ಗ"ವಾಗಿದ್ದು ಇದರ ಮೂಲಕ ದೇವರು "ನಂಬಿಕೆಯ ರಕ್ಷಣೆ"ಯನ್ನು "ಮರುಹುಟ್ಟಿನ ಶುದ್ಧೀಕರಣ"ದ ರೂಪದಲ್ಲಿ ಸೃಷ್ಟಿಸಿ, ಬಲಗೊಳಿಸುತ್ತಾರೆ^[Titus 3:5] ಮತ್ತು ಇದರಲ್ಲಿ ಶಿಶುಗಳು ಮತ್ತು ವಯಸ್ಕರು ಮತ್ತೆ ಹುಟ್ಟಿ ಬರುತ್ತಾರೆ.^[Jn 3:3-7] ನಂಬಿಕೆಯ ಸೃಷ್ಟಿಯು ದೇವರಿಗೆ ಮಾತ್ರ ಸಲ್ಲಬಹುದಾದ ಕಾರ್ಯವಾಗಿರುವುದರಿಂದ, ಅದು ವಯಸ್ಕರೇ ಆಗಿರಲಿ ಅಥವಾ ಶಿಶುವೇ ಆಗಿರಲಿ, ಬ್ಯಾಪ್ಟೈಜ್ ಅಗುವವರ ಕೆಲಸಗಳನ್ನು ಅವಲಂಬಿಸಿರುವುದಿಲ್ಲ. ದೀಕ್ಷೆಯನ್ನು ಪಡೆದ ಶಿಶುಗಳು ಆ ನಂಬಿಕೆಯನ್ನು ತಿಳಿಯಪದಿಸಲಾಗದಿದ್ದರೂ, ಲುಥೆರನ್ನರ ನಂಬಿಕೆಯ ಪ್ರಕಾರ ಅದು ಎಲ್ಲರಲ್ಲೂ ಸಮರೂಪದಲ್ಲಿ ಕಂಡುಬರುವುದೆಂದು ಲುಥೆರನ್ನರು ನಂಬುತ್ತಾರೆ.^[೯೭] ನಂಬಿಕೆಯಿಂದ ಮಾತ್ರವೇ ಈ ಪವಿತ್ರ ಕೊಡುಗೆಗಳನ್ನು ಸ್ವೀಕರಿಸಲು ಸಾಧ್ಯವಿರುವುದರಿಂದ, ಲುಥೆರನ್ನರು ಒಪ್ಪಿಕೊಳ್ಳುವ ಪ್ರಕಾರ ಬ್ಯಾಪ್ಟಿಸಮ್ "ಪಾಪಗಳನ್ನು ಕ್ಷಮಿಸುವ ಕಾರ್ಯವನ್ನು ಮಾಡುತ್ತದೆ, ಸೈತಾನ್ ಮತ್ತು ಸಾವುಗಳಿಂದ ಮುಕ್ತಿ ಕೊಡಿಸುತ್ತದೆ, ಮತ್ತು ದೇವರ ವಾಕ್ಯಗಳು ಮತ್ತು ಭರವಸೆಗಳು ಘೋಷಿಸುವ ಪ್ರಕಾರ ಇದನ್ನು ನಂಬುವ ಪ್ರತಿಯೊಬ್ಬರಿಗೂ ಶಾಶ್ವತವಾದ ಆತ್ಮೋದ್ಧಾರವನ್ನು ನೀಡುತ್ತದೆ."^[೯೮] ತನ್ನ ಲಾರ್ಜ್ ಕ್ಯಾಟೇಕಿಸಮ್ನ ಶಿಶುಗಳ ಬ್ಯಾಪ್ಟಿಸಮ್ ಬಗೆಗಿನ ವಿಶೇಷ ಭಾಗದಲ್ಲಿ ಲೂಥರ್ ಶಿಶುಗಳ ಬ್ಯಾಪ್ಟಿಸಮ್ ದೆವರನ್ನು ಮೆಚ್ಚಿಸುತ್ತದೆ, ಏಕೆಂದರೆ ಈ ರೀತಿಯಾಗಿ ದೀಕ್ಷೆ ಪಡೆದವರಿಗೆ ಪವಿತ್ರ ಆತ್ಮವು ಮರುಹುಟ್ಟನ್ನು ನೀಡುವುದು ಮತ್ತು ಅವರನ್ನು ಪಾವನಗೊಳಿಸುವುದು ಎಂದು ವಾದಿಸುತ್ತಾರೆ.^[೯೯]

ಲುಥೆರನ್ನರ ಭಾವನೆಗೆ ಭಿನ್ನಾಭಿಪ್ರಾಯವನ್ನು ವ್ಯಕ್ತಪಡಿಸಿದ ಸ್ವಿಸ್ ಸುಧಾರಕ ಹಲ್ಡ್‌ರಿಚ್ ಜ್ವಿಂಗ್‌ಲೈ ಬ್ಯಾಪ್ಟಿಸಮ್‌ಗೆ ಸ್ಯಾಕ್ರಮೆಂಟಿನ ಸ್ಥಾನಮಾನವನ್ನು ನೀಡಲು ನಿರಾಕರಿಸಿದರು. ಜ್ವಿಂಗ್‌ಲೈ ಬ್ಯಾಪ್ಟಿಸಮ್ ಮತ್ತು ಪ್ರಭುವಿನ ರಾತ್ರಿಯೂಟಗಳನ್ನು ಪವಿತ್ರ ವಿಧಿಗಳೆಂದು ಗುರುತಿಸಿದರೂ, ಅದು ಕೇವಲ ದೀಕ್ಷಾ ವಿಧಿಯ ಅರ್ಥದಲ್ಲಿ ಮಾತ್ರವಾಗಿದ್ದಿತು.^[೧೫] ಈ ಸ್ಯಾಕ್ರಮೆಂಟುಗಳು ಸಾಂಕೇತಿಕವೆಂಬ ಬಗ್ಗೆ ಆತನ ಗ್ರಹಿಕೆಯು ಲೂಥರನದ್ದಕ್ಕಿಂತ ಭಿನ್ನವಾಗಿತ್ತು.

ಅನಾಬ್ಯಾಪ್ಟಿಸ್ಟರು (ಈ ಪದದ ಅರ್ಥವು "ಮರುದೀಕ್ಷೆ ನೀಡುವವರು" ಎಂದಾಗಿದೆ) ಲುಥೆರನ್ನರು ಮತ್ತು ಕ್ಯಾಥೊಲಿಕರ ಸಂಪ್ರದಾಯವನ್ನು ಎಷ್ಟು ಅದ್ಯಂತವಾಗಿ ತಿರಸ್ಕರಿಸಿದರೆಂದರೆ, ಅವರು ತಮ್ಮ ಪಂಗಡವನ್ನು ಬಿಟ್ಟು ಯಾವುದೇ ಹೊರಗಿನ ಬ್ಯಾಪ್ಟಿಸಮ್‌ಗೆ ಮಾನ್ಯತೆ ನೀಡಲು ನಿರಾಕರಿಸಿದರು. ಅವರು ಮತಾಂತರಗೊಂಡವರಿಗೆ "ಮರುದೀಕ್ಷಾಸ್ನಾನ"ವನ್ನು ಮಾಡಿಸಿದರು, ಏಕೆಂದರೆ ಅವರ ಪ್ರಕಾರ ಒಬ್ಬ ವ್ಯಕ್ತಿಯು ಬ್ಯಾಪ್ಟಿಸಮ್ ಅನ್ನು ಅಪೇಕ್ಷಿಸಿದಲ್ಲಿ ಮಾತ್ರ ಅದನ್ನು ನೀಡಲು ಸಾಧ್ಯವಿರುವುದು, ಆದರೆ ಬ್ಯಾಪ್ಟಿಸಮ್‌ನ ಸಮಾರಂಭದಲ್ಲಿ ಏನು ನಡೆಯುತ್ತದೆ ಎಂದು ತಿಳಿದಿರದ, ಕ್ರೈಸ್ತಧರ್ಮದ ಪರಿಕಲ್ಪನೆಗಳ ಬಗ್ಗೆ ಅರಿವಿರದ ಶಿಶುವೊಂದು ನಿಜವಾದ ಅರ್ಥದಲ್ಲಿ ಬ್ಯಾಪ್ಟೈಸ್ ಆಗಿರುವುದಿಲ್ಲ. ತಮ್ಮ ನಂಬಿಕೆಯನ್ನು ಪ್ರಕಟಪಡಿಸಲಾಗದ, ಯಾವ ಪಾಪಗಳನ್ನೂ ಮಾಡಿರದ ಕಾರಣ ಮುಕ್ತಿಯ ಅವಶ್ಯಕತೆಯಿಲ್ಲದ ಶಿಶುಗಳ ಬ್ಯಾಪ್ಟಿಸಮ್ ಅನ್ನು ಬೈಬಲ್ ಪ್ರಕಾರ ಅಸಿಂಧುವೆಂದು ಅವರು ಕಾಣುತ್ತಿದ್ದರು. ಅನಾಬ್ಯಾಪ್ಟಿಸ್ಟರು ಮತ್ತು ಇತರ ಬ್ಯಾಪ್ಟಿಸ್ಟ್ ಪಂಗಡಗಳು ಶಿಶುಗಳಾಗಿ ಬ್ಯಾಪ್ಟಿಸಮ್ ಪಡೆದವರಿಗೆ ತಾವು ಮರು ದೀಕ್ಷೆಯನ್ನು ನೀಡುತ್ತಿರುವೆವೆಂದು ಭಾವಿಸುವುದಿಲ್ಲ, ಏಕೆಂದರೆ, ಅವರ ಪ್ರಕಾರ ಶಿಶುಗಳ ಬ್ಯಾಪ್ಟಿಸಮ್‌ನಿಂದ ಯಾವ ಫಲವೂ ದೊರಕುವುದಿಲ್ಲ. ಅಮಿಶ್, ರೆಸ್ಟೊರೇಶನ್ ಚರ್ಚುಗಳು (ಚರ್ಚಸ್ ಆಫ್ ಕ್ರೈಸ್ಟ್/ ಕ್ರಿಶ್ಚಿಯನ್ ಚರ್ಚ್), ಹಟರಿಟ್ಗಳು, ಬ್ಯಾಪ್ಟಿಸ್ಟರು, ಮೆನನೈಟ್ಗಳು ಮತ್ತು ಇತರ ಗುಂಪುಗಳು ಈ ಸಂಪ್ರದಾಯದಿಂದ ಹುಟ್ಟಿದಂಥವು. ಪೆಂಟಕೋಸ್ಟಲ್, ಕರಿಸ್ಮ್ಯಾಟಿಕ್ ಮತ್ತು ಹೆಚ್ಚಿನ ಪಂಗಡರಹಿತ ಚರ್ಚುಗಳು ಈ ದೃಷ್ಟಿಕೋನವನ್ನು ಬೆಂಬಲಿಸುತ್ತವೆ.^[೧೦೦]

ಆಧುನಿಕ ಪದ್ಧತಿ

ಇಂದು, ಬ್ಯಾಪ್ಟಿಸಮ್ ಅನ್ನು ಅಪ್ರಯತ್ನಪೂರ್ವಕವಾಗಿ ಕ್ರೈಸ್ತಧರ್ಮದೊಂದಿಗೆ ಗುರುತಿಸಲಾಗುತ್ತದೆ, ಇಲ್ಲಿ ಇದು ಪಾಪಗಳ ಶುದ್ಧೀಕರಣ(ಮನ್ನಿಸುವಿಕೆ) ಮತ್ತು ನಂಬಿಕೆಯುಳ್ಳವರು ಕ್ರೈಸ್ತನಲ್ಲಿ ಆತನ ಸಾವು, ಸಂಸ್ಕಾರ ಮತ್ತು ಪುನರುತ್ಠಾನಗಳ ಮೂಲಕ ವಿಲೀನರಾಗಿ "ರಕ್ಷಿಸಲ್ಪಟ್ಟವರು" ಅಥವಾ "ಮರುಹುಟ್ಟು ಪಡೆದವರು" ಎಂದೆನ್ನಿಸಿಕೊಳ್ಳುವುದರ ಪ್ರತೀಕವಾಗಿದೆ. ಹೆಚ್ಚಿನ ಕ್ರಿಶ್ಚಿಯನ್ ಸಮುದಾಯಗಳು ದೀಕ್ಷೆ ನೀಡಲು ನೀರನ್ನು ಬಳಸುತ್ತಾರೆ ಮತ್ತು ಅದು ಮುಖ್ಯವೆಂದು ಒಪ್ಪೊಕೊಳ್ಳುತ್ತರೆ, ಆದರೆ ಇತರ ಸಮುದಾಯಗಳ ಇದೆ ಆಚರಣೆಯ ಹಲವು ವಿಧಿಗಳ ಬಗ್ಗೆ ಬಲವಾದ ಭಿನ್ನಾಭಿಪ್ರಯಗಳನ್ನು ಹೊಂದಿವೆ. ಅಂತಹ ಕೆಲವು ಅಂಶಗಳೆಂದರೆ:

• ಬ್ಯಾಪ್ಟಿಸಮ್‌ನ ರೀತಿ ಮತ್ತು ವಿಧಾನ
• ಬ್ಯಾಪ್ಟಿಸಮ್ ಅನ್ನು ಪಡೆಯುವವರು
• ಬ್ಯಾಪ್ಟಿಸಮ್‌‌ನ ಅರ್ಥ ಮತ್ತು ಪರಿಣಾಮಗಳು

ಕ್ರಿಶ್ಚಿಯನ್ ದೀಕ್ಷಾಸ್ನಾನವನ್ನು ಈ ಕೆಳಗಿನ ಸ್ವರೂಪಗಳಲ್ಲಿ ನಡೆಸಲಾಗುತ್ತದೆ, ಮತ್ತು ಇಲ್ಲಿನ ಕ್ರಮವನ್ನು ಒಂದು ಬಾರಿ ಇಲ್ಲವೇ ಮೂರು ಬಾರಿ ನಡೆಸಬಹುದು:^{[೧೦೧][೧೦೨]}

ಆಸ್ಪರ್ಶನ್

ಆಸ್ಪರ್ಶನ್ ಎಂದರೆ ತಲೆಯ ಮೇಲೆ ನೀರನ್ನು ಚಿಮುಕಿಸುವುದು ಎಂದರ್ಥ.

ಅಫ್ಯೂಶನ್

ಅಫ್ಯೂಶನ್ ಎಂದರೆ ತಲೆಯ ಮೇಲೆ ನೀರನ್ನು ಸುರಿಯುವುದು.

ಇಮ್ಮರ್ಶನ್(ಅದ್ದುವಿಕೆ)

"ಇಮ್ಮರ್ಶನ್" ಎಂಬ ಪದವನ್ನು ಇತ್ತೀಚಿನ ಲ್ಯಾಟಿನ್ ಭಾಷೆಯ ಇಮ್ಮರ್ಶನೆಮ್ ಎಂಬ ನಾಮಪದದಿಂದ ತೆಗೆದುಕೊಳ್ಳಲಾಗಿದ್ದು, ಈ ಪದದ ಮೂಲವು ಇಮ್ಮೆರ್ಗೆರೆ ಎಂಬ ಕ್ರಿಯಾಪದ (ಇನ್ - "ಒಳಕ್ಕೆ" + ಮೆರ್ಗೆರೆ "ಅದ್ದು"). ಬ್ಯಾಪ್ಟಿಸಮ್‌ಗೆ ಸಂಬಂಧಿಸಿದಂತೆ ಕೆಲವರು ಅದನ್ನು ಯಾವುದೇ ರೀತಿಯ ಅದ್ದುವಿಕೆಯನ್ನು ಸೂಚಿಸಲು ಬಳಸುತ್ತಾರೆ, ಇಲ್ಲಿ ದೇಹವನ್ನು ಸಂಪೂರ್ಣವಾಗಿ ನೀರಿನಲ್ಲಿ ಮುಳುಗಿಸಿರಬಹುದು ಇಲ್ಲವೆ ಭಾಗಶಃ ಮುಳುಗಿಸಿರಬಹುದು; ಈ ರೀತಿಯಾಗಿ ಅವರು ಅದ್ದುವಿಕೆಯ ಬಗ್ಗೆ ಸಂಪೂರ್ಣವಾದ ಮತ್ತು ಭಾಗಶಃ ಅದ್ದುವಿಕೆಗಳನ್ನೆರಡನ್ನೂ ಒಳಗೊಂಡ ಅರ್ಥದಲ್ಲಿ ಮಾತನಾಡುತ್ತಾರೆ. ಇತರರು, ಅನಾಬ್ಯಾಪ್ಟಿಸ್ಟ್ ಸಂಪ್ರದಾಯದಲ್ಲಿ, "ಇಮ್ಮರ್ಶನ್" ಎಂಬ ಪದವನ್ನು ವಕ್ತಿಯೊಬ್ಬನನ್ನು ಸಂಪೂರ್ಣವಾಗಿ ನೀರಿನಡಿಯಲ್ಲಿ ಮುಳುಗಿಸುವುದು(ಮುಳುಗುವಿಕೆ) ಎಂಬ ನಿರ್ದಿಷ್ಟ ಅರ್ಥದಲ್ಲಿ ಬಳಸುತ್ತಾರೆ..^{[೧೦೩][೧೦೪]}. "ಇಮ್ಮರ್ಶನ್" ಎಂಬ ಪದವನ್ನು ವ್ಯಕ್ತಿಯೊಬ್ಬನು ನೀರಿನಲ್ಲಿ ನಿಂತುಕೊಂಡು ಆತನ ಮೇಲೆ ನೀರು ಸುರಿಯಲಾಗುವ ಬ್ಯಾಪ್ಟಿಸಮ್‌ನ ಇನ್ನೊಂದು ವಿಧಾನವನ್ನು ಸೂಚಿಸಲೂ ಬಳಸಲಾಗುತ್ತದೆ.^{[೧೦೫][೧೦೬]} "ಇಮ್ಮರ್ಶನ್" ಎಂಬ ಪದದ ಈ ಮೂರು ಅರ್ಥಗಳ ಬಗ್ಗೆ ಹೆಚ್ಚು ತಿಳಿಯಲು, ನೋಡಿ ಇಮ್ಮರ್ಶನ್ ಬ್ಯಾಪ್ಟಿಸಮ್‌(ಅದ್ದುವಿಕೆಯ ಬ್ಯಾಪ್ಟಿಸಮ್).

"ಇಮ್ಮರ್ಶನ್" ಎಂಬುದನ್ನು "ಸಬ್‌ಮರ್ಶನ್" ಎಂಬ ಪದಕ್ಕೆ ವಿರುದ್ಧಾರ್ಥದಲ್ಲಿ ಬಳಸಲಾದರೂ ಕೂಡ,^[೧೦೭] ಇದು ವ್ಯಕ್ತಿಯೊಬ್ಬ ನೀರಿನಲ್ಲಿ ನಿಲ್ಲುವುದು ಅಥವಾ ಮಂಡಿಯೂರುವುದು ಮತ್ತು ಅವರ ದೇಹದ ಮೇಲಿನ ಭಾಗದ ಮೇಲೆ ನೀರನ್ನು ಸುರಿಯಲಾಗುವ ಬ್ಯಾಪ್ಟಿಸಮ್‌ ಅನ್ನು ಸೂಚಿಸುತ್ತದೆ. ಇಮ್ಮರ್ಶನ್ ಅನ್ನು ಈ ಅರ್ಥದಲ್ಲಿ ಸುಮಾರು ಎರಡನೇ ಶತಮಾನದಿಂದಲೂ ಪೂರ್ವ, ಪಶ್ಚಿಮಗಳಲ್ಲಿ ಬಳಸಲಾಗುತ್ತಿದೆ ಮತ್ತು ಬ್ಯಾಪ್ಟಿಸಮ್‌ನ ಇದೇ ಸ್ವರೂಪವನ್ನು ಆದಿ ಕ್ರಿಶ್ಚಿಯನ್ ಕಲೆಯಲ್ಲಿ ಸಾಮಾನ್ಯವಾಗಿ ಬಿಂಬಿಸಲಾಗಿದೆ. ಪಶ್ಚಿಮದಲ್ಲಿ, ಬ್ಯಾಪ್ಟಿಸಮ್‌ನ ಈ ವಿಧಾನವನ್ನು ಸುಮಾರು 8ನೇ ಶತಮಾನದ ಹೊತ್ತಿಗೆ ಅಫ್ಯೂಶನ್ ಬ್ಯಾಪ್ಟಿಸಮ್ ಸ್ಥಾನಪಲ್ಲಟಗೊಳಿಸಿತು, ಆದರೂ ಈ ವಿಧಾನವು ಇಂದಿಗೂ ಪೌರ್ವಾತ್ಯ ಕ್ರೈಸ್ತಧರ್ಮದಲ್ಲಿ ಚಾಲ್ತಿಯಲ್ಲಿದೆ.^{[೧೦೫][೧೦೬][೧೦೮]}

ಸಬ್‌ಮರ್ಶನ್(ಮುಳುಗಿಸುವಿಕೆ)

ಸಬ್‌ಮರ್ಶನ್ ಎಂಬ ಪದವು ಇತ್ತೀಚಿನ ಲ್ಯಾಟಿನ್ನಿಂದ ಬರುತ್ತದೆ (ಸಬ್- "ಅಡಿಯಲ್ಲಿ, ಕೆಳಗೆ" + ಮೆರ್ಗೆರೆ "ಮುಳುಗಿಸು, ಅದ್ದು")^[೧೦೯] ಮತ್ತು ಇದನ್ನು ಕೆಲವೊಮ್ಮೆ "ಸಂಪೂರ್ಣ ಅದ್ದುವಿಕೆ" ಎಂಬರ್ಥದಲ್ಲಿಯೂ ಸಹ ಬಳಸಲಾಗುತ್ತದೆ. ಈ ರೀತಿಯ ಬ್ಯಾಪ್ಟಿಸಮ್‌ನಲ್ಲಿ ನೀರು ಅಭ್ಯರ್ಥಿಯ ದೇಹವನ್ನು ಸಂಪೂರ್ಣವಾಗಿ ಆವರಿಸುತ್ತದೆ. ಸಬ್‌ಮರ್ಶನ್ ಅನ್ನು ಆರ್ಥೋಡಾಕ್ಸ್ ಮತ್ತು ಹಲವು ಪೌರ್ವಾತ್ಯ ಚರ್ಚುಗಳಲ್ಲಿ ಆಚರಿಸಲಾಗುತ್ತದೆ (ಅದರೂ ಇಮ್ಮರ್ಶನ್ ಸಬ್‌ಮರ್ಶನ್‌ಗಿಂತ ಬಹಳ ಭಿನ್ನವಾಗಿರುವುದಾದರೂ, ಇದೂ ಸಹ ಬಳಕೆಯಲ್ಲಿದೆ) ಮತ್ತು ಆಂಬ್ರೋಸಿಯನ್ ವಿಧಿಯಲ್ಲಿಯೂ ಕೂಡ ಬಳಸಲಾಗುತ್ತದೆ. ಇದು ಶಿಶುಗಳ ಬ್ಯಾಪ್ಟಿಸಮ್‌ನ ರೋಮನ್ ವಿಧಿಯಲ್ಲಿ ಒದಗಿಸಲಾಗಿರುವ ವಿಧಾನಗಳಲ್ಲಿ ಒಂದಾಗಿದೆ. ಇತಿಹಾಸಜ್ಞರು ಆದಿ ಕ್ರಿಶ್ಚಿಯನ್ನರ ಸಾಮಾನ್ಯ ಆಚರಣೆಯ ಬಗ್ಗೆ ಉಲ್ಲೇಖಿಸುವಾಗ "ಇಮ್ಮರ್ಶನ್" ಎಂಬ ಪದವನ್ನು ಬಳಸಿರುವುದು,^{[೮೩][೮೪]} ಸಬ್‌ಮರ್ಶನ್ ಅನ್ನು ಸೂಚಿಸುತ್ತದೆ ಎಂಬ ಊಹೆಗೆ ಆರಂಭದ ದೀಕ್ಷಾಸ್ನಾನ ತೊಟ್ಟಿಗಳ ಚಿತ್ರಗಳು ಮತ್ತು ಉಳಿದುಕೊಂಡಿರುವ ಇಂತಹ ತೊಟ್ಟಿಗಳ ಅಳತೆಗಳು ಸವಾಲನ್ನೊಡ್ಡುತ್ತವೆ.^[೧೧೦] ಇದನ್ನು ಈಗಲೂ ಹೆಚ್ಚಾಗಿ ಇಮ್ಮರ್ಶನ್ ಎಂಬರ್ಥದಲ್ಲಿ ಬಳಸಿ ಗೊಂದಲವುಂಟಗುತ್ತದೆ.

ಬ್ಯಾಪ್ಟಿಸ್ಟರ ಪ್ರಕಾರ "ಕ್ರೈಸ್ತ ಬ್ಯಾಪ್ಟಿಸಮ್ ಎಂಬುದು ನಂಬಿಕೆಯುಳ್ಳವರನ್ನು ನೀರಿನಲ್ಲಿ ಅದ್ದುವ ಕ್ರಿಯೆ. …ಇದು ನಿಷ್ಠೆಯನ್ನು ತೋರುವ ಕ್ರಿಯೆಯಾಗಿದ್ದು, ಶಿಲುಬೆಗೇರಿಸಲ್ಪಟ್ಟು, ಸಮಾಧಿ ಮಾಡಿ, ಪುನರುತ್ಠಾನಗೊಂಡ ರಕ್ಷಕನಲ್ಲಿ ನಂಬಿಕೆಯುಳ್ಳವನ ವಿಶ್ವಾಸದ ಸಂಕೇತವಾಗಿದೆ, ನಂಬಿಕೆಯುಳ್ಳವನ ಪಾಪಗಳ ಮರಣವಾಗಿದೆ, ಹಳೆಯ ಜೀವನದ ಸಂಸ್ಕಾರವಿಧಿಯಾಗಿದೆ,ಮತ್ತು ಯೇಸುಕ್ರಿಸ್ತನಲ್ಲಿ ಮರುಹುಟ್ಟು ಪಡೆದು ಜೀವನದ ಹೊಸತನದೆಡೆ ನಡೆಯುವ ಸೂಚನೆಯಾಗಿದೆ." [ಉದ್ಧೃತ ಪಠ್ಯದ ಪದಲೋಪಗಳನ್ನು ಅಂತೆಯೇ ಉಳಿಸಿಕೊಳ್ಳಲಾಗಿದೆ].^[೧೧೧] ಹೆಚ್ಚಿನ ಕ್ರಿಶ್ಚಿಯನ್ನರಂತೆಯೇ ಸಂಪೂರ್ಣ ಮುಳುಗಿಸುವಿಕೆಯ ಮೂಲಕ ಬ್ಯಾಪ್ಟಿಸಮ್ ಅನ್ನು ನಂಬುವ ಬ್ಯಾಪ್ಟಿಸ್ಟರು, ಈ ಆಚರಣೆಯನ್ನು ಸಂಸ್ಕಾರ ಮತ್ತು ಪುನರುತ್ಟಾನವನ್ನು ಉದ್ದೇಶಪೂರ್ವಕವಾಗಿ ಸಂಕೇತಿಸುವುದೆಂಬುದನ್ನು ವ್ಯಕ್ತಗೊಳಿಸುವ ಸಲುವಾಗಿ ಬೈಬಲ್‌ನ ^[೧೧೨] ಭಾಗಗಳನ್ನು ಓದುತ್ತಾರೆ. ವಿಶೇಷವಾಗಿ ನೋಡುಗರ ಮುಂದೆ ನಡೆಸಿದಾಗ, ಸಂಪೂರ್ಣ ಮುಳುಗುವಿಕೆಯ ಆಚರಣೆಯು ಸಮಾಧಿಸ್ಥಿತಿಯನ್ನು ಬಿಂಬಿಸುತ್ತದೆ (ಬ್ಯಾಪ್ಟೈಜ್ ಆಗುತ್ತಿರುವ ವ್ಯಕ್ತಿಯನ್ನು ನೀರಿನಡಿ ಮುಳುಗಿಸಿದಾಗ, ಅದು ಸಮಾಧಿಯಂತೆನಿಸುವುದು), ಮತ್ತು ಪುನರುತ್ಟ್ಥಾನವನ್ನು ಸೂಚಿಸುತ್ತದೆ (ಅಭ್ಯರ್ಥಿಯು ನೀರಿನಿಂದ ಹೊರಬಂದಾಗ ಅದು ಸಮಾಧಿಯಿಂದ ಎದ್ದಂತೆ ಕಾಣುವುದು)—ಪಾಪದ ಆಚರಣೆಗಳೆಡೆ ಕೇಂದ್ರೀಕೃತವಾಗಿದ್ದ ಹಳೆಯ ಜೀವನಪದ್ಧತಿಯ "ಸಾವು" ಮತ್ತು "ಶವಸಂಸ್ಕಾರ", ಹಾಗೂ "ಪುನರುತ್ಥಾನ"ದ ಮೂಲಕ ಕ್ರಿಶ್ಚಿಯನ್ನನಾಗಿ ದೇವರನ್ನು ಕೇಂದ್ರವಾಗಿರಿಸಿಕೊಂಡ ಹೊಸ ಜೀವನದ ಆರಂಭ. ಈ ಕ್ರಿಶ್ಚಿಯನ್ನರು ವಿಶೇಷವಾಗಿ ನೀರಿನ ಬ್ಯಾಪ್ಟಿಸಮ್ ಒಬ್ಬ ಕ್ರಿಶ್ಚಿಯನ್ನನು ಆಧ್ಯಾತ್ಮಿಕವಾಗಿ "ಮರುಹುಟ್ಟು" ಪಡೆಯುತ್ತಾನೆ ಎಂಬುದರ ಸಂಕೇತ ವೆಂಬ ಈ ದೃಷ್ಟಿಯನ್ನು John 3:3-5 ಕೂಡ ಬೆಂಬಲಿಸುತ್ತಾರೆಂದು ನಂಬುತ್ತಾರೆ.^[೧೧೩]

ಮುಳುಗುವಿಕೆಯ ಮೂಲಕ ಬ್ಯಾಪ್ಟಿಸಮ್ ಅನ್ನು ಕ್ರಿಶ್ಚಿಯನ್ ಚರ್ಚ್(ಡಿಸೈಪಲ್ಸ್ ಆಫ್ ಕ್ರೈಸ್ಟ್)ನಲ್ಲಿಯೂ ಆಚರಿಸಲಾಗುತ್ತದೆ,^[೧೧೪] ಆದರೆ ಅವರ ನಂಬಿಕೆಯಲ್ಲಿ ಬೇರೊಂದು ಕ್ರಿಶ್ಚಿಯನ್ ಬ್ಯಾಪ್ಟಿಸಮ್ ಸಂಪ್ರದಾಯದಡಿ ಬ್ಯಾಪ್ಟೈಜ್ಜ್ ಆಗಿರುವವರಿಗೆ ಮರುಬ್ಯಾಪ್ಟಿಸಮ್ ನೀಡಬೇಕೆಂದು ಸೂಚಿಸಲಾಗಿಲ್ಲ.^[೧೧೫] ಚರ್ಚಸ್ ಆಫ್ ಕ್ರೈಸ್ಟ್ನ ಬ್ಯಾಪ್ಟಿಸಮ್ ರೆಸ್ಟೋರೇಶನ್ ಚಳುವಳಿಯಲ್ಲಿ ಬೇರುಗಳನ್ನು ಹೊಂದಿದ್ದು, ಸಂಪೂರ್ಣ ದೈಹಿಕ ಮುಳುಗುವಿಕೆಯ ನಂತರ ಮಾತ್ರ ನಡೆಸಲ್ಪಡುತ್ತದೆ.^{[೧೧೬]: p.107 [೧೧೭]: p.124} ಇದು ಹೊಸ ಒಡಂಬಡಿಕೆಯಲ್ಲಿರುವ ಬ್ಯಾಪ್‌ಟೈಜೋ ಎಂಬ ಪದವನ್ನು ಅವರು ಗ್ರಹಿಸಿರುವ ರೀತಿಯನ್ನು ಆಧರಿಸಿದ್ದು, ಈ ನಂಬಿಕೆಯ ಪ್ರಕಾರ ಇದು ಯೇಸುವಿನ ಸಾವು, ಸಂಸ್ಕಾರ ಮತ್ತು ಪುನರುತ್ಥಾನಗಳಿಗೆ ಅತಿ ಹೆಚ್ಚು ಹತ್ತಿರವಾಗಿದೆ, ಮತ್ತು ಐತಿಹಾಸಿಕವಾಗಿ ಒಂದನೆಯ ಶತಮಾನದಲ್ಲಿ ಮುಳುಗಿಸುವಿಕೆಯ ವಿಧಾನವನ್ನು ಅನುಸರಿಸಲಾಗುತ್ತಿತ್ತು, ಮತ್ತು ಮುಳುಗುವಿಕೆಯು ಸಾಧ್ಯವಿಲ್ಲದಿದ್ದಾಗ ಕ್ರಮೇಣ ಎರೆಯುವಿಕೆ ಮತ್ತು ಪ್ರೋಕ್ಷಣೆಗಳು ಅನುಷಂಗಿಕ ವಿಧಾನಗಳಾಗಿ ಹುಟ್ಟಿಕೊಂಡವು.^{[೧೧೮][೧೧೯]: p.139-140}

ಸೆವೆಂತ್-ಡೇ ಅಡ್ವೆಂಟಿಸ್ಟರು "ಬ್ಯಾಪ್ಟಿಸಮ್ ತಾನೆಂಬುದರ ಸಾವನ್ನೂ ಯೇಸುವಿನಲ್ಲಿ ಮರುಹುಟ್ಟು ಪಡೆಯುವಿಕೆಯನ್ನೂ ಸಂಕೆತಿಸುತ್ತದೆ" ಎಂದು ನಂಬುತ್ತಾರೆ. ಅವರು ಸಂಪೂರ್ಣ ಮುಳುಗಿಸುವಿಕೆಯ ಬ್ಯಾಪ್ಟಿಸಮ್ ಅನ್ನು ಆಚರಿಸುತ್ತಾರೆ.^[೧೨೦]

ಲೇಟರ್-ಡೇ ಸೆಯಿಂಟರ ಬ್ಯಾಪ್ಟಿಸಮ್ ಬಗೆಗಿನ ನಂಬಿಕೆಗಳು ಈ ರೀತಿಯಾಗಿವೆ -"ಯೇಸುಕ್ರಿಸ್ತನ ಬ್ಯಾಪ್ಟಿಸಮ್‌ನಂತೆಯೇ ನಿನ್ನನ್ನೂ ನೀರಿನಲ್ಲು ಭಾಗಶಃ ಅದ್ದಲಾಗುವುದು. ಮುಳುಗಿಸುವಿಕೆಯ ಮೂಲಕ ಬ್ಯಾಪ್ಟಿಸಮ್ ಯೇಸುಕ್ರಿಸ್ತನ ಸಾವು, ಸಂಸ್ಕಾರ ಮತ್ತು ಪುನರುತ್ಥಾನಗಳ ಪವಿತ್ರ ಸಂಕೇತವಾಗಿದೆ, ಮತ್ತು ಅದು ನಿನ್ನ ಹಳೆಯ ಜೀವನದ ಕೊನೆಯನ್ನು ಮತ್ತು ಯೇಸಿಕ್ರಿಸ್ತನ ಶಿಷ್ಯನಾಗಿ ಹೊಸ ಜೀವನದ ಆರಂಭವನ್ನು ಪ್ರತಿನಿಧಿಸುತ್ತದೆ."^[೧೨೧] ಕಮ್ಯುನಿಟಿ ಆಫ್ ಕ್ರೈಸ್ಟ್ ಕೂಡ ತಮ್ಮ ಬ್ಯಾಪ್ಟಿಸಮ್‌ಗಳಲ್ಲಿ ಸಂಪೂರ್ಣ ಮುಳುಗುವಿಕೆಯನ್ನು ಆಚರಿಸುತ್ತದೆ.

ಯೆಹೋವನ ಸಾಕ್ಷಿಗಳ ಬೋಧನೆಯ ಪ್ರಕಾರ "ವ್ಯಕ್ತಿಯೊಬ್ಬನನ್ನು ಬ್ಯಾಪ್ಟೈಜ್ ಮಾಡಿದಾಗ, ಕೆಲಕ್ಷಣಗಳ ಕಾಲ ಆತನ ದೇಹವನ್ನು ನೀರಿನಡಿ ಮುಳುಗಿಸಬೇಕು."^[೧೨೨]

ಉಡುಗೆತೊಡುಗೆ

ಮಧ್ಯಯುಗದವರೆಗೂ, ಬ್ಯಾಪ್ಟಿಸಮ್‌ನ ಆರಂಭದ ಚಿತ್ರಗಳಲ್ಲಿ ಕಂಡುಬರುವಂತೆ, ಮತ್ತು ಆರಂಭದ ಚರ್ಚ್ ಪಾದ್ರಿಗಳು ಮತ್ತು ಇತರ ಕ್ರಿಶ್ಚಿಯನ್ ಲೇಖಕರ ವರ್ಣನೆಗಳಲ್ಲಿ ವಿದಿತವಾಗಿರುವ ಪ್ರಕಾರ, ಹೆಚ್ಚಿನ ಬ್ಯಾಪ್ಟಿಸಮ್‌ಗಳ ಅಭ್ಯರ್ಥಿಗಳು ಸಂಪೂರ್ಣವಾಗಿ ನಗ್ನರಾಗಿರುತ್ತಿದ್ದರು(ಕೆಲವನ್ನು ಈ ಲೇಖನದಲ್ಲಿ ತೋರಿಸಲಾಗಿದೆ. ಈ ರೀತಿಯ ವರ್ಣನೆಗಳ ಮಾದರಿಯಲ್ಲೆ 4ನೇ ಶತಮಾನದಲ್ಲಿ ಸಿರಿಲ್ ಆಫ್ ಜೆರೂಸಲೇಮ್ ಬರೆದ "ಆನ್ ದ ಮಿಸ್ಟರೀಸ್ ಆಫ್ ಬ್ಯಾಪ್ಟಿಸಮ್" ಎಂಬ ಗ್ರಂಥವು ಕಂಡುಬರುತ್ತದೆ.(c. ಕ್ರಿ.ಶ. 350):

Do you not know, that so many of us as were baptized into Jesus Christ, were baptized into His death? etc.…for you are not under the Law, but under grace.

1. Therefore, I shall necessarily lay before you the sequel of yesterday's Lecture, that you may learn of what those things, which were done by you in the inner chamber, were symbolic.

2. As soon, then, as you entered, you put off your tunic; and this was an image of putting off the old man with his deeds.^[Col 3:9] Having stripped yourselves, you were naked; in this also imitating Christ, who was stripped naked on the Cross, and by His nakedness put off from Himself the principalities and powers, and openly triumphed over them on the tree. For since the adverse powers made their lair in your members, you may no longer wear that old garment; I do not at all mean this visible one, but the old man, which waxes corrupt in the lusts of deceit.^[Eph 4:22] May the soul which has once put him off, never again put him on, but say with the Spouse of Christ in the Song of Songs, I have put off my garment, how shall I put it on?^{[Song of Sol 5:3]} O wondrous thing! You were naked in the sight of all, and were not ashamed; for truly ye bore the likeness of the first-formed Adam, who was naked in the garden, and was not ashamed.

3. Then, when you were stripped, you were anointed with exorcised oil, from the very hairs of your head to your feet, and were made partakers of the good olive-tree, Jesus Christ.

4. After these things, you were led to the holy pool of Divine Baptism, as Christ was carried from the Cross to the Sepulchre which is before our eyes. And each of you was asked, whether he believed in the name of the Father, and of the Son, and of the Holy Ghost, and you made that saving confession, and descended three times into the water, and ascended again; here also hinting by a symbol at the three days burial of Christ.… And at the self-same moment you were both dying and being born;^[೧೨೩]

ಸಂಕೇತಶಾಸ್ತ್ರವು ಮೂರು ಪದರುಗಳನ್ನುಳ್ಳದ್ದಾಗಿದೆ:

1. ಬ್ಯಾಪ್ಟಿಸಮ್ ಅನ್ನು "ನೀರು ಮತ್ತು ಆತ್ಮಗಳ ಮೂಲಕ"^[Jn 3:5] ಆಗುವ ಮರುಹುಟ್ಟಿನ ಒಂದು ರೂಪವನ್ನಾಗಿ ಪರಿಗಣಿಸಲಾಗುತ್ತದೆ——ಬ್ಯಾಪ್ಟಿಸಮ್‌ನ ನಗ್ನತೆ(ಎರಡನೇ ಹುಟ್ಟು)ಯು ಮೊದಲನೆಯ ಹುಟ್ಟಿನ ಸ್ಥಿತಿಗೆ ಸಮಾನಾಂತರವಾಗಿರುವುದು. ಉದಾಹರಣೆಗೆ, ಸಂತ ಜಾನ್ ಕ್ರಿಸಸ್ಟಾಮ್ ಬ್ಯಾಪ್ಟಿಸಮ್ ಅನ್ನು "λοχείαν", ಅರ್ಥಾತ್, ಜನ್ಮ ನೀಡುವುದು, ಮತ್ತು "ಸೃಷ್ಟಿಯ ನೂತನ ವಿಧಾನ...ನೀರು ಮತ್ತು ಆತ್ಮದ ಮೂಲಕ" ಎಂದು ಕರೆಯುತ್ತಾರೆ ("ಜಾನ್‌ನಿಗೆ" ಭಾಷಣ 25,2), ಮತ್ತು ನಂತರ ಇದನ್ನು ವಿಶದೀಕರಿಸುತ್ತಾರೆ:

"For nothing perceivable was handed over to us by Jesus; but with perceivable things, all of them however conceivable. This is also the way with the baptism; the gift of the water is done with a perceivable thing, but the things being conducted, i.e., the rebirth and renovation, are conceivable. For, if you were without a body, He would hand over these bodiless gifts as naked [gifts] to you. But because the soul is closely linked to the body, He hands over the perceivable ones to you with conceivable things " (Chrysostom to Matthew., speech 82, 4, c. 390 A.D.)

2. ವಸ್ತ್ರಗಳ ಕಳಚುವಿಕೆಯು "ಹಳೆಯ ಮನುಷ್ಯನನ್ನು ಆತನ ಕೃತ್ಯಗಳೊಂದಿಗೆ ತಳ್ಳಿಹಾಕುವ ಕಲ್ಪನೆ"ಯನ್ನು ಪ್ರತಿನಿಧಿಸುತ್ತದೆ (ಈ ಮೇಲೆ ಹೇಳಿದಂತೆ, ಸಿರಿಲ್‌ನ ಪ್ರಕಾರ), ಆದ್ದರಿಂದ ಬ್ಯಾಪ್ಟಿಸಮ್‌ಗೆ ಮೊದಲು ನಿರ್ವಸ್ತ್ರರಾಗುವುದು ಪಾಪಿಷ್ಟವಾದ ತನ್ನ ಬಂಧನಗಳನ್ನು ಕಿತ್ತೊಗೆಯುವುದನ್ನು ಪ್ರತಿನಿಧುಸುವುದು ಮಾತ್ರವಲ್ಲದೆ, ಇದರಿಂದಾಗಿ ಯೇಸುವು ದಯಪಾಲಿಸುವ "ಹೊಸ ಮನುಷ್ಯ"ನನ್ನು ಧರಿಸುವುದು ಸುಲಭಸಾಧ್ಯವಾಗುವುದು.

3. ಸಂತ. ಸಿರಿಲ್ ಮೇಲೆ ಹೇಳಿದಂತೆ, ಆಡಾಂ ಮತ್ತು ಈವ್ ಪವಿತ್ರಗ್ರಂಥ ಮತ್ತು ಸಂಪ್ರದಾಯಗಳ ವರ್ಣನೆಯ ಪ್ರಕಾರ ಈಡನ್‌ನ ಉದ್ಯಾನದಲ್ಲಿ ನಿರ್ವಸ್ತ್ರರಾಗಿದ್ದರು, ಮುಗ್ಧರೂ, ನಾಚಿಕೆಯನ್ನು ಅರಿಯದವರೂ ಆಗಿದ್ದರಿಂದ, ಬ್ಯಾಪ್ಟಿಸಮ್ ಸಮಯದಲ್ಲಿ ನಗ್ನರಾಗಿರುವುದು ಆ ಮುಗ್ಧತೆ ಮತ್ತು ಮೂಲಪಾಪಗಳಿಲ್ಲದ ಸ್ಥಿತಿಯ ನವೀಕರಣವಾಗಿರುವುದು. ಇಲ್ಲಿ ಇತರ ಸಮಾನಾಂತರಗಳನ್ನು ಕೂಡ ಕಲ್ಪಿಸಬಹುದು, ಉದಾಹರಣೆಗೆ ಶಿಲುಬೆಗೇರಿದ ಸಮಯದಲ್ಲಿ ಆತನ ಬಹಿರಂಗ ದೇಹಸ್ಥಿತಿ ಮತ್ತು ಬ್ಯಾಪ್ಟಿಸಮ್‌ನ ತಯಾರಿಯ ಸಮಯದಲ್ಲಿ ಪಶ್ಚಾತ್ತಾಪ ಪಡುವ ಪಾಪಿಯ "ಹಳೆಯ ಮನುಷ್ಯ"ನ ಶಿಲುಬೆಗೇರಿಸುವಿಕೆಯ ನಡುವಿನ ಸಂಬಂಧ.

ಲಜ್ಜೆಯ ಬಗ್ಗೆ ಬದಲಾಗತೊಡಗಿದ ಆಚರಣೆಗಳು ಮತ್ತು ಭಾವನೆಗಳಿಂದಾಗಿ ಬಹುಶಃ ಬ್ಯಾಪ್ಟಿಸಮ್ ಅಭ್ಯರ್ಥಿಗೆ ತನ್ನ ಒಳ ಉಡುಪುಗಳನ್ನು ಉಳಿಸಿಕೊಳ್ಳಲು(ಡಾ ವಿಂಚಿ, ಟಿಂಟೊರೆಟೋ, ವಾನ್ ಸ್ಲೋಹೆಲ್, ಮಾಸಾಕ್ಸಿಯೋ, ಡಿ ವಿಟ್ ಮತ್ತಿತರರ ಬ್ಯಾಪ್ಟಿಸಮ್ ಕುರಿತಾದ ರೆನೆಸಾನ್ಸ್ ಕಲಾಕೃತಿಗಳಲ್ಲಿ ತೋರಲಾಗಿರುವಂತೆ) ಮತ್ತು/ಇಲ್ಲವೇ ಈಗ ಸಾರ್ವತ್ರಿಕವಾಗಿ ಆಚರಣೆಯಲ್ಲಿರುವಂತೆ ಬ್ಯಾಪ್ಟಿಸಮ್‌ನ ಮೇಲುಡುಗೆಯನ್ನು ಧರಿಸಲು ಅನುಮತಿ ದೊರಕಿರಬಹುದು. ಈ ಮೇಲುಡುಪುಗಳು ಹೆಚ್ಚಿನ ಬಾರಿ ಶ್ವೇತವರ್ಣದವಾಗಿದ್ದು ಪರಿಶುದ್ಧತೆಯ ಸಂಕೇತವಾಗಿವೆ. ಇಂದು ಹಲವಾರು ಪಂಗಡಗಳು ಯಾವುದೇ ತಕ್ಕನಾದ ವಸ್ತ್ರವನ್ನು ಧರಿಸಲು ಅನುಮತಿ ನೀಡುತ್ತವೆ, ಉದಾಹರಣೆಗೆ, ಷರಾಯಿ ಮತ್ತು ಟಿ-ಶರ್ಟ್. ಸಾಮಾನ್ಯವಾಗಿ ಪ್ರಾಯೋಗಿಕ ಪರಿಗಣನೆಗೆ ಬರುವ ಅಂಶವೆಂದರೆ ಬಟ್ಟೆಯು ಎಷ್ಟು ಬೇಗನೆ ಒಣಗಬಹುದೆನ್ನುವುದು(ಡೆನಿಮ್ ಧರಿಸುವುದನ್ನು ಪ್ರೋತ್ಸಾಹಿಸಲಾಗುವುದಿಲ್ಲ), ಮತ್ತು ಅವು ಒದ್ದೆಯಾದಾಗ ಪಾರದರ್ಶಕವಾಗುವವೆ ಎಂಬುದು.

ಕ್ರಿಶ್ಚಿಯನ್ನನೊಬ್ಬನ ಮೇಲೆ ಬ್ಯಾಪ್ಟಿಸಮ್‌ನ ಪರಿಣಾಮಗಳ ಬಗ್ಗೆ ಹಲವಾರು ಭಿನ್ನಾಭಿಪ್ರಾಯಗಳಿವೆ. ಕೆಲವು ಕ್ರಿಶ್ಚಿಯನ್ ಪಂಗಡಗಳು ಬ್ಯಾಪ್ಟಿಸಮ್ ಮೋಕ್ಷ ಪಡೆಯಲು ಅವಶ್ಯಕವೆಂದೂ, ಅದು ಒಂದು ಪವಿತ್ರ ವಿಧಿ ಎಂದೂ ವಾದಿಸುತ್ತ "ಬ್ಯಾಪ್ಟಿಸಮ್ ಮೂಲಕ ಮರುಹುಟ್ಟು" ಎಂಬುದರ ಬಗ್ಗೆ ಮಾತನಾಡುತ್ತಾರೆ. ಈ ಅಭಿಪ್ರಾಯವನ್ನು ಕ್ಯಾಥೊಲಿಕ್ ಮತ್ತು ಈಸ್ಟರ್ನ್ ಆರ್ಥೋಡಾಕ್ಸ್ ಸಂಪ್ರದಾಯಗಳು, ಮತ್ತು ಇವುಗಳ ಜತೆಗೇ ಪ್ರಾಟೆಸ್ಟೆಂಟ್ ರಿಫಾರ್ಮೇಶನ್ನ ಸಮಯದ ಆರಂಭದಲ್ಲಿ ಜೀವತಳೆದ ಚರ್ಚುಗಳಾದ ಲುಥೆರನ್ಗಳು ಮತ್ತು ಆಂಗ್ಲಿಕನ್ ಚರ್ಚುಗಳೂ ಹಂಚಿಕೊಂಡಿವೆ. ಉದಾಹರಣೆಗೆ, ಮಾರ್ಟಿನ್ ಲೂಥರ್ ಈ ರೀತಿಯಾಗಿ ಹೇಳಿದರು:

To put it most simply, the power, effect, benefit, fruit, and purpose of Baptism is to save. No one is baptized in order to become a prince, but as the words say, to "be saved". To be saved, we know, is nothing else than to be delivered from sin, death, and the devil and to enter into the kingdom of Christ and live with him forever.

— Luther's Large Catechism, 1529

ಚರ್ಚಸ್ ಆಫ್ ಕ್ರೈಸ್ಟ್ ಮತ್ತು ದ ಚರ್ಚ್ ಆಫ್ ಜೀಸಸ್ ಕ್ರೈಸ್ಟ್ ಆಫ್ ಲೇಟರ್-ಡೇ ಸೆಯಿಂಟ್ಸ್ ಕೂಡ ಬ್ಯಾಪ್ಟಿಸಮ್ ಅನ್ನು ಮುಕ್ತಿ ಹೊಂದಲು ಅವಶ್ಯಕವೆಂದು ಒಪ್ಪಿಕೊಳ್ಳುತ್ತಾರೆ.

ರೋಮನ್ ಕ್ಯಾಥೊಲಿಕರಿಗೆ, ನೀರಿನ ಮೂಲ ಬ್ಯಾಪ್ಟಿಸಮ್ ದೇವರ ಮಕ್ಕಳ ಜೀವನವನ್ನು ಪ್ರವೇಶಿಸುವ ದೀಕ್ಷೆಯ ಪವಿತ್ರ ವಿಧಿಯಾಗಿದೆ (ಕ್ಯಾಟೆಕಿಸಮ್ ಆಫ್ ದ ಕ್ಯಾಥೊಲಿಕ್ ಚರ್ಚ್ , 1212–13). ಇದು ವ್ಯಕ್ತಿಯೊಬ್ಬನನ್ನು ಕ್ರಿಸ್ತನಲ್ಲಿ ವಿಲೀನಗೊಳಿಸುತ್ತದೆ (CCC 1272), ಮತ್ತು ಕ್ರಿಶ್ಚಿಯನ್ನನೊಬ್ಬನು ಚರ್ಚಿನ ಧರ್ಮಪ್ರವರ್ತನೆ ಮತ್ತು ಮಿಶನರಿ ಚಟುವಟಿಕೆಗಳನ್ನು ಹಂಚಿಕೊಳ್ಳಲು ಉಪಕರಿಸುವಂತೆ ಮಾಡುತ್ತವೆ (CCC 1270). ಕ್ಯಾಥೊಲಿಕ್ ಸಂಪ್ರದಾಯದ ಪ್ರಕಾರ ರಕ್ಷಿಸಲ್ಪಡಲು ಮೂರು ವಿಧವಾದ ಬ್ಯಾಪ್ಟಿಸಮ್‌ಗಳು ಇವೆಯೆಂದು ಪ್ರತಿಪಾದಿಸಲಾಗುತ್ತದೆ: ಪವಿತ್ರ ವಿಧಿಯ ಬ್ಯಾಪ್ಟಿಸಮ್ (ನೀರಿನಿಂದ), ಹಂಬಲದ ಬ್ಯಾಪ್ಟಿಸಮ್ (ಯೇಸುಕ್ರಿಸ್ತನು ಸ್ಥಾಪಿಸಿದ ಚರ್ಚಿನ ಭಾಗವಾಗಿರಬೇಕೆಂಬ ವ್ಯಕ್ತ ಅಥವಾ ಅವ್ಯಕ್ತ ಹಂಬಲ), ಮತ್ತು ರಕ್ತದ ಬ್ಯಾಪ್ಟಿಸಮ್ (ಹುತಾತ್ಮತೆ).

ಇದಕ್ಕೆ ವ್ಯತಿರಿಕ್ತವಾಗಿ, ಹೆಚ್ಚಿನ ರಿಫಾರ್ಮ್‌ಡ್ (ಕ್ಯಾಲ್ವಿನಿಸ್ಟ್), ಎವ್ಯಾಂಜೆಲಿಕಲ್, ಮತ್ತು ಫಂಡಮೆಂಟಲಿಸ್ಟ್ ಪ್ರಾಟೆಸ್ಟೆಂಟ್ ಗುಂಪುಗಳು ಬ್ಯಾಪ್ಟಿಸಮ್ ಎಂಬುದು ಕ್ರಿಸ್ತನ ರೂಪದಲ್ಲಿ ಯೇಸುವಿನೊಂದಿಗೆ ಗುರುತಿಸಿಕೊಳ್ಳುವುದು ಮತ್ತು ಆತನಿಗೆ ವಿಧೇಯತೆಯನ್ನು ತೋರುವ ಕಾರ್ಯವೂ ಆಗಿದೆಯೆಂದು ಒಪ್ಪಿಕೊಳ್ಳುತ್ತಾರೆ. ಅವರ ಪ್ರಕಾರ ಬ್ಯಾಪ್ಟಿಸಮ್ ಯಾವ ಸ್ಯಾಕ್ರಮೆಂಟಲ್ (ರಕ್ಷಿಸುವ) ಶಕ್ತಿಯನ್ನೂ ಹೊಂದಿಲ್ಲ, ಮತ್ತು ದೇವರ ಶಕ್ತಿಯ ಅಗೋಚರ, ಆಂತರಿಕ ಕಾರ್ಯಾಚರಣೆಗಳನ್ನು ಬಾಹ್ಯಪ್ರಮಾಣವನ್ನು ನೀಡುತ್ತದೆ, ಹಾಗಾಗಿ ಇದು ಆಚರಣೆಯಿಂದ ಸಂಪೂರ್ಣವಾಗಿ ಭಿನ್ನವಾಗಿದೆ.

ಚರ್ಚಸ್ ಆಫ್ ಕ್ರೈಸ್ಟ್ ಮೊದಲಿನಿಂದಲೂ ಬೋಧಿಸುತ್ತ ಬಂದಿರುವುದೇನೆಂದರೆ, ಬ್ಯಾಪ್ಟಿಸಮ್‌ನಲ್ಲಿ ಭಕ್ತರು ತಮ್ಮ ಜೀವನವನ್ನು ದೇವರಲ್ಲಿ ನಂಬಿಕೆ ಮತ್ತು ವಿಧೇಯತೆಗಳಿಗೆ ಮುಡುಪಾಗಿಡುತ್ತಾರೆ ಎಂದು, ಮತ್ತು ದೇವರು "ಕ್ರಿಸ್ತನ ರಕ್ತದ ಶ್ರೇಷ್ಠ ಗುಣಗಳ ಮೂಲಕ, ಪಾಪಗಳನ್ನು ತೊಳೆಯುವರು ಮತ್ತು ನಿಜವಾಗಿ ಒಬ್ಬ ವ್ಯಕ್ತಿಯ ಸ್ಥಾನಮಾನವನ್ನು ಪರಕೀಯನಾಗಿರುವುದರಿಂದ ಬದಲಾಯಿಸಿ ದೇವರ ರಾಜ್ಯದ ಪ್ರಜೆಯಾಗಿರುವಂತೆ ಮಾಡುತ್ತಾರೆ. ಬ್ಯಾಪ್ಟಿಸಮ್ ಮಾನವಸಾಧ್ಯವಾದ ಕೆಲಸವಲ್ಲ; ಅದು ದೇವರು ಮಾತ್ರ ಮಾಡಬಹುದಾದ ಕೆಲಸವನ್ನು ದೇವರೇ ಮಾಡುವಂತಹ ಸ್ಥಳವಾಗಿರುವುದು."^{[೧೨೪]: p.66} ಬ್ಯಾಪ್ಟಿಸಮ್ ಎಂಬುದು ಒಂದು ಶ್ಲಾಘನೀಯ ಕೆಲಸವೆನ್ನುವುದಕ್ಕಿಂತ ನಂಬಿಕೆಯ ಒಂದು ವಿನಮ್ರ ಕಾರ್ಯವೆನ್ನಬಹುದು; ಅದು "ದೇವರಿಗೆ ನೀಡಲು ತನ್ನಲ್ಲೇನೂ ಇಲ್ಲ ಎಂದು ಒಬ್ಬ ವ್ಯಕ್ತಿಯ ತಪ್ಪೊಪ್ಪಿಗೆಯಾಗಿದೆ."^{[೧೨೫]: p.112}

ಹೆಚ್ಚಿನ ಕ್ರೈಸ್ತ ಸಂಪ್ರದಾಯಗಳಲ್ಲಿ ಬ್ಯಾಪ್ಟಿಸಮ್

ಕ್ಯಾಥೊಲಿಕ್, ಈಸ್ಟರ್ನ್ ಆರ್ಥೋಡಾಕ್ಸ್, ಲುಥೆರನ್, ಆಂಗ್ಲಿಕನ್, ಮತ್ತು ಮೆಥಡಿಸ್ಟ್ ಸಂಪ್ರದಾಯಗಳ ಬ್ಯಾಪ್ಟಿಸಮ್‌ನ ಕ್ರೈಸ್ತ ಪೂಜಾ ವಿಧಾನಗಳು ಬ್ಯಾಪ್ಟಿಸಮ್ ಅನ್ನು ಬರೆ ಸಂಸ್ಕಾರ ಮತ್ತು ಪುನರುತ್ಥಾನಗಳ ಸಂಕೇತ ಮಾತ್ರವಲ್ಲ, ಒಂದು ನೈಜವಾದ ಅಲೌಕಿಕ ಪರಿವರ್ತನೆಯಾಗಿದ್ದು,ನೋ‌ಆಹ್ನ ಅನುಭವ ಮತ್ತು ಇಸ್ರೇಲೀಯರು ಮೋಸಸ್ನು ವಿಭಜಿಸಿದ ಕೆಂಪು ಸಮುದ್ರದ ಮೂಲಕ ಸಾಗಿಹೋದ ಘಟನೆಗಳಿಗೆ ಸಾದೃಶ್ಯವನ್ನು ಹೊಂದಿದೆ. ಈ ರೀತಿಯಾಗಿ ಬ್ಯಾಪ್ಟಿಸಮ್ ಅಕ್ಷರಶಃ ಮತ್ತು ಸಾಂಕೇತಿಕವಾದ ಶುದ್ಧೀಕರಣ ಮಾತ್ರವಲ್ಲ, ಜತೆಗೇ ಸಾಯುವುದು ಮತ್ತು ಕ್ರಿಸ್ತನ ಜತೆಗೆ ಮರುಹುಟ್ಟು ಪಡೆಯುವ ಕ್ರಿಯೆಯೂ ಆಗಿರುವುದು. ಕ್ಯಾಥೊಲಿಕರ ನಂಬಿಕೆಯ ಪ್ರಕಾರ ಬ್ಯಾಪ್ಟಿಸಮ್ ಮೊದಲ ಪಾಪದ ಕಳಂಕವನ್ನು ತೊಳೆಯಲು ಅವಶ್ಯಕವಾಗಿದೆ, ಮತ್ತು ಈ ಕಾರಣದಿಂದಾಗಿ ಶಿಶುಗಳ ಬ್ಯಾಪ್ಟಿಸಮ್ ಪ್ರಚಲಿತ ಆಚರಣೆಯಾಗಿದೆ. ಈಸ್ಟರ್ನ್ ಚರ್ಚ್‌ಗಳು (ಈಸ್ಟರ್ನ್ ಆರ್ಥೋಡಾಕ್ಸ್ ಚರ್ಚ್ ಮತ್ತು ಓರಿಯೆಂಟಲ್ ಆರ್ಥೋಡಾಕ್ಸಿ) ಕೂಡ ಶಿಶುಗಳ ಬ್ಯಾಪ್ಟಿಸಮ್‌ಗಳನ್ನು Matthew 19:14 ಮುಂತಾದ ಪಠ್ಯಗಳ ಆಧಾರದ ಮೇಲೆ ನಡೆಸುತ್ತಿದ್ದು, ಅವರು ಮಕ್ಕಳಿಗೆ ಚರ್ಚಿನ ಸಂಪೂರ್ಣ ಸದಸ್ಯತ್ವಕ್ಕೆ ಬೆಂಬಲ ನೀಡುತ್ತಾರೆಂದು ಅರ್ಥೈಸಿಕೊಳ್ಳಲಾಗಿದೆ. ಈ ಸಂಪ್ರದಾಯಗಳಲ್ಲಿ ಬ್ಯಾಪ್ಟಿಸಮ್‌ನ ನಂತರ ತಡಮಾಡದೆ ಮುಂದಿನ ಪವಿತ್ರ ಪ್ರಾರ್ಥನಾ ಸಭೆಯಲ್ಲಿಯೇ ಕ್ರಿಸ್ಮೇಶನ್ ಮತ್ತು ಕಮ್ಯುನಿಯನ್ಗಳನ್ನು ವಯೋಮಾನ ಭೇದವಿಲ್ಲದೆಯೆ ನೀಡಲಾಗುತ್ತದೆ. ಇದರಂತೆಯೇ ಆರ್ಥೋಡಾಕ್ಸ್‌ಗಳು ಆಡಮನ ಪೂರ್ವೀಕ ಪಾಪವೆಂದು ಅವರು ಕರೆಯುವ ಕಳಂಕವನ್ನು ಬ್ಯಾಪ್ಟಿಸಮ್ ತೆಗೆದುಹಾಕುತ್ತದೆ.^[೧೨೬] ಆಂಗ್ಲಿಕನ್ನರು ಬ್ಯಾಪ್ಟಿಸಮ್ ಚರ್ಚಿಗೆ ಪ್ರವೇಶವೂ ಆಗಿರುವುದು, ಹೀಗಾಗಿ ಪವಿತ್ರ ಕಮ್ಯುನಿಯನ್ ಅನ್ನೂ ಒಳಗೊಂಡಂತೆ ಸಂಪೂರ್ಣ ಸದಸ್ಯರ ಎಲ್ಲಾ ಹಕ್ಕುಗಳು ಮತ್ತು ಹೊಣೆಗಾರಿಕೆಗಳಿಗೆ ಪ್ರವೇಶಾವಕಾಶವನ್ನು ಕಲ್ಪಿಸುವುದು ಎಂದು ನಂಬುತ್ತಾರೆ. ಹೆಚ್ಚಿನ ಆಂಗ್ಲಿಕನ್ನರು ಇದು ಪಶ್ಚಿಮದಲ್ಲಿ ಮೊದಲ ಪಾಪವೆಂದೂ, ಪೂರ್ವದಲ್ಲಿ ಪೂರ್ವಜ ಪಾಪವೆಂದೂ ಕರೆಯಲಾಗುವ ಕಳಂಕವನ್ನು ಶುದ್ಧೀಕರಿಸುವುದು ಎಂದು ಒಪ್ಪಿಕೊಳ್ಳುತ್ತಾರೆ.

ಈಸ್ಟರ್ನ್ ಅರ್ಥೋಡಾಕ್ಸ್ ಕ್ರಿಶ್ಚಿಯನ್ನರು ಸಾಮಾನ್ಯವಾಗಿ ಕ್ರಿಸ್ತನಲ್ಲಿ ಸಾವು ಮತ್ತು ಮರುಹುಟ್ಟು ಹಾಗೂ ಪಾಪಗಳ ಶುದ್ಧೀಕರಣಗಳೆರಡರ ಸಂಕೇತದ ಅರ್ಥದಲ್ಲಿ ಸಂಪೂರ್ಣವಾದ ಮೂರು ಹಂತಗಳ ಮುಳುಗಿಸುವಿಕೆಯನ್ನೇ ಬಯಸುತ್ತಾರೆ. ಲ್ಯಾಟಿನ್ ರೈಟ್ ಕ್ಯಾಥೊಲಿಕರು ಸಾಮಾನ್ಯವಾಗಿ ಅಫ್ಯೂಶನ್(ಎರೆಯುವಿಕೆ)ನ ಬ್ಯಾಪ್ಟಿಸಮ್ ಅನ್ನು ಆಚರಿಸಿದರೆ, ಈಸ್ಟರ್ನ್ ಕ್ಯಾಥೊಲಿಕರು ಸಾಮಾನ್ಯವಾಗಿ ಸಂಪೂರ್ಣ ಮುಳುಗುವಿಕೆ ಇಲ್ಲವೇ ಕನಿಷ್ಟ ಭಾಗಶಃ ಮುಳುಗಿಸುವಿಕೆಯನ್ನಾದರೂ ಮಾಡುತ್ತಾರೆ. ಆದರೆ, ಲ್ಯಾಟಿನ್ ಕ್ಯಾಥೊಲಿಕ್ ಚರ್ಚಿನಲ್ಲಿ ಸಬ್‌ಮರ್ಶನ್ ಜನಪ್ರಿಯತೆಯನ್ನು ಪಡೆದುಕೊಳ್ಳುತ್ತಿದೆ. ಹೊಸ ಆರಾಧನಾ ಮಂದಿರಗಳಲ್ಲಿ, ದೀಕ್ಷಾಸ್ನಾನದ ತೊಟ್ಟಿಯನ್ನು ನಿರ್ದಿಷ್ಟವಾಗಿ ಮುಳುಗಿಸುವಿಕೆಯ ಬ್ಯಾಪ್ಟಿಸಮ್ ಅನ್ನು ನಡೆಸಲು ಸಾಧ್ಯವಾಗುವಂತೆ ವಿನ್ಯಾಸಗೊಳಿಸಬಹುದಾಗಿದೆ.^{[ಸೂಕ್ತ ಉಲ್ಲೇಖನ ಬೇಕು]} ಆಂಗ್ಲಿಕನ್ನರು ಸಂಪೂರ್ಣ ಮುಳುಗಿಸುವಿಕೆ, ಭಾಗಶಃ ಮುಳುಗಿಸುವಿಕೆ, ಎರೆಯುವಿಕೆ ಅಥವಾ ಪ್ರೋಕ್ಷಣೆಯ ಮೂಲಕ ಬ್ಯಾಪ್ಟೈಜ್ ಮಾಡಬಹುದಾಗಿದೆ.

ಹಿಂದಿನಿಂದ 200,^[೧೨೭] ರ ವರುಷದಷ್ಟು ಇತ್ತೀಚಿನವರೆಗೆ ನಡೆದುಕೊಂಡುಬಂದಿರುವ ಸಂಪ್ರದಾಯವೊಂದರ ಪ್ರಕಾರ ಪ್ರಾಯೋಜಕರು ಅಥವಾ ದೇವಪೋಷಕರು ಬ್ಯಾಪ್ಟಿಸಮ್‌ನ ಸಮಯದಲ್ಲಿ ಹಾಜರಿರುತ್ತಾರೆ ಮತ್ತು ಬ್ಯಾಪ್ಟೈಜ್ ಆದವರ ಕ್ರಿಶ್ಚಿಯನ್ ಶಿಕ್ಷಣ ಮತ್ತು ಜೀವನವನ್ನು ಬೆಂಬಲಿಸುವುದಾಗಿ ಶಪಥ ಮಾಡುತ್ತಾರೆ.

ಗ್ರೀಕ್ ಪದವಾದ βαπτίζω ಮೂಲದಲ್ಲಿ "ಮುಳುಗಿಸುವುದು" ಎಂಬ ಅರ್ಥವನ್ನು ಹೊಂದಿತ್ತೆಂದು ಬ್ಯಾಪ್ಟಿಸ್ಟರು ವಾದಿಸುತ್ತಾರೆ. ಬ್ಯಾಪ್ಟಿಸಮ್‌ಗೆ ಸಂಬಂಧಿಸಿದ ಬೈಬಲ್‌ನ ಕೆಲವು ಭಾಗಗಳನ್ನು ಅವರು ನೀರಿನಲ್ಲಿ ದೇಹದ ಸಂಪೂರ್ಣ ಮುಳುಗುವಿಕೆಯ ಅವಶ್ಯಕತೆಯಿರುವುದಾಗಿ ಅರ್ಥೈಸುತ್ತಾರೆ. ಸಂಪೂರ್ಣ ಮುಳುಗುವಿಕೆಯು ಮಾತ್ರ "ಸಮಾಧಿಯಾಗುವುದು" ಮತ್ತು ಕ್ರಿಸ್ತನಲ್ಲಿ "ಏಳು"ವುದರ ಸಾಂಕೇತಿಕ ಪ್ರಾಮುಖ್ಯತೆಯನ್ನು ಬಿಂಬಿಸುತ್ತದೆ ಎಂದು ಕೂಡ ಅವರು ಹೇಳುತ್ತಾರೆ.^[Rom 6:3-4] ಬ್ಯಾಪ್ಟಿಸ್ಟ್ ಚರ್ಚುಗಳು ಪಿತ, ಸುತ ಮತ್ತು ಪವಿತ್ರ ಆತ್ಮಗಳ ಟ್ರಿನಿಟಿ(ತ್ರಿಕೂಟ)ದ ಹೆಸರಿನಲ್ಲಿ ಬ್ಯಾಪ್ಟಿಸಮ್ ಅನ್ನು ನಡೆಸುತ್ತವೆ. ಅದರೆ, ಅವರು ಬ್ಯಾಪ್ಟಿಸಮ್ ಮೋಕ್ಷವನ್ನು ಹೊಂದಲು ಅವಶ್ಯಕವೆಂದು ಕಾಣುವುದರ ಬದಲಾಗಿ, ಅದನ್ನು ಕ್ರಿಶ್ಚಿಯನ್ ವಿಧೇಯತೆಯ ಕೃತ್ಯವೆಂದು ಭಾವಿಸುತ್ತಾರೆ.

ಒನ್‌ನೆಸ್ ಪೆಂಟೆಕೋಸ್ಟಲ್ನಂತಹ ಕೆಲವು "ಸಂಪೂರ್ಣ ಸುವಾರ್ತೆ"ಯ ಕರಿಸ್ಮಾಟಿಕ್ ಚರ್ಚುಗಳು ಯೇಸುಕ್ರಿಸ್ತನ ಹೆಸರಿನಲ್ಲಿ ಮಾತ್ರ ಬ್ಯಾಪ್ಟೈಜ್ ಮಾಡುತ್ತವೆ ಮತ್ತು ಇದಕ್ಕೆ ಆಧಾರವಾಗಿ ಪೇತ್ರನು ಯೇಸುವಿನ ಹೆಸರಿನಲ್ಲಿ ಬ್ಯಾಪ್ಟಿಸಮ್‌ನ ಬೋಧನೆಯನ್ನು ಉದಾಹರಿಸುತ್ತಾರೆ.^[Ac 2:38] ಜತೆಗೇ ಅವರು ಎರಡನೆ ಶತಮಾನದಲ್ಲಿ ಟ್ರಿನಿಟಿ ತತ್ವವು ಪ್ರಚಲಿತವಾಗುವವರೆಗೂ ಆರಂಭದ ಚರ್ಚಿನಲ್ಲಿ ಪ್ರಭು ಯೇಸುವಿನ ಹೆಸರಿನಲ್ಲಿಯೇ ಯಾವಾಗಲೂ ಬ್ಯಾಪ್ಟಿಸಮ್ ಅನ್ನು ನಡೆಸುತ್ತಿದ್ದಿತೆಂದು ತಿಳಿಸುವ ಹಲವಾರು ಐತಿಹಾಸಿಕ ಆಕರಗಳೆಡೆ ಬೆರಳು ಮಾಡುತ್ತಾರೆ.^{[೧೨೮][೧೨೯]}

ಸಾರ್ವತ್ರಿಕ ಹೇಳಿಕೆಗಳು

1982ರಲ್ಲಿ ವರ್ಲ್ಡ್ ಕೌನ್ಸಿಲ್ ಆಫ್ ಚರ್ಚಸ್ ಬ್ಯಾಪ್ಟಿಸಮ್, ಯೂಕರಿಸ್ಟ್ ಎಂಡ್ ಮಿನಿಸ್ಟ್ರಿ ಎಂಬ ಎಕ್ಯೂಮೆನಿಕಲ್(ಸಾರ್ವತ್ರಿಕ ಕ್ರಿಶ್ಚಿಯನ್) ಬರಹವನ್ನು ಪ್ರಕಟಿಸಿದರು. ಈ ದಾಖಲೆಯ ಪ್ರಸ್ತಾವನೆಯು ಈ ರೀತಿಯಾಗಿ ಹೇಳುತ್ತದೆ:

Those who know how widely the churches have differed in doctrine and practice on baptism, Eucharist and ministry, will appreciate the importance of the large measure of agreement registered here. Virtually all the confessional traditions are included in the Commission's membership. That theologians of such widely different traditions should be able to speak so harmoniously about baptism, Eucharist and ministry is unprecedented in the modern ecumenical movement. Particularly noteworthy is the fact that the Commission also includes among its full members theologians of the Catholic and other churches which do not belong to the World Council of Churches itself."^[೧೩೦]

1997ರ ಲೇಖನವಾದ ಬಿಕಮಿಂಗ್ ಎ ಕ್ರಿಶ್ಚಿಯನ್: ದ ಎಕ್ಯುಮೆನಿಕಲ್ ಇಂಪ್ಲಿಕೇಶನ್ಸ್ ಆಫ್ ಅವರ್ ಕಾಮನ್ ಬ್ಯಾಪ್ಟಿಸಮ್ , ವರ್ಲ್ಡ್ ಕೌನ್ಸಿಲ್ ಆಫ್ ಚರ್ಚಸ್‌ನ ಆಶ್ರಯದಡಿಯಲ್ಲಿ ಒಟ್ಟುಗೂಡಿಸಲಾದ ಪರಿಣತರ ಆಯೋಗದ ಅನಿಸಿಕೆಗಳನ್ನು ಪ್ರಕಟಪಡಿಸಿತು. ಇದರ ಪ್ರಕಾರ:

…according to Acts 2:38, baptisms follow from Peter's preaching baptism in the name of Jesus and lead those baptized to the receiving of Christ's Spirit, the Holy Ghost, and life in the community: "They devoted themselves to the apostles' teaching and fellowship, to the breaking of bread and the prayers"^[2:42] as well as to the distribution of goods to those in need.^[2:45]

ಯಾರು ಆಲಿಸಿದರೊ, ಬ್ಯಾಪ್ಟೈಜ್ ಆಗಿ ಸಮುದಾಯ ಜೀವನಕ್ಕೆ ಪ್ರವೇಶ ಮಾಡಿದ್ದರೊ, ಅವರನ್ನು ಈಗಾಗಲೆ ಅಂತ್ಯದ ದಿನಗಳ ಬಗ್ಗೆ ದೇವರ ವಚನಗಳಿಗೆ ಸಾಕ್ಷಿಗಳನ್ನಾಗಿಯೂ ಭಾಗೀದಾರರನ್ನಾಗಿಯೂ ಮಾಡಲಾಗಿತ್ತು: ಅವುಗಳೆಂದರೆ ಯೇಸುವಿನ ಹೆಸರಿನಲ್ಲಿಯ ಬ್ಯಾಪ್ಟಿಸಮ್ ಮೂಲಕ ಪಾಪಗಳ ಮನ್ನಣೆ ಮತ್ತು ಎಲ್ಲಾ ದೇಹಗಳ ಮೇಲೂ ಪವಿತ್ರಾತ್ಮದ ಸುರಿಮಳೆ.^[Ac 2:38] ಇದೇ ರೀತಿಯಾಗಿ, ಬ್ಯಾಪ್ಟಿಸಮ್‌ನ ಸ್ವರೂಪವಾಗಿರಬಹುದಾದ ಅಂಶದ ಬಗ್ಗೆ 1 ಪೇತ್ರನು ಸಾಕ್ಷ್ಯ ಹೇಳುತ್ತ, ಯೇಸುಕ್ರಿಸ್ತನ ಪುನರುತ್ಥಾನದ ಘೋಷಣೆ ಮತ್ತು ಹೊಸ ಜೀವನದ ಬಗೆಗಿನ ಬೋಧನೆಗಳು^{[1 Pe 1:3-21]} ಶುದ್ಧೀಕರಣ ಮತ್ತು ಹೊಸಹುಟ್ಟಿನೆಡೆಗೆ ಕರೆದೊಯ್ಯುವವೆಂದು ತಿಳಿಸಿದರು.^[1:22-23] ಇದರ ನಂತರ ದೇವರ ಆಹಾರದದ ಸೇವನೆ ಮತ್ತು ಪಾನವು ನಡೆಯುವುದು, ^[2:2-3] ಸಮುದಾಯ ಜೀವನದಲ್ಲಿ ಭಾಗವಹಿಸುವುದರ ಮೂಲಕ - ರಾಜಪೌರಾಹಿತ್ಯ, ಹೊಸ ದೇವಾಲಯ, ದೇವರ ಜನರು^[2:4-10]— ಮತ್ತು ಹೆಚ್ಚಿನ ನೈತಿಕ ಸ್ವರೂಪರಚನೆಯ ಮೂಲಕ.^[2:11ff] 1ರ ಆರಂಭದಲ್ಲಿ ಲೇಖಕ ಪೇತ್ರನು ಈ ಬ್ಯಾಪ್ಟಿಸಮ್ ಅನ್ನು ಕ್ರಿಸ್ತನಿಗೆ ವಿಧೇಯತೆ ಮತ್ತು ಆತ್ಮದ ಮೂಲಕ ಪವಿತ್ರೀಕರಣದ ಸನ್ನಿವೇಶದ ಪ್ರಕಾರ ಸಜ್ಜುಗೊಳಿಸಿದನು.^[1:2] ಆದ್ದರಿಂದ ಕ್ರೈಸ್ತನಲ್ಲಿನ ಬ್ಯಾಪ್ಟಿಸಮ್ ಅನ್ನು ಆತ್ಮಪ್ರವೇಶದ ಬ್ಯಾಪ್ಟಿಸಮ್ ಎಂಬಂತೆ ಕಾಣಲಾಗುತ್ತದೆ.^{cf. [1 Co 12:13]} ನಾಲ್ಕನೇ ಸುವಾರ್ತೆಯಲ್ಲಿ ನಿಕೋಡೆಮಸ್ನ ಜತೆಗೆ ಯೇಸುವಿನ ಸಂವಾದವು ದೇವರ ರಾಜ್ಯಭಾರವಿರುವ ಸ್ಥಳವನ್ನು ಪ್ರವೇಶಿಸಲು ನೀರು ಮತ್ತು ಆತ್ಮಗಳ ಮೂಲಕ ಹುಟ್ಟಿಬರುವುದು ಗೌರವಯುತ ಪ್ರವೇಶದ ಮಾರ್ಗವಾಗುವುದು ಎಂದು ಸೂಚಿಸುತ್ತದೆ. ^{[Jn 3:5][೧೩೧]}

ಕೆಲವು ಚರ್ಚುಗಳಿಂದ ಸಿಂಧುತ್ವ ಪರಿಶೀಲನೆ

ಕ್ಯಾಥೊಲಿಕ್, ಆರ್ಥೋಡಾಕ್ಸ್, ಆಂಗ್ಲಿಕನ್, ಮೆಥಡಿಸ್ಟ್ ಮತ್ತು ಲುಥೆರನ್ ಚರ್ಚುಗಳು ಬ್ಯಾಪ್ಟಿಸಮ್ ನಿಜವಾದ ಆಧ್ಯಾತ್ಮಿಕ ಮತ್ತು ವಿಮೋಚನಾ ಪ್ರಣಾಮಗಳನ್ನು ಹೊಂದಿರುವ ಒಂದು ಪವಿತ್ರ ವಿಧಿ ಎಂದು ಬೋಧಿಸುವುದರಿಂದ, ಇದು ಮಾನ್ಯವಾಗಿರಲು, ಅರ್ಥಾತ್, ನಿಜವಾಗಿ ಅಂತಹ ಪರಿಣಾಮಗಳನ್ನು ಹೊಂದಿರಲು, ಕೆಲವು ನಿರ್ದಿಷ್ಟವಾದ ಪ್ರಧಾನ ಮಾನದಂಡಗಳನ್ನು ಅನುಸರಿಸಬೇಕಾಗುತ್ತದೆ. ಈ ಪ್ರಧಾನ ಮಾನದಂಡಗಳನ್ನು ನೆರವೇರಿಸಿದ ಪಕ್ಷದಲ್ಲಿ, ಬ್ಯಾಪ್ಟಿಸಮ್ ಬಗೆಗಿನ ಕೆಲವು ನಿಯಮಗಳ ಉಲ್ಲಂಘನೆಯಾದಲ್ಲಿ, ಉದಾಹರಣೆಗೆ, ಸಮಾರಂಭದ ಅಧಿಕೃತ ವಿಧಿಗಳಲ್ಲಿ ಬದಲಾವಣೆ ಮಾಡಿದಲ್ಲಿ, ಅಂತಹ ಬ್ಯಾಪ್ಟಿಸಮ್ ನಿಷಿದ್ಧ(ಚರ್ಚಿನ ಕಾನೂನಿಗೆ ವ್ಯತಿರಿಕ್ತವಾದ್ದು)ವಾಗುತ್ತದಾದರೂ ಸಿಂಧುವಾಗುಳಿಯುತ್ತದೆ.

ಸಿಂಧುತ್ವಕ್ಕೆ ಅವಶ್ಯಕವಾದ ಒಂದು ಮಾನದಂಡವೆಂದರೆ ಪದಗಳ ಸರಿಯಾದ ಸ್ವರೂಪದ ಬಳಕೆ. ರೋಮನ್ ಕ್ಯಾಥೊಲಿಕ್ ಚರಚಿನ ಬೋಧನೆಯ ಪ್ರಕಾರ "ಬ್ಯಾಪ್ಟೈಜ್" ಎಂಬ ಕ್ರಿಯಾಪದದ ಬಳಕೆಯು ಅವಶ್ಯಕ.^[೯೧] ಲ್ಯಾಟಿನ್ ರೈಟ್ನ ಕ್ಯಾಥೊಲಿಕರು, ಆಂಗ್ಲಿಕನ್ನರು ಮತ್ತು ಮೆಥಡಿಸ್ಟರು "ನಾನು ನಿನ್ನನ್ನು ಬ್ಯಾಪ್ಟೈಜ್ ಮಾಡುತ್ತೇನೆ..," ಎಂಬ ರೂಪದಲ್ಲಿ ಬಳಸುತ್ತಾರೆ. ಈಸ್ಟರ್ನ್ ಆರ್ಥೋಡಾಕ್ಸ್ ಮತ್ತು ಕೆಲವು ಈಸ್ಟರ್ನ್ ಕ್ಯಾಥೊಲಿಕರು "ಕ್ರಿಸ್ತನ ಈ ಸೇವಕನನ್ನು ಬ್ಯಾಪ್ಟೈಜ್ ಮಾಡಲಾಗುತ್ತದೆ…" ಅಥವಾ "ಈ ವ್ಯಕ್ತಿಯು ನನ್ನ ಕೈಯಿಂದ ಬ್ಯಾಪ್ಟೈಜ್ ಆಗುತ್ತಿದ್ದಾನೆ…," ಎಂಬ ಸ್ವರೂಪದಲ್ಲಿ ಬಳಸುತ್ತಾರೆ. ಈ ಚರ್ಚುಗಳು ಸಾಮಾನ್ಯವಾಗಿ ಒಬ್ಬರೊಬ್ಬರ ಬ್ಯಾಪ್ಟಿಸಮ್ ವಿಧಿಗಳನ್ನು ಮಾನ್ಯ ಮಾಡುತ್ತವೆ.

ಟ್ರಿನಿಟೇರಿಯನ್ ಸೂತ್ರವಾದ "ಪಿತನ, ಸುತನ,ಮತ್ತು ಪವಿತ್ರಾತ್ಮದ ಹೆಸರಿನಲ್ಲಿ" ಎಂಬುದನ್ನು ಕೂಡ ಅವಶ್ಯಕವೆಂದು ಪರಿಗಣಿಸಲಾಗುತ್ತದೆ; ಹೀಗಾಗಿ ಈ ಚರ್ಚುಗಳು ಟ್ರಿನಿಟೇರಿಯನ್-ಅಲ್ಲದ ಚರ್ಚುಗಳಾದ ಒನ್‌ನೆಸ್ ಪೆಂಟೆಕೋಸ್ಟಲ್ಸ್ ಮೊದಲಾದವುಗಳ ಬ್ಯಾಪ್ಟಿಸಮ್‌ಗಳನ್ನು ಮಾನ್ಯ ಮಾಡುವುದಿಲ್ಲ.

ಇನ್ನೊಂದು ಅವಶ್ಯಕ ಅಂಶವೆಂದರೆ ನೀರಿನ ಬಳಕೆ. ಬೇರಾವುದೋ ದ್ರವವನ್ನು ಬಳಸಿ ನಡೆಸಲಾದ ಬ್ಯಾಪ್ಟಿಸಮ್ ಮಾನ್ಯವಾಗುತ್ತಿರಲಿಲ್ಲ.

ಮತ್ತೊಂದು ಅವಶ್ಯಕತೆಯೆಂದರೆ, ಮುಖ್ಯ ಪುರೋಹಿತ ಬ್ಯಾಪ್ಟಿಸಮ್ ಮಾಡಿಸುವ ಉದ್ದೇಶವನ್ನು ಹೊಂದಿರಬೇಕು. ಈ ಅವಶ್ಯಕತೆಯು ಬರೆ "ಚರ್ಚ್ ಮಾಡುವುದನ್ನು ಮಾಡುವ" ಉದ್ದೇಶವನ್ನು ಅಗತ್ಯವಾಗಿಸುತ್ತದೆಯೇ ಹೊರತು ಕ್ರಿಶ್ಚಿಯನ್ ನಂಬಿಕೆಯನ್ನು ಹೊಂದಿರಬೇಕು ಎಂದು ಅಲ್ಲ, ಏಕೆಂದರೆ ಸ್ಯಾಕ್ರಮೆಂಟ್(ಪವಿತ್ರ ವಿಧಿ)ನ ಪರಿಣಾಮಗಳನ್ನು ಅದರ ಮೂಲಕ ಕಾರ್ಯ ನಿರ್ವಹಿಸುವ ಪವಿತ್ರ ಆತ್ಮವು ಉತ್ಪತ್ತಿ ಮಾಡುವುದೇ ವಿನಃ ಬ್ಯಾಪ್ಟೈಜ್ ಮಾಡುವ ವ್ಯಕ್ತಿಯಲ್ಲ. ಬ್ಯಾಪ್ಟೈಜ್ ಮಾಡುವವರ ಮತಶ್ರದ್ಧೆಯ ಬಗೆಗಿನ ಸಂಶಯವು ಬ್ಯಾಪ್ಟಿಸಮ್‌ನ ಸಿಂಧುತ್ವದ ಬಗೆಗಿನ ಸಂಶಯಕ್ಕೆ ಕಾರಣವಾಗುವಂತಿಲ್ಲ.

ಕೆಲವು ಪರಿಸ್ಥಿತಿಗಳು ವಿಶೇಷವಾಗಿ ಸಿಂಧುತ್ವದ ಮೇಲೆ ಯಾವ ಪ್ರಭಾವವನ್ನೂ ಬೀರುವುದಿಲ್ಲ-ಉದಾಹರಣೆಗೆ, ಬಳಸಿದ ವಿಧಾನವು ಸಂಪೂರ್ಣ ಮುಳುಗುವಿಕೆ, ಭಾಶಃ ಮುಳುಗಿಸುವಿಕೆ, ಎರೆಯುವಿಕೆ ಅಥವಾ ಪ್ರೋಕ್ಷಣೆ - ಯಾವುದೇ ಆಗಿರಬಹುದು. ಆದರೆ, ನೀರನ್ನು ಪ್ರೋಕ್ಷಿಸಲಾದಾಗ, ಅದು ಬ್ಯಾಪ್ಟೈಜ್ ಆಗಿಲ್ಲದ ಅಭ್ಯರ್ಥಿಯ ಚರ್ಮವನ್ನು ತಾಗದಿರುವ ಅಪಾಯವಿದೆ. ನೀರು ಚರ್ಮದ ಮೇಲೆ ಹರಿಯದೆ ಹೋದಲ್ಲಿ, ಶುದ್ಧೀಕರಣವಾಗದು ಮತ್ತು ಇದರಿಂದಾಗಿ ಬ್ಯಾಪ್ಟಿಸಮ್ ನಡೆಯದು.

ವೈದ್ಯಕೀಯ ಅಥವಾ ಇನ್ನಾವುದೇ ಸಮರ್ಥನೀಯ ಕಾರಣದಿಂದಾಗಿ ನೀರನ್ನು ತಲೆಯ ಮೇಲೆ ಸುರಿಯಲು ಸಾಧ್ಯವಾಗದೇ ಹೋದಲ್ಲಿ, ಅದನ್ನು ದೇಹದ ಇನ್ನಾವುದೇ ಪ್ರಮುಖ ಭಾಗದ ಮೇಲೆ, ಉದಾಹರಣೆಗೆ, ಎದೆಯ ಮೇಲೆ ಸುರಿಯಬಹುದು. ಇಂತಹ ಪರಿಸ್ಥಿತಿಯಲ್ಲಿ ಸಿಂಧುತ್ವವು ಅನಿಶ್ಚಿತವಾಗಿರುತ್ತದೆ ಮತ್ತು ಆ ವ್ಯಕ್ತಿಯನ್ನು ನಂತರದಲ್ಲಿ ಯಾವಾಗಲಾದರೂ ಸಾಂಪ್ರದಾಯಿಕವಾಗಿ ಬ್ಯಾಪ್ಟೈಜ್ ಮಾಡುವವರೆಗೂ ಭಾಗಶಃ ಬ್ಯಾಪ್ಟೈಜ್ ಆದವರು ಎಂದು ಪರಿಗಣಿಸಲಾಗುವುದು.

ಹಲವಾರು ಕಮ್ಯುನಿಯನ್‌ಗಳಿಗೆ ಒಂದು ಬಾರಿ ಮಾತ್ರ ಮುಳುಗಿಸುವಿಕೆ ಅಥವಾ ಎರೆಯುವಿಕೆಯನ್ನು ನಡೆಸಿದಲ್ಲಿ ಸಿಂಧುತ್ವದ ಮೇಲೆ ಯಾವ ಪರಿಣಾಮವೂ ಉಂಟಾಗದು, ಆದರೆ ಆರ್ಥೋಡಾಕ್ಸಿಯಲ್ಲಿ ಇದು ವಿವಾದಿತ ವಿಷಯ.

ಕ್ಯಾಥೊಲಿಕ್ ಚರ್ಚಿನ ಪ್ರಕಾರ, ಬ್ಯಾಪ್ಟಿಸಮ್ ದೀಕ್ಷೆಯನ್ನು ಪಡೆದ ವ್ಯಕ್ತಿಯ ಆತ್ಮದ ಮೇಲೆ ಒಂದು ಅಳಿಸಲಾಗದ "ಮುದ್ರೆ"ಯನ್ನು ಬಿಡುತ್ತದೆ ಮತ್ತು ಇದರಿಂದಾಗಿ ಈಗಾಗಲೆ ಬ್ಯಾಪ್ಟೈಜ್ ಆಗಿರುವ ವ್ಯಕ್ತಿಗೆ ಮತ್ತೊಂದು ಬಾರಿ ಬ್ಯಾಪ್ಟಿಸಮ್ ನೀಡುವುದು ಸಿಂಧುವಲ್ಲ. ಈ ಬೋಧನೆಯನ್ನು ಮರುಬ್ಯಾಪ್ಟಿಸಮ್ ಅನ್ನು ಆಚರಿಸುವ ಡೊನಾಟಿಸ್ಟ್ರ ವಿರುದ್ಧ ಎತ್ತಿಹಿಡಿಯಲಾಯಿತು. ಬ್ಯಾಪ್ಟಿಸಮ್‌ನಲ್ಲಿ ಪಡೆಯಲಾಗುವ ಅನುಗ್ರಹವು ಎಕ್ಸ್ ಒಪೆರೆ ಆಪೆರೆಟೊ (ಮಾಡಿದ ಕಾರ್ಯದ ಮೂಲಕ)ವಾಗಿ ಕಾರ್ಯನಿರ್ವಹಿಸುವುದೆಂದು ನಂಬಿಕೆಯಿದ್ದು, ಇದರಿಂದಾಗಿ ಇದನ್ನು ದೈವದೂಷಣೆಯ ಅಥವಾ ವೈನಸ್ಯತೆಯನ್ನುಂಟುಮಾಡುವ ಗುಂಪುಗಳಲ್ಲಿ ನಡೆಸಿದರೂ ಕೂಡ ಸಿಂಧುವೆಂದು ಪರಿಗಣಿಸಲಾಗುವುದು.^[೧೪]

ಇತರ ಧಾರ್ಮಿಕ ಪಂಥಗಳಿಂದ ಬ್ಯಾಪ್ಟಿಸಮ್‌ಗೆ ಮಾನ್ಯತೆ

ಕ್ಯಾಥೊಲಿಕ್, ಲುಥೆರನ್, ಅಂಗ್ಲಿಕನ್, ಪ್ರೆಸ್‌ಬಿಟೇರಿಯನ್ ಮತ್ತು ಮೆಥಡಿಸ್ಟ್ ಚರ್ಚುಗಳು ಇದೇ ಗುಂಪಿನ ಇತರ ಪಂಗಡಗಳು ನಡೆಸುವ ಬ್ಯಾಪ್ಟಿಸಮ್ ಅನ್ನು, ಟ್ರಿನಿಟೇರಿಯನ್ ಸೂತ್ರದ ಬಳಕೆಯನ್ನೂ ಒಳಗೊಂಡಂತೆ ಕೆಲವು ನಿಯಮಗಳನ್ನು ಪಾಲಿಸಲಾದಲ್ಲಿ, ಒಪ್ಪಿಕೊಳ್ಳುತ್ತವೆ. ಜೀವನದಲ್ಲಿ ಒಮ್ಮೆ ಮಾತ್ರ ಬ್ಯಾಪ್ಟೈಜ್ ಆಗಲು ಸಾಧ್ಯ, ಹೀಗಾಗಿ ಮಾನ್ಯವಾಗಿರುವ ಬ್ಯಾಪ್ಟಿಸಮ್ ಅನ್ನು ಹೊಂದಿರುವ ಇತರ ಪಂಗಡಗಳ ಜನರು ಮತಾಂತರಗೊಂಡಾಗ ಇಲ್ಲವೇ ವರ್ಗಾವಣೆಯಾದಾಗ ಅವರಿಗೆ ಮತ್ತೆ ಬ್ಯಾಪ್ಟಿಸಮ್ ಅನ್ನು ನೀಡಬೇಕಾಗಿಲ್ಲ. ಇಂಥ ಜನರು ತಮ್ಮ ಶ್ರದ್ಧಾಘೋಷಣೆಯನ್ನು ಮಾಡಿದರೆ, ಮತ್ತು ಅವರು ಈಗಾಗಲೆ ಮಾನ್ಯವಾಗುವ ರೀತಿಯಲ್ಲಿ ಸ್ಯಾಕ್ರಮೆಂಟ್ ಆಫ್ ಕನ್‌ಫರ್ಮೇಶನ್ ಅಥವಾ ಕ್ರಿಸ್ಮೇಶನ್ ಅನ್ನು ಸ್ವೀಕರಿಸಿಲ್ಲವಾದಲ್ಲಿ, ಕನ್‌ಫರ್ಮೇಶನ್ ಅನ್ನು ಪಡೆದ ನಂತರ ಅವರನ್ನು ಸ್ವೀಕರಿಸಲಾಗುವುದು ಕೆಲವು ಪರಿಸ್ಥಿತಿಗಳಲ್ಲಿ ಮೂಲ ಬ್ಯಾಪ್ಟಿಸಮ್ ನಿಜವಾಗಿ ಸಿಂಧುವಾಗಿತ್ತೆ ಎಂದು ನಿರ್ಧರಿಸುವುದು ಕಷ್ಟವಾಗಬಹುದು; ಇಂತಹ ಸಂಶಯವಿದ್ದಲ್ಲಿ ಷರತ್ತುಬದ್ಧ ಬ್ಯಾಪ್ಟಿಸಮ್ ಅನ್ನು "ನೀನು ಇಂದಿನವರೆಗೆ ಬ್ಯಾಪ್‍ಟೈಜ್ ಆಗಿರದಿದ್ದಲ್ಲಿ, ನಾನು ನಿನ್ನನ್ನು ಬ್ಯಾಪ್ಟೈಜ್ ಮಾಡುತ್ತೇನೆ…." ಎಂಬ ಸೂತ್ರವನ್ನು ಬಳಸುವುದರ ಮೂಲಕ ನೀಡಲಾಗುವುದು.^[೧೩೨]

ಇತ್ತೀಚಿನವರೆಗೂ, ರೋಮನ್ ಕ್ಯಾಥೊಲಿಕ್ ಚರ್ಚಿನಲ್ಲಿ ಪ್ರಾಟೆಸ್ಟೆಂಟ್ ಪಂಥದಿಂದ ಮತಾಂತರಗೊಂಡ ಪ್ರತಿಯೊಬ್ಬ ವ್ಯಕ್ತಿಗೂ ಷರತ್ತುಬದ್ಧ ಬ್ಯಾಪ್ಟಿಸಮ್ ಅನ್ನು ನಡೆಸುವುದು ಸಾಮಾನ್ಯ ಆಚರಣೆಯಾಗಿತ್ತು, ಏಕೆಂದರೆ ಯಾವುದೇ ನಿರ್ದಿಷ್ಟ ಸಂದರ್ಭದಲ್ಲಿ ಸಿಂಧುತ್ವವನ್ನು ತೀರ್ಮಾನಿಸುವುದು ಕಷ್ಟಸಾಧ್ಯವೆಂದು ಕಂಡುಬಂದಿತು. ಮುಖ್ಯ ಪ್ರಾಟೆಸ್ಟೆಂಟ್ ಚರ್ಚುಗಳಿಗೆ ಸಂಬಂಧಿಸಿದಂತೆ, ಅವರು ಬ್ಯಾಪ್ಟಿಸಮ್ ಅನ್ನು ನಡೆಸುವ ರೀತಿಯ ಬಗ್ಗೆ ಆಶ್ವಾಸನೆಯನ್ನು ನೀಡುವ ಒಪ್ಪಂದಗಳು ಈ ಆಚರಣೆಯನ್ನು ಕೊನೆಗೊಳಿಸಿವೆ, ಆದರೆ ಕೆಲವೊಮ್ಮೆ ಪ್ರಾಟೆಸ್ಟೆಂಟ್ ಸಂಪ್ರದಾಯದ ಇತರ ಪಂಗಡಗಳ ವಿಷಯದಲ್ಲಿ ಇದು ಮುಂದುವರಿಯುತ್ತದೆ. ಕ್ಯಾಥೊಲಿಕ್ ಚರ್ಚ್ ಮೊದಲಿನಿಂದಲೂ ಈಸ್ಟರ್ನ್ ಕ್ರಿಶ್ಚಿಯಾನಿಟಿಯ ಚರ್ಚುಗಳ ಬ್ಯಾಪ್ಟಿಸಮ್‌ಗಳ ಸಿಂಧುತ್ವವನ್ನು ಮಾನ್ಯ ಮಾಡುತ್ತ ಬಂದಿದೆ, ಆದರೆ ದ ಚರ್ಚ್ ಆಫ್ ಜೀಸಸ್ ಕ್ರೈಸ್ಟ್ ಆಫ್ ಲೇಟರ್-ಡೇ ಸೆಯಿಂಟ್ಸ್ನಲ್ಲಿ ನೀಡಲಾದ ಬ್ಯಾಪ್ಟಿಸಮ್ ಅನ್ನು ನೇರವಾಗಿ ಅಸಿಂಧುವೆಂದು ನಿರಾಕರಿಸುತ್ತದೆ.^[೧೩೩]

ಇತರ ಪಂಗಡಗಳಿಂದ ಮತಾಂತರಗೊಂಡವರ ಬಗೆಗಿನ ಈಸ್ಟರ್ನ್ ಆರ್ಥೋಡಾಕ್ಸ್ ಚರ್ಚ್ನ ಆಚರಣೆಗಳು ಏಕಪ್ರಕಾರವಾಗಿಲ್ಲ. ಆದರೆ ಸಾಮಾನ್ಯವಾಗಿ ಪವಿತ್ರ ಟ್ರಿನಿಟಿಯ ಹೆಸರಿನಲ್ಲಿ ನಡೆಸಿದ ಬ್ಯಾಪ್ಟಿಸಮ್‌ಗಳನ್ನು ಆರ್ಥೋಡಾಕ್ಸ್ ಕ್ರಿಶ್ಚಿಯನ್ ಚರ್ಚ್‌ನಲ್ಲಿ ಮಾನ್ಯ ಮಾಡಲಾಗುತ್ತದೆ. ಮತಾಂತರಗೊಳ್ಳುವ ವ್ಯಕ್ತಿಯು ಬ್ಯಾಪ್ಟಿಸಮ್‌ನ ಸ್ಯಾಕ್ರಮೆಂಟ್(ಮಿಸ್ಟೀರಿಯನ್) ಅನ್ನು ಸ್ವೀಕರಿಸಿಲ್ಲವೆಂದಾದಲ್ಲಿ ಅವರು ಆರ್ಥೋಡಾಕ್ಸ್ ಚರ್ಚಿನ ಜತೆಯಲ್ಲಿ ಕಮ್ಯುನಿಯನ್ ಅನ್ನು ಪಡೆಯುವ ಮೊದಲು, ಅವರನ್ನು ಪವಿತ್ರ ಟ್ರಿನಿಟಿಯ ಹೆಸರಿನಲ್ಲಿ ಬ್ಯಾಪ್ಟೈಸ್ ಮಾಡಬೇಕು. ಅಭ್ಯರ್ಥಿಯನ್ನು ಇನ್ನೊಂದು ಕ್ರಿಶ್ಚಿಯನ್ ಕನ್‌ಫೆಶನ್‌ನಲ್ಲಿ ಬ್ಯ್ಶಾಪ್ಟೈಜ್ ಮಾಡಲಾಗಿದ್ದರೆ (ಆರ್ಥೋಡಾಕ್ಸ್ ಕ್ರಿಶ್ಚಿಯಾನಿಟಿಯನ್ನು ಹೊರತುಪಡಿಸಿ) ಆತನ ಹಿಂದಿನ ಬ್ಯಾಪ್ಟಿಸಮ್ ಕ್ರಿಸ್ಮೇಶನ್ನಿಂದಾಗಿ ಈಗಾಗಲೆ ಅನುಗ್ರಹದಿಂದ ತುಂಬಿಹೋಗಿದೆಯೆಂದು ಪರಿಗಣಿಸಲಾಗುವುದು ಅಥವಾ ಅಪರೂಪದ ಸಂದರ್ಭಗಳಲ್ಲಿ ಹಿಂದಿನ ಬ್ಯಾಪ್ಟಿಸಮ್ ಪವಿತ್ರ ಟ್ರಿನಿಟಿ(ಪಿತ, ಸುತ, ಮತ್ತು ಪವಿತ್ರ ಆತ್ಮ)ಯ ಹೆಸರಿನಲ್ಲಿ ನಡೆದಿದ್ದಲ್ಲಿ ಶದ್ಧಾ ಘೋಷಣೆಯು ಮಾತ್ರ ಸಾಕಾಗುವುದು. ನಿರ್ದಿಷ್ಟವಾದ ವಿಧಾನವು ಸ್ಥಳೀಯ ಚರ್ಚ್ ಶಾಸನಗಳನ್ನು ಅವಲಂಬಿಸಿದೆ ಮತ್ತು ಕೆಲಮಟ್ಟಿಗೆ ವಿವಾದಕ್ಕೀಡಾಗಿದೆ.^{[ಸೂಕ್ತ ಉಲ್ಲೇಖನ ಬೇಕು]}

ಓರಿಯೆಂಟಲ್ ಆರ್ಥೋಡಾಕ್ಸ್ ಚರ್ಚ್ಗಳು ಈಸ್ಟರ್ನ್ ಆರ್ಥೋಡಾಕ್ಸ್ ಸಂಪ್ರದಾಯದೊಳಗೆ ನಡೆಸಲಾದ ಬ್ಯಾಪ್ಟಿಸಮ್‌ಗಳ ಸಿಂಧುತ್ವವನ್ನು ಸ್ವೀಕರಿಸುತ್ತದೆ. ಕೆಲವೆಡೆಯಲ್ಲಿ ಕ್ಯಾಥೊಲಿಕ್ ಚರ್ಚುಗಳು ನಡೆಸಿದ ಬ್ಯಾಪ್ಟಿಸಮ್‌ಗಳನ್ನು ಕೂಡ ಮಾನ್ಯಮಾಡಲಾಗುತ್ತದೆ. ಟಿನಿಟೇರಿಯನ್ ಸೂತ್ರವನ್ನು ಬಳಸದೆ ನಡೆಸಲಾದ ಯಾವುದೆ ಬ್ಯಾಪ್ಟಿಸಮ್ ಅನ್ನು ಅಸಿಂಧುವೆಂದು ಪರಿಗಣಿಸಲಾಗುತ್ತದೆ.^{[ಸೂಕ್ತ ಉಲ್ಲೇಖನ ಬೇಕು]}

ಕ್ಯಾಥೊಲಿಕ್ ಚರ್ಚಿನ ಕಣ್ಣಿನಲ್ಲಿ, ಎಲ್ಲಾ ಅರ್ಥೋಡಾಕ್ಸ್ ಚರ್ಚುಗಳು, ಆಂಗ್ಲಿಕನ್ ಮತ್ತು ಲುಥೆರನ್ ಚರ್ಚುಗಳು, ಮತ್ತು ದ ಚರ್ಚ್ ಆಫ್ ಜೀಸಸ್ ಕ್ರೈಸ್ಟ್ ಆಫ್ ಲೇಟರ್ ಡೇ ಸೆಯಿಂಟ್ಸ್‌ನ ಬ್ಯಾಪ್ಟಿಸಮ್‌ಗಳು ಅಸಿಂಧುವಾಗಿವೆ.^[೧೩೪] ಈ ವಿಷಯದ ಬಗ್ಗೆ ಹೊರಡಿಸಲಾದ ಅಧಿಕೃತ ಘೋಷಣೆಯೊಂದಿಗೆ ಪ್ರಕಟಿಸಲಾದ ಲೇಖನವೊಂದು ಈ ತೀರ್ಮಾನಕ್ಕೆ ಕಾರಣಗಳನ್ನು ನೀಡುತ್ತದೆ. ಅವುಗಳ ಸಾರಾಂಶವನ್ನು ಈ ಕೆಳಗೆ ನೀಡಲಾಗಿದೆ: "ಕ್ಯಾಥೊಲಿಕ್ ಚರ್ಚ್ ಮತ್ತು ದ ಚರ್ಚ್ ಆಫ್ ಜೀಸಸ್ ಕ್ರೈಸ್ಟ್ ಆಫ್ ಲೇಟರ್ ಡೇ ಸೆಯಿಂಟ್ಸ್‌ನ ಬ್ಯಾಪ್ಟಿಸಮ್‌ಗಳ ಮೂಲತತ್ವಗಳು ಬಹಳ ಭಿನ್ನವಾಗಿವೆ, ಎರಡರಲ್ಲಿಯೂ ಪಿತ, ಸುತ ಮತ್ತು ಪವಿತ್ರಾತ್ಮಗಳ ಹೆಸರಿನಲ್ಲಿ ಬ್ಯಾಪ್ಟಿಸಮ್ ಅನ್ನು ನೀಡಲಾಗುವುದರ ಮೇಲಿನ ವಿಶ್ವಾಸದ ಬಗ್ಗೆ, ಮತ್ತು ಅದನ್ನು ಆರಂಭಿಸಿದ ಕ್ರಿಸ್ತನ ಜತೆಗಿನ ಸಂಬಂಧದ ಬಗ್ಗೆ ಎರಡರಲ್ಲಿಯೂ ಭಿನ್ನವಾದ ಆಲೋಚನೆಗಳಿವೆ."^[೧೩೫]

ದ ಚರ್ಚ್ ಆಫ್ ಜೀಸಸ್ ಕ್ರೈಸ್ಟ್ ಆಫ್ ಲೇಟರ್ ಡೇ ಸೆಯಿಂಟ್ಸ್‌ ಸರಿಯಾದ ಅಧಿಕಾರವುಳ್ಳವರು ಮಾತ್ರ ಬ್ಯಾಪ್ಟಿಸಮ್ ಅನ್ನು ನೀಡುವುದಕ್ಕೆ ಮಹತ್ವ ನೀಡುತ್ತದೆ; ಇದರಿಂದಾಗಿ ಈ ಚರ್ಚ್ ಬೇರಾವುದೇ ಚರ್ಚಿನ ಬ್ಯಾಪ್ಟಿಸಮ್ ಅನ್ನು ಮಾನ್ಯ ಮಾಡುವುದಿಲ್ಲ.^[೧೩೬]

ಯೆಹೋವನ ಸಾಕ್ಷಿಗಳು 1914^[೧೩೭] ರ ನಂತರ ನಡೆದ ಯಾವ ರೀತಿಯ ಬ್ಯಾಪ್ಟಿಸಮ್ ಅನ್ನೂ ಸಿಂಧುವೆಂದು ಪರಿಗಣಿಸುವುದಿಲ್ಲ,^[೧೩೮] ಏಕೆಂದರೆ ಅವರು ತಮ್ಮನ್ನು ಕ್ರಿಸ್ತನ ನಿಜವಾದ ಏಕೈಕ ಚರ್ಚ್ ಎಂದೂ,^[೧೩೯] ಬಾಕಿ ಉಳಿದ ಇಡೀ "ಕ್ರೈಸ್ತರಾಜ್ಯ"ವು ಸುಳ್ಳು ಧರ್ಮವೆಂದೂ ನಂಬುತ್ತಾರೆ.^[೧೪೦]

ಯಾರುಯಾರು ಬ್ಯಾಪ್ಟಿಸಮ್ ಅನ್ನು ನಿರ್ವಹಿಸಬಹುದು

ಬ್ಯಾಪ್ಟಿಸಮ್ ಅನ್ನು ಯಾರು ನಡೆಸಬಹುದು ಎಂಬ ವಿಷಯದ ಬಗ್ಗೆ ಕ್ರಿಶ್ಚಿಯನ್ ಚರ್ಚುಗಳ ನಡುವೆ ಚರ್ಚೆಗಳು, ವಾದವಿವಾದಗಳು ನಡೆಯುತ್ತಲಿವೆ. ಹೊಸ ಒಡಂಬಡಿಕೆಯಲ್ಲಿ ನೀಡಲಾಗಿರುವ ಉದಾಹರಣೆಗಳಲ್ಲಿ ಏಸುದೂತರು ಮತ್ತು ಡೀಕನ್‌ಗಳು ಬ್ಯಾಪ್ಟಿಸಮ್ ನೀಡುವುದನ್ನು ಮಾತ್ರ ಗೋಚರವಾಗುತ್ತದೆ. ಪುರಾತನ ಕ್ರಿಶ್ಚಿಯನ್ ಚರ್ಚುಗಳು ಇದನ್ನು ವಿಪರೀತ ಸನ್ನಿವೇಶ ಗಳನ್ನು, ಅರ್ಥಾತ್ ಕೂಡಲೇ ಸಾವನ್ನಪ್ಪುವ ಅಪಾಯದಂತಹ ಸನ್ನಿವೇಶಗಳನ್ನು ಹೊರತುಪಡಿಸಿ, ಬ್ಯಾಪ್ಟಿಸಮ್ ಅನ್ನು ಪುರೋಹಿತವರ್ಗದವರು ಮಾತ್ರ ನಡೆಸಬೇಕು ಎಂದು ಸೂಚಿಸುವುದಾಗಿ ಗ್ರಹಿಸುತ್ತವೆ. ಈಸ್ಟರ್ನ್ ಆರ್ಥೋಡಾಕ್ಸ್ ಚರ್ಚಿನ ಪ್ರಕಾರ ಬ್ಯಾಪ್ಟಿಸಮ್ ಅನ್ನು ನೀಡುವ ವ್ಯಕ್ತಿಯು ಯಾರೇ ಆಗಿರಲಿ, ಆತನು ಚರ್ಚಿನ ಸದಸ್ಯನಾಗಿದ್ದಲ್ಲಿ ನಡೆಸಬಹುದು, ಅಥವಾ ಕ್ಯಾಥೊಲಿಕ್ ಚರ್ಚಿನ ಪ್ರಕಾರ ಇಂಥ ವ್ಯಕ್ತಿಯು ಸ್ವತಃ ಬ್ಯಾಪ್ಟಿಸಮ್ ಅನ್ನು ಪಡೆದಿಲ್ಲವಾದರೂ ಕೂಡ, ಈ ವಿಧಿಯನ್ನು ನಡೆಸುವುದರ ಮೂಲಕ ಚರ್ಚು ಮಾಡುವ ಕಾರ್ಯವನ್ನೇ ತಾನೂ ಮಾಡುವ ಇಚ್ಛೆಯನ್ನು ಹೊಂದಿದ್ದಲ್ಲಿ ಬ್ಯಾಪ್ಟಿಸಮನ್ನು ನೀಡಬಹುದು. ಹಲವಾರು ಪ್ರಾಟೆಸ್ಟೆಂಟ್ ಚರ್ಚುಗಳು ಬೈಬಲ್‌ನ ಉದಾಹರಣೆಗಳಲ್ಲಿ ಯಾವುದೇ ನಿರ್ದಿಷ್ಟ ನಿರ್ಬಂಧಗಳು ಕಂಡುಬರದೇ ಇರುವುದರಿಂದ ಯಾವುದೇ ಭಕ್ತನು ಮತ್ತೊಬ್ಬ ಭಕ್ತನಿಗೆ ಬ್ಯಾಪ್ಟಿಸಮ್‌ ಅನ್ನು ನೀಡಲು ಅನುಮತಿ ಕೊಡುತ್ತವೆ.

ಕ್ಯಾಥೊಲಿಕ್ ಚರ್ಚಿನಲ್ಲಿ ಬ್ಯಾಪ್ಟಿಸಮ್ಮಿನ ಸಾಮಾನ್ಯ ಪಾದ್ರಿಯು ಪುರೋಹಿತವರ್ಗದ ಸದಸ್ಯರಾಗಿರುವರು (ಬಿಶಪ್, ಪಾದ್ರಿ ಅಥವಾ ಡೀಕನ್),^[೧೪೧] ಅದರೆ ಸಾಧಾರಣ ಸನ್ನಿವೇಶಗಳಲ್ಲಿ ಬ್ಯಾಪ್ಟಿಸಮ್ ಅಭ್ಯರ್ಥಿಯ ಪ್ಯಾರಿಶ್ ಪಾದ್ರಿ, ಇಲ್ಲವೇ ಆತನ ಮೇಲಧಿಕಾರಿ, ಇಲ್ಲವೇ ಪ್ಯಾರಿಶ್ ಪಾದ್ರಿಯಿಂದ ಅನುಮತಿ ಪಡೆದಂಥವರು ಇದನ್ನು ನ್ಯಾಯಸಮ್ಮತವಾಗಿ ನಡೆಸಬಹುದು^[೧೪೨] "ಸಾಮಾನ್ಯ ಪಾದ್ರಿಯು ಗೈರುಹಾಜರಾಗಿದ್ದಲ್ಲಿ ಅಥವಾ ಅವರಿಗೆ ತಡೆಯೊಡ್ಡಲಾಗಿದ್ದಲ್ಲಿ, ಒಬ್ಬ ಕ್ಯಾಟೆಕಿಸ್ಟ್ ಅಥವಾ ಸ್ಥಳೀಯ ಸಾಮಾನ್ಯ ಮಂತ್ರಿಯಿಂದ ಅನುಮೋದಿಸಲ್ಪಟ್ಟು ಈ ಕಾರ್ಯಕ್ಕೆ ನಿಯಮಿಸಲ್ಪಟ್ಟ ವ್ಯಕ್ತಿಯು ಕಾನೂನುಬದ್ಧವಾಗಿ ಬ್ಯಾಪ್ಟಿಸಮ್ ಅನ್ನು ನೆರವೇರಿಸಬಹುದು; ಆದರೆ ಅವಶ್ಯಕತೆಯ ಸನ್ನಿವೇಶದಲ್ಲಿ, ಈ ವಿಧಿಯನ್ನು ನಡೆಸಲು ಅಗತ್ಯವಾದ ಅಪೇಕ್ಷೆಯನ್ನು ಹೊಂದಿರುವ ಯಾರಾದರೂ ಇದನ್ನು ನಡೆಸಬಹುದು^[೧೪೧] "ಅವಶ್ಯಕತೆಯ ಸನ್ನಿವೇಶ"ವೆಂದರೆ ಖಾಯಿಲೆ ಅಥವಾ ಬಾಹ್ಯ ಬೆದರಿಕೆಯಿಂದ ಕೂಡಲೇ ಸಾವಿನ ಅಪಾಯವಿರುವುದು. "ಅಗತ್ಯವಾದ ಅಪೇಕ್ಷೆ" ಎಂಬುದು ಕನಿಷ್ಟಮಟ್ಟದಲ್ಲಿ "ಚರ್ಚ್ ಮಾಡುವ ಕೆಲಸವನ್ನೆ ತಾನೂ ಮಾಡುವ" ಉದ್ದೇಶವನ್ನು ಹೊಂದಿರುವುದಾಗಿದೆ.

ಈಸ್ಟರ್ನ್ ಕ್ಯಾಥೊಲಿಕ್ ಚರ್ಚ್ಗಳಲ್ಲಿ ಡೀಕನ್ ಅನ್ನು ಒಬ್ಬ ಸಾಮಾನ್ಯ ಪಾದ್ರಿಯೆಂದು ಪರಿಗಣಿಸಲಾಗುವುದಿಲ್ಲ. ಕ್ಯಾಥೊಲಿಕ್ ಆಚರಣೆಯಂತೆಯೇ ಸ್ಯಾಕ್ರಮೆಂಟ್ ಅನ್ನು ನೀಡುವ ಹಕ್ಕನ್ನು ಪ್ಯಾರಿಶ್ ಪುರೋಹಿತನು ಮಾತ್ರ ಹೊಂದಿರುತ್ತಾನೆ. ಆದರೆ, "ಅವಶ್ಯಕತೆಯ ಸಂದರ್ಭದಲ್ಲಿ ಬ್ಯಾಪ್ಟಿಸಮ್ ಅನ್ನು ಡೀಕನ್ ಅಥವಾ ಅವರು ಗೈರುಹಾಜರಾಗಿದ್ದಲ್ಲಿ ಅಥವಾ ಅವರಿಗೆ ತಡೆಯೊಡ್ಡಲಾಗಿದ್ದಲ್ಲಿ, ಇನ್ನೊಬ್ಬ ಪಾದ್ರಿ, ಇಲ್ಲವೇ ಪವಿತ್ರ ಜೀವನದ ಸಂಸ್ಥೆಯೊಂದರ ಸದಸ್ಯರು, ಇಲ್ಲವೇ ಯಾವುದೇ ಕ್ರೈಸ್ತ ಭಕ್ತರು, ಅಥವಾ ಬ್ಯಾಪ್ಟಿಸಮ ಅನ್ನು ಹೇಗೆ ನಡೆಸುವುದೆಂದು ತಿಳಿದಿರುವ ಯಾವುದೇ ವ್ಯಕ್ತಿಯು ಲಭ್ಯವಿಲ್ಲದಿದ್ದಲ್ಲಿ ಸ್ವತಃ ತಂದೆತಾಯಂದಿರು ಕೂಡ ನಡೆಸಬಹುದು."^[೧೪೩]

ಈಸ್ಟರ್ನ್ ಆರ್ಥೋಡಾಕ್ಸ್ ಚರ್ಚ್, ಓರಿಯೆಂಟಲ್ ಆರ್ಥೋಡಾಕ್ಸಿ ಮತ್ತು ಅಸ್ಸಿರಿಯನ್ ಚರ್ಚ್ ಆಫ್ ದ ಈಸ್ಟ್ಗಳ ಕಟ್ಟುಪಾಡುಗಳು ಈಸ್ಟರ್ನ್ ಕ್ಯಾಥೊಲಿಕ್ ಚರ್ಚ್‌ಗಳಲ್ಲಿರುವಂತೆಯೇ ಇವೆ. ವಿಪರೀತ ಸನ್ನಿವೇಶಗಳಲ್ಲೂ ಸಹ ಅವರಿಗೆ ತಮ್ಮದೇ ಪಂಥದ ಬ್ಯಾಪ್ಟೈಜರನೇ ಆಗಬೇಕು, ತನ್ನ ಬಳಿಯಿಲ್ಲದ್ದನ್ನು ಆತ ನೀಡಲು ಸಾಧ್ಯವಿಲ್ಲ ಎಂಬುದನ್ನು(ಉದಾಹರಣೆಗೆ, ಇಲ್ಲಿನ ಅರ್ಥದಲ್ಲಿ ಚರ್ಚಿನ ಸದಸ್ಯತ್ವ) ಇದಕ್ಕೆ ಕಾರಣವಾಗಿ ನೀಡಲಾಗುತ್ತದೆ.^[೧೪೪] ಲ್ಯಾಟಿನ್ ರೈಟ್ ಕ್ಯಾಥೊಲಿಕ್ ಚರ್ಚ್ ಈ ಕಟ್ಟಳೆಯು ನಡೆಯಬೇಕೆಂದು ಒತ್ತಾಯ ಮಾಡುವುದಿಲ್ಲ, ಏಕೆಂದರೆ ಚರ್ಚಿನ ಸದಸ್ಯತ್ವದಂತಹ ಸ್ಯಾಕ್ರಮೆಂಟಿನ ಪ್ರಭಾವವು ಬ್ಯಾಪ್ಟೈಜ್ ಮಾಡುವ ವ್ಯಕ್ತಿಯಿಂದಲ್ಲದೆ ಪವಿತ್ರ ಆತ್ಮದಿಂದ ಉಂಟಾಗುವಂಥದು ಎಂಬುದನ್ನು ಪರಿಗಣಿಸಲಾಗುತ್ತದೆ. ಆರ್ಥೋಡಾಕ್ಸ್‌ನ ಬಗ್ಗೆ ಹೇಳುವುದಾದಲ್ಲಿ, ವಿಪರೀತ ಸನ್ನಿವೇಶ ಗಳಲ್ಲಿ ಡೀಕನ್ ಅಥವಾ ಸಾಮಾನ್ಯ ವ್ಯಕ್ತಿಯು ಬ್ಯಾಂಪ್ಟಿಸಮ್ ಅನ್ನು ನೆರವೇರಿಸಬಹುದಾದರೂ, ಈ ರೀತಿ ಹೊಸದಾಗಿ ದೀಕ್ಷೆಯನ್ನು ಪಡೆದ ವ್ಯಕ್ತಿಯು ಉಳಿದುಕೊಂಡಲ್ಲಿ, ಬ್ಯಾಪ್ಟಿಸಮ್ ವಿಧಿಯ ಇತರ ಪ್ರಾರ್ಥನೆಗಳು ಮತ್ತು ಕ್ರಿಸ್ಮೇಶನ್ನ ರಹಸ್ಯವನ್ನು ಒಬ್ಬ ಪಾದ್ರಿಯೇ ನೆರವೇರಿಸಬೇಕಾಗುತ್ತದೆ.

ಆಂಗ್ಲಿಕನಿಸಮ್ ಮತ್ತು ಲುಥೆರನ್ನರ ಕಟ್ಟಳೆಗಳು ಲ್ಯಾಟಿನ್ ರೈಟ್ ಕ್ಯಾಥೊಲಿಕ್ ಚರ್ಚಿನಂತೆಯೇ ಇವೆ. ಮೆಥಡಿಸ್ಟರು ಮತ್ತು ಹಲವಾರು ಇತರ ಪ್ರಾಟೆಸ್ಟೆಂಟ್ ಪಂಗಡಗಳವರಲ್ಲಿ ಕೂಡಾ ಬ್ಯಾಪ್ಟಿಸಮ್‌ನ ಸಾಮಾನ್ಯ ಪುರೋಹಿತನು ಯಥೋಕ್ತವಾಗಿ ಪಾದ್ರಿಯ ದೀಕ್ಷೆಯನ್ನು ಪಡೆದ ಅಥವಾ ನೇಮಿಸಲಾದ ಧಾರ್ಮಿಕ ಪುರೋಹಿತನಾಗಿರುತ್ತಾನೆ.

ಪ್ರಾಟೆಸ್ಟೆಂಟ್ ಇವ್ಯಾಂಜೆಲಿಕಲ್ ಚರ್ಚುಗಳ ಹೊಸ ಚಳುವಳಿಗಳು, ಅದರಲ್ಲೂ ವಿಶೇಷವಾಗಿ ಪಂಗಡರಹಿತವಾದವು, ಅದೇ ನಂಬಿಕೆಯನ್ನು ಪಾಲಿಸುವ ಅತ್ಯಂತ ಪ್ರಮುಖರಾದ ವ್ಯಕ್ತಿಗಳನ್ನು ಬ್ಯಾಪ್ಟೈಜ್ ಮಾಡಲು ಅನುಮತಿ ನೀಡಲು ಆರಂಭಿಸಿದರು.

ದ ಚರ್ಚ್ ಆಫ್ ಜೀಸಸ್ ಆಫ್ ಲೇಟರ್-ಡೇ ಸೆಯಿಂಟ್ಸ್ನಲ್ಲಿ ಏರೋನಿಕ್ ಪೌರಾಹಿತ್ಯದ ಪಾದ್ರಿಯ ದೀಕ್ಷೆಯನ್ನು ಪಡೆದುಕೊಂಡು, ಮೆಲ್‌ಚೈಜೆಡೆಕ್ ಪೌರಾಹಿತ್ಯಯಲ್ಲಿ ಪಾದ್ರಿ ಅಥವಾ ಅದಕ್ಕಿಂತ ಹೆಚ್ಚಿನ ಹುದ್ದೆಯಲ್ಲಿರುವವರು ಮಾತ್ರ ಬ್ಯಾಪ್ಟಿಸಮ್ ಅನ್ನು ನೀಡಲು ಸಾಧ್ಯವಿದೆ.^[೧೪೫]

ಯೆಹೋವನ ಸಾಕ್ಷಿಗಳ ಬ್ಯಾಪ್ಟಿಸಮ್ ಅನ್ನು "ಕಂಕಣಬದ್ಧನೂ, ಪುರುಷನೂ" ಆದ ಅನುಯಾಯಿಯು ನಡೆಸುತ್ತಾರೆ.^{[೧೪೬][೧೪೭]} ಬಹಳ ವಿಶೇಷವಾದ ಸನ್ನಿವೇಶಗಳಲ್ಲಿ ಮಾತ್ರ ಒಬ್ಬ "ಕಂಕಣಬದ್ಧನಾದ" ಬ್ಯಾಪ್‌ಟೈಜರನ ಬ್ಯಾಪ್ಟಿಸಮ್ ಅನ್ನು ರದ್ದುಗೊಳಿಸಬಹುದು (ನೋಡಿ ವಿಭಾಗ ಯೆಹೋವನ ಸಾಕ್ಷಿಗಳು ).

ಅನಾಬ್ಯಾಪ್ಟಿಸ್ಟ್ ಬ್ಯಾಪ್ಟಿಸಮ್

ಅನಾಬ್ಯಾಪ್ಟಿಸ್ಟರು ("ಮರುಬ್ಯಾಪ್ಟಿಸಮ್ ಮಾಡುವವರು") ಮತ್ತು ಬ್ಯಾಪ್ಟಿಸ್ಟರು ವಯಸ್ಕರ ಬ್ಯಾಪ್ಟಿಸಮ್ ಅಥವಾ "ನಂಬಿಕೆಯುಳ್ಳವರ ಬ್ಯಾಪ್ಟಿಸಮ್" ಅನ್ನು ಪ್ರೋತ್ಸಾಹಿಸುತ್ತಾರೆ. ಬ್ಯಾಪ್ಟಿಸಮ್ ಅನ್ನು ಭಕ್ತನೊಬ್ಬನು ಯೇಸುಕ್ರಿಸ್ತನನ್ನು ಸಂರಕ್ಷಕನನ್ನಾಗಿ ಒಪ್ಪಿಕೊಂಡಿರುವುದನ್ನು ಗುರುತಿಸುವ ಕಾರ್ಯವೆಂಬಂತೆ ಕಾಣಲಾಗುತ್ತದೆ.

ಆರಂಭದ ಅನಾಬ್ಯಾಪ್ಟಿಸ್ಟರಿಗೆ ಆ ಹೆಸರನ್ನು ಏಕೆ ನೀಡಲಾಯಿತೆಂದರೆ, ಅವರು ತಮ್ಮ ಪಂಗಡದಲ್ಲಿ ಸರಿಯಾಗಿ ಬ್ಯಾಪ್ಟಿಸಮ್ ಆಗಿಲ್ಲವೆಂದು ಭಾವಿಸಲಾದವರನ್ನು, ಶೈಶವಾವಸ್ಥೆಯಲ್ಲಿ ಬ್ಯಾಪ್ಟಿಸಮ್ ಪಡೆದವರನ್ನು, ಪ್ರೋಕ್ಷಣೆ ಅಥವಾ ಇತರ ಯಾವುದೇ ಪಂಗಡದ ಬ್ಯಾಪ್ಟಿಸಮ್ ಅನ್ನು ಪಡೆದವರನ್ನು ಮತ್ತೆ ಬ್ಯಾಪ್ಟೈಜ್ ಮಾಡುತ್ತಿದ್ದರು.

ಅನಾಬ್ಯಾಪ್ಟಿಸ್ಟರು ಬ್ಯಾಪ್ಟಿಸಮ್‌ಗಳನ್ನು ಒಳಾಂಗಣದಲ್ಲಿ ಜ್ಞಾನಸ್ನಾನದ ತೊಟ್ಟಿ, ಈಜುಕೊಳ, ಸ್ನಾನದ ತೊಟ್ಟಿ ಅಥವಾ ಹೊರಾಂಗಣದಲ್ಲಿ ಕಡಲ ಒಳಚಾಚು ಅಥವಾ ನದಿಯಲ್ಲಿ ನಡೆಸುತ್ತಾರೆ. ಬ್ಯಾಪ್ಟಿಸಮ್ ಯೇಸುವಿನ ಸಾವು, ಸಂಸ್ಕಾರ ಮತ್ತು ಪುನರುತ್ಥಾನಗಳ ಸ್ಮರಣೆಯಾಗಿದೆ.^[Rom 6] ಬ್ಯಾಪ್ಟಿಸಮ್‍ ತನ್ನಲ್ಲಿ ತಾನೇ ಆಗಿ ಏನನ್ನೂ ಸಾಧಿಸುವುದಿಲ್ಲ, ಆದರೆ ಅದು ಕ್ರೈಸ್ತನ ಶಿಲುಬೆಯ ಮೂಲಕ ಭಕ್ತನ ಪಾಪಗಳನ್ನು ಈಗಾಗಲೆ ತೊಳೆಯಲಾಗಿದೆ ಎಂಬುದರ ಬಾಹ್ಯ, ಖಾಸಗೀ ಚಿಹ್ನೆ ಅಥವಾ ರುಜುವಾತು.^[೧೪೮] ಇದನ್ನು ಕ್ರಿಸ್ತನ ಹೊಸ ಒಪ್ಪಂದಕ್ಕೆ ಪ್ರವೇಶವನ್ನು ಸೂಚಿಸುವ ಕರಾರುಬದ್ಧ ಕಾರ್ಯವೆಂದು ಪರಿಗಣಿಸಲಾಗುತ್ತದೆ.^{[೧೪೮][೧೪೯]}

ಬ್ಯಾಪ್ಟಿಸ್ಟ್ ದೃಷ್ಟಿಕೋನ

ಹೆಚ್ಚಿನ ಬ್ಯಾಪ್ಟಿಸ್ಟರಿಗೆ, ಕ್ರೈಸ್ತ ಬ್ಯಾಪ್ಟಿಸಮ್ ಎಂದರೆ ನಂಬಿಕೆಯುಳ್ಳ ವ್ಯಕ್ತಿಯನ್ನು ಪಿತ,ಸುತ ಮತ್ತು ಪವಿತ್ರ ಆತ್ಮದ ಹೆಸರಿನಲ್ಲಿ ನೀರಿನಲ್ಲಿ ಮುಳುಗಿಸುವುದು.^[Mt 28:19] ಅದು ಶಿಲುಬೆಗೇರಿಸಲ್ಪಟ್ಟ, ಸಮಾಧಿ ಮಾಡಲಾದ ಮತ್ತು ಪುನರುತ್ಥಾನಗೊಂಡ ರಕ್ಷಕನಲ್ಲಿ ನಂಬಿಕೆಯುಳ್ಳವನ ವಿಶ್ವಾಸ, ನಂಬಿಕೆಯುಳ್ಳವನ ಪಾಪಗಳ ಸಾವು, ಹಳೆಯ ಜೀವನದ ಸಮಾಧೀಕರಣ, ಮತ್ತು ಯೇಸುಕ್ರಿಸ್ತನಲ್ಲಿನ ಹೊಸತನದ ಜೀವನದಲ್ಲಿ ಸಾಗಲು ಮರುಹುಟ್ಟುಗಳನ್ನು ಸಾಂಕೇತಿಕವಾಗಿ ತೋರುವ ವಿಧೇಯತೆಯ ಕಾರ್ಯವಾಗಿದೆ. ಅದು ಸಾವಿಗೊಳಗಾದವರ ಅಂತಿಮ ಪುನರುತ್ಥಾನದಲ್ಲಿ ನಂಬಿಕೆಯುಳ್ಳವನ ವಿಶ್ವಾಸದ ರುಜುವಾತಾಗಿದೆ.^[೧೫೦]

ಹೆಚ್ಚಿನ ಬ್ಯಾಪ್ಟಿಸ್ಟರು ಸ್ವತಃ ಬ್ಯಾಪ್ಟಿಸಮ್‌ನ ವಿಧಿಯು ಮೋಕ್ಷ ಅಥವಾ ಪರಿವರ್ತನೆಯನ್ನು ತೋರಿಸುವುದಿಲ್ಲ, ಆದರೆ ಅದು ಹೊಸ ಭಕ್ತನಿಗೆ ಆಧ್ಯಾತ್ಮಿಕ ಪ್ರಜ್ಞೆಯಲ್ಲಿ ಈಗಾಗಲೇ ನಡೆದಿರುವಂತಹದರ ಚಿಹ್ನೆಯಾಗಿದೆ ಎಂದು ನಂಬುತ್ತಾರೆ. ಇದು "ರಕ್ಷೆಯ ಅನುಗ್ರಹ"ವನ್ನು ನೀಡುವುದಿಲ್ಲ ಅಥವಾ ಮೋಕ್ಷವನ್ನು ನೇರವಾಗಿ ಕರುಣಿಸುವುದಿಲ್ಲವೆಂದು ಪರಿಗಣಿಸಲಾಗುವುದರಿಂದ, ಬ್ಯಾಪ್ಟಿಸ್ಟರು ಇದನ್ನು "ಪವಿತ್ರ ವಿಧಿ"ಯೆಂದು ಪರಿಗಣಿಸುವ ಬದಲಾಗಿ "ಮತೀಯ ವಿಧಿ" ಎಂಬಂತೆ ಕಾಣುತ್ತಾರೆ. ಯೇಸುವು ತನ್ನ ಅನುಯಾಯಿಗಳು ಆಚರಿಸಬೇಕೆಂದು ಉದ್ದೇಶಿಸಿದ ಬೈಬಲ್‌ನ ಈ ಬೋಧನೆಯು ಚರ್ಚಿನ "ಮತೀಯ ವಿಧಿ"ಯಾಗಿರುವುದರಿಂದ,^[೧೦೦] ಅದು ಚರ್ಚಿನ ಸದಸ್ಯತ್ವದ ಸುಯೋಗವನ್ನು ಪಡೆಯಲು ಮತ್ತು ಪ್ರಭುವಿನ ರಾತ್ರಿಯೂಟಕ್ಕೆ(ಕಮ್ಯುನಿಯನ್‌ಗೆ ಬ್ಯಾಪ್ಟಿಸ್ಟರ ಪ್ರಾಶಸ್ತ್ಯದ ಬಳಕೆಯ ಪದ) ಪೂರ್ವಾಪೇಕ್ಷಿತವಾಗಿರುವಂತಹ ಅಂಶ.^[೧೫೦]

ಕ್ರಿಸ್ತನೇ ಸ್ವತಃ ತಾನು ಬ್ಯಾಪ್ಟೈಜ್ ಆಗಿದ್ದರಿಂದ ಮತ್ತು ಆತನ ಉದ್ಧರಣೀಯ ಕಾರ್ಯವು ಮುಳುಗುವಿಕೆಯ ಬ್ಯಾಪ್ಟಿಸಮ್‌ನ ಮೂಲಕ ಎಲ್ಲಾ ಭಕ್ತರು ಕ್ರಿಸ್ತನೊಂದಿಗೆ ಹೊಸ ಸಂಬಂಧವನ್ನು ಅನುಭವಿಸುವಂತೆ ಬಿಂಬಿಸಲಾಗಿರುವುದರಿಂದ, ಬ್ಯಾಪ್ಟಿಸಮ್ ಅನ್ನು ಕ್ರಿಸ್ತತತ್ವದಿಂದ ಬೇರ್ಪಡಿಸುವುದು ಶಕ್ಯವಿಲ್ಲ.^[೧೦೦]

ಬ್ಯಾಪ್ಟಿಸಮ್ ಕ್ರಿಸ್ತನಲ್ಲಿ ತಮ್ಮ ಭಕ್ತಿಯನ್ನು ವ್ಯಕ್ತಪಡಿಸುವ ಅತಿಮುಖ್ಯ ಮಾರ್ಗವೆಂದು ಸಹ ಬ್ಯಾಪ್ಟಿಸ್ಟರು ನಂಬುತ್ತಾರೆ. ಸಾಮಾನ್ಯವಾಗಿ ಕ್ರಿಸ್ತನಲ್ಲಿ ಭಕ್ತಿಯ ಬಾಧ್ಯತೆಗಳನ್ನು ಅರ್ಥಮಾಡಿಕೊಂಡು ದೇವರ ಕರೆಗೆ ಪ್ರತಿಕ್ರಿಯಿಸಲು ಇಚ್ಛಿಸುವ ವಯಸ್ಕರು, ಯುವಜನರು ಮತ್ತು ಹಿರಿವಯಸ್ಸಿನ ಮಕ್ಕಳು ಬ್ಯಾಪ್ಟಿಸಮ್‌ಗೆ ಅರ್ಹರಾದ ಅಭ್ಯರ್ಥಿಗಳು.^[೧೦೦]

ಬ್ಯಾಪ್ಟಿಸ್ಟರ ಶಿಶುಗಳ ಬ್ಯಾಪ್ಟಿಸಮ್‌ನ ತಿರಸ್ಕರಿಸುವಿಕೆಯಿಂದ ವಯಸ್ಕರು ಮತ್ತು ಭಕ್ತರ ಚರ್ಚಿನಲ್ಲಿ ಮಕ್ಕಳಿಗೆ ಯಾವುದೇ ಜಾಗವಿಲ್ಲವೆಂಬಂತೆ ವಿದಿತವಾಗುವುದರಿಂದ ಅವರು ಟೀಕೆಗೊಳಗಾಗಿದ್ದಾರೆ. ಎಳೆ ಮಕ್ಕಳು ಮತ್ತು ಶಿಶುಗಳನ್ನು ಬ್ಯಾಪ್ಟೈಜ್ ಮಾಡುವುದಕ್ಕೆ ಬದಲಾಗಿ, ಬ್ಯಾಪ್ಟಿಸ್ಟರು ಮಕ್ಕಳನ್ನು ಸಾರ್ವಜನಿಕ ಚರ್ಚಿನ ಆರಾಧನೆಗೆ ಮುಡುಪಾಗಿಡುತ್ತಾರೆ ಮತ್ತು ಇವೇ ಚರ್ಚುಗಳಲ್ಲಿ ಪೋಷಕರು ಮತ್ತು ಚರ್ಚಿನ ಸದಸ್ಯರನ್ನು ತಮ್ಮ ಮಕ್ಕಳೆದುರು ಆದರ್ಶಪ್ರಾಯವಾಗಿ ಬದುಕಲು, ಮತ್ತು ತಮ್ಮ ಮಕ್ಕಳಿಗೆ ಪ್ರಭುವಿನ ಮಾರ್ಗಗಳ ಬಗ್ಗೆ ಬೋಧಿಸಲು ಕರೆ ನೀಡಲಾಗುವುದು. ಈ ಆರಾಧನೆಯಲ್ಲಿ ನೀರಿನ ಬ್ಯಾಪ್ಟಿಸಮ್ ಇರುವುದಿಲ್ಲ.^[೧೦೦] ಈ ಟೀಕೆಗೆ ಪ್ರತಿಕ್ರಿಯಿಸುತ್ತಾ ಬ್ಯಾಪ್ಟಿಸ್ಟರು ದೇವರ ಪ್ರೇಮವು ಎಲ್ಲರಿಗೂ, ವಿಶೇಷವಾಗಿ ಮಕ್ಕಳಿಗೆ, ಅನ್ವಯಿಸುತ್ತದೆಯೆಂದೂ; ಬ್ಯಾಪ್ಟಿಸಮ್ ಸ್ವತಃ ಒಂದು ಪವಿತ್ರ ವಿಧಿಯಾಗಿಲ್ಲದಿರುವ ಕಾರಣ ಟೀಕಾಕಾರರು ಈ ಮಕ್ಕಳಿಗೆ ಲಭ್ಯವಾಗುವುದಿಲ್ಲವೆಂದು ಹೇಳುವಂತಹ ಮೋಕ್ಷವನ್ನು ಅದು ದಯಪಾಲಿಸುವುದಿಲ್ಲ; ಮತ್ತು ಬ್ಯಾಪ್ಟಿಸಮ್ ಎಂಬುದು ಭಕ್ತಿಯ ಒಪ್ಪಿಗೆಯ ಬಾಹ್ಯ ಸಂಕೇತದ ಅಭಿವ್ಯಕ್ತಿ ಮಾತ್ರವಾಗಿರುವುದರಿಂದ, ದೀಕ್ಷೆಯನ್ನು ಪಡೆಯುವ ವ್ಯಕ್ತಿ ಈ ತಪ್ಪೊಪ್ಪಿಗೆಯನ್ನು ಮಾಡಬೇಕೆ ಬೇಡವೆ ಎಂಬಂಥ ಮಾಹಿತಿಪೂರ್ಣ ನಿರ್ಧಾರವನ್ನು ತೆಗೆದುಕೊಳ್ಳುವಷ್ಟು ಪ್ರೌಢನಾಗುವ ಮೊದಲು ಅದನ್ನು ನಡೆಸುವುದು ನಿರರ್ಥಕ ಕೆಲಸವಾಗುತ್ತದೆ ಎಂದು ಹೇಳುತ್ತಾರೆ.^[೧೦೦]

ಚರ್ಚಸ್ ಆಫ್ ಕ್ರೈಸ್ಟ್

ಚರ್ಚಸ್ ಆಫ್ ಕ್ರೈಸ್ಟ್ನಲ್ಲಿ ಬ್ಯಾಪ್ಟಿಸಮ್ ಅನ್ನು ಸಂಪೂರ್ಣ ದೈಹಿಕ ಮುಳುಗಿಸುವಿಕೆಯ ಮೂಲಕ ನಡೆಸಲಾಗುತ್ತದೆ,^{[೧೧೬]: p.107 [೧೧೭]: p.124} ಮತ್ತು ಇದು ಕೊಯಿನ್ ಗ್ರೀಕ್ ಕ್ರಿಯಾಪದವಾದ ಬ್ಯಾಪ್ಟೈಜೋ ವನ್ನು ಆಧರಿಸಿದ್ದು, ಇದರರ್ಥವನ್ನು ಅದ್ದುವುದು, ಮುಳುಗಿಸುವುದು, ಮುಳುಗುವುದು ಅಥವಾ ಧುಮುಕುವುದು ಎಂದು ಗ್ರಹಿಸಲಾಗುತ್ತದೆ.^{[೧೧೮][೧೧೯]: p.139 [೧೫೧]: p.313-314 [೧೫೨]: p.22 [೧೫೩]: p.45-46} ಸಂಪೂರ್ಣ ಮುಳುಗುವಿಕೆಯು ಬೇರಾವುದೇ ಬ್ಯಾಪ್ಟಿಸಮ್ ವಿಧಾನಕ್ಕಿಂತಲೂ ಯೇಸುವಿನ ಸಾವು, ಸಂಸ್ಕಾರ ಮತ್ತು ಪುನರುತ್ಥಾನಗಳಿಗೆ ಹೆಚ್ಚು ಅನುರೂಪವಾಗಿದೆ.^{[೧೧೮][೧೧೯]: p.140 [೧೫೧]: p.314-316} ಚರ್ಚರ್ ಆಫ್ ಕ್ರೈಸ್ಟ್‌ನ ವಾದದ ಪ್ರಕಾರ ಐತಿಹಾಸಿಕವಾಗಿ ಒಂದನೇ ಶತಮಾನದಲ್ಲಿ ಭಾಗಶಃ ಮುಳುಗುವಿಕೆಯ ವಿಧಾನವು ಬಳಕೆಯಲ್ಲಿತ್ತು, ಮತ್ತು ಇದು ಸಾಧ್ಯವಿಲ್ಲವೆನ್ನುವ ಪರಿಸ್ಥಿತಿಗಳಲ್ಲಿ ಅನುಷಂಗಿಕ ವಿಧಾನಗಳಾಗಿ ಎರೆಯುವುದು ಮತ್ತು ಪ್ರೋಕ್ಷಿಸುವುದನ್ನು ಆಚರಿಸುವುದು ಆರಂಭವಾಯಿತು.^{[೧೧೯]: p.140} ಕ್ರಮೇಣ ಇವೇ ಅನುಷಂಗಿಕ ವಿಧಾನಗಳನ್ನು ಇಮ್ಮರ್ಶನ್‌ನ ಬದಲಾಗಿ ಬಳಸುವುದು ಆರಂಭವಾಯಿತು.^{[೧೧೯]: p.140} ಮಾನಸಿಕವಾಗಿ ನಂಬಿಕೆಯುಳ್ಳ ಮತ್ತು ಪ್ರಾಯಶ್ಚಿತ್ತ ಮಾಡುವ ಸಾಮರ್ಥ್ಯವಿರುವವರಿಗೆ ಮಾತ್ರ ದೀಕ್ಷಾಸ್ನಾನವನ್ನು ನೀಡಲಾಗುತ್ತದೆ (ಅರ್ಥಾತ್, ಹೊಸ ಒಡಂಬಡಿಕೆಯಲ್ಲಿ ಈ ಬಗ್ಗೆ ಯಾವುದೇ ಪ್ರಸ್ತಾಪಗಳಿಲ್ಲದಿರುವುದರಿಂದ ಶಿಶುಗಳ ಬ್ಯಾಪ್ಟಿಸಮ್ ಅನ್ನು ನಡೆಸಲಾಗುವುದಿಲ್ಲ.^{[೧೧೭]: p.124 [೧೧೮][೧೫೧]: p.318-319 [೧೫೪]: p.195}

ರೆಸ್ಟೊರೇಶನ್ ಚಳುವಳಿಯ ಹಲವಾರು ಶಾಖೆಗಳ ಪೈಕಿ, ಚರ್ಚಸ್ ಆಫ್ ಕ್ರೈಸ್ಟ್ ಐತಿಹಾಸಿಕವಾಗಿ ಅತ್ಯಂತ ಸಾಂಪ್ರದಾಯಿಕ ನಿಲುವನ್ನು ಹೊಂದಿದ್ದು, ಅದ್ದುವಿಕೆಯ ಮೂಲಕ ಬ್ಯಾಪ್ಟಿಸಮ್ ಮಾಡುವುದು ಮತಾಂತರದ ಅವಶ್ಯಕ ಭಾಗವೆಂದು ಅರ್ಥೈಸುತ್ತದೆ.^{[೧೨೪]: p.61} ಬ್ಯಾಪ್ಟಿಸಮ್‌ನ ಸರಿಯಾದ ಪಾತ್ರವನ್ನು ಅರ್ಥಮಾಡಿಕೊಂಡಿರುವುದು ಅದರ ಸಿಂಧುತ್ವಕ್ಕೆ ಅವಶ್ಯಕವೆ ಎಂಬ ವಿಷಯವು ಅತ್ಯಂತ ಗಮನಾರ್ಹವಾದ ಭಿನ್ನಾಭಿಪ್ರಾಯಗಳನ್ನು ಹುಟ್ಟುಹಾಕಿದೆ.^{[೧೨೪]: p.61} ಡೇವಿಡ್ ಲಿಪ್ಸ್‌ಕಾಂಬ್ರವರು ನಂಬಿಕೆಯುಳ್ಳ ಒಬ್ಬ ವ್ಯಕ್ತಿಯು ದೇವರಿಗೆ ವಿಧೇಯನಾಗಿರಬೇಕೆಂಬ ಹಂಬಲ ಹೊಂದಿದ್ದಲ್ಲಿ, ಆತನು ಮೋಕ್ಷ ಹೊಂದುವಲ್ಲಿ ಬ್ಯಾಪ್ಟಿಸಮ್‌ನ ಪಾತ್ರವನ್ನು ಸಂಪೂರ್ಣವಾಗಿ ಅರ್ಥಮಾಡಿಕೊಳ್ಳದಿದ್ದರೂ ಆತನನ್ನು ಬ್ಯಾಪ್ಟೈಜ್ ಮಾಡುವುದು ಸಿಂಧುವಾಗುತ್ತದೆ ಎಂದು ವಾದಿಸಿದರು.^{[೧೨೪]: p.61} ಆಸ್ಟಿನ್ ಮೆಕ್‌ಗ್ಯಾರಿಯವರು, ಬ್ಯಾಪ್ಟಿಸಮ್ ಸಿಂಧುವಾಗಬೇಕೆಂದಲ್ಲಿ ಮತಾಂತರವನ್ನು ಹೊಂದುವವರು ಬ್ಯಾಪ್ಟಿಸಮ್ ಎಂಬುದು ಪಾಪಗಳ ಕ್ಷಮೆಗಾಗಿ ಅದೆ ಎಂದು ಕೂಡ ಅರ್ಥ ಮಾಡಿಕೊಳ್ಳಬೇಕು ಎಂಬುದಾಗಿ ವಾದಿಸಿದರು.^{[೧೨೪]: p.62} ಮೆಕ್‌ಗ್ಯಾರಿಯ ದೃಷ್ಟಿಕೋನವು ಇಪ್ಪತ್ತನೆಯ ಶತಮಾನದ ಆದಿಯಲ್ಲಿ ಜನಜನಿತವಾಯಿತಾದರೂ ಲಿಪ್ಸ್‌ಕಾಂಬ್‌ ಪ್ರಚುರಪಡಿಸಿದ ಮಾರ್ಗವು ಸಂಪೂರ್ಣವಾಗಿ ಮರೆಯಾಗಲಿಲ್ಲ.^{[೧೨೪]: p.62} ಇತ್ತೀಚೆಗೆ, (ತಮ್ಮ ಚಳುವಳಿಗೆ ಸೇರುವ ಪ್ರತಿಯೊಬ್ಬರನ್ನೂ ಮರುಬ್ಯಾಪ್ಟೈಜ್ ಮಾಡುವ) ಇಂಟರ್‌ನ್ಯಾಶನಲ್ ಚರ್ಚಸ್ ಆಫ್ ಕ್ರೈಸ್ಟ್ ಪ್ರವರ್ಧಮಾನಕ್ಕೇರುತ್ತಿರುವುದರಿಂದ ಕೆಲವರು ಈ ವಿಷಯವನ್ನು ಮತ್ತೆ ಪರೀಕ್ಷಿಸಲು ತೊಡಗಿದ್ದಾರೆ.^{[೧೨೪]: p.66}

ಚರ್ಚಸ್ ಆಫ್ ಕ್ರೈಸ್ಟ್ ಮೊದಲಿನಿಂದಲೂ ಬೋಧಿಸುತ್ತ ಬಂದಿರುವುದೇನೆಂದರೆ, ಬ್ಯಾಪ್ಟಿಸಮ್‌ನ ಪ್ರಕಾರ ನಂಬಿಕೆಯುಳ್ಳವರು ತಮ್ಮ ಜೀವನವನ್ನು ದೇವರಲ್ಲಿ ನಂಬಿಕೆ ಮತ್ತು ವಿಧೇಯತೆಗಳಿಗೆ ಮುಡುಪಾಗಿಡುತ್ತಾರೆ ಎಂದು, ಮತ್ತು ದೇವರು "ಕ್ರಿಸ್ತನ ರಕ್ತದ ಶ್ರೇಷ್ಠ ಗುಣಗಳ ಮೂಲಕ, ಪಾಪಗಳನ್ನು ತೊಳೆಯುವರು ಮತ್ತು ನಿಜವಾಗಿ ಒಬ್ಬ ವ್ಯಕ್ತಿಯ ಸ್ಥಾನಮಾನವನ್ನು ಪರಕೀಯನಾಗಿರುವುದರಿಂದ ಬದಲಾಯಿಸಿ ದೇವರ ರಾಜ್ಯದ ಪ್ರಜೆಯಾಗಿರುವಂತೆ ಮಾಡುತ್ತಾರೆ. ಬ್ಯಾಪ್ಟಿಸಮ್ ಮಾನವಸಾಧ್ಯವಾದ ಕೆಲಸವಲ್ಲ; ಅದು ದೇವರು ಮಾತ್ರ ಮಾಡಬಹುದಾದ ಕೆಲಸವನ್ನು ದೇವರೇ ಮಾಡುವಂತಹ ಸ್ಥಳವಾಗಿರುವುದು."^{[೧೨೪]: p.66} ಬ್ಯಾಪ್ಟಿಸಮ್ ಎಂಬುದು ಒಂದು ಶ್ಲಾಘನೀಯ ಕೆಲಸವೆನ್ನುವುದಕ್ಕಿಂತ ನಂಬಿಕೆಯ ಒಂದು ವಿನಮ್ರ ಕಾರ್ಯವೆನ್ನಬಹುದು; ಅದು "ದೇವರಿಗೆ ನೀಡಲು ತನ್ನಲ್ಲೇನೂ ಇಲ್ಲ ಎಂದು ಒಬ್ಬ ವ್ಯಕ್ತಿಯ ತಪ್ಪೊಪ್ಪಿಗೆಯಾಗಿದೆ."^{[೧೨೫]: p.112} ಚರಚಸ್ ಆಫ್ ಕ್ರೈಸ್ಟ್ ಬ್ಯಾಪ್ಟಿಸಮ್ ಅನ್ನು "ಪವಿತ್ರ ವಿಧಿ"ಗಳಲ್ಲೊಂದಾಗಿ ವರ್ಣಿಸದಿದ್ದರೂ, ಅದರ ಬಗ್ಗೆ ಅವರ ಅಭಿಪ್ರಾಯವನ್ನು ಸಂಪ್ರದಾಯವಿಹಿತವಾಗಿ "ಸ್ಯಾಕ್ರಮೆಂಟಲ್" ಆಗಿರುವುದಾಗಿ ವರ್ಣಿಸಬಹುದು.^{[೧೨೪]: p.66 [೧೫೨]: p.186} ಅವರು ಬ್ಯಾಪ್ಟಿಸಮ್‌ನ ಶಕ್ತಿಯು ದೇವರಿಂದ ಬರುವುದಾಗಿ ಕಾಣುತ್ತಾರೆ, ಮತ್ತು ದೇವರು ಬ್ಯಾಪ್ಟಿಸಮ್ ಅನ್ನು, ನೀರು ಅಥವಾ ವಿಧಿಯ ಬದಲಾಗಿ, ತನ್ನ ವಾಹನವಾಗಿ ಆಯ್ದುಕೊಂಡಿದ್ದಾರೆ,^{[೧೫೨]: p.186} ಮತ್ತು ಅವರ ಗ್ರಹಿಕೆಯ ಪ್ರಕಾರ ಬ್ಯಾಪ್ಟಿಸಮ್ ಬರೆ ಮತಾಂತರ ಕಾರ್ಯದ ಸಂಕೇತ ಮಾತ್ರವಾಗಿರದೆ, ಅದರ ಅವಿಭಾಜ್ಯ ಅಂಗವಾಗಿದೆ.^{[೧೫೨]: p.184} ಇತ್ತೀಚಿನ ಧೋರಣೆಯು ಬ್ಯಾಪ್ಟಿಸಮ್‌ನ ಪರಿವರ್ತನಾ ದೃಷ್ಟಿಕೋನವನ್ನು ಎತ್ತಿಹಿಡಿಯುತ್ತದೆ: ಅದನ್ನು ಕೇವಲ ಒಂದು ಕಾನೂನುಬದ್ಧ ಅವಶ್ಯಕತೆ ಎಂದೋ ಅಥವಾ ಹಿಂದೆ ನಡೆದ ಯಾವುದೊ ಘಟನೆಯ ಸಂಕೇತವೆಂದೋ ಬಣ್ಣಿಸುವ ಬದಲಾಗಿ ಅದನ್ನು"ನಂಬಿಕೆಯುಳ್ಳ ವ್ಯಕ್ತಿಯನ್ನು ’ಕ್ರಿಸ್ತನಲ್ಲಿ ಇರಿಸುವ, ತನ್ಮೂಲಕ ದೇವರು ಪರಿವರ್ತನೆಯ ಕಾರ್ಯವನ್ನು ನಡೆಸುವಂತೆ ಮಾಡುವ ಘಟನೆ" ಎಂಬಂತೆ ಕಾಣಲಾಗುತ್ತದೆ.^{[೧೨೪]: p.66} ಪಂಥಾಭಿಮಾನವನ್ನು ತಪ್ಪಿಸುವ ಸಲುವಾಗಿ ಬ್ಯಾಪ್ಟಿಸಮ್‌ನ ಪ್ರಾಮುಖ್ಯತೆಯನ್ನು ಪ್ರಚುರಪಡಿಸದ ಅಲ್ಪಸಂಖ್ಯಾವರ್ಗವೊಂದಿದೆ, ಆದರೆ ಹೆಚ್ಚು ಪ್ರಚಲಿತವಾದ ವಿಶಾಲ ಧೋರಣೆಯು "ಬ್ಯಾಪ್ಟಿಸಮ್ ಬಗೆಗಿನ ಬೈಬಲ್‌ನ ಬೋಧನೆಗಳ ಸಮೃದ್ಧತೆಯನ್ನು ಮತ್ತೆ ಪರೀಕ್ಷಿಸುವುದು ಮತ್ತು ಕ್ರೈಸ್ತಧರ್ಮದಲ್ಲಿ ಅದರ ಪ್ರಮುಖ ಮತ್ತು ಅತ್ಯವಶ್ಯಕ ಸ್ಥಾನವನ್ನು ಬಲಪಡಿಸುವುದು" ಆಗಿರುವುದು.^{[೧೨೪]: p.66}

ಬ್ಯಾಪ್ಟಿಸಮ್ ಮೋಕ್ಷವನ್ನು ಹೊಂದುವುದರ ಅವಶ್ಯಕ ಭಾಗವೆಂಬ ನಂಬಿಕೆಯಿಂದಾಗಿ, ಕೆಲವು ಬ್ಯಾಪ್ಟಿಸ್ಟರು ಚರ್ಚಸ್ ಅಫ್ ಕ್ರೈಸ್ಟ್ ಬ್ಯಾಪ್ಟಿಸಮ್ ಮೂಲಕ ಮರುಹುಟ್ಟು ಎಂಬ ತತ್ವವನ್ನು ಅಂಗೀಕರಿಸುತ್ತದೆ ಎಂದು ವಾದಿಸುತ್ತಾರೆ.^[೧೫೫] ಅದರೆ ಇದನ್ನು ನಿರಾಕರಿಸುವ ಚರ್ಚಸ್ ಆಫ್ ಕ್ರೈಸ್ಟ್‌ನ ಸದಸ್ಯರು, ನಂಬಿಕೆ ಮತ್ತು ಪ್ರಾಯಶ್ಚಿತ್ತಗಳು ಅವಶ್ಯಕವಿರುವುದರಿಂದ, ಮತ್ತು ಪಾಪಗಳ ಶುದ್ಧೀಕರಣವು ದೇವರ ಅನುಗ್ರಹದಿಂದ ಕ್ರಿಸ್ತನ ರಕ್ತದ ಮೂಲಕ ಆಗುವುದರಿಂದ, ಬ್ಯಾಪ್ಟಿಸಮ್ ಅಂತರ್ನಿಹಿತವಾಗಿ ವಿಮೋಚನೀಯವಾದ ವಿಧಿಯಲ್ಲ ಎಂದು ವಾದಿಸುತ್ತಾರೆ.^{[೧೧೯]: p.133 [೧೫೫][೧೫೬]: p.630, 631} ಇದಕ್ಕೆ ಬದಲಾಗಿ, ಅವರು ಬೈಬಲ್‌ನ ಒಂದು ಭಾಗದತ್ತ ಬೆರಳು ಮಾಡಿ ತೋರುತ್ತಾರೆ. ಈ ಭಾಗದಲ್ಲಿ ಪೇತ್ರನು ಬ್ಯಾಪ್ಟಿಸಮ್ ಅನ್ನು ನೋಆಹನ ಜಲಪ್ರಳಯದ ಘಟನೆಗೆ ಹೋಲಿಸುತ್ತ "ಇದೇ ರೀತಿ ಬ್ಯಾಪ್ಟಿಸಮ್ ಕೂಡ ಈಗ ನಮ್ಮನ್ನು ರಕ್ಷಿಸುವುದು" ಎಂದು ಹೇಳುತ್ತಾರೆ, ಆದರೆ ಇದಕ್ಕೆ ವ್ಯತಿರಿಕ್ತವಾದಂತಹ ಸ್ಪಷ್ಟೀಕರಣವನ್ನು ನೀಡುತ್ತ, ಬ್ಯಾಪ್ಟಿಸಮ್ "ದೇಹದ ಮಲಿನತೆಯನ್ನು ಹೊರಹಾಕುವುದು ಅಲ್ಲ , ಅದು ದೇವರ ಬಗೆಗಿನ ಒಳ್ಳೆಯ ಅಂತಃಸ್ಸಾಕ್ಷಿಯ ಪ್ರತಿಕ್ರಿಯೆ ಯಾಗಿದೆ" ಎಂದು ಹೇಳುತ್ತಾರೆ(1 ಪೇತ್ರ 3:21).^[೧೫೭] ಚರ್ಚಸ್ ಆಫ್ ಕ್ರೈಸ್ಟ್‌ನ ಒಬ್ಬ ಲೇಖಕರು ಬ್ಯಾಪ್ಟಿಸಮ್ ಮತ್ತು ನಂಬಿಕೆಯ ನಡುವಿನ ಸಂಬಂಧವನ್ನು ಈ ರೀತಿಯಾಗಿ ವರ್ಣಿಸುತ್ತಾರೆ, "ನಂಬಿಕೆ ಯೇ ವ್ಯಕ್ತಿಯೊಬ್ಬನು ದೇವರ ಮಗನಾಗಿರುವುದಕ್ಕೆ ಇರುವ ಕಾರಣವಾಗಿದೆ ; ಬ್ಯಾಪ್ಟಿಸಮ್ ಎಂಬುದು ಒಬ್ಬ ವ್ಯಕ್ತಿಯು ದೇವರಲ್ಲಿ ಲೀನನಾಗುವ ಮತ್ತು ತನ್ಮೂಲಕ ದೇವರ ಮಗನಾಗುವ ಸಮಯವಾಗಿದೆ " (ಇಟಾಲಿಕ್ಸ್ ಮೂಲ ಪಠ್ಯದಲ್ಲಿರುವಂತೆ).^{[೧೫೪]: p.170} ಬ್ಯಾಪ್ಟಿಸಮ್ ಅನ್ನು ಮೋಕ್ಷವನ್ನು ಗಳಿಸುವ "ಕಾರ್ಯ"ವೆಂಬಂತೆ ಕಾಣುವ ಬದಲಾಗಿ,ನಂಬಿಕೆ ಮತ್ತು ಪ್ರಾಯಶ್ಚಿತ್ತಗಳ ತಪ್ಪೊಪ್ಪಿಗೆಯ ಅಭಿವ್ಯಕ್ತಿಯೆಂದು ಅರ್ಥೈಸಲಾಗುತ್ತದೆ^{[೧೫೪]: p.179-182}.^{[೧೫೪]: p.170}

ರಿಫಾರ್ಮ್‌ಡ್ ಮತ್ತು ಕೋವೆನಂಟ್ ಧರ್ಮಶಾಸ್ತ್ರದ ನಿಲುವು

ಪೀಡೋಬ್ಯಾಪ್ಟಿಸ್ಟ್ ಕೋವೆನಂಟ್ ಧರ್ಮಶಾಸ್ತ್ರಜ್ಞರು ಹೊಸ ಕೋವೆನಂಟ್(ಕರಾರು,ಒಪ್ಪಂದ) ಅನ್ನೂ ಒಳಗೊಂಡಂತೆ, ಬೈಬಲ್‌ಗೆ ಸಂಬಂಧಿಸಿದ ಎಲ್ಲಾ ಕೋವೆನಂಟ್‌ಗಳ ಆಡಳಿತಗಳನ್ನು 0}ಕೌಟುಂಬಿಕ, ಕಾರ್ಪೊರೇಟ್ ಅಡಕಗೊಳ್ಳುವಿಕೆಯ ತತ್ವವನ್ನು ಅಥವಾ "ತಲೆಮಾರಿನ ವಾರಸುದಾರಿಕೆ"ಯನ್ನು ಒಳಗೊಂಡಿರುವುದಾಗಿ ಕಾಣುತ್ತವೆ. ದೇವರು ಮತ್ತು ಮನುಷ್ಯನನ ನಡುವಿನ ಬೈಬಲ್‌ಗೆ ಸಂಬಂಧಿಸಿದ ಕರಾರುಗಳು ಇವುಗಳ ಹಿಂದಿನ ಸತ್ಯಗಳನ್ನು ವ್ಯಕ್ತವಾಗುವಂತೆ ಪ್ರತಿನಿಧಿಸುವಂತಹ ಚಿಹ್ನೆಗಳು ಮತ್ತು ಮೊಹರುಗಳನ್ನು ಒಳಗೊಂಡಿವೆ. ಈ ಸುಸ್ಪಷ್ಟವಾಗಿ ಕಂಡುಬರುವ ದೇವರ ಬಿಡುಗಡೆಯ ಕರಾರಿನ ಚಿಹ್ನೆಗಳು ಮತ್ತು ಸಂಕೇತಗಳನ್ನು ಕಾರ್ಪೊರೇಟ್ ವಿಧಾನದಲ್ಲಿ ನಿರ್ವಹಿಸಲಾಗುತ್ತದೆ (ಉದಾಹರಣೆಗೆ, ಕುಟುಂಬಗಳಿಗೆ), ಮತ್ತು ಇದು ವಿಶಿಷ್ಟವಾಗಿ, ವೈಯುಕ್ತಿಕ ನೆಲೆಯದ್ದಾಗಿರುವುದಿಲ್ಲ.

ಬ್ಯಾಪ್ಟಿಸಮ್ ಅನ್ನು ರಿಫಾರ್ಮ್‌ಡ್ ಚರ್ಚ್‌ಗಳು ಹೊಸ ಕೋವೆನಂಟ್‌ನೊಳಗೆ ಪ್ರವೇಶ ಪಡೆಯುವ ಸ್ಪಷ್ಟ ಸಂಕೇತವೆಂದು ಪರಿಗಣಿಸುತ್ತಾರೆ ಮತ್ತು ಇದರಿಂದಾಗಿ ತಮ್ಮ ನಂಬಿಕೆಯನ್ನು ಸಾರ್ವಜನಿಕವಾಗಿ ಘೋಷಿಸುವ ಹೊಸ ವಿಶ್ವಾಸಿಗರಿಗೆ ವೈಯುಕ್ತಿಕವಾಗಿ ಬ್ಯಾಪ್ಟಿಸಮ್ ಅನ್ನು ನೀಡಬಹುದು. ಮುಂದಕ್ಕೆ ಹೋದರೆ, ಪೀಡೋಬ್ಯಾಪ್ಟಿಸ್ಟರ ನಂಬಿಕೆಯ ಪ್ರಕಾರ ಇದು ಕಾರ್ಪೊರೇಟ್ ನೆಲೆಯಲ್ಲಿ ನಂಬಿಕೆಯುಳ್ಳ ಕುಟುಂಬಗಳಿಗೂ ವಿಸ್ತರಿಸುತ್ತದೆ ಮತ್ತು ಈ ಕುಟುಂಬಗಳು ಸಾಮಾನ್ಯವಾಗಿ ಮಕ್ಕಳನ್ನು ಒಳಗೊಂಡಿರುವಂತಹದ್ದಾಗಿರುತ್ತದೆ ಇಲ್ಲವೇ ನಂಬಿಕೆಯುಳ್ಳ ಪೋಷಕರ ಮಕ್ಕಳು ಅಥವಾ ಶಿಶುಗಳಿಗೆ ವೈಯುಕ್ತಿಕವಾಗಿ ಅನ್ವಯಿಸುತ್ತದೆ (ನೋಡಿ ಶಿಶುಗಳ ಬ್ಯಾಪ್ಟಿಸಮ್). ಈ ಅರ್ಥದಲ್ಲಿ ನೋಡಿದಾಗ, ಬ್ಯಾಪ್ಟಿಸಮ್ ಎಂಬುದು ಅಬ್ರಹಾಮಿಕ್ ಶುದ್ಧಗೊಳಿಸುವಿಕೆಯ ವಿಧಿಯ ಕಾರ್ಯಾತ್ಮಕ ಬದಲಿಕೆಯೂ, ಅದಕ್ಕೆ ಸ್ಯಾಕ್ರಮೆಂಟಲ್ ಆಗಿ ಸಮಾನ ಸ್ಥಾನಮಾನವನ್ನು ಹೊಂದಿರುವಂಥದೂ ಆಗಿದ್ದು, ಇತರ ಅಂಶಗಳ ಪೈಕಿ ಪಾಪದ ಆಂತರಿಕ ಶುದ್ಧೀಕರಣವನ್ನು ಸಂಕೇತಿಸುತ್ತದೆ.

ಕ್ಯಾಥೊಲಿಕ್ ಬ್ಯಾಪ್ಟಿಸಮ್

ಕ್ಯಾಥೊಲಿಕ್ ಬೋಧನೆಯಲ್ಲಿ, ಬ್ಯಾಪ್ಟಿಸಮ ಅನ್ನು ಮೋಕ್ಷ ಪಡೆಯಲು ಸಾಮಾನ್ಯವಾಗಿ ಅವಶ್ಯಕವೆಂದು ಭಾವಿಸಲಾಗುತ್ತದೆ.^[೧೫೮] ಈ ಬೋಧನೆಯು ಒಂದನೆ ಶತಮಾದ ಕ್ರಿಶ್ಚಿಯನ್ನರ ಬೋಧನೆಗಳು ಮತ್ತು ಆಚರಣೆಗಳಷ್ಟು ಹಿಂದಿನದಾಗಿದೆ, ಮತ್ತು ಹಲ್ಡ್‌ರಿಚ್ ಜ್ವಿಂಗ್‌ಲೈ ಬ್ಯಾಪ್ಟಿಸಮ್ ಅನ್ನು ಕ್ರಿಶ್ಚಿಯನ್ ಸಮುದಾಯಕ್ಕೆ ಪ್ರವೇಶವನ್ನು ನೀಡುವ ಸಂಕೇತವಾಗಿ ಮಾತ್ರ ಪರಿಗಣಿಸುತ್ತ ಬ್ಯಾಪ್ಟಿಸಮ್‌ನ ಅವಶ್ಯಕತೆಯನ್ನು ತಿರಸ್ಕರಿಸುವ ತನಕವೂ ಬ್ಯಾಪ್ಟಿಸಮ್ ಮತ್ತು ಮೋಕ್ಷದ ನಡುವಣ ಸಂಬಂಧವು ಪ್ರಮುಖ ವಿವಾದವೊಂದರ ವಿಷಯವಾಗಿರಲಿಲ್ಲ.^[೧೫] ಕ್ಯಾಥೊಲಿಕ್ ಚರ್ಚಿನ ಕ್ಯಾಟೇಕಿಸಮ್(ಪ್ರಶ್ನೋತ್ತರ ರೂಪದ ಗ್ರಂಥ)ನ ಹೇಳಿಕೆಯ ಪ್ರಕಾರ "ಮೋಕ್ಷ ಪಡೆಯಲು ಬ್ಯಾಪ್ಟಿಸಮ್‌ನ ಅವಶ್ಯಕತೆಯು ಸುವಾರ್ತೆಯನ್ನು ಯಾರಿಗಾಗಿ ಘೋಷಿಸಲಾಗಿದೆಯೋ ಅವರಿಗೆ ಮತ್ತು ಈ ಪವಿತ್ರ ವಿಧಿಯನ್ನು ಹೊಂದಬೆಕೆಂದು ಕೇಳುವ ಸಾಧ್ಯತೆಯಿರುವವರಿಗೆ ಮಾತ್ರ ಉಂಟಾಗುತ್ತದೆ."^[೧೬] ಇದರ ಪ್ರಕಾರ ಬ್ಯಾಪ್ಟಿಸಮ್ ಅನ್ನು ತಿಳುವಳಿಕೆಯಿದ್ದೂ, ಮನಃಪೂರ್ವಕವಾಗಿ, ಪಶ್ಚಾತ್ತಾಪವಿಲ್ಲದೆಯೆ ತಿರಸ್ಕರಿಸುವ ವ್ಯಕ್ತಿಗೆ ಮೊಖ್ಷ ದೊರಕುವ ಯಾವುದೇ ಸಾಧ್ಯತೆಗಳಿಲ್ಲ. ಈ ಬೋಧನೆಯು ಜಾನ್‌ನ ಪ್ರಕಾರ ಸುವಾರ್ತೆಗಳಲ್ಲಿನ ಯೇಸುವಿನ ಮಾತುಗಳನ್ನು ಆಧರಿಸಿದೆ: "ನಿಜವಾಗಿ, ಸತ್ಯವಾಗಿ, ನಾನು ನಿಮಗೆ ಹೇಳುತ್ತೇನೆ, ಆತನು ದೇವರ ರಾಜ್ಯವನ್ನು ಪ್ರವೇಶಿಸಲಾರನು."^[Jn 3:5]

ಕ್ಯಾಥೊಲಿಕರನ್ನು ನೀರಿನ ಮೂಲಕ ಬ್ಯಾಪ್ಟೈಜ್ ಮಾಡಲಾಗುತ್ತದೆ, ಇದು ಮುಳುಗುವಿಕೆ, ಮುಳುಗಿಸುವಿಕೆ ಅಥವಾ ಎರೆಯುವುದರ ಮೂಲಕ, ಪಿತನ, ಸುತನ ಮತ್ತು ಪವಿತ್ರ ಆತ್ಮದ ಹೆಸರಿನಲ್ಲಿ(ಏಕವಚನ) ನಡೆಸಲಾಗುವುದು-ಇಲ್ಲಿ ಮೂವರು ದೇವರುಗಳಿಲ್ಲ, ಬದಲಾಗಿ ಮೂವರು ವ್ಯಕ್ತಿಗಳನ್ನು ಹೊಂದಿದ ಏಕೈಕ ದೇವರು ಇರುವರು. ಒಂದು ಪವಿತ್ರ ಪರಮಸತ್ತ್ವವನ್ನು ಹಂಚಿಕೊಳ್ಳಲಾಗಿದೆಯಾದರೂ, ಪಿತ, ಸುತ ಮತ್ತು ಪವಿತ್ರ ಅತ್ಮಗಳು ಭಿನ್ನವಾಗಿದ್ದು ಒಂದು ಪವಿತ್ರ ಇರುವಿಕೆಯ ಮೂರು "ಮುಖವಾಡ"ಗಳು ಮಾತ್ರವಲ್ಲ. ಚರ್ಚ್ ಮತ್ತು ಕ್ರಿಶ್ಚಿಯನ್ ಒಬ್ಬನ ವೈಯುಕ್ತಿಕ ನಂಬಿಕೆಗಳು ಒಬ್ಬ ದೇವರ ಈ ಮೂರೂ "ವ್ಯಕ್ತಿತ್ವ"ಗಳ ಜತೆಗಿನ ಸಂಬಂಧವನ್ನು ಆಧರಿಸಿವೆ. ವಯಸ್ಕರನ್ನು ರೈಟ್ ಆಫ್ ಕ್ರಿಶ್ಚಿಯನ್ ಇನಿಶಿಯೇಶನ್ ಆಫ್ ಅಡಲ್ಟ್ಸ್ ಮೂಲಕ ಬ್ಯಾಪ್ಟೈಜ್ ಮಾಡಬಹುದು.

ಪೋಪ್ ಸ್ಟೀಫನ್ I, ಸಂತ. ಆಂಬ್ರೋಸ್ ಮತ್ತು ಪೋಪ್ ನಿಕೋಲಸ್ Iರವರು "ಯೇಸು"ವಿನ ಹೆಸರಿನ ಬ್ಯಾಪ್ಟಿಸಮ್‌ಗಳ ಜತೆಗೇ "ಪಿತ,ಸುತ ಮತ್ತು ಪವಿತ್ರಾತ್ಮ"ದ ಹೆಸರಿನ ಬ್ಯಾಪ್ಟಿಸಮ್‌ಗಳು ಮಾತ್ರ ಸಿಂಧುವೆಂದು ಘೋಷಿಸಿದರೆಂದು ಹೇಳಲಾಗುತ್ತದೆ. ಅವರ ಮಾತುಗಳ ಸರಿಯಾದ ಅರ್ಥವಿವರಣೆಯು ವಿವಾದಕ್ಕೀಡಾಗಿದೆ.^[೯೧] ಈಗಿನ ಚರ್ಚ್ ಶಾಸನದ ಪ್ರಕಾರ ಮಾನ್ಯತೆ ಪಡೆಯಲು ತ್ರಿಕೂಟ ಸೂತ್ರ ಮತ್ತು ನೀರು ಅವಶ್ಯಕವಾಗಿವೆ.^[೧೫೮]

ಚರ್ಚ್ ನೀರಿನ ಬ್ಯಾಪ್ಟಿಸಮ್‌ಗೆ ಎರಡು ಸಮಾನವಾದ ಬ್ಯಾಪ್ಟಿಸಮ್‌ಗಳಿಗೆ ಮಾನ್ಯತೆ ನೀಡುತ್ತದೆ: "ರಕ್ತದ ಬ್ಯಾಪ್ಟಿಸಮ್" ಮತ್ತು "ಬಯಕೆಯ ಬ್ಯಾಪ್ಟಿಸಮ್‌". ರಕ್ತದ ಬ್ಯಾಪ್ಟಿಸಮ್ ಎಂಬುದು ತಮ್ಮ ಮತಕ್ಕಾಗಿ ಹುತಾತ್ಮರಾದ ದೀಕ್ಷೆ ಹೊಂದಿಲ್ಲದ ವ್ಯಕ್ತಿಗಳ ಬ್ಯಾಪ್ಟಿಸಮ್ ಅಗಿದೆ ಮತ್ತು ಬಯಕೆಯ ಬ್ಯಾಪ್ಟಿಸಮ್ ಸಾಧಾರಣವಾಗಿ ತಾವು ಸಾಯುವ ಮೊದಲು ದೀಕ್ಷೆ ಪಡೆಯಲು ಸಾಧ್ಯವಾಗದ ಕ್ಯಾಟಕ್ಯೂಮೆನ್‌ಗಳಿಗೆ ಸಲ್ಲುತ್ತದೆ. ಕ್ಯಾಥೊಲಿಕ್ ಚರ್ಚಿನ ಕ್ಯಾಟೆಕಿಸ್‌ಮ್ ಈ ಎರಡೂ ಸ್ವರೂಪಗಳನ್ನು ಈ ಕೆಳಗಿನಂತೆ ವಿವರಿಸುತ್ತದೆ:

ತಮ್ಮ ನಂಬಿಕೆಗಾಗಿ ಬ್ಯಾಪ್ಟಿಸಮ್ ಇಲ್ಲದೆಯೆ ಸಾವನ್ನಪ್ಪಬೇಕಾಗಿ ಬಂದ ಬಂದ ವ್ಯಕ್ತಿಗಳು ಕ್ರಿಸ್ತನಿಗಾಗಿ ತಮ್ಮ ಮರಣದ ಮೂಲಕವಾಗಿಯೇ ಬ್ಯಾಪ್ಟಿಸಮ್‌ ಅನ್ನು ಪಡೆದುಕೊಳ್ಳುವರು. ಈ ರಕ್ತದ ಬ್ಯಾಪ್ಟಿಸಮ್ ಎಂಬುದು, ಬ್ಯಾಪ್ಟಿಸಮ್‌ನ ಬಯಕೆಯ ರೀತಿಯಲ್ಲಿಯೇ ಪವಿತ್ರ ವಿಧಿಗಳ ಅವಶ್ಯಕತೆಯಿಲ್ಲದೆಯೆ ಬ್ಯಾಪ್ಟಿಸಮ್‌ನ ಫಲವನ್ನು ನೀಡುವುದು. (1258)

ತಮ್ಮ ಬ್ಯಾಪ್ಟಿಸಮ್‍ಗೆ ಮೊದಲೇ ಮರಣ ಹೊಂದಿದ ಕ್ಯಾಟಕ್ಯೂಮೆನ್‌ರಿಗೆ ಸಂಬಂಧಿಸಿದಂತೆ, ಬ್ಯಾಪ್ಟಿಸಮ್‌ ಅನ್ನು ಪಡೆಯಲು ಅವರ ಸ್ಪಷ್ಟವಾದ ಇಚ್ಚೆ ಮತ್ತು ಪಾಪಗಳ ಬಗ್ಗೆ ಪಶ್ಚಾತ್ತಾಪ ಹಾಗೂ ದಾನಶೀಲತೆಗಳು ಅವರು ಪವಿತ್ರ ವಿಧಿಯ ಮೂಲಕ ಪಡೆಯಲು ಸಾಧ್ಯವಾಗದ ಮೋಕ್ಷದ ದೊರಕುವಿಕೆಯನ್ನು ದೃಢಪಡಿಸುತ್ತವೆ. (1259)

ಕ್ಯಾಥೊಲಿಕ್ ಚರ್ಚ್ ಪ್ರಮಾಣಿಕ ಹೃದಯದೊಂದಿಗೆ ದೇವರನ್ನು ಅರಸುವ, ಅನುಗ್ರಹದಿಂದ ಪ್ರಭಾವಿತರಾಗಿ ತಮ್ಮ ಆತ್ಮಸಾಕ್ಷಿಗೆ ಅನುಗುಣವಾಗಿ ದೇವರ ಇಚ್ಛೆಯಂತೆ ನಡೆಯಲು ಪ್ರಯತ್ನಿಸುವ ಕ್ರಿಶ್ಚಿಯನ್ನರಲ್ಲದವರು ಕೂಡ ನೀರಿನ ಬ್ಯಾಪ್ಟಿಸಮ್ ಅನ್ನು ಹೊಂದದಿದ್ದರೂ ಅದಕ್ಕಾಗಿ ಹಂಬಲಿಸುವುದರಿಂದ ರಕ್ಷಿಸಲ್ಪಡುವರು.^[೧೫೯] ಬ್ಯಾಪ್ಟಿಸಮ್‌ ಆಗದ ಶಿಶುಗಳ ವಿಧಿಲಿಖಿತದ ಬಗ್ಗೆ ಚರ್ಚ್ ಖಚಿತ ಅಭಿಪ್ರಾಯವನ್ನು ಹೊಂದಿಲ್ಲ; "ಚರ್ಚ್ ಅವರನ್ನು ದೇವರ ಕರುಣೆಗೆ ಒಪ್ಪಿಸಬಹುದು, ಅಷ್ಟೆ"(ಕ್ಯಾಟೇಕಿಸಮ್, 1261).

ಯೆಹೋವನ ಸಾಕ್ಷಿಗಳು

ಬ್ಯಾಪ್ಟಿಸಮ್ ಅನ್ನು ಯೆಹೋವನ ಸಾಕ್ಷಿಗಳು ಕೂಡ ಆಚರಿಸುತ್ತಾರೆ. ಅವರ ನಂಬಿಕೆಯ ಪ್ರಕಾರ ಇದನ್ನು ವ್ಯಕ್ತಿಯೊಬ್ಬರು ಈ ಆಚರಣೆಯ ಮಹತ್ವವನ್ನು ಗ್ರಹಿಸುವ ಸಾಮರ್ಥ್ಯದ ವಯೋಮಾನವನ್ನು ತಲುಪಿದಾಗ ಮಾತ್ರ ಸಂಪೂರ್ಣ ಮುಳುಗುವಿಕೆ(ಮುಳುಗಿಸುವಿಕೆ)ಯ ಮೂಲಕವೇ ನಡೆಸಬೇಕು. ಅವರು ನೀರಿನ ಬ್ಯಾಪ್ಟಿಸಮ್ ಎಂಬುದು ವ್ಯಕ್ತಿಯೊಬ್ಬರು ಯೇಸುವಿನ ಮೂಲಕ ಸಂಪೂರ್ಣವಾಗಿ, ಮುಕ್ತ ಮನಸ್ಸಿನಿಂದ ಮತ್ತು ನಿರ್ಬಂಧಗಳಿಲ್ಲದೆ ಯೆಹೋವ ದೇವರ ಇಚ್ಚೆಯಂತೆ ನಡೆಯುವುದಾಗಿ ಮಾಡಿದ ಸಮರ್ಪಣೆಯ ಬಾಹ್ಯ ಸಂಕೇತವಾಗಿದೆ; ಪುರುಷರು ಮತ್ತು ಮಹಿಳೆಯರಲ್ಲಿ, ಬ್ಯಾಪ್ಟಿಸಮ್ ಪಾದ್ರಿವರ್ಗಕ್ಕೆ ದೀಕ್ಷೆಪಡೆಯುವುದನ್ನೂ ಒಳಗೊಂಡಿದೆ.^[೧೬೦]

ಅಭ್ಯರ್ಥಿಯು ಬ್ಯಾಪ್ಟಿಸಮ್‌ನ ಸಮಾರಂಭಕ್ಕೆ ಕೆಲಕಾಲದ ಮೊದಲು ಬ್ಯಾಪ್ಟಿಸಮ್ ಅನ್ನು ವಿನಂತಿಸಬೇಕು, ಅಕೆಂದರೆ ಇದಕ್ಕೆ ಅರ್ಹತೆ ಪಡೆಯಲು ತಯಾರಾಗಲು ಸಮಯದ ಅವಶ್ಯಕತೆಯಿರುತ್ತದೆ.^[೧೬೧] ಹಿರಿಯರ ಪ್ರಾರ್ಥನಾ ಸಭೆಯು ಅಭ್ಯರ್ಥಿಯ ಬ್ಯಾಪ್ಟಿಸಮ್ ಅನ್ನು ಅತನು ಯೆಹೋವನ ಸಾಕ್ಷಿಗಳಿಗೆ ಸಂಬಂಧಿಸಿದ ಕ್ರಿಶ್ಚಿಯನ್ನರಿಂದ ಏನನ್ನು ಅಪೇಕ್ಷಿಸಲಾಗುತ್ತದೆ ಎಂದು ಅರ್ಥಮಾಡಿಕೊಂಡಾಗ ಮತ್ತು ಆತನು ಧರ್ಮದ ಬಗ್ಗೆ ಪ್ರಾಮಾಣಿಕವಾದ ಸಮರ್ಪಣಾಭಾವವನ್ನು ವ್ಯಕ್ತಪಡಿಸಿದ ನಂತರವೇ ಅನುಮೋದಿಸುವುದು ಸಾಧ್ಯವಾಗುತ್ತದೆ.^[೧೬೨] ನಿಜವಾದ ಬ್ಯಾಪ್ಟಿಸಮ್‌ಗೆ ಮುನ್ನ, ಬ್ಯಾಪ್ಟಿಸಮ್-ಪೂರ್ವ ಮಾತುಕತೆಯ ಕೊನೆಯಲ್ಲಿ, ಅಭ್ಯರ್ಥಿಯು ಈ ಕೆಳಗಿನ ಅಂಶಗಳನ್ನು ದೃಢೀಕರಿಸಬೇಕು^[೧೬೩]:

1. ಯೇಸುಕ್ರಿಸ್ತನ ತ್ಯಾಗವನ್ನು ಆಧರಿಸಿ, ನೀನು ನಿನ್ನ ಪಾಪಗಳಿಗೆ ಪ್ರಾಯಶ್ಚಿತ್ತವನ್ನು ಮಾಡಿ ನಿನ್ನನ್ನು ಯೆಹೋವನ ಇಚ್ಚೆಯಂತೆ ನಡೆಯಲು ಸಮರ್ಪಿಸಿಕೊಂಡಿರುವಿಯಾ?
2. ನಿನ್ನ ಸಮರ್ಪಣೆ ಮತ್ತು ಬ್ಯಾಪ್ಟಿಸಮ್ ಮೂಲ್ಕ ನೀನು ಯೇಹೋವನ ಸಾಕ್ಷಿಗಳಲ್ಲೊಬ್ಬನಾಗಿ ಗುರುತಿಸಲ್ಪಡುವೆ ಹಾಗೂ ದೇವರ ಆತ್ಮದಿಂದ-ನಿರ್ದೇಶಿಸಲ್ಪಟ್ಟ ಸಂಸ್ಥೆಯೊಂದಿಗೆ ಸಂಬಂಧ ಹೊಂದುವೆ ಎಂದು ನಿನಗೆ ಅರಿವಿದೆಯೆ?

ಆಚರಣೆಯಲ್ಲಿ, ಯೆಹೋವನ ಸಾಕ್ಷಿಗಳ ಹೆಚ್ಚಿನ ಬ್ಯಾಪ್ಟಿಸಮ್‌ಗಳನ್ನು ನಿಗದಿಪಡಿಸಲಾದ ಸಭೆಗಳು ಹಾಗೂ ಹಿರಿಯರು ಮತ್ತು ಮಂತ್ರಿಪದದ ಸೇವಕರ ಅಧಿವೇಶನಗಳ ಸಂದರ್ಭಗಳಲ್ಲಿ ನಡೆಸಲಾಗುತ್ತದೆ, ಆದರೆ ಬ್ಯಾಪ್ಟಿಸಮ್ ನಡೆಸುವವರಿಗಿರಬೇಕಾದ ಏಕೈಕ ಅರ್ಹತೆಯೆಂದರೆ ಅವರು ಒಬ್ಬ ಬ್ಯಾಪ್ಟೈಜ್ ಆದ ಪುರುಷನಾಗಿರಬೇಕು ಎಂಬುದು.^{[೧೬೪][೧೬೫]} ಅಭ್ಯರ್ಥಿಯು ದೈಹಿಕ ನ್ಯೂನತೆಯನ್ನು ಹೊಂದಿರದಿದ್ದಲ್ಲಿ, ಅಥವ ಇನ್ನಾವುದೆ ರೀತಿಯ ವಿಶೇಷ ಪರಿಸ್ಥಿತಿಯು ಇಲ್ಲವೆಂದಾದಲ್ಲಿ, ಅಂತಹ ಅಭ್ಯರ್ಥಿಯನ್ನು ಒಬ್ಬ ಬ್ಯಾಪ್ಟೈಸರ್ ಮಾತ್ರ ಮುಳುಗಿಸಬಹುದು.^[೧೬೬] ಬ್ಯಾಪ್ಟಿಸಮ್‌ಗಳನ್ನು ಅಪರೂಪವಾಗಿ ಸ್ಥಳೀಯ ಕಿಂಗ್‌ಡಮ್ ಹಾಲ್ಗಳಲ್ಲಿ ನಡೆಸಲಾಗುವುದು,^[೧೪೬] ಅದರೆ ಪ್ರೇಕ್ಷಕರಿಲ್ಲದ ಸಣ್ಣ ಪ್ರಾರ್ಥನೆಗಳೂ ಕೂಡ ಧರ್ಮಶಸ್ತ್ರಾನುಸಾರ ಸಮ್ಮತವಾಗಿವೆ.^[೧೬೭] ಏಕಾಂತದ ಅವಧಿಯ ವಿಸ್ತರಣೆ, ಅರ್ಹ ಅಭ್ಯರ್ಥಿಯ ಪ್ರಾರ್ಥನಾಪೂರ್ವಕ ಸಮರ್ಪಣೆ ಮತ್ತು ಆದಷ್ಟು ಬೇಗನೆ ಬ್ಯಾಪ್ಟೈಜ್ ಆಗಲು ಇಚ್ಚೆಯ ಬಹಿರಂಗ ಘೋಷಣೆಗಳು ಒಬ್ಬ ಅಭ್ಯರ್ಥಿಯನ್ನು ಸಮರ್ಪಣಾಭಾವದ ಕ್ರಿಶ್ಚಿಯನ್ ಎಂದು ಮುಳುಗಿಸುವಿಕೆಯನ್ನು ಮುಂದೂಡಲಾದರೂ ಕೂಡ ಪರಿಗಣಿಸಲು ಕಾರಣವಾಗುತ್ತವೆ.^[೧೬೮] ಅಪರೂಪದ ಸಂದರ್ಭಗಳಲ್ಲಿ, ಬಹಿರಂಗ ಸಮರ್ಪಣೆಯನ್ನು ಮಾಡಿದ ವ್ಯಕ್ತಿಯೊಬ್ಬ ಇನ್ನೊಬ್ಬ ವ್ಯಕ್ತಿಯ ಬ್ಯಾಪ್ಟಿಸಮ್ ಅನ್ನು ನಡೆಸಿ ಆ ವ್ಯಕ್ತಿಯು ಕೂಡಲೆ ಆ ಕ್ರಿಯೆಯನ್ನು ಪುನರಾವರ್ತಿಸಿದಲ್ಲಿ; ಸಾಕ್ಷಿಗಳು ಈ ಎರಡೂ ಬ್ಯಾಪ್ಟಿಸಮ್‌ಗಳನ್ನೂ ಮಾನ್ಯ ಮಾಡುತ್ತಾರೆ.^[೧೬೯] 1930ರ ಮತ್ತು 1940ರ ದಶಕಗಳಲ್ಲಿ ಮಹಿಳಾ ಮಂತ್ರಿಗಳ ಮೂಲಕ, ಉದಾಹರಣೆಗೆ ಕಾನ್ಸಂಟ್ರೇಶನ್ ಕ್ಯಾಂಪ್‌ಗಳಲ್ಲಿ ಬ್ಯಾಪ್ಟೈಜ್ ಆಗಿದ್ದ ಸಾಕ್ಷಿಗಳನ್ನು, ಮತ್ತೆ ಬ್ಯಾಪ್ಟೈಜ್ ಮಾಡಲಾಯಿತಾದರೂ ಅವರ ಮೊದಲ "ಬ್ಯಾಪ್ಟಿಸಮ್‌ನ ದಿನಾಂಕ"ಗಳನ್ನೇ ಉಳಿಸಿಕೊಳ್ಳಲಾಯಿತು.^[೧೪೬]

ಮೋರ್ಮೊನಿಸಮ್

ಮೋರ್ಮೊನಿಸಮ್ನಲ್ಲಿ, ಬ್ಯಾಪ್ಟಿಸಮ್‌ನಲ್ಲಿ ಪಾಲ್ಗೊಳ್ಳುವ ವ್ಯಕ್ತಿಯ ಪಾಪಗಳನ್ನು ತೊಳೆಯುವುದು ಅದರ ಮುಖ್ಯ ಉದ್ದೇಶವಾಗಿದೆ. ಇದರ ನಂತರ ಸ್ಥಿರೀಕರಣ ಎಂಬ ಹೆಜ್ಜೆಯ ಮೂಲಕ ಆ ವ್ಯಕ್ತಿಯನ್ನು ಚರ್ಚಿಗೆ ಸೇರ್ಪಡಿಸಲಾಗುವುದು ಮತ್ತು ಇದು ಪವಿತ್ರಾತ್ಮದೊಂದಿಗಿನ ಬ್ಯಾಪ್ಟಿಸಮ್ ಅನ್ನು ಅಂಗಭೂತವಾಗಿ ಹೊಂದಿರುತ್ತದೆ. ಲೇಟರ್-ಡೇ ಸೆಯಿಂಟರು ಬ್ಯಾಪ್ಟಿಸಮ್ ಅನ್ನು ಸಂಪೂರ್ಣ ಮುಳುಗುವಿಕೆಯ ಮೂಲಕ ನಡೆಸಬೇಕೆಂದೂ, ಇದು ವಿಧ್ಯುಕ್ತವಾದ ಅಧ್ಯಾದೇಶಗಳ ಮೂಲಕ ಆಗಬೇಕೆಂದೂ ನಂಬುತ್ತಾರೆ : ಅಭ್ಯರ್ಥಿಯ ದೇಹದ ಯಾವುದೇ ಭಾಗವು ಸಂಪೂರ್ಣವಾಗಿ ಮುಳುಗದಿದ್ದಲ್ಲಿ, ಅಥವಾ ಅಧ್ಯಾದೇಶವನ್ನು ಅಕ್ಷರಶಃ ಓದದೇ ಹೋದಲ್ಲಿ, ಇಡೀ ವಿಧಿಯನ್ನು ಪುನರಾವರ್ತಿಸಬೇಕಾಗುವುದು.^[೧೭೦]ಇದು ಸಾಮಾನ್ಯವಾಗಿ ಒಂದು ಜ್ಞಾನಸ್ನಾನದ ತೊಟ್ಟಿಯಲ್ಲಿ ನಡೆಯುತ್ತದೆ. ಇದರ ಜತೆಗೇ, ಲೇಟರ್-ಡೇ ಸೆಯಿಂಟರ ನಂಬಿಕೆಯ ಪ್ರಕಾರ ಒಬ್ಬ ಲೇಟರ್-ಡೇ ಸೆಯಿಂಟ್ ಪಾದ್ರಿ ಅಥವಾ ಹಿರಿಯರು ಬ್ಯಾಪ್ಟಿಸಮ್ ಅನ್ನು ನಡೆಸಿದರೆ ಮಾತ್ರ ಅದು ಸಿಂಧುವಾಗುತ್ತದೆ.^[೧೭೧] ಅಧಿಕಾರವನ್ನು ಏಸುದೂತರ ಉತ್ತರಾಧಿಕಾರತ್ವದ ಸ್ವರೂಪವೊಂದರ ಮೂಲಕ ಕೆಳಗೆ ದಾಟಿಸಲಾಗುವುದು. ಹೊಸದಾಗಿ ಮತಾಂತರಗೊಂಡ ಎಲ್ಲಾ ನೂತನ ವಿಶ್ವಾಸಿಗಳನ್ನು ಬ್ಯಾಪ್ಟೈಜ್ ಅಥವಾ ಮರು-ಬ್ಯಾಪ್ಟೈಜ್ ಮಾಡುವುದು ಅವಶ್ಯಕ. ಬ್ಯಾಪ್ಟಿಸಮ್ ಅನ್ನು ಯೇಸುವಿನ ಸಾವು, ಸಮಾಧಿ ಮತ್ತು ಪುನರುತ್ಟಾನಗಳೆರಡರ ಸಂಕೇತವಾಗಿ ಕಾಣಲಾಗುತ್ತದೆ^[೧೭೨] ಮತ್ತು ಬ್ಯಾಪ್ಟಿಸಮ್ ಅನ್ನು ಹೊಂದಿದ ವ್ಯಕ್ತಿಯು ತಮ್ಮ ’ಸ್ವಾಭಾವಿಕ’ ಸ್ವರೂಪವನ್ನು ತ್ಯಜಿಸಿ ಯೇಸುವಿನ ಶಿಷ್ಯನಾಗಿ ಹೊಸ ವ್ಯಕ್ತಿತ್ವವನ್ನು ಪಡೆಯುವುದರ ಸಂಕೇತವೂ ಆಗಿದೆ.

ಲೇಟರ್-ಡೇ ಸೆಯಿಂಟ್ ಧರ್ಮಸಿದ್ಧಾಂತದ ಪ್ರಕಾರ, ನಂಬಿಕೆ ಮತ್ತು ಪಶ್ಚಾತ್ತಾಪಗಳು ಬ್ಯಾಪ್ಟಿಸಮ್‌ಗೆ ಅವಶ್ಯಕವಾದವು. ಈ ಸಂಸ್ಕಾರವು ಅಭ್ಯರ್ಥಿಯನ್ನು ಮೂಲ ಪಾಪಗಳಿಂದ ಮುಕ್ತನನ್ನಾಗಿಸುವುದಿಲ್ಲ, ಏಕೆಂದರೆ ಲೇಟರ್-ಡೇ ಸೆಯಿಂಟರು ಮೂಲಪಾಪದ ತತ್ವವನ್ನು ನಂಬುವುದಿಲ್ಲ. ಬ್ಯಾಪ್ಟಿಸಮ್ ಅನ್ನು "ಹೊಣೆಗಾರಿಕೆಯ ವಯಸ್ಸಿನ" ನಂತರ ಮಾತ್ರ ನೀಡಲಾಗುವುದು ಮತ್ತು ಈ ವಯಸ್ಸನ್ನು ಲೇಟರ್-ಡೇ ಸೆಯಿಂಟರ ಗ್ರಂಥಗಳಲ್ಲಿ ಎಂಟು ವರ್ಷ ವಯಸ್ಸೆಂದು ತಿಳಿಸಲಾಗಿದೆ.^[೧೭೩] ಮೋರ್ಮೊನಿಸಮ್ ಶೈಶವಾವಸ್ಥೆಯ ಬ್ಯಾಪ್ಟಿಸಮ್ ಅನ್ನು ತಿರಸ್ಕರಿಸುತ್ತದೆ.^[೧೭೪] ಲೇಟರ್-ಡೇ ಸೆಯಿಂಟರ ಧರ್ಮಶಾಸ್ತ್ರವು ಬದುಕಿರುವವರು ತಮ್ಮ ಮರಣಹೊಂದಿರುವ ಪೂರ್ವೀಕರನ್ನು ಪ್ರಾತಿನಿಧಿಕವಾಗಿ ಬ್ಯಾಪ್ಟೈಜ್ ಮಾಡುವ ಮರಣ ಹೊಂದಿದವರ ಬ್ಯಾಪ್ಟಿಸಮ್ ಅನ್ನು ಕೂಡ ವಿರೋಧಿಸುತ್ತದೆ, ಮತ್ತು ಪಾಲ್ 1 Corinthians 15:29ನಲ್ಲಿ ಬರೆದದ್ದು ಅವರ ಆಚರಣೆಗಳ ಕುರಿತಾಗಿಯೇ ಎಂದು ನಂಬುತ್ತಾರೆ. ಇದು ಸಾಮಾನ್ಯವಾಗಿ ಲೇಟರ್-ಡೇ ಸೆಯಿಂಟ್ ದೇವಾಲಯಗಳಲ್ಲಿ ನಡೆಯುತ್ತದೆ.^[೧೭೫]

ಕ್ವೇಕರ್‌ಗಳು ಮತ್ತು ಬ್ಯಾಪ್ಟಿಸಮ್

ಕ್ವೇಕರ್ಸ್ (ರಿಲಿಜಿಯಸ್ ಸೊಸೈಟಿ ಆಫ್ ಫ್ರೆಂಡ್ಸ್ನ ಸದಸ್ಯರು) ನೀರಿನಿಂದ ವಯಸ್ಕರು ಮತ್ತು ಮಕ್ಕಳ ಬ್ಯಾಪ್ಟಿಸಮ್ ಅನ್ನು ನಂಬುವುದಿಲ್ಲ, ಮತ್ತು ತಮ್ಮ ಧಾರ್ಮಿಕ ಜೀವನದಲ್ಲಿ ಎಲ್ಲ ರೀತಿಯ ಬಾಹ್ಯ ಪವಿತ್ರ ವಿಧಿಗಳನ್ನು ತಿರಸ್ಕರಿಸುತ್ತಾರೆ. ರಾಬರ್ಟ್ ಬಾರ್‌ಕ್ಲೇಯ ಅಪಾಲಜಿ ಫಾರ್ ದ ಟ್ರೂ ಕ್ರಿಶ್ಚಿಯನ್ ಡಿವಿನಿಟಿ (17ನೇ ಶತಮಾನದಿಂದ ಬಂದಿರುವ ಕ್ವೇಕರ್ ಧರ್ಮಶಾಸ್ತ್ರದ ಐತಿಹಾಸಿಕ ವಿವರಣೆ), ನೀರಿನ ಮೂಲಕ ಬ್ಯಾಪ್ಟಿಸಮ್‌ಗೆ ಕ್ವೇಕರ್‌ಗಳ ವಿರೋಧವನ್ನು ಈ ರೀತಿಯಾಗಿ ವಿವರಿಸಿದ್ದಾರೆ:

"I indeed baptize you with water unto repentance; but he that cometh after me is mightier than I, whose shoes I am not worthy to bear; he shall baptize you with the Holy Ghost and with fire".^[Mt 3:11] Here John mentions two manners of baptizings and two different baptisms, the one with water, and the other with the Spirit, the one whereof he was the minister of, the other whereof Christ was the minister of: and such as were baptized with the first were not therefore baptized with the second: "I indeed baptize you, but he shall baptize you." Though in the present time they were baptized with the baptism of water, yet they were not as yet, but were to be, baptized with the baptism of Christ.

— Robert Barclay, 1678

^[೧೭೬]

ಬಾರ್‌ಕ್ಲೇಯವರ ವಾದದ ಪ್ರಕಾರ, ಕ್ರಿಸ್ತನ ಸಮಯದವರೆಗೂ ನೀರನ್ನು ಬಳಸಿ ಬ್ಯಾಪ್ಟಿಸಮ್ ಅನ್ನು ನಡೆಸಲಾಗುತ್ತಿತ್ತೆಂದೂ, ಆದರೆ ಈಗ ಜನರು ಕ್ರಿಸ್ತನ ಆತ್ಮದ ಮೂಲಕ ಆಂತರಿಕವಾಗಿ ಬ್ಯಾಪ್ಟೈಸ್ ಆಗುತ್ತಿರುವರಾದ್ದರಿಂದ ಬಾಹ್ಯರೂಪದ ಜಲದೀಕ್ಷೆಯ ಪವಿತ್ರವಿಧಿಯು ಕ್ವೇಕರ್‌ಗಳ ಪ್ರಕಾರ ಅರ್ಥಹೀನವಾಗಿದ್ದು, ಅದರ ಅವಶ್ಯಕತೆಯಿಲ್ಲವಾಗಿದೆ.

ಸಾಲ್ವೇಶನ್ ಆರ್ಮಿ ಮತ್ತು ಬ್ಯಾಪ್ಟಿಸಮ್

ಸಾಲ್ವೇಶನ್ ಆರ್ಮಿಯು ನೀರಿನ ಬ್ಯಾಪ್ಟಿಸಮ್ ಅನ್ನು ಅಥವಾ ಬಾಹ್ಯ ಪವಿತ್ರವಿಧಿಗಳನ್ನು ಆಚರಿಸುವುದಿಲ್ಲ. ಸಾಲ್ವೇಶನ್ ಆರ್ಮಿಯ ಸ್ಥಾಪಕರಾದ ವಿಲಿಯಮ್ ಬೂಥ್ ಮತ್ತು ಕ್ಯಾಥರೀನ್ ಬೂಥ್ರ ಪ್ರಕಾರ ಹೆಚ್ಚಿನ ಕ್ರಿಶ್ಚಿಯನ್ನರು ನಿಜವಾದ ಅನುಗ್ರಹಕ್ಕೆ ಬದಲಾಗಿ ಆಧ್ಯಾತ್ಮಿಕ ಅನುಗ್ರಹದ ಬಾಹ್ಯ ಚಿಹ್ನೆಗಳ ಮೇಲೇ ಹೆಚ್ಚು ಅವಲಂಬಿಸತೊಡಗಿದ್ದರು, ಆದರೆ ಇವರು ನಂಬಿಕೆಯು ಆಧ್ಯಾತ್ಮಿಕ ಅನುಗ್ರಹಕ್ಕಿಂತ ಎಷ್ಟೋ ಹೆಚ್ಚು ಮಿಗಿಲಾದುದಾಗಿತ್ತು. ಅದರೆ, ಸಾಲ್ವೇಶನ್ ಆರ್ಮಿಯು ಬ್ಯಾಪ್ಟಿಸಮ್ ಅನ್ನು ಆಚರಿಸುವುದಿಲ್ಲವಾದರೂ, ಇತರ ಕ್ರಿಶ್ಚಿಯನ್ ಪಂಗಡಗಳಲ್ಲಿನ ಬ್ಯಪ್ಟಿಸಮ್ ಬಗ್ಗೆ ಯಾವ ಆಕ್ಷೇಪವನ್ನೂ ಹೊಂದಿಲ್ಲ.^[೧೭೭]

ಹೈಪರ್‌ಡಿಸ್‌ಪೆನ್ಸೇಶನಲಿಸಮ್

ಕೆಲವು ಕ್ರಿಶ್ಚಿಯನ್ನರು ದೈವನಿಯಾಮಕತೆಯನ್ನು ಎಷ್ಟು ಅತಿರೇಕಕ್ಕೊಯುವರೆಂದರೆ, ಅವರು ಇಂದಿನ ಚರ್ಚಿಗೆ ಪಾಲ್‌ನ ಓಲೆಗಳು ಮಾತ್ರ ಅನ್ವಯಿಸುತ್ತವೆ ಎಂದು ಒಪ್ಪಿಕೊಳ್ಳುತ್ತಾರೆ.^{[neutrality is disputed]} ಹೀಗಾಗಿ, ಅವರು ಬ್ಯಾಪ್ಟಿಸಮ್ ಅನ್ನಾಗಲೀ, ಪ್ರಭುವಿನ ಕೊನೆಯ ರಾತ್ರಿಭೋಜನವನ್ನಾಗಲೀ, ಅವು ಪ್ರಿಸನ್ ಎಪಿಸ್‍ಲ್‌(ಸೆರೆಮನೆಯ ಓಲೆ)ಗಳಲ್ಲಿ ಕಾಣಬರುವುದಿಲ್ಲವೆಂಬ ಕಾರಣದಿಂದಾಗಿ ಒಪ್ಪಿಕೊಳ್ಳುವುದಿಲ್ಲ. ಜತೆಗೇ ಅವರ ಬೋಧನೆಯ ಪ್ರಕಾರ ಪೇತ್ರನ ಸುವಾರ್ತಾ ಸಂದೇಶವು ಪಾಲ್‌ನದ್ದಕ್ಕಿಂತ ಭಿನ್ನವಾಗಿದೆ.^[೧೭೮] ಹೈಪರ್‌ಡಿಸ್‌ಪೆನ್ಸೇಶನಲಿಸ್ಟ್ಗಳ ವಾದದ ಪ್ರಕಾರ:

• ಮಹಾ ನಿಯೋಜನೆ^{[Matthew 28:18-20]} ಮತ್ತು ಅದರ ಬ್ಯಾಪ್ಟಿಸಮ್ ಆರಂಭದ ಯಹೂದಿ ವಿಶ್ವಾಸಿಗಳನ್ನು ನೇರವಾಗಿ ಉದ್ದೇಶಿಸಿದುದಾಗಿತ್ತೇ ಹೊರತು ನಂತರದ ಅಧ್ಯಾಯಗಳ ನಡುವಿನ ಯಹೂದ್ಯರಲ್ಲದ ವಿಶ್ವಾಸಿಗಳನ್ನುದ್ದೇಶಿಸಿದ್ದಲ್ಲ.
• Acts 2:36-38ನ ಬ್ಯಾಪ್ಟಿಸಮ್ ನಿಜವಾಗಿ ಉದ್ಧಾರಕನ ಸಾವಿನಲ್ಲಿ ಸಹಭಾಗಿಗಳಾದುದಕ್ಕೆ ಪಶ್ಚಾತ್ತಾಪ ಪಡುವ ಸಲುವಾಗಿ ಇಸ್ರೇಲಿಗೆ ಪೇತ್ರನು ನೀಡಿದ ಕರೆಯಾಗಿತ್ತೇ ವಿನಾ ಸುವಾರ್ತೆಯ ಘೋಷಣೆಯಂತೆ ಪಾಪಗಳ ಪ್ರಾಯಶಿತ್ತಕ್ಕಾಗಿ ಅಲ್ಲ ಎಂದು ಪಾಲ್ ಬಹಿರಂಗಪಡಿಸಿದ ನಂತರದ ಬೋಧನೆಗಳು ಹೇಳುತ್ತವೆ.

ಈ ದೃಷ್ಟಿಕೋನದ ಪ್ರಕಾರ, ಬುಕ್ ಆಫ್ ಆಕ್ಟ್ಸ್‌ನ ಆರಂಭದಲ್ಲಿ ಕಂಡುಬರುವ ನೀರಿನ ಬ್ಯಾಪ್ಟಿಸಮ್ ಎಂಬುದು, ಜಾನ್‌ ದ ಬ್ಯಾಪ್ಟಿಸ್ಟನ ಭವಿಷ್ಯವಾಣಿಯಲ್ಲಿ ತಿಳಿಸಲಾದಂತೆ, ಒಂದು ಬ್ಯಾಪ್ಟಿಸಮ್^{[1 Cor 12:13]}ನಿಂದ ಆಕ್ರಮಿಸಿಕೊಂಡದ್ದಾಗಿದ್ದಿತು.^[೧೭೯] "ಪವಿತ್ರ ಆತ್ಮದ ಬ್ಯಾಪ್ಟಿಸಮ್" ಮಾತ್ರ ಇಂದಿನ ಏಕೈಕ ಬ್ಯಾಪ್ಟಿಸಮ್ ಎಂದು ಇಲ್ಲಿ ವಾದಿಸಲಾಗುತ್ತದೆ.^{[Ac 11:15-16]} ಆದರೆ, ಈ "ಆತ್ಮ"ದ ಬ್ಯಾಪ್ಟಿಸಮ್ ಎಂಬುದು ಅಸಾಧ್ಯವೆಂದು ತೋರುತ್ತದೆ, ಏಕೆಂದರೆ, ನಪುಂಸಕನ ಬ್ಯಾಪ್ಟಿಸಮ್^[Ac 8:36] ಮತ್ತು ಕಾರ್ನೇಲಿಅಯ್ಸ್‌ನ ಕುಟುಂಬವರ್ಗದವರ ಬ್ಯಾಪ್ಟಿಸಮ್‌ಗಳು^[10:47-48] ಸ್ಪಷ್ಟವಾಗಿ ನೀರಿನಲ್ಲಿಯೇ ನಡೆದವು. ಹೆಚ್ಚಿನ ಸಾಕ್ಷ್ಯಾಧಾರಗಳು ಪ್ರಪಂಚದ ಕೊನೆಯತನಕ ಉಳಿಯಬೇಕಾಗಿದ್ದ ಮಾನವ-ಆಯೋಜಿತ ಮಹಾನಿಯೋಗದೆಡೆ ಬೆರಳು ತೋರುತ್ತವೆ.^{[Mt 28:19-20]} ಆದ್ದರಿಂದ, ಎಫೇಸಿಯನ್ನರ ಬ್ಯಾಪ್ಟಿಸಮ್ ಸಂದರ್ಭೋಚಿತವಾಗಿ ನೀರಿನ ಬ್ಯಾಪ್ಟಿಸಮ್ ಆಗಿದ್ದಿತು.^[೧೮೦] ಇದರಂತೆಯೇ, ಇಡೀ ಬುಕ್ ಆಫ್ ಆಕ್ಟ್‌ಸ್‌ನಲ್ಲಿ ಪವಿತ್ರಾತ್ಮದ ಬ್ಯಾಪ್ಟಿಸಮ್ ಅನ್ನು ಕೇವಲ ಎರಡು ಬಾರಿ ಆಯ್ಕೆಮಾಡಲಾದ ವ್ಯಕ್ತಿಗಳಿಗೆ ಮಾತ್ರ ನಡೆಸಿದ್ದು ದಾಖಲಾಗಿದೆ.^{[Ac 2:1-4] [10:44-46]} ಕೊನೆಯಲ್ಲಿ, ವಾದದ ಪ್ರಕಾರ ಕೇವಲ ಯೇಸುವಿಗೆ ಮಾತ್ರ ಪವಿತ್ರ ಆತ್ಮ ಮತ್ತು ಅಗ್ನಿಯೊಂದಿಗೆ ಬ್ಯಾಪ್ಟೈಜ್ ಮಾಡುವ ಸಾಮರ್ಥ್ಯವಿದ್ದಿತೆಂದು ಹೇಳಲಾಗಿ ಯಾವುದೇ ಮಾನವನು ಎಂದಾದರೂ ಅದನ್ನು ನಡೆಸಿರುವ ಸಾಧ್ಯತೆಯನ್ನು ವರ್ಜಿಸಲಾಗುತ್ತದೆ.^{[Mt 3:11] [Lk 3:16]}

ಎಲ್ಲರನ್ನೂ ಉದ್ದೇಶಿಸಿ ಜಾನ್ ಉತ್ತರಿಸಿದನು, "ನಾನು ನಿಜವಾಗಿ ನಿಮಗೆ ನೀರಿನ ಮೂಲಕ ದೀಕ್ಷೆ ನೀಡುತ್ತೇನೆ; ಆದರೆ ನನಗಿಂತ ಬಲಶಾಲಿಯಾದವನೊಬ್ಬ ಬರಲಿದ್ದಾನೆ, ಆತನ ಕಾಲಿನ ಚಪ್ಪಲಿಯ ಪಟ್ಟಿಯನ್ನು ಸಡಿಲಿಸಲೂ ನನಗೆ ಯೋಗ್ಯತೆಯಿಲ್ಲ. ಆತನು ನಿಮಗೆ ಪವಿತ್ರ ಆತ್ಮ ಮತ್ತು ಅಗ್ನಿಯ ದೀಕ್ಷಾಸ್ನಾನವನ್ನು ಮಾಡಿಸುವನು"^[Lk 3:16].

ಈ ಗುಂಪಿನ ಹಲವಾರು ಜನರು ಜಾನ್‌ನ ವಾಗ್ದಾನದಂತೆ ನಡೆಯಬೇಕಾಗಿದ್ದ ಅಗ್ನಿಯ ಬ್ಯಾಪ್ಟಿಸಮ್ ಇನ್ನೂ ಬಾಕಿಯಿದೆಯೆಂದು ವಾದಿಸುತ್ತಾರೆ, ಮತ್ತು ಇದು ಪ್ರಪಂಚವು ಅಗ್ನಿಯಲ್ಲಿ ನಾಶವಾಗುವುದರ ಕುರಿತ ಉಲ್ಲೇಖವಾಗಿದೆ.^[೧೮೧]

ಜಾನನು, ತಾನೆ ಹೇಳಿದಂತೆ "ನೀರಿನಿಂದ ಬ್ಯಾಪ್ಟೈಜ್ ಮಾಡುತ್ತಿದ್ದರು", ಮತ್ತು ಇದರಂತೆಯೇ ಯೇಸುವಿನ ಇತರ ಶಿಷ್ಯಂದಿರೂ ಸಹ ಆರಂಭದ ಯಹೂದಿ ಕ್ರಿಶ್ಚಿಯನ್ ಚರ್ಚಿಗೆ ನಡೆದುಕೊಂಡರು. ಯೇಸುವು ತಾನಾಗಿ ಎಂದೂ ನೀರನ್ನು ಬಳಸಿ ಬ್ಯಾಪ್ಟೈಜ್ ಮಾಡಲಿಲ್ಲ ಅಥವಾ ಇದಕ್ಕಾಗಿ ತನ್ನ ಶಿಷ್ಯಂದಿರನ್ನು ಬಳಸಿಕೊಳ್ಳಲಿಲ್ಲ.^[Jn 4:1-2] ಯೇಸುವಿನ ಮೊದಲನೆಯ ದೂತರಂತಲ್ಲದೆ, ಯಹೂದ್ಯರಲ್ಲದವರಿಗೆ ಯೇಸುವಿನ ಮೊದಲ ದೂತನಾಗಿದ್ದ ಪಾಲ್‌‍ನನ್ನು ಬ್ಯಾಪ್ಟೈಜ್ ಮಾಡುವುದಕ್ಕಿಂತ ಹೆಚ್ಚಾಗಿ ಬೋಧನೆಯನ್ನು ಮಾಡಲು ಕಳುಹಿಸಲಾಯಿತು^{[1 Co 1:17]} ಆದರೆ ಅವರು ಆಗಾಗ ಬ್ಯಾಪ್ಟಿಸಮ್ ಅನ್ನು ಕೂಡ ಮಾಡಿದರು, ಉದಾಹರಣೆಗೆ, ಕಾರಿಂಥ್^[1:14-16] ಮತ್ತು ಫಿಲಿಪಿ,^[Ac 16:13] ಮತ್ತು ಅದು ಉಳಿದ ದೂತರ ರೀತಿಯೇ ಆಗಿದ್ದಿತು. .^{cf.[Mt 28:19]} ಇದಲ್ಲದೇ ಆತನು ಬ್ಯಾಪ್ಟಿಸಮ್‌ನಲ್ಲಿ ಸಂಪೂರ್ಣವಾಗಿ ಮುಳುಗುವುದರ ಆಧ್ಯಾತ್ಮಿಕ ಮಹತ್ವವನ್ನು ಮತ್ತು ಹೇಗೆ ವ್ಯಕ್ತಿಯೊಬ್ಬರು ಕ್ರಿಸ್ತನ ಪ್ರಾಯಶ್ಚಿತ್ತದ ಸಾವನ್ನು ಸಂಪರ್ಕಿಸಲು ಸಾಧ್ಯ ಎಂಬುದರ ಬಗ್ಗೆ ಬೋಧನೆಯನ್ನು ಮಾಡುತ್ತಿದ್ದರು.^[Rom 6:4]

ಇತರ ಹೈಪರ್‌ಡಿಸ್ಪೆನ್ಸೇಶನಲಿಸ್ಟರ ನಂಬಿಕೆಯ ಪ್ರಕಾರ ಬ್ಯಾಪ್ಟಿಸಮ್ ಎಂಬುದರ ಅವಶ್ಯಕತೆಯು ಕ್ರಿಸ್ತನ ಆರೋಹಣ ಮತ್ತು ಅಧ್ಯಾಯಗಳ ಮಧ್ಯಭಾಗದವರೆಗಿನ ಸಣ್ಣ ಅವಧಿಯಲ್ಲಿ ಮಾತ್ರ ಇದ್ದಿತು. ಮಹಾ ನಿಯೋಜನೆ ^{[Mt 28:18-20]} ಮತ್ತು ಅದರ ಬ್ಯಾಪ್ಟಿಸಮ್ ಆರಂಭದ ಯಹೂದಿ ವಿಶ್ವಾಸಿಗಳನ್ನು ನೇರವಾಗಿ ಉದ್ದೇಶಿಸಿದುದಾಗಿತ್ತೇ ಹೊರತು ನಂತರದ ಅಧ್ಯಾಯಗಳ ನಡುವಿನ ಯಹೂದ್ಯರಲ್ಲದ ವಿಶ್ವಾಸಿಗಳನ್ನುದ್ದೇಶಿಸಿದ್ದಲ್ಲ.ನಂಬಿಕೆಯುಳ್ಳ ಯಾವುದೇ ಯಹೂದಿಯು ಬ್ಯಾಪ್ಟೈಜ್ ಆಗುವತನಕ ಮೋಕ್ಷವನ್ನಾಗಲೀ^{[Mk 16:16] [1 Pe 3:21]} ಅಥವಾ ಪವಿತ್ರ ಆತ್ಮವನ್ನಾಗಲೀ^[Ac 2:38] ಸ್ವೀಕರಿಸುವುದು ಸಾಧ್ಯವಿರಲಿಲ್ಲ. ಈ ಅವಧಿಯು ಪಾಲ್‌ನ ಕರೆಯೊಂದಿಗೆ ಮುಕ್ತಾಯಗೊಂಡಿತು.^[9:17-18] ಯಹೂದ್ಯರಲ್ಲದವರು ಬ್ಯಾಪ್ಟಿಸಮ್‌ಗೆ ಮುನ್ನ ಪವಿತ್ರ ಆತ್ಮವನ್ನು ಸ್ವೀಕರಿಸಿದಾಗ ಪೇತ್ರನ ಪ್ರತಿಕ್ರಿಯೆ^[10:44-48]ಯು ಗಮನಿಸತಕ್ಕದ್ದಾಗಿದೆ.

ಪುರಾತನ ಈಜಿಪ್ಷಿಯನ್, ಹೀಬ್ರಾಯಿಕ್/ಯಹೂದಿ, ಬ್ಯಾಬಿಲೋನಿಯನ್, ಮಾಯನ್ ಮತ್ತು ನಾರ್ಸ್ ಸಂಸ್ಕೃತಿಗಳನ್ನೂ ಒಳಗೊಂಡಂತೆ ಹಲವಾರು ಸಂಸ್ಕೃತಿಗಳಲ್ಲಿ ನೀರನ್ನು ಬಳಸಿ ಅಥವ ಬಳಸದೆ ದೀಕ್ಷಾ ವಿಧಿಗಳನ್ನು ಆಚರಿಸಲಾಗುತ್ತಿತ್ತು. ಮಿಯಾಮಾಯಿರಿ ಎಂಬ ಆಧುನಿಕ ಜಪಾನೀ ಆಚರಣೆಯಲ್ಲಿ ನೀರನ್ನು ಬಳಸಲಾಗುವುದಿಲ್ಲ. ಕೆಲವೆಡೆಯಲ್ಲಿ, ಈ ರೀತಿಯ ಆಧಾರಗಳು ಆಧುನಿಕವಾಗಿ ಆಚರಣೆಯಲ್ಲಿರುವುದಕ್ಕಿಂತ ಪ್ರಾಕ್ತನಶಾಸ್ತ್ರೀಯವೂ, ಹೆಚ್ಚು ವಿವರಣಾತ್ಮಕ ಪ್ರಕೃತಿಯವೂ ಆಗಿರಬಹುದು.

ರಹಸ್ಯ ಧರ್ಮ ದೀಕ್ಷಾ ವಿಧಿಗಳು

ಅಪೂಲಿಯಸ್ ಎಂಬ ಎರಡನೆ ಶತಮಾನದ ರೋಮನ್ ಲೇಖಕನು, ಐಸಿಸ್ನ ರಹಸ್ಯಗಳಿಗೆ ದೀಕ್ಷೆಯನ್ನು ನೀಡುವ ಆಚರಣೆಯೊಂದನ್ನು ವರ್ಣಿಸಿದನು:

Then, when the priest said the moment had come, he led me to the nearest baths, escorted by the faithful in a body, and there, after I had bathed in the usual way, having invoked the blessing of the gods he ceremoniously aspersed and purified me.^[೧೮೨]

ಅಪೂಲಿಯಸ್‌ನ ಕಥೆಯಲ್ಲಿ ಬರುವ ಲೂಶಿಯಸ್ ಎಂಬ ಪಾತ್ರವು ಕತ್ತೆಯ ರೂಪಕ್ಕೆ ತಿರುಗಿದ್ದು, ಅತನು ತನ್ನ ನಿಷ್ಠೆ ಮತ್ತು ವಿಶ್ವಾಸಾರ್ಹತೆಯನ್ನು ಸಾಬೀತುಪಡಿಸಲು ಬಹಳ ಕಾಲದವರೆಗೆ ಅಧ್ಯಯನದ ನಂತರ, ದೇವತೆಯ ವಿಧಿಗಳನ್ನು ಹಲವಾರು ಹಂತಗಳಲ್ಲಿ ಪೂರ್ಣಗೊಳಿಸಿದ ಮೇಲೇ ಐಸಿಸ್ ದೇವತೆಯು ಅತನನ್ನು ಮರಳಿ ಮನುಷ್ಯ ರೂಪಕ್ಕೆ ತಂದಳು, ಮತ್ತು ಇದು ಕ್ರಿಶ್ಚಿಯನ್ ಧರ್ಮದ ಕ್ಯಾಟಾಕ್ಯುಮೆನ್ ಸಂಪ್ರದಾಯದ ಆಚರಣೆಗಳನ್ನು ಹೋಲುತ್ತದೆ.^[೧೮೩]

ಮ್ಯಾಂಡೇಯನ್ ಬ್ಯಾಪ್ಟಿಸಮ್

ಯೇಸು ಮತ್ತು ಮೋಸಸ್‌ರನ್ನು ಹುಸಿ ಪ್ರವಾದಿಗಳೆಂದು ತಿರಸ್ಕರಿಸುವ^{[ಸೂಕ್ತ ಉಲ್ಲೇಖನ ಬೇಕು]} ಮ್ಯಾಂಡೇಯನ್ನರು, ಜಾನ್ ದ ಬ್ಯಾಪ್ಟಿಸ್ಟ್‌ನನ್ನು ಭಕ್ತಿಭಾವದಿಂದ ಕಾಣುತ್ತಾರೆ ಮತ್ತು ಬ್ಯಾಪ್ಟಿಸಮ್ ಅನ್ನು ದೀಕ್ಷಾವಿಧಿಯಂತಲ್ಲದೆ ಒಂದು ಶುದ್ಧೀಕರಣ ವಿಧಿಯಾಗಿ ಪದೇಪದೇ ಆಚರಿಸುತ್ತಾರೆ.

ಸಿಖ್ ದೀಕ್ಷಾಸ್ನಾನ ಸಮಾರಂಭ

ಸಿಖ್ ದೀಕ್ಷಾ ಸಮಾರಂಭವು ಶುದ್ಧೀಕರಣದ ಬದಲಾಗಿ ಜಲಪಾನವನ್ನು ಒಳಗೊಂಡಿದ್ದು, 1699ರಷ್ಟು ಹಿಂದೆಯೇ ಸಿಖ್ಖರ ಹತ್ತನೆ ಧಾರ್ಮಿಕ ಗುರುಗಳಾಗಿದ್ದ (ಗುರು ಗೋಬಿಂದ್ ಸಿಂಗ್)ರವರು ತಮ್ಮ ಧರ್ಮದ ಐದು ಅನುಯಾಯಿಗಳಿಗೆ ದೀಕ್ಷೆ ನೀಡಿ ತಾನು ಅವರಿಂದ ದೀಕ್ಷೆ ಪಡೆದಂದಿನಿಂದಲೂ ಆಚರಣೆಯಲ್ಲಿದೆ. ಸಿಖ್ ದೀಕ್ಷಾ ಸಮಾರಂಭವನ್ನು ಅಮ್ರಿತ್ ಸಂಚಾರ್ ಅಥವಾ ಖಾಂಡೇ ದೀ ಪಹಲ್ ಎಂದು ಕರೆಯಲಾಗುತ್ತದೆ. ಸಿಖ್ ಒಬ್ಬರು ದೀಕ್ಷೆಯನ್ನು ಪಡೆದ ತಕ್ಷಣ ಅಮ್ರಿತ್ ಅನ್ನು ಸೇವಿಸುತ್ತಾರೆ. ಸಿಖ್ ಧರ್ಮದಲ್ಲಿ ದೀಕ್ಷೆ ಪಡೆದ ಸಿಖ್‌ ಅನ್ನು ಅಮ್ರಿತ್‌ಧಾರೀ ಎಂದೂ ಕರೆಯಲಾಗುತ್ತದೆ, ಮತ್ತು ಇದರ ಅರ್ಥವು ಅಮ್ರಿತ್ ಪಡೆದುಕೊಂಡವ ಅಥವಾ ಅಮ್ರಿತ್‌ನ ಹೊಣೆ ಹೊತ್ತವ ಎಂದಾಗುತ್ತದೆ.

ಖಾಂಡೇ ದೀ ಪಹಲ್ (ಅಮ್ರಿತ್ ಸಮಾರಂಭ)ವನ್ನು 1699ರಲ್ಲಿ ಬೈಸಾಖಿಯ ದಿನದಂದು ಶ್ರೀ ಆನಂದ್‍ಪುರ್ ಸಾಹಿಬ್ನಲ್ಲಿ ಗುರು ಗೋಬಿಂದ್ ಸಿಂಗ್ರ ಕಾಲದಲ್ಲಿ ಖಾಲ್ಸಾದ ಉದ್ಘಾಟನೆಯ ಸಮಯದಲ್ಲಿ ಆರಂಭಿಸಲಾಯಿತು. ಗುರು ಗೋಬಿಂದ್ ಸಿಂಗ್ ನೆರೆದಿದ್ದ ಸಿಖ್ ಸಮೂಹಕ್ಕೆ ದೇವರಿಗಾಗಿ ಪ್ರಾಣವನ್ನೂ ತೆರೆಲು ಯಾರು ಸಿದ್ಧರಿದ್ದೀರಿ? ಎಂದು ಪ್ರಶ್ನೆ ಹಾಕಿದರು. ಮೊದಮೊದಲು ಜನರು ಹಿಂಜರಿದರು, ನಂತರ ಒಬ್ಬ ವ್ಯಕ್ತಿಯು ಮುಂದೆ ಬಂದನು ಮತ್ತು ಆತನನ್ನು ಒಂದು ಗುಡಾರದೊಳಕ್ಕೆ ಕರೆದೊಯ್ಯಲಾಯಿತು. ಕೆಲ ಸಮಯದ ನಂತರ, ಗುರು ಗೋಬಿಂದ್ ಸಿಂಗ್ ರಕ್ತ ತೊಟ್ಟಿಕ್ಕುತ್ತಿರುವ ಖಡ್ಗವೊಂದರೊಂದಿಗೆ ಗುಡಾರದಿಂದ ಹೊರಬಂದರು. ಅವರು ಮತ್ತೆ ಅದೇ ಪ್ರಶ್ನೆಯನ್ನು ಕೇಳಿದರು. ಇದೇ ರೀತಿ ನಾಲ್ಕು ಸ್ವಯಂ‌ಸೇವಕರು ಗುಡಾರಕ್ಕೆ ತೆರಳಿದ ಬಳಿಕ, ಅವರು ತಮ್ಮಂತೆಯೇ ವಸ್ತ್ರಧಾರಿಗಳಾಗಿದ್ದ ನಾಲ್ವರೊಂದಿಗೆ ಮತ್ತೆ ಕಾಣಿಸಿಕೊಂಡರು. ಈ ಐದು ಜನರನ್ನು ನಂತರದಲ್ಲಿ ಪಂಜ್ ಪ್ಯಾರೇಗಳು ಅಥವಾ ಪ್ರೀತಿಪಾತ್ರ ಐವರು ಎಂದು ಕರೆಯಲಾಯಿತು. ಈ ಐವರನ್ನು ಖಾಲ್ಸಾದೊಳಗೆ ಅಮ್ರಿತ್ ಅನ್ನು ನೀಡುವುದರ ಮೂಲಕ ಬರಮಾಡಿಕೊಳ್ಳಲಾಯಿತು. ಈ ಐವರೆಂದರೆ ಭಾಯಿ ದಯಾ ಸಿಂಗ್, ಭಾಯಿ ಮುಖಮ್ ಸಿಂಗ್, ಭಾಯಿ ಸಾಹಿಬ್ ಸಿಂಗ್, ಭಾಯಿ ಧರಮ್ ಸಿಂಗ್ ಮತ್ತು ಭಾಯಿ ಹಿಮ್ಮತ್ ಸಿಂಗ್. ನಂತರ ಸಿಖ್ ಪುರುಷರಿಗೆ "ಸಿಂಹ" ಎಂಬರ್ಥದ "ಸಿಂಘ್" ಎಂಬ ನಾಮವನ್ನೂ, ಮಹಿಳೆಯರಿಗೆ "ರಾಜಕುಮಾರಿ" ಎಂಬರ್ಥದ "ಕೌರ್" ಎಂಬ ಕೊನೆಯ ನಾಮವನ್ನೂ ನೀಡಲಾಯಿತು.

ಕಬ್ಬಿಣದ ಪಾತ್ರೆಯೊಂದರಲ್ಲಿ ನೀರನ್ನು ತುಂಬಿಸಿದ ಅವರು, ಐದು ಪವಿತ್ರ ಪಾಠಗಳು ಅಥವಾ ಬಾನಿಗಳಾದ—ಜಪ್‌ಜಿ, ಜಾಪ್ ಸಾಹಿಬ್, ಸವೈಯ್ಯೆ, ಚೌಪಾಯಿ ಮತ್ತು ಅನಂದ್ ಸಾಹಿಬ್ಗಳನ್ನು ಪಠಿಸುತ್ತಾ ಆ ನೀರನ್ನು (ಖಾಂಡಾ ಎಂದು ಕರೆಯಲಾಗುವ) ಎರಡು ಅಲಗುಗಳ ಕತ್ತಿಯಿಂದ ಕಲಕುತ್ತಿದ್ದರು. ಗುರುವಿನ ಪತ್ನಿಯವರಾದ ಮಾತಾ ಜೀತ್ತೋರವರು (ಇವರನ್ನು ಮಾತಾ ಸಾಹಿಬ್ ಕೌರ್ ಎಂದೂ ಕರೆಯಲಾಗುತ್ತದೆ), ಆ ಪಾತ್ರೆಯೊಳಗೆ ಸಕ್ಕರೆಯ ಹರಳುಗಳನ್ನು ಸುರಿಯುವುದರ ಮೂಲಕ ಕಬ್ಬಿಣದ ರಸಸಿದ್ಧಿಯೊಂದಿಗೆ ಸಕ್ಕರೆಯ ಸಿಹಿಯನ್ನು ಸೇರಿಸಿದರು. ಪಾತ್ರೆಯಲ್ಲಿ ಪಾವನ ಜಲವನ್ನು ಪವಿತ್ರ ಶ್ಲೋಕಗಳ ಪಠಣದ ಜತೆಗೆ ಕಲಕಲಾಗುತ್ತಿದ್ದಾಗ ಐವರು ಸಿಖ್ಖರು ಭಕ್ತಿಪೂರ್ವಕವಾಗಿ ಪಾತ್ರೆಯ ಸುತ್ತ ನೆಲದ ಮೇಲೆ ಕುಳಿತುಕೊಂಡಿದ್ದರು.

ಐದು ಬಾನಿಗಳ ಪಠಣವು ಮುಗಿದ ನಂತರ, ಖಾಂಡೇ ದೀ ಪಹಲ್ ಅಥವಾ ಅಮ್ರಿತ್ ಎಂಬ ಅಮರತ್ವದ ದೇವಮಧುವು ಸ್ವೀಕಾರಕ್ಕೆ ತಯಾರಾಯಿತು. ಗುರು ಗೋಬಿಂದ್ ಸಿಂಗ್ ಐದು ಸಿಖ್ಖರಿಗೂ ಪ್ರತಿಯೊಬ್ಬರಿಗೆ ಬೊಗಸೆತುಂಬ ಅಮ್ರಿತ್ ಅನ್ನು ಕುಡಿಯಲು ನೀಡಿದರು.

ಇಸ್ಲಾಮ್‌ನಲ್ಲಿ ಶುದ್ಧೀಕರಣ ವಿಧಿ

ಇಸ್ಲಾಮ್ನಲ್ಲಿ ಘುಸುಲ್^[೧೮೪] (ಅರೇಬಿಕ್ ಅರ್ಥದಲ್ಲಿ ಶುದ್ಧಗೊಳಿಸುವುದು) ಎಂಬ ಶುದ್ಧೀಕರಣವನ್ನು ಆಚರಿಸಬೇಕಾಗುತ್ತದೆ, ಇದು ಮೇಲೆ ತಿಳಿಸಲಾದ ಯಹೂದಿ ಆಚರಣೆಗಳಿಗೆ ಸಮಾನವಾಗಿದ್ದು, ಇದರಲ್ಲಿ ಇಡೀ ದೇಹವನ್ನು ವಿಶೇಷ ರೀತಿಯಲ್ಲಿ ತೊಳೆಯಲಾಗುವುದು ಇಲ್ಲವೇ ಇಡೀ ದೇಹವನ್ನು, ಉದಾಹರಣೆಗೆ ನದಿಯೊಂದರಲ್ಲಿ ಅದ್ದಲಾಗುವುದು (ಮುಳುಗಿಸುವುದು). ಈ ಘುಸುಲ್ ಅನ್ನು ವಯಸ್ಕನೊಬ್ಬ ಇಸ್ಲಾಮ್ ಅನ್ನು ಸ್ವೀಕರಿಸುವಾಗ ಮಾಡಬೇಕಾಗಿಲ್ಲದಿದ್ದರೂ, ಪ್ರತಿ ಸಂಭೋಗದ ನಂತರ ಅಥವಾ ಸ್ವಪ್ನಸ್ಖಲನದ ನಂತರ ಅಥವಾ ಋತುಚಕ್ರದ ಹರಿವು ನಿಂತ ಮೇಲೆ ತಮ್ಮ ದೈನಂದಿನ ಐದು ಪ್ರಾರ್ಥನೆಗಳನ್ನು ಮತ್ತೆ ಆರಂಭಿಸುವ ಸಲುವಾಗಿ ಮಾಡಲೇಬೇಕು. ಇದನ್ನು ಶವಗಳಿಗೂ ಅವಶ್ಯಕವಾಗಿ ಮಾಡಬೇಕು. ಅಶುದ್ಧವಾದ ಯೋಚನೆಗಳು ಮತ್ತು ಕೃತ್ಯಗಳಿಗಾಗಿ ದೇವರಲ್ಲಿ ಕ್ಷಮಾಯಾಚನೆ ಮಾಡಲು ಪ್ರಾರ್ಥಿಸಬೇಕೆನ್ನುವ ಭಾವನೆಯು ತಪ್ಪು; ಅದು ಅಪೇಕ್ಷಣೀಯವಾದ್ದು.^{[ಸೂಕ್ತ ಉಲ್ಲೇಖನ ಬೇಕು]}

ಈ ರೀತಿಯ ಘುಸುಲ್ ಇತರ ಧರ್ಮಗಳ ಆಚರಣೆಗಳಿಗಿಂತ ಭಿನ್ನವಾದುದು. ಒಬ್ಬ ವ್ಯಕ್ತಿಯು ಇದನ್ನು ಏಕಾಂತದಲ್ಲಿ, ಖಾಸಗಿಯಾಗಿ ಅಪೇಕ್ಷೆಯಿದ್ದಾಗ ಇಲ್ಲವೆ ಸೂಚಿಸಲಾದಾಗ ಮಾಡುತ್ತಾನೆ.^{[ಸೂಕ್ತ ಉಲ್ಲೇಖನ ಬೇಕು]}

ಇದಲ್ಲದೆ, ಪ್ರತಿದಿನವೂ ಪ್ರಾರ್ಥನೆಗೆ ಮುನ್ನ ಶುದ್ಧವಾಗುವುದು ಅವಶ್ಯಕ ಮತ್ತು ಇದನ್ನು ವಜೂ ಎಂದು ಕರೆಯಲಾಗುತ್ತದೆ. ಮುಸ್ಲಿಮರು ದೇವರನ್ನು ಮೊದಲು ತಮ್ಮ ಪಾಪಗಳನ್ನು ಕ್ಷಮಿಸುವಂತೆ ಕೋರುವ ಮೊದಲು ನೇರವಾಗಿ ದೈವಪ್ರಾರ್ಥನೆಯನ್ನು ಮಾಡಬಾರದು ಎಂದು ನಂಬುತ್ತಾರೆ. ಸಾಂಪ್ರದಾಯಿಕವಾಗಿ ದಿನಕ್ಕೆ ಐದು ಬಾರಿ ಪ್ರಾರ್ಥನೆ ಸಲ್ಲಿಸಲಾಗುತ್ತದೆ. ತೊಳೆದುಕೊಳ್ಳುವ ಸಮಯದಲ್ಲಿ ದೇವರಲ್ಲಿ ಅಂದು ಆ ವ್ಯಕ್ತಿಯು ತಾನು ಉದ್ದೇಶಪೂರ್ವಕ ಅಥವಾ ಉದ್ದೇಶರಹಿತವಾಗಿ ಎಸಗಿದ ಪಾಪಗಳನ್ನು ಕ್ಷಮಿಸುವಂತೆ ಪ್ರಾರ್ಥಿಸಿಕೊಳ್ಳುವರು. ಇದು ತನ್ನ ಜೀವನದ ಗುರಿ ದೇವರನ್ನು ಮೆಚ್ಚಿಸುವುದು, ಮತ್ತು ಆತನ ಕ್ಷಮೆ ಮತ್ತು ಕೃಪೆಗೆ ಪಾತ್ರರಾಗಲು ಪ್ರಾರ್ಥನೆ ಸಲ್ಲಿಸುವುದು ಎಂದು ಒಬ್ಬ ಮುಸ್ಲಿಮನು/ಳು ಸ್ಮರಿಸಿಕೊಳ್ಳುವ ರೀತಿಯಾಗಿದೆ.^{[ಸೂಕ್ತ ಉಲ್ಲೇಖನ ಬೇಕು]}

ಕುರಾನ್‌ನಲ್ಲಿ ಕ್ರಿಶ್ಚಿಯನ್ ಪುಣ್ಯಸ್ನಾನಕ್ಕೆ ಈ ಶ್ಲೋಕದಲ್ಲಿ ಸವಾಲೊಡ್ಡಲಾಗಿದೆ: "ನಮ್ಮ ಧರ್ಮವು ಅಲ್ಲಾಹುವಿನ ದೀಕ್ಷೆಯನ್ನು ಪಡೆದಿದೆ; ಮತ್ತು ಅಲ್ಲಾಹುವಿಗಿಂತ ಚೆನ್ನಾಗಿ ಇನ್ನಾರು ದೀಕ್ಷೆಯನ್ನು ನೀಡಬಲ್ಲರು? ಮತ್ತು ನಾವೂ ಆರಾಧಿಸುವುದು ಅವರನ್ನೇ ಆಗಿದೆ". ಇದರ ಅರ್ಥವೇನೆಂದರೆ, ದೇವರು ಒಬ್ಬರೆಂದು ನಂಬುವ ಇಸ್ಲಾಮ್ ಅನ್ನು ನಂಬುವುದೇ ಆ ಧರ್ಮವನ್ನು ಪ್ರವೇಶಿಸಲು ಸಾಕಾಗುವುದು, ಮತ್ತು ಇದಕ್ಕಾಗಿ ಯಾವುದೇ ಬ್ಯಾಪ್ಟಿಸಮ್ ವಿಧಿಯ ಅವಶ್ಯಕತೆಯಿಲ್ಲ.^[೧೮೫]

ಗ್ನಾಸ್ಟಿಕ್ ಕ್ಯಾಥೊಲಿಕ್ ಧರ್ಮ ಮತ್ತು ಥೆಲೆಮಾ

ಎಕ್ಲೆಸಿಯಾ ಗ್ನಾಸ್ಟಿಕಾ ಕ್ಯಾಥೊಲಿಕಾ ಅಥವಾ ಗ್ನಾಸ್ಟಿಕ್ ಕ್ಯಾಥೊಲಿಕ್ ಚರ್ಚ್ (ಓರ್ಡೋ ಟೆಂಪ್‌ಲೈ ಓರಿಯೆಂಟಿಸ್ನ ಕ್ರೈಸ್ತಮತೀಯ ಶಾಖೆ) ಕನಿಷ್ಟ 11 ವಯಸ್ಸಿನ ಯಾವುದೆ ವ್ಯಕ್ತಿಗಾದರೂ ಬ್ಯಾಪ್ಟಿಸಮ್‌ನ ವಿಧಿಯನ್ನು ನೀಡುತ್ತದೆ.^[೧೮೬] ಈ ವಿಧ್ಯುಕ್ತ ಸಮಾರಂಭವನ್ನು ಗ್ನಾಸ್ಟಿಕ್ ದಿವ್ಯಾರಾಧನೆಯ ಸಂದರ್ಭದಲ್ಲಿ ಅವರ ಮುಂದೆ ನಡೆಸಲಾಗುತ್ತದೆ ಮತ್ತು ಥೆಲೆಮಿಕ್ ಸಮುದಾಯದಲ್ಲಿ ಸಾಂಕೇತಿಕವಾಗಿ ಹುಟ್ಟಿಬಂದುದರ ಪ್ರತಿನಿಧಿಯಾಗಿದೆ.^[೧೮೭]

ತುಲನಾತ್ಮಕ ಸಾರಾಂಶ

ಕ್ರಿಶ್ಚಿಯನ್ ಪ್ರಭಾವವನ್ನು ಹೊಂದಿರುವ ಪಂಗಡಗಳ ಬ್ಯಾಪ್ಟಿಸಮ್‌ಗಳ ತುಲನಾತ್ಮಕ ಸಾರಾಂಶ.^{[೧೮೮][೧೮೯][೧೯೦]} (ಈ ವಿಭಾಗವು ಪಂಗಡಗಳ ಸಂಪೂರ್ಣ ಪಟ್ಟಿಯನ್ನು ನೀಡುವುದಿಲ್ಲ, ಆದ್ದರಿಂದಾಗಿ, ಇದು "ವಿಶ್ವಾಸಿಯ ಬ್ಯಾಪ್ಟಿಸಮ್" ವಿಧಿಯನ್ನು ಆಚರಿಸುವ ಚರ್ಚುಗಳ ಅಲ್ಪಭಾಗವೊಂದನ್ನು ಮಾತ್ರ ಉಲ್ಲೇಖಿಸುತ್ತದೆ.)

ಧಾರ್ಮಿಕವಲ್ಲದ ದೀಕ್ಷೆಗಳು

ಸಾಮಾನ್ಯವಾಗಿ ನೀರಿನ ಬಳಕೆಯನ್ನು ಮಾಡದಿದ್ದರೂ ಕೂಡ ಬ್ಯಾಪ್ಟಿಸಮ್ ಎಂಬ ಪದವನ್ನು ಹಲವಾರು ದೀಕ್ಷೆಗಳಲ್ಲಿ ಜಾತ್ಯತೀತ ಜೀವನಕ್ಕೆ ಪಯಣವಿಧಿಯಾಗಿ ಬಳಸಲಾಗುತ್ತದೆ.

• ಉದಾಹರಣೆಗೆ, ಬೆಲ್ಜಿಯಂ‌ನಲ್ಲಿ ವಿಶ್ವವಿದ್ಯಾನಿಲಯದ ಪ್ರಮಾಣವಚನಕ್ಕೆ ಬಳಸಲಾಗುವ ಪದವೆಂದರೆ ದಚ್‌ಭಾಷೆಯ ಶ್ಯಾಕ್ಟೆನ್‌ಡ್ಯೂಪ್ ('ಪ್ರಮಾಣ ದೀಕ್ಷೆ') ಇಲ್ಲವೇ ಫ್ರೆಂಚ್ ಭಾಷೆಯ ಬ್ಯಾಪ್ತೇಮ್ . ಇದು ವಿದಾರ್ಥಿ ಸಮಾಜಗಳಿಗೆ (ಸಾಮಾನ್ಯವಾಗಿ ಸ್ತ್ರೀಪುರುಷರಿಬ್ಬರನ್ನೂ ಹೊಂದಿರುವ) ವಿಧಿವತ್ತಾಗಿ ಸೇರುವ ಸಾಂಪ್ರದಾಯಿಕ ಮಾರ್ಗವಾಗಿದೆ ಮತ್ತು ಉಚ್ಛಶಿಕ್ಷಣ ಸಂಸ್ಥೆಗಳಿಂದ ಮಾನ್ಯತೆ ಪಡೆದಿದೆ ಮತ್ತು ಕೆಲವೊಂದು ಬಾರಿ ಅವುಗಳಿಂದಲೇ ನಿಯಂತ್ರಿಸಲ್ಪಡುತ್ತದೆ, ಉದಾಹರಣೆಗೆ ಬೆಲ್ಜಿಯನ್ ವಿಶ್ವಿದ್ಯಾನಿಲಯಗಳಾದ ಯುನಿವೆರ್ಸಿಟೆ ಕ್ಯಾತೊಲೊಕ್ ದೆ ಲೊವ್‌ವೈನ್ ಮತ್ತು ಯುನಿವೆರ್ಸಿಟೆ ಲಿಬ್ರೆ ದೆ ಬ್ರುಕ್ಸೆಲ್ಲೆಸ್.^{[ಸೂಕ್ತ ಉಲ್ಲೇಖನ ಬೇಕು]}
• ಬ್ರೆಜಿಲಿಯನ್ ಸಮರಕಲೆಯಾದ ಕೆಪೋಯೆರಾದಲ್ಲಿ ಬಾಟಿಜಾದೊ(ಅಕ್ಷರಶಃ ಅರ್ಥದಲ್ಲಿ "ಬ್ಯಾಪ್ಟಿಸಮ್") ಎಂಬ ವಾರ್ಷಿಕ ಪದೋನ್ನತಿ ಸಮಾರಂಭವನ್ನು ನಡೆಸಲಾಗುತ್ತದೆ. ಮೊದಲನೆ ಬಾರಿಗೆ ಬಾತಿಹಾದೊ‌ನಲ್ಲಿ ಭಾಗವಹಿಸುತ್ತಿರುವ ಅಭ್ಯರ್ಥಿಗಳನ್ನು ಕೆಪೋಯೆರಿಸ್ತಾಸ್ ಸಮುದಾಯವು ಸ್ವೀಕರಿಸಿದೆ ಎಂಬುದರ ಗುರುತಾಗಿ ಅವರಿಗೆ ಆ ಸಮಯದಲ್ಲಿ ಕೆಪೋಯೆರಾ ಹೆಸರುಗಳನ್ನು ನೀಡುವುದು ವಾಡಿಕೆ. ಈ ಹೆಸರನ್ನು ಸಾಮಾನ್ಯವಾಗಿ ಹಿರಿಯ ಮಾರ್ಗದರ್ಶಕರು ಅಥವಾ ಇತರ ಹಿರಿಯ ವಿದ್ಯಾರ್ಥಿಗಳು ನೀಡುತ್ತಾರೆ, ಮತ್ತು ಇದನ್ನು ವ್ಯಕ್ತಿಯೊಬ್ಬನು ಒಂದು ಚಲನೆಯನ್ನು ಯಾವ ರೀತಿ ಮಾಡುತ್ತಾನೆ, ನೋಡಲು ಹೇಗಿದ್ದಾನೆ, ಅಥವಾ ಆ ವ್ಯಕ್ತಿಯ ವಿಶೇಷತೆಯನ್ನು ಆಧರಿಸಿ ನೀಡಲಾಗುತ್ತದೆ. ಅವರ ಕೆಪೋಯೆರಾ ಹೆಸರನ್ನು ಕೆಪೊಯೆರಾ ಗುಂಪಿನಲ್ಲಿ ಸಾಮಾನ್ಯವಾಗಿ ನೋ ದು ಗೆ(ಗುಪ್ತನಾಮ)ಯಾಗಿ ಬಳಸಲಾಗುತ್ತದೆ, ಮತ್ತು ಈ ಸಂಪ್ರದಾಯವು ಬ್ರೆಜಿಲ್‌ನಲ್ಲಿ ಕೆಪೋಯೆರಾವನ್ನು ಅಭ್ಯಾಸ ಮಾಡುವುದು ಕಾನೂನುಪ್ರಕಾರ ನಿಷಿದ್ಧವಾಗಿದ್ದ ಕಾಲದಿಂದಲೂ ನಡೆದುಕೊಂಡು ಬಂದಿದೆ.^{[ಸೂಕ್ತ ಉಲ್ಲೇಖನ ಬೇಕು]}

ವಸ್ತುಗಳ ಬ್ಯಾಪ್ಟಿಸಮ್

"ಬ್ಯಾಪ್ಟಿಸಮ್" ಅಥವಾ "ಕ್ರಿಸನಿಂಗ್" ಎಂಬ ಪದವನ್ನು ಕೆಲವೊಮ್ಮೆ ಕೆಲವೊಂದು ನಿರ್ದಿಷ್ಟ ವಸ್ತುಗಳ ಬಳಕೆಯ ಅರಂಭವನ್ನು ಬಣ್ಣಿಸಲು ಕೂಡಾ ಬಳಸಲಾಗುತ್ತದೆ.

• ಬ್ಯಾಪ್ಟಿಸಮ್ ಆಫ್ ಬೆಲ್ಸ್ ಎಂಬ ಪದವನ್ನು (ಸಂಗೀತಮಯ ಆಶೀರ್ವಾದವನ್ನು ಬಣ್ಣಿಸಲು, ವಿಶೇಷವಾಗಿ ಚರ್ಚ್)ನ ಘಂಟಾನಾದದ ಬಗ್ಗೆ, ಫ್ರ್ಯಾನ್ಸ್‌ನಲ್ಲಿ ಸುಮಾರು ಹನ್ನೊಂದನೆಯ ಶತಮಾನದಿಂದಲೂ ಬಳಸಲಾಗುತ್ತಿದೆ. ಇದರ ಮೂಲವು ಬಿಷಪ್‌ರವರು ಗಂಟೆಯ ಹೊರಭಾಗವನ್ನು ಇನ್‌ಫರ್ಮ್‌ನ ತೈಲದಿಂದಲೂ, ಒಳಭಾಗವನ್ನು ಕ್ರಿಸ್ಮ್‌ನಿಂದಲೂ ಲೇಪನ ಮಾಡುವ ಮೊದಲು ಅದನ್ನು ಪವಿತ್ರ ಜಲದಿಂದ ತೊಳೆಯುವ ವಿಧಿಯಿಂದ ಬಂದಿದೆ; ನಂತರದಲ್ಲಿ, ಹೊಗೆಸೂಸುವ ಧೂಪಪಾತ್ರೆಯನ್ನು ಗಂಟೆಯ ಅಡಿಗೆ ಇಡಲಾಗುವುದು, ಮತ್ತು ಬಿಷಪ್‌ರವರು ಚರ್ಚಿನ ಈ ಧಾರ್ಮಿಕ ವಿಧಿಗಳು ಗಂಟೆಯ ಸದ್ದು ಕೇಳಿದಾಗಲೆಲ್ಲ ಭೂತಪಿಶಾಚಿಗಳನ್ನು ಓಡಿಸಲಿ, ತುಫಾನುಗಳಿಂದ ಕಾಪಾಡಲಿ, ಮತ್ತು ನಂಬಿಕೆಯಿರುವವರನ್ನು ಪ್ರಾರ್ಥನೆಗೆ ಕರೆಯಲಿ ಎಂದು ಪ್ರಾರ್ಥಿಸುತ್ತಾರೆ.
• ಹಡಗುಗಳ ಬ್ಯಾಪ್ಟಿಸಮ್ : ಕ್ರುಸೇಡ್(ಧರ್ಮಯುದ್ಧ)ಗಳ ಕಾಲದಿಂದಲೂ ಕೂಡ, ವಿಧಿಗಳಲ್ಲಿ ಹಡಗುಗಳಿಗೆ ಆಶೀರ್ವಾದ ಮಾಡುವದನ್ನು ಒಳಗೊಳ್ಳಲಾಗಿದೆ. ಪಾದ್ರಿಯು ದೇವರಲ್ಲಿ ಹಡಗಿಗೆ ಆಶೀರ್ವಾದ ಮಾಡಲು ಮತ್ತು ಅದರಲ್ಲಿ ಪಯಣಿಸುವವರನ್ನು ಕಾಪಾಡಲು ಪ್ರಾರ್ಥಿಸುತ್ತಾರೆ. ಸಾಮಾನ್ಯವಾಗಿ ನೌಕೆಯ ಮೇಲೆ ಪವಿತ್ರ ಜಲವನ್ನು ಪ್ರೋಕ್ಷಿಸಲಾಗುತ್ತದೆ.^[೯೧]

ವಿಕಾಸೋರ್ಸ್ 1911 ಎನ್ಸೈಕ್ಲೋಪೀಡಿಯಾ ಬ್ರಿಟಾನಿಕ ಬ್ಯಾಪ್ಟಿಸಮ್(ದೀಕ್ಷಾಸ್ನಾನ, ಜ್ಞಾನಸ್ನಾನ) ಲೇಖನದ ಪಠ್ಯವನ್ನು ಹೊಂದಿದೆ.

• Matzat, Don (1997). "In Defense of Infant Baptism". Issues, Etc. Journal. 2 (3). Retrieved February 26, 2009. {{cite journal}}: Unknown parameter |month= ignored (help)
• World Council of Churches (1982). Baptism, Eucharist, and ministry. Geneva: World Council of Churches. ISBN 2-8254-0709-7. OCLC 9918640.
• Jungkuntz, Richard (1968). The Gospel of Baptism. St. Louis: Concordia Publishing House. OCLC 444126.
• Kolb, Robert W. (1997). Make Disciples, baptizing: God's gift of new life and Christian witness. St. Louis: Concordia Seminary. ISBN 0-911770-66-6. OCLC 41473438.
• Chaney, James M. (2009). William the Baptist. Oakland, TN: Doulos Resources. p. 160. ISBN 978-1442185609. Archived from the original on 2009-07-08. Retrieved 2010-07-07.
• Scaer, David P. (1999). Baptism. St. Louis: The Luther Academy. OCLC 41004868.
• Schlink, Edmund (1972). The Doctrine of Baptism. St. Louis, Mo: Concordia Publishing House. ISBN 0-570-03726-3. OCLC 228096375.
• Stookey, Laurence Hull (1982). Baptism, Christ's act in the church. Nashville, Tenn: Abingdon. ISBN 0-687-02364-5. OCLC 7924841.
• Ware, Kallistos (1993). The Orthodox Church. New York: Penguin Books. pp. 277–278. ISBN 0-14-014656-3. OCLC 263544700.
• Willimon, William H. (1980). Remember who you are: baptism, a model for Christian life. Nashville: Upper Room. ISBN 0-8358-0399-6. OCLC 6485882.
• Linderman, Jim (2009). Take Me to the Water: Immersion Baptism in Vintage Music and Photography 1890-1950. Atlanta: Dust to Digital. ISBN 978-0-9817342-1-7.

• "Baptism." ಎನ್‌ಸೈಕ್ಲೋಪೀಡಿಯಾ ಬ್ರಿಟಾನಿಕಾ ಆನ್‌ಲೈನ್.

Baptism ಸಂಬಂಧಿತ ಮೀಡಿಯಾ ವಿಕಿಮೀಡಿಯ ಕಾಮನ್ಸ್‌ನಲ್ಲಿ ಲಭ್ಯವಿದೆ.