La Bastida d'Armanhac

Las fòrmas ancianas que son bastida de Boloygne, en 1305, La Bastide (mapas deus sègles XVII e XVIII) ^[1].

Lo nom de La Bastida que vien deu vèrbe bastir, deu francic *bastjan, « trenar », a l'origina « bastir fortificacions trenadas gràcias a paus plaçats a l'entorn d'un castèth » ^[2] . Lo mot bastida qu'ei un participi passat substantivat qui designa petitas vilas fondadas aus sègles XIII e XIV, dab franquesas autrejadas aus poblants ^[3]. Lo nom d'origina qu'èra, çò sembla, per referéncia a Bolonha.

Armanhac que vieneré d'un nom germanic d'òme Herimannus, dab lo sufixe -iacu- , qui es interpretat per Ernèst Negre com lo nom d'ua residéncia senhorala a l'origina ^[1] [que s'ageish d'un sufixe celtic, de sens locatiu, ajustat a un nom de proprietari rurau per designar sas terras e l'epòca finala de son usatge qu'ei mau coneishuda; la fòrma en -iacu- meilèu qu'en -acu- s'explica per un manlèu aus gentilicis en -ius ^[4]. L'espandiment d'aqueth sufixe a un vaste territòri qu'ei de segur un usatge lingüistic tardiu].

• La Bastida que's fondè en 1296, per contracte de pariatge enter un deus successors deu comte de Julhac e Edoard Ièr d'Anglatèrra ^[1].
• En 1850, La Bastida d'Armanhac que passè deu Gers a las Lanas ^[5].

• Avant la refòrma cantonala de 2014, aplicada en 2015, la comuna qu'èra deu canton de Ròcahòrt; qu'ei adara deu canton de Hauta Lana Armanhac.

• 
  La Plaça Reiau
• 
  La glèisa fortificada qui dona sus la Plaça Reiau.
• 
  Interior de la glèisa; las colomnas deu còr que son un trompe-l'œil.
• 
  Nòstra Dama deus Ciclistas sus l'emplaçament d'ua villa galloromana e de l'anciana vila de Geu, que lo Prince Negre cremè en 1355.
• 
  Castèth deu Pradar.

Clicatz sus una vinheta per l’agrandir.

• Comunas de las Lanas

• Portau de Gasconha