Oxid d'azòt

Leis oxids d'azòt, notats NO_x, son un ensemble de compausats quimics formats d'oxigèn e d'azòt que son gasós dins lei condicions normalas de temperatura e de pression^[1]. Son una compausanta majora de la pollucion de la societat industriala actuala car son principalament eissits de la combustion de combustibles fossils dins de motors termics. Lor ròtle dins la pollucion es multiple car son toxics^[2], an de proprietats acidas marcadas^[3] e son de gas d'efiech de sèrra poderós. Leis emissions d'oxids d'azòt son donc l'objècte de reglementacions estrictas dins mai d'un país.