நைதரசன் ஆக்சைடு

நைதரசன் ஆக்சைடு (Nitrogen Oxide) அல்லது நாக்சு (NOx) என்பது பொதுவாக நைட்ரசனும் ஆக்சிசனும் சேர்ந்து உருவாகும் நைட்ரசன் ஆக்சைடு சேர்மங்களின் சுருக்கப் பெயராகும். குறிப்பாக ஒரு நைட்ரசன் மூலக்கூறும் ஒன்றோ இரண்டோ ஆக்சிசன் மூலக்கூறும் சேர்ந்து உருவாகும் நைட்ரிக் ஆக்சைடு (NO) அல்லது நைட்ரசன் டை-ஆக்சைடு (NO2) என்னும் வேதிச்சேர்மங்களே நாக்சு என்று வழங்கப்பெறும். இவை எரிப்புச் செலுத்தங்களில் (combustion processes), குறிப்பாக உயர்வெப்ப எரிப்புக்களின் போது உருவாகும் தன்மையுடையவை.

இயல்சூழ் (ambient) வெப்ப நிலைகளில் காற்றிலே கலந்திருக்கும் நைட்ரசனும் ஆக்சிசனும் ஒன்றோடு ஒன்று பிணைவதில்லை. ஆனால் தான்நகர்ச்சி வண்டிகளில் உள்ளெரிப்பு எந்திரங்களில் காற்றும் எரிபொருளும் கலந்து எரியும்போது மிக அதிக வெப்பம் உருவாகி, அந்த உயர்வெப்ப நிலைகளில் நைட்ரசனும் ஆக்சிசனும் ஒன்றோடு ஒன்று வேதிவினையாற்றி இணைந்து பலவித நைட்ரசன் ஆக்சைடு சேர்மங்களை உருவாக்குகின்றன. அதனால், வாகன நெரிசல் அதிகம் இருக்கும் பெருநகர்ப்புறங்களில் காற்றில் இந்த நாக்சுச் சேர்மங்களின் கலப்பு அதிகமாக இருக்கும்.

நாக்சு மூலக்கூறுகளும் ஆவியாகும் கரிமச் சேர்வைகளும் சூரிய ஒளியில் வேதிவினையாற்றும்போது சூழல் மாசுபடுகிறது. குறிப்பாக வேனிற்காலங்களில் இந்தப் பிரச்சினை அதிகமாகி, ஆசுத்துமா உள்ளவர்களுக்கும், குழந்தைகளுக்கும், வயதானவர்களுக்கும், மூச்சுத் தொந்தரவுகளும், நுரையீரல் பாதிப்புகளும் ஏற்பட முதன்மைக் காரணிகளாகின்றன.

காற்றிலே கலந்திருக்கும் ஈரப்பதத்தினோடு வேதிவினையாற்றி அமில மழைக்கும் இவை காரணமாகின்றன. கீழ்க்கண்ட சமன்பாட்டின் மூலம் இந்த வேதி வினையைக் குறிக்கலாம்.

2NO2 + H2O → HNO2 + HNO3

நாக்சு தரும் பிரச்சினைகள்

  • புவிநிலையில் ஓசோன் உருவாக ஒரு முக்கியமான பொருளாக நாக்சு இருக்கிறது. ஓசோன் மூச்சுத் தொந்தரவுகளை உருவாக்க வல்லது.
  • வேதிவினைகளின் வழியாக உருவாகும் நைட்ரேட்டு துகள்களும் நைட்ரசன் டை-ஆக்சைடு இவையும் மூச்சுப் பிரச்சினைகளுக்குத் துணைபோகும் பொருட்கள்.
  • அமில மழை பெய்யக் காரணமாகிறது.
  • மண்ணுக்கு அதிகச்சத்தாக அமைந்து நீரின் தரம் குறையக் காரணமாக இருக்கிறது.
  • சூழ்வெளித் துகள்கள் அதிகரிக்கக் காரணமாயிருந்து, பார்வை மங்கல் பிரச்சினைகளையும் உருவாக்குகிறது.
  • நச்சு வேதிப் பொருட்கள் உருவாகக் காரணமாக இருக்கிறது.
  • புவி வெப்பத்திற்கு ஒரு முக்கிய காரணியாக இருக்கிறது.

நாக்சும், அதன் வேதிவினைச் சேர்மங்களும் காற்றிலே பரவக் கூடியவை என்பதால், அவை உருவாகும் இடங்களில் மட்டுமின்றி அவற்றை ஒட்டியுள்ள பிற பகுதிகளிலும் மேற்கண்ட பிரச்சினைகளைப் பார்க்கலாம். அதனால், நாக்சைக் குறைக்கும் முறைகளை அது உருவாகும் இடத்தில் மட்டுமின்றி, அதனை ஒட்டிய சுற்றுப் பகுதி முழுவதும் கையாள வேண்டும்.

வெளி இணைப்புகள்

NOx - How nitrogen oxides affect the way we live and breathe

"https:https://www.search.com.vn/wiki/index.php?lang=ta&q=நைதரசன்_ஆக்சைடு&oldid=2741788" இலிருந்து மீள்விக்கப்பட்டது
🔥 Top keywords: தீரன் சின்னமலைதமிழ்இராம நவமிஅண்ணாமலை குப்புசாமிமுதற் பக்கம்சிறப்பு:Search2024 இந்தியப் பொதுத் தேர்தல்நாம் தமிழர் கட்சிடெல்லி கேபிடல்ஸ்வினோஜ் பி. செல்வம்வானிலைதிருக்குறள்தமிழக மக்களவைத் தொகுதிகள்சுப்பிரமணிய பாரதிஇந்திய மக்களவைத் தொகுதிகள்சீமான் (அரசியல்வாதி)தமிழச்சி தங்கப்பாண்டியன்சுந்தர காண்டம்தமிழ்நாட்டில் இந்தியப் பொதுத் தேர்தல், 2024பாரதிதாசன்இந்திய நாடாளுமன்றம்பிரியாத வரம் வேண்டும்முருகன்தினகரன் (இந்தியா)தமிழ்த் திரைப்படங்களின் பட்டியல் (ஆண்டு வரிசை)தமிழ்நாட்டின் சட்டமன்றத் தொகுதிகள்மக்களவை (இந்தியா)தமிழ்நாட்டின் மாவட்டங்கள்தமிழ் தேசம் (திரைப்படம்)பதினெண் கீழ்க்கணக்குஇராமர்அம்பேத்கர்விக்ரம்நயினார் நாகேந்திரன்கம்பராமாயணம்பொன்னுக்கு வீங்கிதமிழ்நாடுவிநாயகர் அகவல்திருவண்ணாமலை