Relhac (Lanjadés)

Relhac o Rilhac (Reilhac en francés) z-es una anciana comuna auvernhassa situada dins lo departament del Naut Léger e la region d'Auvèrnhe-Ròse-Aups, ancianament d'Auvèrnhe. Dempueis 1973 es fusionada amb autras doàs ancianas comunas dins la comuna de Maseirac d'Alèir.

Geografia

Relhac es situat sus la RD 585, anciana RN 585, de Lanjac a La Vòuta.

Toponimia

Las fòrmas ancianas son : In vicaria Auriacense, in villa quæ vocatur Reliacus en 954, In comitatu Brivatensi et vicaria de Cantola, villa... Reilliacus..., cum ecclesia... in honore S. Privati vès 963, Villa quæ dicitur Ridiliacus, in vicaria de Cantoiole alh secle X, In villa... Rialiaco vès 990, Riailago, in aice Cantilianico, ecclesia S. Privati (cartulari de Briude), Ecclesia de Riliaco en 1244, Ralhiaco vès 1260, Affarium de Rialhac en 1271, Rilhat en 1401, Relhacum en 1502, Relhac en 1504, Rilhac (mapa de Cassini, alh secle XVIII ^[1].
Segon Dauzat e Rostaing, Relhac ven delh nom latin d'òme Regilius o Regulius, ambelh sufixe -acum ^[2].
Los Féniés utilizan los meimes noms d'òme per Ralhana (Reglana en 909, Reilhana en 1401) ^[3].

Istòria

En 1789, Relhac fasiá partida de la província d'Auvèrnhe, de l'eleccion de Briude, de la subdelegacion de Lanjac e delh ressòrt de Riam. Sa gleisa parochala, diocèsi de Sant Flor e archipreirat de Lanjac, z-èra delh vocable de Sant Privat; lo prior de La Vòuta presentava a la cura ^[1].

Lo còdi oficial geografic de la comuna z-èra 43161 ^[4]. En 1972, o lo 1èir delh mes lòng de 1973 segon l'INSEE, Relhac fusionèt amb, d'una part, Maseirac e Crispinhac, d'autra part, Sent Èble, dins la comuna de Maseirac d'Alèir. Saguèt prumèirament una fusion-associacion, que se mudèt en fusion simpla lo 1èir de julhet de 1990 ^[5]^,^[6].