Rite funerari

Lu rites funeraris son un ensemble de règlas e de ceremònias practicadi per acompanhar l'agonia e la mòrt d'un èstre uman. Son generalament ligats a la religion, mas de rites funeraris agnostics e atèus existisson finda. La natura dei rites varia segon l'epòca, l'estatut social dau defuntat, li condicions dau sieu decès, li cresenças de la societat e, de còps, segon la volontat dau defuntat eu meme. Aquelu rites son un element important e caracteristic dei civilizacions e l'estudi dei tombas es un mejan fòrça utilizat per lu arqueològues per identificar e delimitar li civilizacions dispareissudi. De mai, l'estudi dei rites funeraris permet de còps de comprendre lu rapòrts entre lu individús d'una mema societat.

Dins la natura, cau nòtar l'existença de comportaments similars a de rites funeranis dins lu elefants, li moninas e lu ipopotames^[1].