ਬਾਲ ਦਿਵਸ

ਬਾਲ ਦਿਵਸ ਦੀ ਸ਼ੁਰੂਆਤ ਜੂਨ ਦੇ ਦੂਜੇ ਐਤਵਾਰ ਨੂੰ 1857 ਵਿੱਚ ਚੇਲਸੀਆ, ਮੈਸੇਚਿਉਸੇਟਸ ਵਿੱਚ ਯੂਨੀਵਰਸਲਿਸਟ ਚਰਚ ਆਫ਼ ਰੀਡੀਮਰ ਦੇ ਪਾਦਰੀ, ਰੇਵਰੈਂਡ ਡਾ. ਚਾਰਲਸ ਲਿਓਨਾਰਡ ਦੁਆਰਾ ਕੀਤੀ ਗਈ: ਲਿਓਨਾਰਡ ਨੇ ਬੱਚਿਆਂ ਲਈ ਸਮਰਪਿਤ ਇੱਕ ਵਿਸ਼ੇਸ਼ ਸੇਵਾ ਕੀਤੀ। ਲਿਓਨਾਰਡ ਨੇ ਉਸ ਵਕਤ ਇਸ ਦਿਨ ਦਾ ਨਾਮ ਰੋਜ ਦਿਵਸ ਰੱਖਿਆ, ਹਾਲਾਂਕਿ ਬਾਅਦ ਵਿੱਚ ਇਸਦਾ ਨਾਮ ਫਲਾਵਰ ਸੰਡੇ (ਐਤਵਾਰ) ਰੱਖਿਆ ਗਿਆ ਅਤੇ ਫਿਰ ਇਸਦਾ ਨਾਮ ਚਿਲਡਰਨ ਡੇ ਰੱਖਿਆ ਗਿਆ।^[3][4][5]

ਬਾਲ ਦਿਵਸ ਨੂੰ ਪਹਿਲੀ ਵਾਰ ਸਰਕਾਰੀ ਤੌਰ 'ਤੇ ਤੁਰਕੀ ਗਣਤੰਤਰ ਦੁਆਰਾ 1920 ਵਿੱਚ 23 ਅਪ੍ਰੈਲ ਦੀ ਨਿਰਧਾਰਤ ਮਿਤੀ ਦੇ ਨਾਲ ਰਾਸ਼ਟਰੀ ਛੁੱਟੀ ਵਜੋਂ ਘੋਸ਼ਿਤ ਕੀਤਾ ਗਿਆ ਸੀ। ਸਾਲ 1920 ਤੋਂ ਲੈ ਕੇ ਸਰਕਾਰ ਅਤੇ ਉਸ ਸਮੇਂ ਦੇ ਅਖਬਾਰਾਂ ਦੁਆਰਾ ਬੱਚਿਆਂ ਦਾ ਦਿਨ ਰਾਸ਼ਟਰੀ ਪੱਧਰ 'ਤੇ ਮਨਾਇਆ ਜਾਂਦਾ ਹੈ। ਹਾਲਾਂਕਿ, ਇਹ ਫੈਸਲਾ ਲਿਆ ਗਿਆ ਸੀ ਕਿ ਇਸ ਜਸ਼ਨ ਨੂੰ ਸਪੱਸ਼ਟ ਕਰਨ ਅਤੇ ਸਹੀ ਠਹਿਰਾਉਣ ਲਈ ਇੱਕ ਅਧਿਕਾਰਤ ਪੁਸ਼ਟੀ ਦੀ ਲੋੜ ਸੀ ਅਤੇ ਅਧਿਕਾਰਤ ਘੋਸ਼ਣਾ ਰਾਸ਼ਟਰੀ ਪੱਧਰ 'ਤੇ ਤੁਰਕੀ ਦੇ ਗਣਤੰਤਰ ਦੇ ਸੰਸਥਾਪਕ ਅਤੇ ਰਾਸ਼ਟਰਪਤੀ, ਮੁਸਤਫਾ ਕਮਲ ਅਟਾਰਕ ਦੁਆਰਾ 1929 ਵਿੱਚ ਕੀਤੀ ਗਈ ਸੀ।^[6][7][8]

ਬੱਚਿਆਂ ਦੇ ਅਧਿਕਾਰਾਂ, ਦੇਖਭਾਲ ਅਤੇ ਸਿੱਖਿਆ ਪ੍ਰਤੀ ਜਾਗਰੂਕਤਾ ਵਧਾਉਣ ਲਈ ਬਾਲ ਦਿਵਸ ਪੂਰੇ ਭਾਰਤ ਵਿੱਚ ਮਨਾਇਆ ਜਾਂਦਾ ਹੈ। ਇਹ ਹਰ ਸਾਲ 14 ਨਵੰਬਰ ਨੂੰ ਭਾਰਤ ਦੇ ਪਹਿਲੇ ਪ੍ਰਧਾਨ ਮੰਤਰੀ ਜਵਾਹਰ ਲਾਲ ਨਹਿਰੂ ਨੂੰ ਸ਼ਰਧਾਂਜਲੀ ਵਜੋਂ ਮਨਾਇਆ ਜਾਂਦਾ ਹੈ।^[9] ਬੱਚਿਆਂ ਵਿਚ ਚਾਚਾ ਨਹਿਰੂ ਵਜੋਂ ਜਾਣੇ ਜਾਂਦੇ, ਓਹਨਾ ਨੇ ਬੱਚਿਆਂ ਨੂੰ ਸਿਖਿਆ ਪੂਰੀ ਕਰਨ ਦੀ ਵਕਾਲਤ ਕੀਤੀ। ਇਸ ਦਿਨ, ਬਹੁਤ ਸਾਰੇ ਵਿਦਿਅਕ ਅਤੇ ਪ੍ਰੇਰਕ ਪ੍ਰੋਗਰਾਮ ਪੂਰੇ ਭਾਰਤ ਵਿੱਚ, ਬੱਚਿਆਂ ਦੁਆਰਾ ਅਤੇ ਬੱਚਿਆਂ ਲਈ ਆਯੋਜਿਤ ਕੀਤੇ ਜਾਂਦੇ ਹਨ।^[10]