Ël Bangladesh (বাংলােদশ an bengalèis) a l'é un pais dl'Asia meridional. A confin-a con India e Myanmar. A l'ha na surfassa ëd 144.000 km² e a conta anviron 144 milion d'abitant. La capital a l'é Dacca.
Ël Bangladesh a l'é la part oriental dël Bengala e as treuva al nòrd dl'omònim gòlf.
Stòria
Fin-a 'l 1947 a l'é stàit na colònia anglèisa, ant l'Imperi Indian. Dël 1947 l'Imperi Indian a l'é stàit spartì an doi stat e 'l Bengala oriental (ch'a l'avìa na popolassion a magioransa mussulman-a) a l'ha costituì la part oriental del Pakistan, 1.600 km leugn d'la part ossidental. Ël 26 ëd mars dël 1971 ël Bangladesh a l'é proclamasse indipendent, ma ël Pakistan a l'ha arconossù ël neuv pais mach ël 16 dë dzèmber, dòp na guèra con l'India.
Conomìa
La moneda dël Bangladesh a l'é ël taka.
Organisassion polìtica
Ël Bangladesh (nòm ofissial: গণপ্রজাতন্ত্রী বাংলাদেশ Gônoprojatontri Bangladesh) a l'é na repùblica. Ël president a l'é Zillur Rahman (dal 2009).