DeviantArt
DeviantArt (më parë deviantART) është një bashkësi arti, videografie dhe fotografie në internet, e lançua më 7 gusht 2000 nga Angelo Sotira, Scott Jarkoff, Matthew Stephens, etj. Punimet e artit janë të organizuara në një strukturë të kategorive, duke përfshirë fotografinë, artin dixhital, artin tradicional, letërsinë, Flash, krijimin e filmave, skin për aplikime, shërbimet e personalizimit të sistemit operativ dhe të tjerët, së bashku me burimet e shkarkueshme, siç janë punë praktike dhe fotografi stock. Karakteristikat shtesë përfshijnë "revista", "sondazhe", "grupe" dhe "portofole".
DeviantArt, Inc është me seli në zonën Hollywood të Los Angeles, Kalifornia.[1] DeviantArt kishte të paktën 36 milion vizitorë në vit deri në vitin 2008.[2] Deri në vitin 2010, përdoruesit e DeviantArt po paraqisnin mbi 1.4 milion "të preferuar" dhe 1.5 milion komente çdo ditë.[3] Në 2011, ishte rrjeti i trembëdhjetë më i madh shoqëror me 3.8 milion vizita javore.[4] Në vitin 2017, faqja kishte mbi 26 milion anëtarë dhe 251 milion parashtresa.[5] Më 23 shkurt 2017, kompania njoftoi se ishte duke u blerë nga Wix.com në një marrëveshje prej 36 milion dollarësh.[6]