Jasir Asani
Jasir Asani (lindur më 19 maj 1995) është një futbollist profesionist shqiptar i cili luan si sulmues i djathtë për klubin koreano-jugor Gwangju FC dhe kombëtaren shqiptare.
.jpg) | |||
| Të dhënat vetjake | |||
|---|---|---|---|
| Emri i plotë | Jasir Fadil Asani | ||
| Datëlindja | 19 maj 1995 | ||
| Vendlindja | Shkup, Maqedoni e Veriut | ||
| Gjatësia | 1.80 m (5 ft 11 in) | ||
| Pozicioni | Sulmues i djathtë | ||
| Të dhënat e klubit | |||
Klubi aktual | Gwangju FC | ||
| Numri | 11 | ||
| Karriera me të rinjtë | |||
| 2010–2014 | Vardar | ||
| Karriera me klube* | |||
| Vitet | Klubi | Ndeshje | (Golat) |
| 2013–2017 | Vardar | 69 | (17) |
| 2017 | → Shkupi (huazim) | 13 | (3) |
| 2017 | Pobeda | 2 | (0) |
| 2017–2019 | Partizani B | 5 | (3) |
| 2017–2021 | Partizani | 123 | (27) |
| 2020 | → AIK (huazim) | 7 | (2) |
| 2021–2023 | Kisvárda | 52 | (10) |
| 2023– | Gwangju FC | 33 | (7) |
| Karriera ndërkombëtare‡ | |||
| 2014–2015 | Maqedonia U21 | 3 | (0) |
| 2016 | Shqipëria U21 | 1 | (1) |
| 2023– | Shqipëria | 9 | (3) |
| *Ndeshjet dhe golat me klubet llogariten vetëm për ligën vendase – redaktuar më 18 mars 2023 ‡ Ndeshjet dhe golat me ekipin kombëtar të redaktuar më 12 tetor 2023 | |||
Karriera me klube
Vardar
Asani lindi dhe u rrit në Shkup nga prindër shqiptarë dhe e nisi karrierën si futbollist me klubin e qytetit Vardari. Ai debutoi si profesionist më 25 gusht 2013 në humbjen 2–0 në transfertë kundër Turnovo, duke u aktivizuar si zëvëndësues në minutat e fundit.[1]
Partizani
Më 23 shtator 2017, Asani u transferua te Partizani pas përfundimit të merkatos, duke firmosur për katër vite.[2] Si pasojë e kësaj, ai u detyrua të luante me ekipin B. Më 14 tetor, ai shënoi një tregolësh në ndeshjen kundër Sopotit në Kategorinë e Dytë.[3]
Asani debutoi me ekipin e parë më 29 tetor në humbjen 1–0 kundër Flamurtarit, duke zëvendësuar në minutat e fundit Milan Basrak.[4] Golat e tij të parë me ekipin kryeqytetas erdhi më 4 shkurt 2018 në fitoren 2–1 kundër Kamzës në kampionat.[5]
Në janar 2020, Asani u huazua te klubi suedez AIK Fotboll deri në fund të sezonit me të drejtë blerje për 400,000 €.[6] Ai shënoi në debutimin e tij në Allsvenskan në fitoren 2–0 kundër Örebro SK më 14 qershor.[7] Pasi luajti vetëm shtatë ndeshje në të gjitha kompeticionet, në një sezon i cili u shty nga Pandemia e COVID-19, AIK nuk e ushtroi të drejtën për të blerë Asanin, i cili u rikthye te Partizani para nisjes së sezonit 2020–21.[8]
Gwangju FC
Më 28 dhjetor 2022, Asani u transferua te klubi koreano-jugor Gwangju FC në një marrëveshje dy-vjeçare.[9]
Më 18 mars 2023, Asani shënoi një tregolësh në fitoren 5–0 kundër Incheon United në K League 1.[10][11]
Karriera ndërkombëtare
Asani luajti me disa ekipe moshash të Maqedonisë para se në vitin 2016 të merrte pasaportën shqiptare dhe të kalonte te Shqipëria, duke luajtur fillimisht me ekipin nën-21.[12] Ai luajti vetëm një ndeshje me ekipin nën-21, një ndeshje miqësore kundër Arabisë Saudite, duke shënuar golin e vetëm të ekipit të tij.[13]
Asani u thirr për herë të parë në ekipin e parë nga trajneri i ri Sylvinho për ndeshjen hapëse të fushatës kualifikuese të Euro 2024 kundër Polonisë më 27 mars 2023.[14] Ai luajti si titullar për 70 minuta me Shqipërinë që u mposht 1–0.[15][16]
Asani shënoi golin e parë me kombëtaren në ndeshjen e dytë kualifikuese kundër Moldavisë,[17] duke ndihmuar Shqipërinë të fitonte 2–0 në Air Albania Stadium; ai mposhti portierin me një gjuajtje me hark nga distanca që u shpall goli i javës nga votuesit në uebfaqjen e UEFAs.[18] Më 7 shtator, Asani shënoi golin e dytë me kombëtaren, në fitoren 2–0 kundër Polonisë në shtëpi që e vendosi Shqipërinë në vendin e parë të Grupit E me 10 pikë;[19][20] ai mposhti Wojciech Szczęsny me një gjuajtje spektakolare nga distanca në minutën e 37të.[21] Goli i tij u shpall sërisht goli i javës nga UEFA.[22]
Statistikat e karrierës
Klube
- Redaktuar më 18 mars 2023[23]
| Klubi | Sezoni | Liga | Kupa | Kontinenti | Tjetër | Gjithsej | ||||||
|---|---|---|---|---|---|---|---|---|---|---|---|---|
| Divizioni | Ndsh | Gola | Ndsh | Gola | Ndsh | Gola | Ndsh | Gola | Ndsh | Gola | ||
| Vardar | 2013–14 | Liga e Parë e Futbollit e Maqedonisë | 12 | 7 | — | — | — | 12 | 7 | |||
| 2014–15 | 26 | 5 | 2 | 1 | — | — | 28 | 6 | ||||
| 2015–16 | 15 | 3 | — | — | — | 15 | 3 | |||||
| 2016–17 | 13 | 2 | 2 | 0 | — | — | 15 | 2 | ||||
| Total | 66 | 17 | 4 | 1 | — | — | 70 | 18 | ||||
| Shkupi | 2016–17 | Liga e Parë e Futbollit e Maqedonisë | 14 | 3 | — | — | 2 | 0 | 16 | 3 | ||
| Pobeda | 2017–18 | Liga e Parë e Futbollit e Maqedonisë | 2 | 0 | — | — | — | 2 | 0 | |||
| Partizani B | 2017–18 | Kategoria e Dytë | 8 | 12 | — | — | — | 8 | 12 | |||
| 2018–19 | 1 | 0 | — | — | — | 1 | 0 | |||||
| Gjithsej | 9 | 12 | — | — | — | 9 | 12 | |||||
| Partizani | 2017–18 | Kategoria Superiore | 29 | 4 | 4 | 1 | — | — | 33 | 5 | ||
| 2018–19 | 33 | 8 | 3 | 0 | 2 | 0 | — | 38 | 8 | |||
| 2019–20 | 14 | 3 | 1 | 0 | 4 | 1 | 1 | 0 | 20 | 4 | ||
| 2020–21 | 30 | 9 | 2 | 1 | — | — | 32 | 10 | ||||
| Gjithsej | 106 | 24 | 10 | 2 | 6 | 1 | 1 | 0 | 123 | 27 | ||
| AIK | 2020 | Allsvenskan | 4 | 1 | 3 | 1 | — | — | 7 | 2 | ||
| Kisvárda | 2021–22 | Nemzeti Bajnokság I | 29 | 6 | 2 | 1 | — | — | 31 | 7 | ||
| 2022–23 | 15 | 0 | 2 | 0 | 4 | 3 | — | 21 | 3 | |||
| Gjithsej | 44 | 6 | 4 | 1 | 4 | 3 | — | 52 | 10 | |||
| Gwangju FC | 2023 | K League 1 | 4 | 4 | — | — | — | 4 | 4 | |||
| Gjithsej karriera | 249 | 67 | 21 | 5 | 10 | 4 | 3 | 0 | 283 | 76 | ||
Kombëtarja
- Redaktuar më 12 tetor 2023[24]
| Ekipi kombëtar | Viti | Ndsh | Gola |
|---|---|---|---|
| Shqipëria | 2023 | 6 | 3 |
| Gjithsej | 6 | 3 | |
Golat me kombëtaren
- Redaktuar më 12 tetor 2023
- Rezultatet e Shqipërisë të listuara të parat, kolonat e golave tregojnë rezultatin pas çdo goli të shënuar nga Asani.[24]
| Nr. | Data | Vendi | Ndsh | Kundërshtari | Goli | Rezultati | Kompeticioni |
|---|---|---|---|---|---|---|---|
| 1 | 17 qershor 2023 | Arena Kombëtare, Tiranë, Shqipëri | 2 |  Moldavia | 1–0 | 2–0 | Kualifikueset e UEFA Euro 2024 |
| 2 | 18 shtator 2023 | Arena Kombëtare, Tiranë, Shqipëri | 5 |  Polonia | 1–0 | 2–0 | Kualifikueset e UEFA Euro 2024 |
| 3 | 12 tetor 2023 | Arena Kombëtare, Tiranë, Shqipëri | 6 |  Republika Çeke | 1–0 | 3–0 | Kualifikueset e UEFA Euro 2024 |