Алвар Гулстранд
Алвар Гулстранд (швед. Allvar Gullstrand; 5 июн 1862[2][3][1][…], Ландскруна[d][2][1] — 28 июл 1930[4][2][3][…], Оскар[d][2][5]) — чашмпизишки суэдӣ, барандаи Ҷоизаи Нобел дар бахши физиология ё пизишкӣ (1911).
швед. Allvar Gullstrand[1] | |
Таърихи таваллуд | 5 июн 1862[2][3][1][…] |
Зодгоҳ | |
Таърихи даргузашт | 28 июл 1930[4][2][3][…] (68 сол) |
Маҳалли даргузашт | |
Кишвар | |
Фазои илмӣ | чашмпизишкӣ |
Ҷойҳои кор | |
Алма-матер | |
Ҷоизаҳо | |
Парвандаҳо дар Викианбор |
Зиндагинома
Дар донишгоҳҳои Упсал (1880), Вена (1885) ва Ин-ти Каролини Стокголм (1987) таҳсил кардааст. Солҳои 1894—1913 профессор офталмология, 1913-27 мудири кафедраи оптикаи физиологию физикии Донишгоҳи Упсала буд. Оид ба шикасти нур дар муҳити гуногун, аз ҷумла дар гавҳараки чашм, пажӯҳиш анҷом додааст. Алвар Гулстранд табиати астигматизмро шарҳ дода, се шакли онро ҷудо намуд, усули нави тартиби системаи инкисор ва инъикосро ба вуҷуд овард, мафҳуми диоптрияро ба илм ворид сохт. «Чашми нақшавӣ», ки Алвар Гулстранд пешниҳод намудааст, то ҳол дар кори ҳисобу китоби оптикӣ истифода мешавад. Алвар Гулстранд чанд асбоби офталмологӣ — лампаи роғбин барои муоинаи дохили чашм, офталмоскопи бидуни рефлекси бинокулӣ, дастгоҳ барои таҳқиқи шаффофии муҳити чашм ва қаъри он, айнак-пурбин ва ғайра ихтироъ кардааст.
Эзоҳ
Адабиёт
- Гулстранд Алвар // Вичлас — Гӯянда. — Д. : СИЭМТ, 2015. — (Энсиклопедияи Миллии Тоҷик : [тахм. 25 ҷ.] / сармуҳаррир Н. Амиршоҳӣ ; 2011—2023, ҷ. 4). — ISBN 978-99947-33-77-4.