Гонг
Гонг (ҷов. , мол. gong), там-там — сози зарбии садояш баланд ва тӯлонию таъсирбахш; яке аз намудҳои там-там. Диапазонаш аз F2 то C1. Гонг давра (диск)-и биринҷиест (қутраш 200—500 мм), ки дар чӯби кӯндаланг аз гӯшаҳояш овезон аст; бо кӯбаки махсус ба мобайни давра (диск) зарба зада мешавад (бар хилофи там-там). Вазифаи сигналдиҳӣ ё ҳамовозиро иҷро мекунад. Ватани гонг ро Индонезия меҳисобанд; намудҳои сершумори он асоси оркестри миллии гамелонро ташкил медиҳанд. Аз нимаи 2-юми асри 18 дар Аврупо паҳн шуд; гонг махсусан дар давраи инқилоби асри 18-и Фаронса машҳур гардид (мас., дар Ж. Госсек). Навъҳои гуногуни Г. мавҷуданд, ки аз ҷиҳати андоза, шакл, садодиҳӣ ва макони тавлид аз ҳам тафовут доранд. Дар оркестри симфонӣ чанд гонг вобаста ба шаклу дараҷаи садояшон истифода мешаванд. Беҳтарин гонги муосирро дар ҷазираи Ява (ш. Семеранг) истеҳсол мекунанд.
 | |
| Номи расмӣ | англ. Gongs[1] итол. Gong[2] |
|---|---|
| Маводди созанда | metal[d] |
| Тавзеҳот дар сомонаи | mimo-db.eu/HornbostelAnd… |
| Hornbostel-Sachs classification | 111.241[1] |
| MCN code | 8306.10.00 |
 Парвандаҳо дар Викианбор | |
Эзоҳ
Сарчашма
- Гонг // Вичлас — Гӯянда. — Д. : СИЭМТ, 2015. — (Энсиклопедияи Миллии Тоҷик : [тахм. 25 ҷ.] / сармуҳаррир Н. Амиршоҳӣ ; 2011—2023, ҷ. 4). — ISBN 978-99947-33-77-4.