A-1 Pictures
Ang A-1 Pictures[e][1] ay isang istudyong pang-animasyon na nakabase sa Suginami, Tokyo sa Hapón. Itinatag sila noong 2005 ng prodyuser na si Mikihiro Iwata bilang ang pangunahing istudyo ng Aniplex, ang magulang na kumpanya nito.[2][3] Nakagawa na sila ng lagpas 200 anime,[4] kabilang na ang mga seryeng tulad ng Fairy Tail, Sword Art Online, Shigatsu wa Kimi no Uso, at Kaguya-sama wa Kokurasetai.
 | |
Pangalang lokal | 株式会社A-1 Pictures |
|---|---|
| Kabushiki gaisha Ee-wan Pikuchaazu | |
| Uri | Kabushiki gaisha Subsidiary |
| Industriya | Anime |
| Itinatag | 9 Mayo 2005 |
| Nagtatag | Mikihiro Iwata |
| Punong-tanggapan | Suginami, Tokyo, Hapón |
Pangunahing tauhan | Shin'ichiro Kashiwada (Kumakatawang Direktor) |
| May-ari | Sony Music Entertainment Japan |
Dami ng empleyado | 151 (Pebrero 2022) |
| Magulang | Aniplex |
| Dibisyon | |
| Website | a1p.jp (sa wikang Hapón) |
| Talababa / Sanggunian [1][2] | |
May apat silang istudyo sa kasalukuyan: tatlo sa Tokyo at isa sa Fukuoka.[1] Noong Oktubre 2018, humiwalay sa kanila ang CloverWorks, ang istudyo nila sa Kouenji, Tokyo matapos nitong magbago ng tatak noong Abril.[5][6]
Kasaysayan
Pagtatag at mga unang taon
Itinatag ang A-1 Pictures noong 9 Mayo 2005 sa ilalim ng Aniplex, ang sangay ng Sony Music Entertainment Japan para sa mga produksiyon ng anime. Si Hideo Katsumata ang itinalagang pangulo at CEO ng kumpanya.[3] Una nilang prinodyus ang orihinal na anime na Zenmai Zamurai noong 2006 hanggang 2009. Noong 2007 naman, inilabas nila ang anime ng sikat na baseball manga na Ookiku Furikabutte, at nagdaos ng panel para rito sa Tokyo International Anime Fair.[7] Sa parehong taon, nagdaos rin sila ng panel sa Anime Expo na ginanap sa Long Beach, California sa Estados Unidos.[8]
Sila ang napiling istudyo ng cable channel na Animax para isa-anime ang Takane no Jitensha, ang nanalong script sa ika-6 na edisyon ng Animax Awards, na ipinalabas sa naturang channel noong 2008.[9] Noong 8 Nobyembre, inanunsyo nila ang pagsasa-anime nila sa popular na video game na Persona 3. Pinamagatang Persona: Trinity Soul, sequel ito ng laro na ipinalabas noong Enero 2008.[10] Samantala, inanunsyo naman noong Marso 2008 sa Tokyo International Anime Fair ang pagprodyus nila sa bagong anime ng seryeng Tetsuwan Birdy.[11] Pinamagatang Tetsuwan Birdy: Decode, nagkaroon ito ng dalawang season, na ipinalabas mula Hulyo hanggang Setyembre 2008 at Enero hanggang Marso 2009.[12] Inanunsyo naman sa isyu ng magasin na Animedia para sa Agosto 2008 ang anime ng manga na Kuroshitsuji, na inilabas noong Oktubre ng taong ding yon, hanggang Marso 2009.[13] Sa parehong buwan din nila inilabas ang anime ng manga na Kannagi.[14] Samantala, inanunsyo naman noong Nobyembre 2008 na sila ang gagawa sa anime ng video game ng Sega na Senjou no Valkyria, na inilabas naman noong Abril hanggang Setyembre 2009.[15]
Sila ang pangunahing istudyo na gumawa sa anime ng shounen manga na Fairy Tail. Nagkaroon ito ng tatlong magkakahiwalay na serye: ang una mula 2009 hanggang 2013,[16][17] pangalawa noong 2015 hanggang 2016,[18][19] at pangatlo mula 2018 hanggang 2019, para sa kabuuan na 328 episode.[20][21]
Inanunsyo naman noong Enero 2008 na sila ang gagawa sa isang sci-fi na pelikula na may tentatibong pamagat na The Uchuu Show, na nakatakdang ipalabas sa taong 2008.[22] Gayunpaman, inurong ito sa 2010 na may bagong pamagat na Uchuu Show e Youkoso at nag-premiere sa Berlin International Film Festival.[23]
2010s
Noong 2010, nakipagtulungan ang A-1 Pictures sa isang proyekto ng Aniplex at ng TV Tokyo na Anime no Chikara.[f][24] Tatlo ang nagawang orihinal na anime sa ilalim nito noong 2010: Sora no Woto, Senkou no Night Raid, at Seikimatsu Occult Gakuin.[25] Bukod sa proyektong ito, inilabas din nila ang mga anime ng yaoi na nobelang biswal na Togainu no Chi at ang slice of life na yonkoma na Working!!,[26][27] pati na rin ang mga pangalawang season ng Kuroshitsuji at Ookiku Furikabutte.[28][29]
Noong Hunyo 2010, inanunsyo ng Sony Music Entertainment na ang prodyuser na si Masuo Ueda ang papalit kay Katsumata bilang pangulo at CEO, matapos nitong tanggapin ang posisyon bilang kumakatawang direktor sa Aniplex.[3]
Anim na anime ang nagawa ng istudyo noong 2011. Ang una sa mga ito ay ang orihinal na anime na Fractale, na inilabas mula Enero hanggang Marso.[30] Samantala, inilabas naman mula Abril hanggang Hunyo ang Anohana.[31] Tungkol sa kuwento ng isang grupo ng mga magkakaibigang namatayan ng kaibigan noong bata pa sila, nakatanggap ito ng mga parangal at papuri mula sa mga kritiko, at itinuturing bilang isa sa mga pinakamagagandang nagawang anime ng dekada.[32][33] Bukod dito, isina-anime rin nila ang shounen manga na Ao no Exorcist, na inilabas mula Abril hanggang Oktubre,[34] gayundin ang mga idol na video game na Uta no Prince-sama at The Idolmaster.[35][36] Sa parehong taon din nila inilabas ang pangalawang season ng Working!!.[37]
Anim din na anime ang ginawa nila noong 2012, kabilang na ang mga sikat na serye tulad ng Magi at Sword Art Online.[38][39] Bukod sa dalawang ito, isina-anime rin nila ang manga na Uchuu Kyoudai at ang video game na Chousoku Henkei Gyrozetter.[40][41], pati na ang nobelang Shinsekai Yori.[42] Naglabas rin sila ng isang orihinal na anime, Tsuritama, na ipinalabas mula Abril hanggang Hunyo.[43] Bukod sa mga ito, inilabas rin nila ang mga pelikula ng Fairy Tail at ng Ao no Exorcist.[44][45]
Nag-host ang A-1 Pictures ng isang panel sa Anime Expo 2013. Dumating ang pangulo ng istudyo na si Masuo Ueda para personal na ianunsyo ang mga ilalabas na anime nila.[46] Walo ang inilabas nilang anime noong 2013, kabilang na ang dalawang orihinal na gawa: Vividred Operation at Galilei Donna.[47][48] Isina-anime rin nila sa taong ito ang nobelang magaan na Oreshura at ang mga manga na Servant × Service at Gin no Saji.[49][50][51] Noong 7 Oktubre 2012, inanunsyo na nilipat sa kanila ang pagprodyus sa ikalawang season ng Oreimo mula sa AIC Build, na ipinalabas mula Abril hanggang Hunyo 2013.[52][53] Bukod rito, ginawan rin nila ng pangalawang season ang mga seryeng Uta no Prince-sama at Magi.[54][55] Ginawan rin nila ng pelikula ang Anohana at ang manga na Saint Onii-san.[56][57]
Labing-isang anime ang nilabas nila noong 2014, kabilang na ang ikalawang season ng Fairy Tail.[18] Dalawa sa mga ito ay orihinal na gawa: Sekai Seifuku: Bouryaku no Zvezda na nilabas noong Enero,[58] at Aldnoah.Zero na inilabas noong Hulyo at ginawa sa pakikipagtulungan sa Troyca.[59] Sa Enero rin nila nilabas ang ikalawang season ng Gin no Saji.[60] Inilabas nila noong Abril ang anime ng nobelang magaan na Ryuugajou Nanana no Maizoukin.[61] Samantala, inanunsyo naman na sila ang gagawa sa anime ng manga na Magic Kaito na ipinalabas mula Oktubre hanggang Marso ng sumunod na taon.[62] Gumawa rin sila ng isang anime na base sa video game na Persona 4, na ipinalabas mula Hulyo hanggang Setyembre sa ilalim ng pamagat na Persona 4: The Golden Animation.[g][63] Nilabas rin nila ang pangalawang season ng Sword Art Online at ang pangatlong season ng Kuroshitsuji noong Hulyo.[64][65]
Inanunsyo rin na sila ang gagawa sa popular na manga na Nanatsu no Taizai, na ipinalabas mula Oktubre hanggang Marso ng sumunod na taon.[66] Sa parehong panahon din nila nilabas ang anime ng manga na Shigatsu wa Kimi no Uso, na umani ng mga papuri mula sa mga kritiko at itinuturing din bilang isa sa mga pinakamagagandang anime ng dekada.[67][68]
Bukod sa mga serye, tatlong pelikula ang inilabas nila noong 2014. Noong Enero, inilabas nila ang pelikulang The Idolmaster Movie: Kagayaki no Mukougawa e!.[69] Samantala, inilabas naman nila noong Hunyo ang Persona 3 The Movie No. 2, ang pangalawang pelikula sa seryeng Persona 3 The Movie.[h][70] Inilabas naman noong Agosto ang prequel na pelikula ng Uchuu Kyoudai na pinamagatang Uchuu Kyoudai #0.[71]
Labing-isang anime ang nilabas rin nila noong 2015. Noong Enero, nilabas nila ang The Idolmaster Cinderella Girls, na base sa isang video game ng seryeng The Idolmaster.[72] Ipinalabas ang ikalawang season nito sa parehong taon, mula Hulyo hanggang Oktubre.[73] Sa Enero din nila nilabas ang Saekano, na base naman sa isang manga,[74] gayundin ang ikalawang season ng Aldnoah.Zero.[75] Samantala, apat na anime ang nilabas nila noong Abril, kabilang na ang Mahou Shoujo Lyrical Nanoha Vivid, na base sa isang manga at bahagi ng prangkisang Mahou Shoujo Lyrical Nanoha.[76] Inilabas rin nila sa buwan na ito ang Gunslinger Stratos The Animation na base sa video game na Gunslinger Stratos,[77] at ang anime ng manga na Denpa Kyoushi,[78] gayundin ang ikatlong season ng Uta no Prince-sama.[79] Noong Hulyo naman, nilabas nila ang anime ng nobelang Gate pati na rin ang ikatlong season ng Working!!.[80][81] Inilabas naman nila noong Oktubre ang anime ng mga nobelang magaan na Gakusen Toshi Asterisk at ang nobelang Subete ga F ni Naru.[82][83]
Noong Abril 2015, inilabas nila ang ikatlong pelikula ng Persona 3 The Movie.[84] Sa parehong buwan, inanunsyo ng istudyo pati ng Sony Music Entertainment ang pagbaba ni Masuo Ueda bilang CEO at pangulo. Pinalitan siya ni Tomonori Ochikoshi.[85] Samantala, inilabas nila ang pelikulang Kokoro ga Sakebitagatterunda noong Setyembre, na gawa ng parehong team na gumawa sa Anohana.[86]
Labing-isang anime ang inilabas nila para sa taong 2016. Noong Enero, inilabas nila ang anime ng manga na Boku dake ga Inai Machi at Hai to Gensou no Grimgar,[87][88] gayundin ang ikalawang season ng Gate.[89] Inilabas naman nila noong Abril ang anime ng video game na Gyakuten Saiban,[90] pati ang ikalawang season ng Gakusen Toshi Asterisk.[91] Noong Hulyo naman nila nilabas ang anime ng nobelang magaan na Qualidea Code,[92] gayundin ang anime para sa proyektong multimidya na B-Project.[93] Noong Agosto, inilabas naman nila ang Nanatsu no Taizai: Seisen no Shirushi, isang apat na episode na espesyal na nagsilbing pangalawang season ng serye.[94] Samantala, inilabas naman nila noong Oktubre ang anime ng nobelang magaan na Occultic;Nine,[95] gayundin ang ikaapat na season ng Uta no Prince-sama.[96] Inilabas rin nila sa parehong buwan ang anime ng Web-ban Working!!, ang spinoff na manga ng Working!!, na pinamagatang WWW.Working!!.[97]
Noong Enero 2016, dalawang pelikula ang inilabas ng istudyo. Ang una sa mga ito, Glass no Hana to Kowasu Sekai, ay inilabas noong 9 Enero.[98] Samantala, inilabas naman nila ang ikaapat at panghuling pelikula ng Persona 3 The Movie noong 23 Enero.[99] Bukod dito, inilabas nila ang pelikula para sa yaoi na manga na Doukyuusei noong 20 Pebrero.[100]
Walong anime ang inilabas nila noong 2017. Noong Enero, inilabas nila ang anime ng manga na Demi-chan wa Kataritai gayundin ang ikalawang season ng Ao no Exorcist.[101][102] Noong Abril, inilabas naman nila ang anime ng video game na Granblue Fantasy, sa ilalim ng pamagat na Granblue Fantasy The Animation,[103] gayundin ang anime ng nobelang magaan na Eromanga Sensei.[104] Sa parehong buwan din nila nilabas ang ikalawang season ng Saekano.[105] Inilabas naman nila noong Hulyo ang anime na Fate/Apocrypha, na bahagi ng prangkisang Fate.[106] Sa Oktubre naman nila nilabas ang anime ng yonkoma na Blend S gayundin ang The Idolmaster SideM, na bahagi naman ng prangkisang The Idolmaster.[107][108] Bukod sa mga seryeng ito, naglabas rin sila ng tatlong pelikula. Noong 21 Enero, inilabas sa mga sinehan ang pelikulang Kuroshitsuji: Book of the Atlantic.[109] Noong 18 Pebrero, inilabas naman nila ang pelikulang Sword Art Online The Movie: Ordinal Scale, na isang direktang sequel ng ikalawang season ng anime.[110] Inilabas naman nila noong 6 Mayo ang ikalawang pelikulang Fairy Tail: Dragon Cry.[111]
Noong Abril 2018, inanunsyo ng A-1 Pictures ang pagbabago sa tatak ng kanilang istudyo sa Kouenji bilang CloverWorks, upang ihiwalay sila sa pangunahing istudyo nila sa Asagaya.[5] Dahil dito, nilipat ang kredit para sa mga anime na Slow Start, Persona 5 The Animation, at sa ikalawang season ng Ace Attorney mula sa kanila papunta sa CloverWorks.[5][6] Gayunpaman, noong 1 Oktubre, inanunsyo ang pormal na paghiwalay ng CloverWorks sa A-1 Pictures, bagamat nanatili pa rin itong subsidiary ng Aniplex.[6][112]
Anim na anime na inilabas ng istudyo para sa taong 2018,[i] kabilang na ang huling season ng Fairy Tail.[20] Ang una sa mga ito, Grancrest Senki, ay inilabas noong Enero.[116] Sa parehong buwan din nila inilabas ang ikatlong season ng Nanatsu no Taizai,[117] gayundin ang orihinal na anime na Darling in the Franxx na ginawa sa pakikipagtulungan ng Studio Trigger at CloverWorks.[j][118] Inilabas naman noong Abril ang anime ng manga na Wotaku ni Koi wa Muzukashii.[119] Pinalabas naman sa mga sinehan ang pelikulang Nanatsu no Taizai: Tenkuu no Torawarebito noong 18 Agosto.[120] Samantala, inilabas naman nila ang unang bahagi ng ikatlong season ng Sword Art Online noong Oktubre, sa ilalim ng pamagat na Sword Art Online: Alicization.[121]
Inilabas nila noong Enero 2019 ang anime para sa romcom na manga na Kaguya-sama wa Kokurasetai.[122] Nilabas rin nila noong Oktubre ang ikalawang bahagi ng ikatlong season ng Sword Art Online: Alicization, sa ilalim ng pamagat na Sword Art Online: Alicization – War of Underworld.[123] Samantala, inilabas naman nila noong 14 Hunyo ng parehong taon ang pelikulang Uta no Prince-sama: Maji Love Kingdom.[124]
2020s
Limang anime ang inilabas nila noong 2020. Una nilang nilabas noong Enero ang anime na 22/7, na base sa isang grupo ng mga idol na may kaparehong pangalan.[125] Sa parehong buwan din nila nilabas ang pelikula ng anime na High School Fleet ng Production IMS.[126] Samantala, inilabas naman nila ang ikalawang season ng Kaguya-sama wa Kokurasetai noong Abril.[127] Nilabas nila ang ikalawang bahagi ng Sword Art Online: Alicization – War of Underworld noong Hulyo, matapos nitong mausog mula sa orihinal na paglabas nito sa Abril dahil sa pandemya ng COVID-19.[128] Nakatakda sanang mailabas ang mga anime na Hypnosis Mic: Division Rap Battle: Rhyme Anima at Sen'yoku no Sigrdrifa noong Hulyo.[129][130] Gayunpaman, inusog ang pag-ere sa mga ito papuntang Oktubre dahil rin sa pandemya.[130][131] Inilabas naman noong 18 Setyembre ang pelikulang anime ng manga na Omoi, Omoware, Furi, Furare matapos maantala rin ang orihinal na paglabas nito noong 29 Mayo dahil sa pandemya.[132]
Nilabas naman nila noong Abril 2021 ang anime ng nobelang magaan na 86, na hinati sa dalawang magkahiwalay na bahagi.[133][134] Nakaranas ang serye ng mga isyu sa produksiyon, na naging dahilan upang iusog ang paglabas sa ika-18 at ika-19 na episode nito nang isang linggo mula sa orihinal nitong iskedyul,[135] gayundin sa pag-usog sa huling dalawang episode nito hanggang Marso 2022.[136] Samantala, inilabas naman nila ang orihinal na anime na Visual Prison noong Oktubre.[137] Sa parehong buwan din nila nilabas ang pelikulang Sword Art Online Progressive: Hoshi Naki Yoru no Aria.[138]
Tatlong anime ang nilatag nila para sa taong 2022. Noong Abril, inilabas naman nila ang ikatlong season ng Kaguya-sama wa Kokurasetai.[139] Sa sumunod na season sa Hulyo, nilabas naman nila ang mga orihinal na anime na Lycoris Recoil at Engage Kiss.[140][141] Inilabas naman noong 2 Setyembre ang pelikula ng Uta no Prince-sama na Uta no Prince-sama: Maji Love Starish Tours.[142] Lumabas naman sa mga sinehan ang ikalawang pelikula ng Sword Art Online Progressive na Sword Art Online Progressive: Kuraki Yuuyami no Scherzo noong 22 Oktubre matapos maantala ang orihinal nitong paglabas noong 10 Setyembre dahil sa nagpapatuloy na pandemya.[143] Samantala, ipinalabas naman noong Disyembre ang mga pelikulang anime ng nobelang Kagami no Kojou gayundin ang Kaguya-sama wa Kokurasetai: First Kiss wa Owaranai.[144][145]
May tatlong anime na kumpirmadong ilalabas ng istudyo sa 2023. Sa darating na Enero, ilalabas ang anime ng Nier:Automata sa ilalim ng pamagat na Nier:Automata Ver1.1a.[146] Nakatakdang lumabas naman sa Abril ang anime ng Mashle.[147] Samantala, nakalistang lalabas sa 2023 ang anime ng manhwa na Solo Leveling.[148] Bukod dito, ipapalabas din ng istudyo ang pelikula ng nobelang magaan na Eisen Flügel sa iaanunsyo pa lang na petsa.[149]
Gawa
Serye
2000s
| Taon | Ipinalabas | Pamagat[g 1] | Direktor | Episodes | Pinagmulan | Impormasyon |
|---|---|---|---|---|---|---|
| 2006 | Abril–Pebrero 2009 | Zenmai Zamurai | Tetsuo Yanami | 215 | Orihinal | Katulong: No Side |
| 2007 | Abril–Setyembre | Ookiku Furikabutte | Tsutomu Mizushima | 25 | Manga | |
| Abril–Marso 2008 | Robby to Kerobby | Yuu Kou | 52 | Orihinal | ||
| 2008 | Enero–Hunyo | Persona: Trinity Soul | Atsushi Matsumoto | 26 | Laro | |
| Hulyo–Setyembre | Tetsuwan Birdy: Decode | Kazuki Akane | 13 | Manga | ||
| Oktubre–Disyembre | Kannagi | Yutaka Yamamoto | 13 | Kooperasyon: Ordet | ||
| Oktubre–Marso 2009 | Kuroshitsuji | Toshiya Shinohara | 24 | |||
| 2009 | Enero–Marso | Tetsuwan Birdy: Decode 02 | Kazuki Akane | 12 | Ikalawang season ng Tetsuwan Birdy: Decode.[12] | |
| Abril–Setyembre | Senjou no Valkyria | Yasutaka Yamamoto | 26 | Laro | ||
| Abril–Marso 2013 | Fairy Tail | Shinji Ishihara | 175 | Manga | Katulong: Satelight |
- Talababa
2010s
| Taon | Ipinalabas | Pamagat[g 1] | Direktor | Episodes | Pinagmulan | Impormasyon |
|---|---|---|---|---|---|---|
| 2010 | Enero–Marso | Sora no Woto | Mamoru Kanbe | 12 | Orihinal | Bahagi ng proyektong Anime no Chikara ng Aniplex at TV Tokyo.[25] |
| Abril–Hunyo | Ookiku Furikabutte: Natsu no Taikai-hen | Tsutomu Mizushima | 13 | Manga | Ikalawang season ng Ookiku Furikabutte.[29] | |
| Working!! | Yoshimasa Hiraike | |||||
| Senkou no Night Raid | Atsushi Matsumoto | 13 | Orihinal | Bahagi ng proyektong Anime no Chikara ng Aniplex at TV Tokyo.[25] | ||
| Hulyo–Setyembre | Kuroshitsuji II | Hirofumi Ogura | 12 | Manga | Ikalawang season ng Kuroshitsuji. | |
| Seikimatsu Occult Gakuin | Tomohiko Itou | 13 | Orihinal | Bahagi ng proyektong Anime no Chikara ng Aniplex at TV Tokyo.[25] | ||
| Oktubre–Disyembre | Togainu no Chi | Naoyuki Konno | 12 | Laro | ||
| 2011 | Enero–Marso | Fractale | Yutaka Yamamoto | 11 | Orihinal | Kooperasyon: Ordet |
| Abril–Hunyo | Anohana | Tatsuyuki Nagai | ||||
| Abril–Oktubre | Ao no Exorcist | Tensai Okamura | 25 | Manga | ||
| Hulyo–Setyembre | Uta no Prince-sama | Yuu Kou | 13 | Laro | ||
| Hulyo–Disyembre | The Idolmaster | Atsushi Nishigori | 25 | |||
| Oktubre–Disyembre | Working'!! | Atsushi Ootsuki | 13 | Manga | Ikalawang season ng Working!!. | |
| 2012 | Abril–Marso 2014 | Uchuu Kyoudai | Ayumu Watanabe | 99 | ||
| Abril–Hunyo | Tsuritama | Kenji Nakamura | 12 | Orihinal | ||
| Hulyo–Disyembre | Sword Art Online | Tomohiko Itou | 25 | Nobelang magaan | ||
| Setyembre–Marso 2013 | Shinsekai Yori | Masashi Ishihama | Nobela | |||
| Oktubre–Setyembre 2013 | Chousoku Henkei Gyrozetter | Shinji Takamatsu (hepe) Kunihiro Mori | 51 | Laro | ||
| Oktubre–Marso 2013 | Magi: The Labyrinth of Magic | Koji Masunari Naotaka Hayashi | 25 | Manga | ||
| 2013 | Enero–Marso | Oreshura | Kanta Kamei | 13 | Nobelang magaan | |
| Vividred Operation | Kazuhiro Takamura | 12 | Orihinal | |||
| Abril–Hunyo | Uta no Prince-sama: Maji Love 2000% | Yuu Kou | 13 | Laro | Ikalawang season ng Uta no Prince-sama. | |
| Oreimo (S2) | Hiroyuki Kanbe | Nobelang magaan | Ikalawang season ng Oreimo na ginawa ng AIC Build noong 2010.[52] | |||
| Hulyo–Setyembre | Servant × Service | Yasutaka Yamamoto | 13 | Manga | ||
| Gin no Saji | Tomohiko Itou | 11 | ||||
| Oktubre–Disyembre | Galilei Donna | Yasuomi Umetsu | Orihinal | |||
| Oktubre–Marso 2014 | Magi: The Kingdom of Magic | Koji Masunari Naotaka Hayashi | 25 | Manga | ||
| 2014 | Enero–Marso | Gin no Saji (S2) | Kotomi Deai | 11 | Ikalawang season ng Gin no Saji.[60] | |
| Sekai Seifuku: Bouryaku no Zvesda | Tensai Okamura | 12 | Orihinal | |||
| Abril–Hunyo | Ryuugajou Nanana no Maizoukin | Kanta Kamei | 11 | Nobelang magaan | ||
| Abril–Marso 2016 | Fairy Tail (S2) | Shinji Ishihara | 102 | Manga | Sequel ng Fairy Tail.[18] Katulong: Bridge. | |
| Hulyo–Setyembre | Aldnoah.Zero | Ei Aoki | 12 | Orihinal | Katulong: Troyca. | |
| Kuroshitsuji: Book of Circus | Noriyuki Abe | 10 | Manga | Ikatlong season ng Kuroshitsuji. | ||
| Persona 4: The Golden Animation | Seiji Kishi Tomohisa Taguchi | 12 | Laro | Base sa port sa PlayStation Vita ng larong Persona 4. Halos pareho sa anime noong 2011 na ginawa ng AIC ASTA maliban lang sa ilang mga eksenang hindi ipinakita sa una.[63] | ||
| Hulyo–Disyembre | Sword Art Online II | Tomohiko Itou | 24 | Nobelang magaan | Ikalawang season ng Sword Art Online. | |
| Oktubre–Marso 2015 | Magic Kaito 1412 | Susumu Kudo | Manga | |||
| Nanatsu no Taizai | Tensai Okamura | |||||
| Shigatsu wa Kimi no Uso | Kyouhei Ishiguro | 22 | ||||
| 2015 | Enero–Marso | Aldnoah.Zero (S2) | Ei Aoki | 12 | Orihinal | Ikalawang season ng Aldnoah.Zero.[75] Katulong: Troyca. |
| Saekano | Kanta Kamei | 13 | Nobelang magaan | |||
| Enero–Abril | The Idolmaster Cinderella Girls | Noriko Takao | Laro | |||
| Abril–Hunyo | Magical Girl Lyrical Nanoha ViVid | Yuuki Itou | 12 | Manga | Sequel ng Magical Girl Lyrical Nanoha StrikerS, na ginawa ng Seven Arcs noong 2007.[76] | |
| Gunslinger Stratos: The Animation | Shinpei Ezaki | Laro | ||||
| Uta no Prince-sama: Maji Love Revolutions | Makoto Hoshino | 13 | Ikatlong season ng Uta no Prince-sama. | |||
| Abril–Setyembre | Denpa Kyoushi | Masato Sato | 24 | Manga | ||
| Working!!! | Yumi Kamakura | 13 | Ikatlong season ng Working!!. | |||
| Hulyo–Setyembre | Gate | Takahiko Kyougoku Ryou Andou | 12 | Nobelang magaan | ||
| Hulyo–Oktubre | The Idolmaster Cinderella Girls | Noriko Takao | Laro | Ikalawang season ng The Idolmaster Cinderella Girls.[73] | ||
| Oktubre–Disyembre | Gakusen Toshi Asterisk | Kenji Seto | Nobelang magaan | |||
| Subete ga F ni Naru | Mamoru Kanbe | 11 | Nobela | |||
| 2016 | Enero–Marso | Boku dake ga Inai Machi | Tomohiko Itou | 12 | Manga | |
| Gate (S2) | Takahiko Kyougoku Ryou Andou | Nobelang magaan | Ikalawang season ng Gate.[89] | |||
| Hai to Gensou no Grimgar | Ryosuke Nakamura | |||||
| Abril–Hunyo | Gakusen Toshi Asterisk (S2) | Kenji Seto | Ikalawang season ng Gakusen Toshi Asterisk[91] | |||
| Abril–Setyembre | Gyakuten Saiban | Ayumu Watanabe | 24 | Laro | ||
| Hulyo–Setyembre | B-Project | Eiji Suganuma | 12 | Orihinal | ||
| Qualidea Code | Kenichi Kawamura | Nobelang magaan | ||||
| Agosto–Setyembre | Nanatsu no Taizai: Seisen no Shirushi | Tomokazu Tokoro | 4 | Manga | Apat na episode na espesyal na ipinalabas sa telebisyon bilang pangalawang season ng Nanatsu no Taizai.[94] | |
| Oktubre–Disyembre | WWW.Working!! | Yumi Kamakura | 12 | Spinoff ng Working!!. | ||
| Uta no Prince-sama: Maji Love Legend Star | Takeshi Furuta | Laro | Ikaapat na season ng Uta no Prince-sama. | |||
| Occultic;Nine | Kyouhei Ishiguro | 13 | Nobelang magaan | |||
| 2017 | Enero–Marso | Ao no Exorcist: Kyoto-hen | Koichi Hatsumi | 12 | Manga | Ikalawang season ng Ao no Exorcist. |
| Demi-chan wa Kataritai | Ryou Andou | |||||
| Abril–Hunyo | Granblue Fantasy The Animation | Yuuki Itou | 13 | Laro | ||
| Eromanga Sensei | Ryohei Takeshita | 12 | Nobelang magaan | |||
| Saekano Flat | Kanta Kamei | 11 | Ikalawang season ng Saekano. | |||
| Hulyo–Disyembre | Fate/Apocrypha | Yoshiyuki Asai | 25 | |||
| Oktubre–Disyembre | The Idolmaster SideM | Miyuki Kuroki Takahiro Harada | 13 | Laro | Spinoff ng The Idolmaster. | |
| Blend S | Ryouji Masuyama | 12 | Manga | |||
| 2018 | Enero–Hunyo | Grancrest Senki | Shinichi Omata | 24 | Nobelang magaan | |
| Nanatsu no Taizai: Imashime no Fukkatsu | Jouji Furuta | Manga | Ikatlong season ng Nanatsu no Taizai. | |||
| Enero–Hulyo | Darling in the Franxx | Atsushi Nishigori | Orihinal | Katulong: Studio Trigger at CloverWorks.[j] | ||
| Abril–Hunyo | Wotaku ni Koi wa Muzukashii | Yoshimasa Hiraike | 11 | Manga | ||
| Oktubre–Marso 2019 | Sword Art Online: Alicization | Tomohiko Itou | 24 | Nobelang magaan | Ikatlong season ng Sword Art Online. | |
| Oktubre–Setyembre 2019 | Fairy Tail (S3) | Shinji Ishihara | 51 | Manga | Huling season ng Fairy Tail.[20] Katulong: Bridge at CloverWorks. | |
| 2019 | Enero–Marso | Kaguya-sama wa Kokurasetai | Shinichi Omata | 12 | ||
| Oktubre–Disyembre | Sword Art Online: Alicization – War of Underworld | Tomohiko Itou | 13 | Nobelang magaan | Ikalawang bahagi ng ikatlong season ng Sword Art Online: Alicization.[123] |
- Talababa
2020s
| Taon | Ipinalabas | Pamagat[g 1] | Direktor | Episodes | Pinagmulan | Impormasyon |
|---|---|---|---|---|---|---|
| 2020 | Enero–Marso | 22/7 | Takao Abo | 12 | Orihinal | |
| Abril–Hunyo | Kaguya-sama wa Kokurasetai? | Shinichi Omata | Manga | Ikalawang season ng Kaguya-sama wa Kokurasetai. | ||
| Oktubre–Disyembre | Hypnosis Mic: Division Rap Battle: Rhyme Anima | Katsumi Ono | 13 | Orihinal | ||
| Sen'yoku no Sigrdrifa | Hirotaka Tokuda | 12 | ||||
| 2021 | Abril–Hunyo | 86 | Toshimasa Ishii | 11 | Nobelang magaan | |
| Oktubre–Disyembre | Visual Prison | Jouji Furuta (hepe) Tomoya Tanaka | 12 | Orihinal | ||
| Oktubre–Marso 2022 | 86 (B2) | Toshimasa Ishii | Nobelang magaan | Ikalawang bahagi ng 86. Inusog ang pagpapalabas sa huling episode nito noong Marso 2022.[136] | ||
| 2022 | Abril–Hunyo 2022 | Kaguya-sama wa Kokurasetai -Ultra Romantic- | Shinichi Omata | 13 | Manga | Ikatlong season ng Kaguya-sama wa Kokurasetai. |
| Hulyo–Setyembre | Lycoris Recoil | Shingo Adachi | Orihinal | |||
| Engage Kiss | Tomoya Tanaka | |||||
| 2023 | Enero–? | Nier: Automata Ver1.1a | Ryouji Masuyama | iaanunsyo | Laro | |
| Abril–? | Mashle | Tomoya Tanaka | iaanunsyo | Manga | ||
| iaanunsyo | Solo Leveling | Shunsuke Nakashige | iaanunsyo | Manhwa |
- Talababa
Pelikula
2010s
| Ipinalabas | Pamagat | Direktor | Pinagmulan | Impormasyon |
|---|---|---|---|---|
| 26 Hunyo 2010 | Uchuu Show e Youkoso | Koji Masunari | Orihinal | |
| 18 Agosto 2012 | Fairy Tail: Houou no Miko | Masaya Fujimori | Manga | Unang pelikula ng Fairy Tail. |
| 28 Disyembre 2012 | Ao no Exorcist | Atsushi Takahashi | Pelikula ng Ao no Exorcist. | |
| 10 Mayo 2013 | Saint Onii-san | Mamoru Kanbe (hepe) Noriko Takao | ||
| 31 Agosto 2013 | Anohana | Tatsuyuki Nagai | Orihinal | Pelikula ng Anohana. |
| 25 Enero 2014 | The Idolmaster: Kagayaki no Mukougawa e! | Atsushi Nishigori | Laro | Pelikula ng The Idolmaster. |
| 7 Hunyo 2014 | Persona 3 The Movie No. 2 | Tomohisa Taguchi | Ikalawa sa serye ng pelikula na Persona 3 The Movie, at sequel ng Persona 3 The Movie No. 1, na ginawa ng AIC ASTA noong 2013.[70] | |
| 9 Agosto 2014 | Uchuu Kyoudai No. 0 | Ayumu Watanabe | Manga | Pelikulang prequel ng Uchuu Kyoudai.[71] |
| 4 Abril 2015 | Persona 3 The Movie No. 3 | Keitaro Motonaga | Laro | Ikatlo sa serye ng pelikula na Persona 3 The Movie, at sequel ng Persona 3 The Movie No. 2. |
| 19 Setyembre 2015 | Kokoro ga Sakebitagatterunda | Tatsuyuki Nagai | Orihinal | |
| 9 Enero 2016 | Glass no Hana to Kowasu Sekai | Masashi Ishihama | ||
| 23 Enero 2016 | Persona 3 The Movie No. 4 | Tomohisa Taguchi | Laro | Panghuli sa serye ng pelikula na Persona 3 The Movie, at sequel ng Persona 3 The Movie No. 3. |
| 20 Pebrero 2016 | Doukyuusei | Shouko Nakamura | Manga | |
| 21 Enero 2017 | Kuroshitsuji: Book of the Atlantic | Noriyuki Abe | Pelikula ng Kuroshitsuji. | |
| 18 Pebrero 2017 | Sword Art Online The Movie: Ordinal Scale | Tomohiko Itou | Nobelang magaan | Unang pelikula ng Sword Art Online, at sequel sa ikalawang season nito.[110] |
| 6 Mayo 2017 | Fairy Tail: Dragon Cry | Tatsuma Minamikawa | Manga | Ikalawang pelikula ng Fairy Tail. |
| 18 Agosto 2018 | Nanatsu no Taizai: Tenkuu no Torawarebito | Noriyuki Abe (hepe) Yasuto Nishikata | Pelikula ng Nanatsu no Taizai. | |
| 14 Hunyo 2019 | Uta no Prince-sama: Maji Love Kingdom | Takeshi Furuta (hepe) Tomoka Nagaoka | Laro | Pelikula ng Uta no Prince-sama. |
2020s
| Ipinalabas | Pamagat | Direktor | Pinagmulan | Impormasyon |
|---|---|---|---|---|
| 18 Enero 2020 | High School Fleet: The Movie | Yuu Nobuta (hepe) Jun Nakagawa | Orihinal | Sequel sa seryeng High School Fleet, na ginawa ng Production IMS noong 2016. |
| 18 Setyembre 2020 | Omoi, Omoware, Furi, Furare | Toshimasa Kuroyanagi | Manga | |
| 30 Oktubre 2021 | Sword Art Online Progressive: Hoshi Naki Yoru no Aria | Ayako Kouno | Nobelang magaan | Ikalawang pelikula ng Sword Art Online, ang una sa seryeng Progressive nito. |
| 2 Setyembre 2022 | Uta no Prince-sama: Maji Love Starish Tours | Chika Nagaoka | Laro | Ikalawang pelikula ng Uta no Prince-sama. |
| 22 Oktubre 2022 | Sword Art Online Progressive: Kuraki Yuuyami no Scherzo | Ayako Kouno | Nobelang magaan | Sequel sa Hoshi Naki Yoru no Aria ng Sword Art Online: Progressive. |
| 17 Disyembre 2022 | Kaguya-sama wa Kokurasetai: First Kiss wa Owaranai | Shinichi Omata | Manga | Pelikula ng Kaguya-sama wa Kokurasetai at sequel sa ikatlong season nito.[145] |
| 23 Disyembre 2022 | Kagami no Kojou | Keiichi Hara | Nobela | |
| iaanunsyo | Eisen Flügel | Seiji Mizushima (hepe) Daizen Komatsuda | Nobelang magaan |
Espesyal
2000s
| Pamagat | Ipinalabas | Episodes | Impormasyon |
|---|---|---|---|
| Kannagi | 27 Mayo 2009 | 1 | Espesyal na episode ng Kannagi. |
| Tetsuwan Birdy: Decode - The Cipher | 22 Hulyo 2009 | Espesyal na episode ng Tetsuwan Birdy: Decode. |
2010s
| Pamagat | Ipinalabas[s 1] | Episodes | Impormasyon |
|---|---|---|---|
| Fairy Tail | 15 Abril 2011–18 Disyembre 2016 | 10 | OVA ng Fairy Tail: anim sa unang season, tatlo sa pangalawa, at isa sa unang pelikula nito. |
| Senjou no Valkyria 3: Taga Tame no Juusou | 29 Hunyo 2011–31 Agosto 2011 | 2 | OVA ng ikatlong laro ng Senjou no Valkyria. |
| Saint Onii-san | 3 Disyembre 2012–23 Agosto 2013 | OVA | |
| Oreimo (S2) | 18 Agosto 2013 | 3 | ONA |
| Sword Art Online: Extra Edition | 31 Disyembre 2013 | 1 | Espesyal na episode ng unang season ng Sword Art Online. |
| Kuroshitsuji: Book of Murder | 25 Oktubre 2015–15 Nobyembre 2015 | 2 | OVA |
| Moments | 15 Mayo 2015 | 1 | Espesyal na episode ng Shigatsu wa Kimi no Uso. |
| Nanatsu no Taizai | 17 Hunyo 2015–12 Agosto 2015 | 2 | OVA |
| Brotherhood: Final Fantasy XV | 30 Marso 2016–17 Setyembre 2016 | 5 | ONA ng larong Final Fantasy XV. |
| Persona 5: The Animation - The Day Breakers | 3 Setyembre 2016 | 1 | Espesyal na episode para sa larong Persona 5 at nagsilbing prequel ng anime nito. |
| Shelter | 18 Oktubre 2016 | Maikling pelikula na nagsilbing music video na nilabas sa YouTube para sa kanta nina Porter Robinson at Madeon. | |
| Ao no Exorcist: Kyoto-hen | 4 Abril 2017–4 Oktubre 2017 | 2 | OVA |
| Eromanga Sensei | 16 Enero 2019 | ||
| Wotaku no Koi wa Muzukashii | 29 Marso 2019–14 Oktubre 2021 | 3 |
- Talababa
2020s
| Pamagat | Ipinalabas[s 1] | Episodes | Impormasyon |
|---|---|---|---|
| 22/7 | 16 Setyembre 2020 | 1 | OVA |
| Kaguya-sama wa Kokurasetai | 19 Mayo 2021 | ||
| 86 | 27 Hunyo 2021–6 Marso 2022 | 4 | Mga espesyal na episode na ipinalabas habang umeere ang serye. |
| Uta no Prince-sama | 31 Hulyo 2022 | 1 | OVA |
| Fate/strange Fake: Whispers of Dawn | 2023 | Espesyal na pelikulang pantelebisyon ng prangkisang Fate. |
- Talababa
Iba pa
2000s
| Taon | Pamagat | Impormasyon |
|---|---|---|
| 2007 | Ookiku Furikabutte: Honto no Ace ni Nareru Kamo | Laro sa Nintendo DS. Sila ang gumawa sa animasyon at mga bahaging CG nito. |
| 2008 | Takane no Jitensha | Nanalo sa patimpalak na Animax Taishou ng Animax. |
| Persona 4 | Laro sa Playstation 2. Sila ang gumawa sa 2D na animasyon nito, kasama ang Studio Hibari. |
2010s
| Taon | Pamagat | Impormasyon |
|---|---|---|
| 2010 | Senjou no Valkyria II | Laro sa PlayStation Portable. Sila ang gumawa sa mga cutscene nito. |
| 2016 | Gyakuten Saiban 6 | Laro sa Nintendo 3DS, iOS, at Android. Sila ang gumawa sa mga cutscene nito. |
| 2017 | Radiant Historia | Laro sa Nintendo 3DS. Sila ang gumawa sa pambungad na animasyon nito. |
| Layton's Mystery Journey: Katrielle to Dai Fugou no Inbou | Laro sa Nintendo Switch, Nintendo 3DS, iOS, at Android. Sila ang gumawa sa mga cutscene nito. |
Parangal at nominasyon
| Taon | Gawad | Kategorya | Anime | Nominado | Resulta | Sipi |
|---|---|---|---|---|---|---|
| 2012 | Ika-2 Gawad Anime ng Newtype | Anime ng Taon | The Idolmaster | — | Pangalawa | [150] |
| Babaeng Tauhan | Haruka Amami | Nanalo | ||||
| Chihaya Kisaragi | Nalista | |||||
| Mascot | Hamuzou | Nanalo | ||||
| Kantang tema | "Ready!!" — 765PRO Allstars | Nanalo | ||||
| "Change!!!!" — 765PRO Allstars | Pangatlo | |||||
| Patalastas | — | Pangalawa | ||||
| Soundtrack | Ryuuchi Takada at Monaca | Pangalawa | ||||
| Disenyo sa Tauhan | Atsushi Nishigori | Nanalo | ||||
| Direksyon | Nanalo | |||||
| Iskrip | Touko Machida | Nanalo | ||||
| Anime ng Taon | Sword Art Online | — | Nalista | |||
| Lalaking Tauhan | Kirito | Nalista | ||||
| Istudyo | A1 Pictures | Pangalawa | ||||
| 2013 | Ika-3 Gawad Anime ng Newtype | Anime ng Taon | Sword Art Online | — | Nalista | [151] |
| Lalaking Tauhan | Kirito | Nalista | ||||
| Babaeng Tauhan | Asuna | Nalista | ||||
| Oreimo (S2) | Kirino Kousaka | Nalista | ||||
| Animasyon sa Laro | The Idolmaster Shiny Festa | Nanalo | ||||
| Pelikula ng Taon | Anohana | Pangatlo | ||||
| Patalastas | The Idolmaster Cinderella Girls | Pangatlo | ||||
| 2014 | Ika-4 na Gawad Anime ng Newtype | Istudyo | A-1 Pictures | Nanalo | [152] | |
| Tauhan (Babae) | The Idolmaster: Kagayaki no Mukougawa e! | Haruka Amami | Nanalo | |||
| Chihaya Kisaragi | Nalista | |||||
| Hibiki Ganaha | Nalista | |||||
| Iori Minase | Nalista | |||||
| Tauhan (Lalaki) | Producer | Pangalawa | ||||
| Mascot | Hamuzou | Pangalawa | ||||
| Direktor | Atsushi Nishigori | Nanalo | ||||
| Pelikula | — | Nanalo | ||||
| Kantang tema | "Masterpiece" — 765PRO Allstars | Nanalo | ||||
| Tunog | — | Pangalawa | ||||
| Iskrip | Atsushi Nishigori at Tatsuya Takahashi | Pangatlo | ||||
| Disenyo sa Tauhan | Atsushi Nishigori | Pangalawa | ||||
| Direktor | Aldnoah.Zero | Ei Aoki | Nalista | |||
| Tunog | — | Nalista | ||||
| Disenyo sa Mecha | I-IV at Kenji Teraoka | Pangalawa | ||||
| Iskrip | Katsuhiko Takayama | Nalista | ||||
| Tauhan (Babae) | Sword Art Online II | Asuna | Nalista | |||
| Tauhan (Lalaki) | Kirito | Nanalo | ||||
| Unang Gawad Anime ng Tokyo | Parangal sa Kahusayan (Teleserye) | Uchuu Kyoudai | Nanalo | [153] | ||
| 2015 | Ika-5 Gawad Anime ng Newtype | Pinakamahusay na Gawa (Telebisyon) | The Idolmaster Cinderella Girls | — | Pangatlo | [154] |
| Pinakamahusay na Tauhan (Lalaki) | Producer | Pangalawa | ||||
| Pinakamahusay na Tauhan (Mascot) | Pinyakorata | Pangatlo | ||||
| Pinakamahusay na Kantang tema | "Star!!" — Cinderella Project | Pangatlo | ||||
| Pinakamahusay na Disenyo sa Tauhan | Yuusuke Matsuo | Nanalo | ||||
| Pinakamahusay na Soundtrack | Aldnoah.Zero | Nanalo | ||||
| Pinakamahusay na Disenyo sa Mecha | Nanalo | |||||
| Sword Art Online II | Pangatlo | |||||
| Pinakamahusay na Istudyo | A-1 Pictures | Nanalo | ||||
| Unang Gawad Sugoi Japan | Anime | The Idolmaster | Nalista | [155] | ||
| 2016 | Ika-6 na Gawad Anime ng Newtype | Pinakamahusay na Pelikula | Kokoro ga Sakebitagatterunda | Nalista | [156] | |
| Pinakamahusay na Soundtrack | Nalista | |||||
| Doukyuusei | Nalista | |||||
| Pinakamahusay na Kantang tema | Boku dake ga Inai Machi | "Re:Re:" — Asian Kung Fu Generation | Nalista | |||
| Pinakamahusay na Istudyo | A-1 Pictures | Nalista | ||||
| Ika-39 na Premyong Academy ng Hapon | Animasyon ng Taon | Kokoro ga Sakebitagatterunda | Nominado | [157] | ||
| Ika-2 Gawad Sugoi Japan | Anime | Shigatsu wa Kimi no Uso | Nanalo | [158] | ||
| 2017 | Unang Gawad Anime ng Crunchyroll | Anime ng Taon | Boku dake ga Inai Machi | — | Nominado | [159] |
| Bida ng Taon | Satoru Fujinuma | Nominado | ||||
| Kontrabida ng Taon | Gaku Yashiro | Nanalo | ||||
| Pinakamahusay na Opening | "Re:Re:" — Asian Kung Fu Generation | Nominado | ||||
| Pinakamahusay na Drama | — | Nanalo | ||||
| Pinakamahusay na Couple | Satoru Fujinuma & Kayo Hinazuki | Nominado | ||||
| Pinakamadamdaming Eksena | "Unang lutong-bahay ni Kayo" | Nominado | ||||
| Ika-7 Gawad Anime ng Newtype | Pinakamahusay na Gawa (Telebisyon) | Fate/Apocrypha | — | Nanalo | [160] | |
| Pinakamahusay na Tauhan (Babae) | Ruler | Nalista | ||||
| Pinakamahusay na Kantang tema | "Eiyuu Unmei no Uta" — Egoist | Nalista | ||||
| Pinakamahusay na Soundtrack | — | Nalista | ||||
| Pinakamahusay na Direktor | Yoshiyuki Asai | Pangalawa | ||||
| Pinakamahusay na Iskrip | Yuuichirou Higashide | Nanalo | ||||
| Pinakamahusay na Disenyo sa Tauhan | Yuukei Yamada, orihinal na disenyo ni Ototsugu Konoe | Pangalawa | ||||
| Pinakamahusay na Disenyo sa Mecha | — | Nalista | ||||
| Pinakamahusay na Gawa (Pelikula) | Sword Art Online The Movie: Ordinal Scale | — | Nanalo | |||
| Pinakamahusay na Tauhan (Lalaki) | Kirito | Nanalo | ||||
| Pinakamahusay na Tauhan (Babae) | Asuna | Nanalo | ||||
| Pinakamahusay na Tauhan (Mascot) | Yui | Nalista | ||||
| Pinakamahusay na Kantang tema | "Catch the Moment" — LiSA | Pangalawa | ||||
| Pinakamahusay na Soundtrack | — | Nanalo | ||||
| Pinakamahusay na Direktor | Tomohiko Itou | Nalista | ||||
| Pinakamahusay na Iskrip | Remi Kawahara at Tomohiko Itou | Pangatlo | ||||
| Pinakamahusay na Disenyo sa Tauhan | Shingo Adachi, orihinal na disenyo ni abec | Nalista | ||||
| Pinakamahusay na Disenyo sa Mecha | — | Pangatlo | ||||
| Pinakamahusay na Gawa (Pelikula) | Kuroshitsuji: Book of the Atlantic | Nalista | ||||
| Pinakamahusay na Istudyo | A-1 Pictures | Pangalawa | ||||
| Espesyal na Parangal ng Nogizaka46 | Eromanga Sensei | Nanalo | ||||
| 2018 | Ika-2 Gawad Anime ng Crunchyroll | Pinakamahusay na Aksyon | Fate/Apocrypha | — | Nominado | [161] |
| Pinakamahusay na Slice of Life | Demi-chan wa Kataritai | — | Nominado | |||
| Ika-8 Gawad Anime ng Newtype | Pinakamahusay na Gawa (Telebisyon o Streaming) | The Idolmaster SideM | — | Nanalo | [162] | |
| Pinakamahusay na Tauhan (Lalaki) | Teru Tendou | Nanalo | ||||
| Touma Amagase | Nalista | |||||
| Pinakamahusay na Mascot | Kaerre | Nanalo | ||||
| Pinakamahusay na Kantang tema | "Reason!!" — 315 Stars | Nanalo | ||||
| Pinakamahusay na Soundtrack | Effy | Pangalawa | ||||
| Pinakamahusay na Direktor | Takahiro Harada at Miyuki Kuroki | Pangalawa | ||||
| Pinakamahusay na Iskrip | Yuniko Ayana at Yukie Sugagawa | Nanalo | ||||
| Pinakamahusay na Disenyo sa Tauhan | Yuusuke Tanaka at Haruko Iizuka | Nanalo | ||||
| Pinakamahusay na Gawa (Telebisyon o Streaming) | Darling in the Franxx | — | Pangalawa | |||
| Pinakamahusay na Tauhan (Lalaki) | Hiro | Nalista | ||||
| Pinakamahusay na Tauhan (Babae) | Zero Two | Pangalawa | ||||
| Pinakamahusay na Kantang tema | "Kiss of Death" — Mika Nakashima × Hyde | Pangatlo | ||||
| Pinakamahusay na Soundtrack | Asami Tachibana | Nalista | ||||
| Pinakamahusay na Direktor | Atsushi Nishigori | Nalista | ||||
| Pinakamahusay na Iskrip | Atsushi Nishigori at Naotaka Hayashi | Nalista | ||||
| Pinakamahusay na Disenyo sa Tauhan | Masayoshi Tanaka | Pangatlo | ||||
| Pinakamahusay na Disenyo sa Mecha at Prop | Shigeto Koyama | Nanalo | ||||
| Pinakamahusay na Kantang tema | Blend S | "Bon Appétit ♡ S" — Blend S | Nalista | |||
| Pinakamahusay na Disenyo sa Tauhan | Yousuke Okuda | Nalista | ||||
| Pinakamahusay na Istudyo | A-1 Pictures | Nanalo | ||||
| 2019 | Ika-3 Gawad Anime ng Crunchyroll | Pinakamahusay na Opening | Darling in the Franxx | "Kiss of Death" — Mika Nakashima × Hyde | Nanalo | [163] |
| Wotaku no Koi wa Muzukashii | "Fiction" — Sumika | Nominado | ||||
| Pinakamahusay na Pagboses (EN) | Darling in the Franxx | Yia Ballard bilang Zero Two | Nominado | |||
| Ika-9 na Gawad Anime ng Newtype | Pinakamahusay na Pelikula | Uta no Prince-sama: Maji Love Kingdom | — | Pangatlo | [164] | |
| Pinakamahusay na Kantang tema | "Encore" — Mamoru Miyano | Pangalawa | ||||
| Pinakamahusay na Tunog | — | Nanalo | ||||
| Pinakamahusay na Direktor | Joji Furuta at Chika Nagaoka | Pangatlo | ||||
| Pinakamahusay na Disenyo sa Tauhan | Maki Fujioka | Pangatlo | ||||
| Pinakamahusay na Tauhan (Lalaki) | Sword Art Online: Alicization | Kirito | Pangatlo | |||
| 2020 | Ika-10 Gawad Anime ng Newtype | Pinakamahusay na Gawa (Telebisyon o Streaming) | Kaguya-sama wa Kokurasetai | — | Nanalo | [165] |
| Pinakamahusay na Tauhan (Lalaki) | Miyuki Shirogane | Nanalo | ||||
| Pinakamahusay na Tauhan (Babae) | Kaguya Shinomiya | Nanalo | ||||
| Pinakamahusay na Kantang tema | "DADDY! DADDY! DO! feat. Airi Suzuki" — Masayuki Suzuki | Nanalo | ||||
| Pinakamahusay na Direktor | Shinichi Omata[k] | Nanalo | ||||
| Pinakamahusay na Iskrip | Yasuhiro Nakanishi | Nanalo | ||||
| Pinakamahusay na Disenyo sa Tauhan | Yuko Yahiro, orihinal na disenyo ni Aka Akasaka | Nanalo | ||||
| Pinakamahusay na Istudyo | A-1 Pictures | Nanalo | ||||
| Ika-4 na Gawad Anime ng Crunchyroll | Pinakamahusay na Babae | Kaguya-sama wa Kokurasetai | Chika Fujiwara | Nominado | [166][167] | |
| Pinakamahusay na Ending | "Chikatto Chika Chikaa♡" — Konomi Kohara | Nanalo | ||||
| Pinakamahusay na Disenyo sa Tauhan | Yuko Yahiro, orihinal na disenyo ni Aka Akasaka | Nominado | ||||
| Pinakamahusay na Komedya | — | Nanalo | ||||
| Pinakamahusay na Couple | Kaguya Shinomiya & Miyuki Shirogane | Nanalo | ||||
| Ika-7 Gawad Anime ng Tokyo | Parangal ng Fan ng Anime | Uta no Prince-sama: Maji Love Kingdom | Nanalo | [153] | ||
| 2021 | Ika-5 Gawad Anime ng Crunchyroll | Pinakamahusay na Babae | Kaguya-sama wa Kokurasetai | Kaguya Shinomiya | Nanalo | [168] |
| Pinakamahusay na Opening | "DADDY! DADDY! DO! feat. Airi Suzuki" — Masayuki Suzuki | Nominado | ||||
| Pinakamahusay na Direktor | Shinichi Omata[k] | Nominado | ||||
| Pinakamahusay na Komedya | — | Nanalo | ||||
| Pinakamahusay na Couple | Kaguya Shinomiya & Miyuki Shirogane | Nominado | ||||
| Pinakamahusay na Laban | Sword Art Online: Alicization – War of Underworld (B2) | Bercoulli vs. Dark God Vecta | Nominado | |||
| 2022 | Ika-6 na Gawad Anime ng Crunchyroll | Anime ng Taon | 86 | — | Nominado | [169][170] |
| Pinakamahusay na Babae | Vladilena Milizé | Nominado | ||||
| Pinakamahusay na Iskor | Hiroyuki Sawano at Kohta Yamamoto | Nominado | ||||
| Pinakamahusay na Pagboses (PT) | Hannah Buttel bilang Vladilena Milizé | Nominado | ||||
| Pinakamahusay na Drama | — | Nominado | ||||
| Pinakamahusay na Pagboses (LA) | Kaguya-sama wa Kokurasetai | Jessica Ángeles bilang Kaguya Shinomiya | Nominado | |||
| Ika-12 Gawad Anime ng Newtype | Pinakamahusay na Gawa (Pelikula) | Sword Art Online Progressive: Hoshi Naki Yoru no Aria | — | Nanalo | [171] | |
| Pinakamahusay na Kantang tema | "Yuke" — LiSA | Nanalo | ||||
| Pinakamahusay na Iskrip | — | Pangalawa | ||||
| Pinakamahusay na Direktor | Kouno Ayako | Pangalawa | ||||
| Pinakamahusay na Tunog | Yuki Kajiura | Nanalo | ||||
| Pinakamahusay na Disenyo sa Prop at Mecha | — | Pangalawa | ||||
| Pinakamahusay na Disenyo sa Tauhan | Kento Toya, orihinal disenyo ni abec | Nanalo | ||||
| Pinakamahusay na Tauhan (Lalaki) | Kirito | Nanalo | ||||
| Pinakamahusay na Tauhan (Babae) | Asuna | Nanalo | ||||
| Mito | Pangatlo | |||||
| Pinakamahusay na Gawa (Telebisyon) | Kaguya-sama wa Kokurasetai -Ultra Romantic- | — | Nalista | |||
| Pinakamahusay na Kantang tema | "Giri Giri" — Masayuki Suzuki feat. Suu | Pangalawa | ||||
| Pinakamahusay na Iskrip | Yasuhiro Nakanishi | Nanalo | ||||
| Pinakamahusay na Direktor | Shinichi Omata[k] | Pangatlo | ||||
| Pinakamahusay na Tunog | Kei Haneoka | Nalista | ||||
| Pinakamahusay na Disenyo sa Tauhan | Yuko Yahiro, orihinal na disenyo ni Aka Akasaka | Pangatlo | ||||
| Pinakamahusay na Tauhan (Lalaki) | Miyuki Shirogane | Pangalawa | ||||
| Yuu Ishigami | Nalista | |||||
| Pinakamahusay na Tauhan (Babae) | Kaguya Shinomiya | Pangalawa | ||||
| Pinakamahusay na Mascot | Chika Fujiwara | Pangatlo | ||||
| Pinakamahusay na Disenyo sa Prop at Mecha | 86 | Nalista | ||||
| Pinakamahusay na Istudyo | A-1 Pictures | Nanalo | ||||
Kontrobersiya
Kaso ng nagpakamatay na empleyado noong 2010
Inilabas noong 11 Abril 2014 ng Labor Standards Inspection Office ng Shinjuku ang resulta ng kanilang imbestigasyon tungkol sa pagpapakamatay ng isang production assistant[172] ng A-1 Pictures noong Oktubre 2010.[173] Ayon sa ulat na ito, sinabi ng opisina na nakaranas ng depresyon ang biktima dahil sa labis na pagtatrabaho.[173][172]
Ayon sa abogado ng pamilya, ang biktima ay isang 28 taong gulang na lalaki na nagtrabaho bilang isang full-time na empleyado ng istudyo mula 2006 hanggang Disyembre 2009, at nakapagtala ng 600 oras sa pagtatrabaho kada linggo.[173] Ayon sa mga isinulat ng biktima, 3 lang ang araw pahinga niya sa loob ng sampung buwan, na pinupuwersa siyang mag-overtime nang walang bayad.[172] Nagtrabaho ang biktima sa mga anime tulad ng Kannagi at Ookiku Furikabutte.[172] Nakatanggap ang pamilya ng mga benepisyo at kabayaran mula sa istudyo.[173]
Sinabi ng abogado ng pamilya na isang "matagal na'ng malaking problema" ang mga "malulupit na kondisyon sa pagtatrabaho" ng mga nasa larangan ng animasyon sa bansa. Dagdag pa niya, "hinihikayat ng pamahalaan ang mga [istudyong pang-animasyon] na ipresenta ang imahe ng isang 'Cool Japan'".[172] Bilang tugon naman sa desisyon ng opisina, sinabi naman ng A-1 Pictures na "kung totoo man ang desisyon, hindi ito inaasahan at hindi kami makakapagkomento dahil hindi malinaw ang dahilan ng desisyon".[173] Samantala, sinabi naman ng isang direktor ng anime na si Daiki Nishimura na "hindi lang A-1 Pictures ang may kasalanan rito, ang buong industriyang kinabibilangan ng A-1 Pictures ang may kasalanan rito". Ayon sa kanya, isang "pagkakamali" raw kung isisisi lang sa istudyo ang pangyayari, at sinabing nakaranas rin siya ng depresyon dahil sa labis na pagtrabaho.[173]
Talababa
Sanggunian
Link sa labas
- Opisyal na website (sa Hapones)
- A-1 Pictures sa ensiklopedya ng Anime News Network (sa wikang Ingles)