Haruhi Suzumiya
Ang Haruhi Suzumiya[a] ay ang pangkalahatang tawag sa serye ng mga nobelang magaan na isinulat ni Nagaru Tanigawa sa wikang Hapones at may guhit ni Noizi Ito. Kuwento ito ng isang lalaking nangangalang Kyon at ang kanyang pagsasalaysay tungkol sa titular na karakter ng serye na si Haruhi Suzumiya, isang masigasig na babaeng walang kaalam-alam na may itinatago siyang kapangyarihan na baguhin ang mundo kung nanaiisin niya.
| Suzumiya Haruhi | |
 Pabalat ng unang bolyum ng serye. | |
| 涼宮ハルヒ Haruhi Suzumiya | |
|---|---|
| Dyanra | Komedya, Science fiction |
| Gumawa | Nagaru Tanigawa |
| Nobelang magaan | |
| Sumulat | Nagaru Tanigawa |
| Gumuhit | Noizi Ito |
| Naglathala | Kadokawa Shoten |
| Nag-imprenta |
|
| Magasin | The Sneaker[note 1] |
| Demograpiko | Lalaki |
| Takbo | 6 Hunyo 2003 – kasalukuyan |
| Tomo | 12 |
| Manga | |
| Suzumiya Haruhi no Yuuutsu Ang Kalungkutan ni Haruhi Suzumiya | |
| Sumulat | Makoto Mizuno |
| Naglathala | Kadokawa Shoten |
| Magasin | Shonen Ace |
| Demograpiko | Shonen |
| Takbo | Mayo 2004 – Disyembre 2004 |
| Tomo | 1 |
| Manga | |
| Suzumiya Haruhi no Yuuutsu Ang Kalungkutan ni Haruhi Suzumiya | |
| Sumulat | Gaku Tsugano |
| Naglathala | Kadokawa Shoten |
| Magasin | Shonen Ace |
| Demograpiko | Shonen |
| Takbo | 26 Setyembre 2005 – 26 Setyembre 2013 |
| Tomo | 20 |
| Teleseryeng anime | |
| Suzumiya Haruhi no Yuuutsu Ang Kalungkutan ni Haruhi Suzumiya | |
| Direktor | Tatsuya Ishihara |
| Prodyuser |
|
| Musika | Satoru Kōsaki |
| Estudyo | Kyoto Animation |
| May lisensiya | |
| Inere sa | CTC, SUN, Tokyo MX, TVA, TVh, tvk, TVS |
| Inere sa (Ingles) | |
| Inere sa (Filipino) |
|
| Takbo | Orihinal: 2 Abril 2006 – 2 Hulyo 2006 Muling pag-ere: (na may bagong episode) 3 Abril 2009 – 9 Oktubre 2009 |
| Bilang |
|
| Manga | |
| Suzumiya Haruhi-chan no Yuuutsu Ang Kalungkutan ni Haruhi-chan Suzumiya | |
| Sumulat | Puyo |
| Naglathala | Kadokawa Shoten |
| Magasin |
|
| Demograpiko | Shonen |
| Takbo | 26 Hulyo 2007 – 26 Disyembre 2018 |
| Tomo | 12 |
| Manga | |
| Nyorōn Churuya-san | |
| Sumulat | Eretto |
| Naglathala | Kadokawa Shoten |
| Magasin | Comp Ace |
| Demograpiko | Shonen |
| Takbo | Nobyembre 2008 – Oktubre 2009 |
| Tomo | 1 |
| Original net animation | |
| Suzumiya Haruhi-chan no Yuuutsu Ang Kalungkutan ni Haruhi-chan Suzumiya | |
| Direktor | Yasuhiro Takemoto |
| Estudyo | Kyoto Animation |
| May lisensiya | |
| Inilabas noong | 13 Pebrero 2009 – 15 Mayo 2009 |
| Haba | 2-8 minuto |
| Bilang | 25 |
| Original net animation | |
| Nyorōn Churuya-san | |
| Direktor | Yasuhiro Takemoto |
| Estudyo | Kyoto Animation |
| May lisensiya | |
| Inilabas noong | 13 Pebrero 2009 – 15 Mayo 2009 |
| Haba | 2 minuto |
| Bilang | 13 |
| Manga | |
| Koizumi Itsuki no Inbou Ang Pakikipagsabwatan ni Itsuki Koizumi | |
| Sumulat | Puyo |
| Naglathala | Kadokawa Shoten |
| Magasin | Altima Ace |
| Demograpiko | Seinen |
| Takbo | 18 Abril 2012 – 18 Oktubre 2012 |
| Karagdagan | |
| |
May 12 bolyum ang serye. Ang una sa mga ito, ang Haruhi Suzumiya no Yuuutsu,[b] ay inilabas noong ika-6 ng Hunyo 2003.[1] Nagkaroon ito ng dalawang anime, isang pelikulang anime, apat na manga, dalawang ONA, at anim na laro.
Mabilis na sumikat ang serye sa bansang Hapón dahil sa pag-usbong ng Internet noong huling bahagi ng dekada 2000s.[2] Ginawan ito ng Kyoto Animation ng teleseryeng anime noong 2006, na sinundan ng isang muling pagsasaere na may kasamang bagong episode noon 2009. Ang sayaw na kaakibat ng kantang pangwakas ng unang season nito, ang Hare Hare Yukai, ay naging isang dance craze at Internet phenomenon.[2]
Kuwento
Si Kyon, ang tagapagsalaysay ng serye, ay isang bagong-pasok na estudyante sa Mataas na Paaralang Hilaga[note 2] sa Nishinomiya. Doon, nakilala niya si Haruhi Suzumiya, isang babaeng may kakaibang hilig sa mga supernatural na bagay at nilalang. Sumali si Suzumiya sa iba't ibang mga club, ngunit agad din siyang umaalis dahil sa pagkabagot sa mga ito. Isang araw, niyaya niya si Kyon na itatag ang isang club, ang SOS-dan,[note 3] na may misyong hanapin at imbestigahan ang mga pangyayaring misteryoso o supernatural. Pilit man, sumali si Kyon dito.
Kalaunan, nadagdagan ng miyembro ang club - si Mikuru Asahina, Yuki Nagato, at si Itsuki Koizumi. Bagamat sa unang tingin ay normal sila, binulgar nila ang totoong identidad nila kay Kyon kalaunan - si Asahina ay isang manlalakbay-oras, si Nagato ay isang alien, habang esper naman si Koizumi. Sila-sila ay mga magkakaibang misyon na may iisang layunin - ang panatilihing interesado si Haruhi sa mga ginagawa niya. Dahil ito sa kanilang paniniwala na maaaring aksidenteng magamit ni Haruhi ang kanyang kapangyarihang na lingid sa kaalaman niya - ang baguhin ang mundo kung nanaiisin niya.
Tauhan
Brigada SOS
Kyon (キョン)
Ang tagapagsalaysay ng kuwento. Siya rin ang pangunahing karakter nito kasama ni Haruhi Suzumiya. Hindi kailanman binanggit ang tunay niyang pangalan, at ang "Kyon" ay isa lamang palayaw na binigay ng kanyang tita.
Sa simula ng serye, pumasok siya sa Mataas na Paaralang Hilaga, kung saan nakilala niya si Haruhi. Nahumaling siya sa kakaibang ugali nito, kaya araw-araw niya itong kinakausap. Madalas siyang naiirita sa mga utos ni Suzumiya.
Isa siya sa mga nagtatag ng Brigada SOS, isang club na napag-isipang buuin ni Suzumiya para "maghanap ng di-natural." Kalaunan, nagkaroon ito ng mga miyembro na pawang mga "di-natural." Naniniwala ang mga ito na mahalaga siya dahil siya lang ang normal na taong pinili ni Haruhi na kausapin.
Haruhi Suzumiya (涼宮 ハルヒ Suzumiya Haruhi)
Ang titular na karakter ng serye, isa rin siya sa mga pangunahing karakter. Masigla at kakaiba, binuo niya ang Brigada SOS kasama ni Kyon upang "hanapin ang di-natural." Kahit na matalino, maganda, at masigla, kakaiba siya simula pa nung nasa gitnang paaralan pa lang sila. Marami siyang ginawang "kakaiba," ang pinakanotable ay ang malaking hiroglipong iginuhit niya sa quadrangle.
Siya ang pinuno ng Brigada SOS. Madali siyang mabangot kapag wala siyang ginagawa, kaya naman napipilitan ang mga kasamahan niyang gumawa at sumali sa mga bagay na gustong gawin niya. Wala siyang kaalam-alam na may kapangyarihan siyang baguhin ang mundo kung nanaiisin niya - ang bagay na pilit pinipigilang mangyari ng mga kasamahan lingid sa kaalaman niya.
Yuki Nagato (長門 有希 Nagato Yuki)
Isa siyang dayo o alien na mahilig magbasa. Ginawa siya ng isang mala-diyos na nilalang na kilala sa tawag na Johou Tougou Shinen-tai at may misyong imbestigahan ang di-mapaliwanag na "pagsabog ng datos" na nanggagaling kay Haruhi. Kaya niyang baguhin ang kahit ano (tinatawag niyang "mga datos") sa paligid niya. Kapag natanong kung anong masasabi niya sa librong binabasa niya, sasabihin niyang "medyo interesado" siya sa libro. Dahil dayo siya, bihira lang siyang magpakita ng emosyon, pero paminsan-minsan siyang nagpapakita ng interes tulad ng sa pagpoprograma sa mga laro sa kompyuter at ang paglalaro sa mga ito.
Mikuru Asahina (朝比奈 みくる Asahina Mikuru)
Isa siyang manlalakbay-oras (time traveler) mula sa malayong hinaharap na may misyong imbestigahan kung bakit hindi posible ang paglalakbay sa oras na hihigit pa sa tatlong taon bago ang kasalukuyang panahon ng serye. Ang pinakamababa sa mga ahente ng Komite ng mga Manlalakbay-Oras, mahinahon siyang magsalita at madalas gamitin ni Haruhi dahil sa sex appeal nito. Gusto niyang mapaliwanag ang mga nangyayari pero matindi ang pagsesensor sa kanya dahil sa isang di-tinukoy na teknolohiya sa hinaharap na nagpapalit sa mga sinasabi niyang di siya otorisadong sabihin bilang "tinatagong impormasyon." Madalas siyang pagsuotin ni Haruhi ng mga costume mula sa nars hanggang sa bunny suit, dahil ayon kay Haruhi, siya ang "mascot" ng Brigada.
Itsuki Koizumi (古泉 一樹 Koizumi Itsuki)
Isa siyang esper sa ilalim ng tinatawag niyang "Pangasiwaan" (agency). Bigla niyang natanggap ang kapangyarihang magalugad ang "Saradong Espasyo" at kalabanin ang mga shinjin na ginagawa ni Haruhi kapag nai-stress siya tatlong taon bago ang kasalukuyan. Palagi siyang nakangiti. Naiirita si Kyon sa ugali niyang ilapit ang mukha niya sa kausap, gayundin sa mga teorya niyang pabago-bago at ang pang-aasar niya sa relasyon ni Kyon at Haruhi.
Limbag
Nobelang magaan
Ang serye ay isinulat ni Nagaru Tanigawa. Ang mga ilustrasyong nakalagay naman sa mga bolyum nito ay iginuhit ni Noizi Ito. Inilathala noong ika-6 ng Hunyo 2003 ang unang bolyum nito, Suzumiya Haruhi no Yuuutsu. Matapos nito, nagkaroon ito ng karagdagang 11 bolyum.
Pasalit-salit ang nilalaman ng bawat bolyum bilang isang tunay na nobela, at isang koleksyon ng mga maiikling kuwentong unang lumabas sa magasing The Sneaker. Ayon kay Tanigawa noong 2011 sa opisyal na guidebook ng serye na Suzumiya Haruhi no Kansoku, may nagawa na siyang kuwento para sa isa pang bolyum ng serye.[3] Noong ika-18 ng Oktubre 2018, naglabas ng isang maikling kuwento ang serye para sa isang espesyal na one-time revival na isyu ng The Sneaker.[4]
Matapos ng siyam na taong hiatus, inanunsyo noong Agosto 2020 na ilalathala ang ika-12 bolyum nitong pinamagatang Suzumiya Haruhi no Chokkan.[5] Inilabas ito sa bansang Hapón noong ika-25 ng Nobyembre 2020, kasabay ng opisyal na salin nito sa Ingles para sa digital na bersyon nito.[6] Ilalabas naman ang pisikal na kopya nito sa Hunyo 2021.[7][8]
Lisensyado ang Yen Press upang ilathala ang serye sa Hilagang Amerika sa wikang Ingles.[9] Noong Agosto 2020, inanunsyo ng Yen Press na muling iimprenta ang mga naunang nobela bilang paggunita sa bagong bolyum ng serye. Iimprenta ito sa ilalim ng imprentang Yen On ng Yen Press.[6] Lisensyado rin ang Little, Brown Books for Young Readers para ilabas din ang serye sa wikang Ingles sa Hilagang Amerika.[9]
Samantala, lisensyado ang Kadokawa Media para ilabas ang serye sa Taiwan, Hong Kong, at Tsina. Lisensyado rin ang Daiwon CI para ilabas ang serye sa Timog Korea. Sa Espanya at Arhentina naman lisensyado ang Editorial Ivrea.
Talaan ng nobela
| Blg. | Pamagat | Petsa ng paglabas (Hapón) | ISBN (Hapón) |
|---|---|---|---|
| 1 | Suzumiya Haruhi no Yuuutsu (涼宮ハルヒの憂鬱 Ang Pagkalungkot ni Haruhi Suzumiya) | 6 Hunyo 2003 | ISBN 978-4-04-429201-0 |
| 2 | Suzumiya Haruhi no Tameiki (涼宮ハルヒの溜息 Ang Pagbuntong-hininga ni Haruhi Suzumiya) | 30 Setyembre 2003 | ISBN 978-4-04-429202-7 |
| 3 | Suzumiya Haruhi no Taikutsu (涼宮ハルヒの退屈 Ang Pagkabagot ni Haruhi Suzumiya) | 27 Disyembre 2003 | ISBN 978-4-04-429203-4 |
| 4 | Suzumiya Haruhi no Shoushitsu (涼宮ハルヒの消失 Ang Paglaho ni Haruhi Suzumiya) | 31 Hulyo 2004 | ISBN 978-4-04-429204-1 |
| 5 | Suzumiya Haruhi no Bousou (涼宮ハルヒの暴走 Ang Pagwala ni Haruhi Suzumiya) | 1 Oktubre 2004 | ISBN 978-4-04-429205-8 |
| 6 | Suzumiya Haruhi no Douyou (涼宮ハルヒの動揺 Ang Pagbulabog ni Haruhi Suzumiya) | 21 Marso 2005 | ISBN 978-4-04-429206-5 |
| 7 | Suzumiya Haruhi no Inbou (涼宮ハルヒの陰謀 Ang Pakikipagsabwatan ni Haruhi Suzumiya) | 31 Agosto 2005 | ISBN 978-4-04-429207-2 |
| 8 | Suzumiya Haruhi no Fungai (涼宮ハルヒの憤慨 Ang Pagkapoot ni Haruhi Suzumiya) | 1 Mayo 2006 | ISBN 978-4-04-429208-9 |
| 9 | Suzumiya Haruhi no Bunretsu (涼宮ハルヒの分裂 Ang Pagkalas ni Haruhi Suzumiya) | 1 Abril 2007 | ISBN 978-4-04-429209-6 |
| 10 | Suzumiya Haruhi no Kyougaku (Zen) (涼宮ハルヒの驚愕 (前) Ang Pagkabigla ni Haruhi Suzumiya (Una)) | 25 Mayo 2011 (lim.) 15 Hunyo 2011 (reg.) | ISBN 978-4-04-429210-2 (lim.) ISBN 978-4-04-429211-9 (reg.) |
| 11 | Suzumiya Haruhi no Kyougaku (Go) (涼宮ハルヒの驚愕 (後) Ang Pagkabigla ni Haruhi Suzumiya (Hulí)) | 25 Mayo 2011 (lim.) 15 Hunyo 2011 (reg.) | ISBN 978-4-04-429210-2 (lim.) |
| 12 | Suzumiya Haruhi no Chokkan (涼宮ハルヒの直観 Ang Kutob ni Haruhi Suzumiya) | 25 Nobyembre 2020 | ISBN 978-4-04-110792-8 |
Manga
May dalawang manga na nakabase sa mga nobelang magaan ang inilathala. Iginuhit ito ng dalawang magkaibang may-akda, at parehong gumagamit ito ng Suzumiya Haruhi no Yuuutsu bilang pamagat nito. Samantala, may dalawa ring spinoff parody na manga ang inilathala, ang Suzumiya Haruhi-chan no Yuuutsu at Nyoron! Churuya-san. Nagkaroon rin ito ng isang spinoff na manga na sumesentro kay Yuki Nagato, at pinamagatang Nagato Yuki-chan no Shoushitsu. Ang Koizumi Itsuki no Inbou naman ay isang maiksing manga na sumesentro kay Itsuki Koizumi. Isinama ito sa ika-9 na bolyum ng Haruhi-chan.
Bukod sa mga ito, nagkaroon rin ng antolohiya ang serye.
Suzumiya Haruhi no Yuuutsu (Mizuno)
Noong 2004, nagsimulang ilimbag ang unang manga ng serye. Pinamagatang Suzumiya Haruhi no Yuuutsu (ang pamagat ng unang nobela), ito ay iginuhit ni Makoto Mizuno. Malaki ang pinagkaiba nito sa mga nangyari sa mga nobela at kaunti lamang ang ambag ni Nagaru Tanigawa rito. May limang kabanata ito. Inilimbag ito ng Kadokawa Shoten. Ginawan ito ng isang bolyum, na inilabas naman noong ika-1 ng Setyembre 2004.
Hindi ito opisyal na naisalin sa wikang Ingles.
| Blg. | Petsa ng paglabas (Hapón) | ISBN (Hapón) |
|---|---|---|
| 1 | 1 Setyembre 2004 | ISBN 4-04-713658-1 |
Suzumiya Haruhi no Yuuutsu (Tsugano)
Ang ikalawang manga ng serye ay iginuhit naman ni Gaku Tsugano. Tulad ng naunang manga, ginamit rin nito ang pamagat ng unang nobela ng serye. Nagkaroon ito ng 20 bolyum at tumakbo mula ika-25 ng Setyembre 2005 hanggang ika-26 ng Setyembre 2013. Inilabas ang unang bolyum nito noong ika-21 ng Abril 2006, at ang huli noong ika-26 ng Disyembre 2013. Nagkaroon ito ng 105 kabanata.
Lisensyado ang Yen Press para ilathala ang serye sa wikang Ingles sa Hilagang Amerika.[10]
| Blg. | Petsa ng paglabas (Hapón) | ISBN (Hapón) |
|---|---|---|
| 1 | 21 Abril 2006 | ISBN 978-4-04713-811-7 |
| 2 | 22 Hunyo 2006 | ISBN 978-404713-831-5 |
| 3 | 21 Disyembre 2006 | ISBN 978-404713-885-8 |
| 4 | 22 Hunyo 2007 | ISBN 978-404713-923-7 |
| 5 | 24 Oktubre 2007 | ISBN 978-404713-981-7 |
| 6 | 22 Mayo 2008 | ISBN 978-404715-061-4 |
| 7 | 20 Disyembre 2008 | ISBN 978-404715-148-2 |
| 8 | 24 Marso 2009 | ISBN 978-404715-208-3 |
| 9 | 22 Hulyo 2009 | ISBN 978-404715-269-4 |
| 10 | 22 Oktubre 2009 | ISBN 978-404715-302-8 |
| 11 | 21 Abril 2010 | ISBN 978-404715-429-2 |
| 12 | 22 Oktubre 2010 | ISBN 978-404715-544-2 |
| 13 | 23 Pebrero 2011 | ISBN 978-404715-656-2 |
| 14 | 24 Abril 2011 | ISBN 978-404715-698-2 |
| 15 | 21 Disyembre 2011 | ISBN 978-404715-804-7 |
| 16 | 17 Marso 2012 | ISBN 978-404120-185-5 |
| 17 | 21 Nobyembre 2012 | ISBN 978-404120-459-7 |
| 18 | 19 Marso 2013 | ISBN 978-404120-644-7 |
| 19 | 21 Hunyo 2013 | ISBN 978-404120-741-3 |
| 20 | 26 Disyembre 2013 | ISBN 978-404120-956-1 |
Suzumiya Haruhi-chan no Yuuutsu
Noong ika-26 ng Hulyo 2007, sinimulang ilathala ang mga kabanata ng opisyal na parody manga ng serye sa magasings Shonen Ace. Pinamagatang Suzumiya Haruhi-chan no Yuuutsu, ang manga ay isang yonkoma at nagtatampok sa mga karakter ng serye sa anyong chibi. Si Puyo ang gumuhit sa manga. Nagsimula rin itong ilathala sa magasing The Sneaker noong ika-30 ng Agosto 2007. Nagkaroon ito ng 12 bolyum, na isa-isang inilathala mula ika-26 ng Mayo 2008 hanggang ika-1 ng Mayo 2019.
Nakuha ng Yen Press ang lisensiya para maisalin ito sa wikang Ingles para sa Hilagang Amerika.[11] Nagsimula itong ilabas noong ika-26 ng Oktubre 2010[12] at nagtapos noong ika-26 ng Mayo 2020.
Ang ika-9 na bolyum nito ay naglalaman ng mga kabanata ng Koizumi Itsuki no Inbou.
| Blg. | Petsa ng paglabas (Hapón) | ISBN (Hapón) |
|---|---|---|
| 1 | 26 Mayo 2008 | ISBN 978-404715-062-1 |
| 2 | 20 Disyembre 2008 | ISBN 978-404715-158-1 |
| 3 | 25 Hulyo 2009 | ISBN 978-404715-263-2 |
| 4 | 23 Disyembre 2009 | ISBN 978-404715-352-3 |
| 5 | 26 Nobyembre 2010 | ISBN 978-404715-561-9 |
| 6 | 26 Setyembre 2011 | ISBN 978-404715-779-8 |
| 7 | 26 Nobyembre 2012 | ISBN 978-404120-493-1 |
| 8 | 26 Disyembre 2013 | ISBN 978-404120-955-4 |
| 9 | 4 Marso 2014 | ISBN 978-404121-040-6 |
| 10 | 26 Marso 2015 | ISBN 978-404102-878-0 |
| 11 | 4 Pebrero 2017 | ISBN 978-404105-043-9 |
| 12 | 1 Mayo 2019 | ISBN 978-404107-906-5 |
Nyoron! Churuya-san
Isang opisyal na doujinshi ang Nyoron! Churuya-san. Iginuhit ito ni Eretto, at nagkaroon ng tatlong bolyum, na inilabas mula Agosto 2006 hanggang Oktubre 2007. Matapos nito, inilabas rin ito sa magasing Comp Ace simula noong Nobyembre 2008 hanggang Oktubre 2009. Naglabas rin ng hiwalay na bolyum para sa mga kabanatang inilathala sa nasabing magasin noong 2009.
Koizumi Itsuki no Inbou
Nagsimulang ilathala ang Koizumi Itsuki no Inbou noong ika-18 ng Abril 2012 sa magasing Altima Ace ng Kadokawa Shoten. Nagtapos ito noong ika-18 ng Oktubre 2012, sa huling isyu ng naturang magasin bago ang pagsasara nito. Tinipon ang mga kabanata nito sa ika-9 na bolyum ng Haruhi-chan.
Antolohiya
Nagkaroon ng tatlong bolyum ang antolohiya ng Haruhi Suzumiya. Lahat ay inilabas sa tatlong magkakahiwalay na buwan ng taóng 2009 sa bansang Hapón. Naglalaman ang tatlong bolyum ng mga maiiksing kwento mula sa iba't ibang mga mangaka. Iginuhit ni Noizi Ito ang mga pabalat nito, at may maiksing mensahe sa dulo ng bawat bolyum ang mga kalahok na mangaka.
Noong ika-4 ng Marso 2014, inanunsyo ng Yen Press na nakuha nila ang lisensiya para ilabas ang antolohiya sa Hilagang Amerika. Ang tatlong bolyum ay magkasamang nilagay sa loob ng iisang bolyum sa ilalim ng pamagat na The Celebration of Haruhi Suzumiya. Inilabas nila ito noong ika-30 ng Oktubre 2014.
| Blg. | Pamagat | Petsa ng paglabas (Hapón) | ISBN (Hapón) |
|---|---|---|---|
| 1 | Suzumiya Haruhi no Kyouen (涼宮ハルヒの競演 Ang Paligsahan ni Haruhi Suzumiya) | 24 Marso 2009 | ISBN 978-404715-226-7 |
| 2 | Suzumiya Haruhi no Shukusai (涼宮ハルヒの祝祭 Ang Pista ni Haruhi Suzumiya) | 23 Hulyo 2009 | ISBN 978-404715-277-9 |
| 3 | Suzumiya Haruhi no Kenran (涼宮ハルヒの祝祭 Ang Napakagandang Haruhi Suzumiya) | 23 Disyembre 2009 | ISBN 978-404715-346-2 |
Kyon & Koizumi no Sainan
Isang koleksyon ng mga maiiksing kwento na isinulat at iginuhit ng 15 mangaka ang Kyon & Koizumi no Sainan. Si Aya Shouto ang gumuhit ng pabalat nito, at may maiiksing mensahe rin ang mga kalahok na mangaka sa dulo ng bolyum.
Noong ika-8 ng Abril 2012, inanunsyo ng Yen Press na nakuha nila ang lisensiya para ilathala ito sa Wikang Ingles para sa Hilagang Amerika. Inilabas nila ito noong ika-26 ng Pebrero 2013.
| Blg. | Petsa ng paglabas (Hapón) | ISBN (Hapón) |
|---|---|---|
| 1 | 26 Disyembre 2009 | ISBN 978-404715-359-2 |
Nagato Yuki-chan no Shoushitsu
Isang spinoff manga ang Nagato Yuki-chan no Shoushitsu. Iginuhit at isinulat ito ni Puyo. Ang kwento nito ay hiwalay sa mga pangyayari sa serye. Naka-set ito sa ibang mundong unang ipinakilala sa Suzumiya Haruhi no Shoushitsu, at pinagbibidahan ito ni Yuki Nagato. Dito, siya ay isang mahiyaing babaeng may gusto kay Kyon. Nagkaroon ito ng sampung bolyum, na isa-isang inilabas mula ika-4 ng Pebrero 2010 hanggang ika-4 ng Pebrero 2017.
Lisensiyado ang Yen Press para ilabas ito sa wikang Ingles para sa Hilagang Amerika. Inilabas nila ang unang bolyum nito noong ika-24 ng Hulyo 2012 at ang huli noong ika-31 ng Oktubre 2017.
Nagkaroon ito ng isang anime noong 2015. Ginawa ito ng Satelight.
| Blg. | Petsa ng paglabas (Hapón) | ISBN (Hapón) |
|---|---|---|
| 1 | 4 Pebrero 2010 | ISBN 978-4-04-715405-6 |
| 2 | 26 Nobyembre 2010 | ISBN 978-4-04-715562-6 |
| 3 | 3 Setyembre 2011 | ISBN 978-4-04-715773-6 |
| 4 | 4 Mayo 2012 | ISBN 978-4-04-120217-3 |
| 5 | 26 Nobyembre 2012 | ISBN 978-4-04-120498-6 |
| 6 | 26 Disyembre 2013 | ISBN 978-4-04-120960-8 |
| 7 | 4 Setyembre 2014 | ISBN 978-4-04-101754-8 |
| 8 | 26 Marso 2015 | ISBN 978-4-04-101755-5 |
| 9 | 26 Oktubre 2015 | ISBN 978-4-04-102882-7 |
| 10 | 4 Pebrero 2017 | ISBN 978-4-04-105044-6 |
Anime
Nagkaroon ang Haruhi Suzumiya ng isang anime noong 2006 sa ilalim ng pamagat ng una nitong nobela, Suzumiya Haruhi no Yuuutsu.[b] Ginawa ito ng Kyoto Animation at idinerekta ni Tatsuya Ishihara. Naglalaman ito ng 14 na episode na pinalabas sa ayos na di-tuwid (nonlinear order) at umere sa bansang Hapon mula ika-2 ng Abril hanggang ika-2 ng Hulyo ng taong 2006. Dahil sa ayos ng pagpapalabas nito, ang panimula at ang unang pitong kabanata ng unang nobela ay inihalo sa mga kabanata ng mga susunod na nobela, at ang "abangan" na pasilip sa dulo ng bawat episode ay may dalawang magkaibang paraan ng pagbilang: isa na galing kay Haruhi na bumibilang base sa pagkakuwento (chronological order) at isa naman mula kay Kyon na bumibilang base sa paano ito pinalabas (broadcast order). Nagsimula ang DVD release nito sa "Episode 00" at nasa kronolohikal itong ayos.
Lisensyado ang anime ng Bandai Entertainment, na siya ring namamahagi ng apat nitong DVD na nilabas mula Mayo hanggang Nobyembre 2007. Inilabas naman ang kumpletong box set nito noong ika-29 ng Hulyo 2008. Ang bawat inilabas sa Hilagang Amerika ay may isang limitadong collector's set na itinatampok ang naka-dub sa Ingles na DVD na nakaayos nang kronolohikal, isang DVD na may subtitle sa Ingles at nakaayos sa orihinal nitong pagpapalabas, at ang opisyal na CD ng mga kantang pambungad, pangwakas, at isiningit mula sa anime.
Inanunsyo naman ang ikalawang season nito sa isang buong-pahinang patalastas sa Asahi Shimbun noong ika-7 ng Hulyo 2007 sa bansang Hapon. Isang live-action na promotional video, base sa kabanatang "Sasa no Ha Rapusodi"[c] ng ikatlong nobela ng serye, ang inilabas na nagpapakita ng isang CCTV video kung saan makikita sina Haruhi at Kyon na pumasok nang walang paalam sa paaralan nila. Noong ika-18 ng Disyembre 2007, biglang "naglaho" ang websayt at pinalitan ito ng isang pekeng pahina ng 404 error na may limang form-input field. Ito ay isang reference sa unang araw na tinukoy sa ikaapat na nobela ng serye, ang Suzumiya Haruhi no Shoushitsu.[13]
Nagsimulang iere muli ang unang season ng serye noong Abril 2009.[14] Matapos sabihin ng Teletama (isa sa mga istasyon na nag-eere ng palabas) na magkakaroon ang anime ng 28 episode, nagkaroon ng mga haka-haka na ang ikalawang season ay ipapalabas matapos ng pag-ere sa unang season, kahit na hindi ito kinumpirma mismo ng Kadokawa.[15][16] Inere ang unang bagong episode, ang Sasa no Ha Rapusodi,[c] noong ika-21 ng Mayo 2009 bilang ikawalong episode ng muling pagsasaere ng anime.[17] Di tulad ng nakaraang pagsasaere, sumusunod ang naturang season sa ayos ayon sa pagkakakuwento, at sinama ang mga bagong episode sa mga luma. Matapos umere, inilabas ng Kadokawa ang mga episode sa kanilang channel sa YouTube na may Ingles na subtitle. Nalisensyahan ang Bandai Entertainment para sa ikalawang season nito,[18] at naglabas ng isang kumpletong koleksyon sa Hilagang Amerika noong ika-14 ng Setyembre 2010.[19] Samantala, inilabas naman ng Manga Entertainment noong ika-4 ng Hulyo 2011 sa UK ang buong serye sa isang DVD box set na may apat na CD, kabilang na ang mga mini-episode ng Haruhi-chan na spinoff.[20] Matapos magsara noong 2012 ang Bandai Entertainment, inanunsyo ng Funimation sa Otakon 2014 na nakuha nila ang lisensiya ng anime.[21] Simula Hulyo 2019, sinimulang i-stream ng Netflix ng Pilipinas ang dalawang season nito, kasama na ang pelikula.[22]
Spinoff
Inanunsyo sa Oktubre 2008 na isyu ng magasing Shōnen Ace ang dalawang original net animation na spinoff ng mga parody manga na Suzumiya Haruhi-chan no Yuuutsu[kailangan ng sanggunian] ni Puyo at Nyoro~n Churuya-san[kailangan ng sanggunian] ni Eretto. Parehong ini-stream sa wikang Hapon na may Ingles na subtitle sa Youtube channel ng Kadokawa ang dalawang serye mula ika-13 ng Pebrero hanggang ika-15 ng Mayo 2009.[23][24] Ginampanan muli ng lahat ng mga nagsipagboses ang kani-kanilang pagganap para sa parehong serye. Inilabas sa bansang Hapon ang unang DVD ng dalawang serye noong ika-29 ng Mayo 2009 at sa Blue-ray noong ika-27 ng Agosto 2010. Lisensyado ang Bandai Entertainment para sa dalawang serye, at ginawan ng dub ng Bang Zoom! Entertainment para sa DVD nito. Unang inilabas ito noong ika-5 ng Oktubre 2010.[12][25] Tulad din ng orihinal na anime nito, parehong nakuha ng Funimation ang lisensiya ng mga ito matapos magsara ang Bandai Entertainment.[21] Samantala, nagkaroon ng isang anime ang isa pang spinoff ng serye na Nagato Yuki-chan no Shoushitsu[kailangan ng sanggunian] at umere noong 2015.[26][27] Isang buwan matapos umere ang naturang anime sa bansang Hapon, inilabas ng Funimation ang Ingles na dub nito kasabay sa pagsasaere.[28]
Pelikula
Isinapelikula ng Kyoto Animation ang ikaapat na nobela ng serye, ang Suzumiya Haruhi no Shoushitsu,[kailangan ng sanggunian] na lumabas sa mga sinehan noong ika-6 ng Pebrero 2010. Una itong inanusyo sa pamamagitan ng isang teaser na ipinakita sa pagtatapos ng pagsasaereng muli ng anime noong 2009.[29] Lisensyado rin ang Bandai Entertainment para rito, at nilabas nila ito sa Hilagang Amerika noong ika-20 ng Setyembre 2011.[30][31]
Iba pang midya
Audio drama
May inilabas ding isang serye ng mga radyo drama. Inilabas ang una sa mga ito, ang SOS Dan Rajio Shibu Bangai Hen CD Vol. 1,[d] noong ika-5 ng Hulyo 2006 ng Lantis. Ito ay nakabase sa anime ng serye. Ang ikalawang tomo naman nito ay inilabas noong ika-21 ng Setyembre ng kaparehong taon, na sinundan naman ng ikatlo noong ika-21 ng Disyembre ng taong ding iyon. May isa pang radyo dramang inilabas, ang Sound Around,[e] na base rin sa anime, at inilabas ng Lantis noong ika-24 ng Enero 2007.
Laro
Anim ang nagawang larong base sa anime. Gumawa ng isang larong pakikipagsapalaran (adventure game) ang Namco Bandai Games, ang Suzumiya Haruhi no Yakusoku[f] para sa PlayStation Portable (PSP) noong ika-27 ng Disyembre 2007.[32] Gumawa rin ng isa pang larong pakikipagsapalaran ang Banpresto para sa PlayStation 2 (PS2) noong ika-31 ng Enero 2008 na pinamagatang Suzumiya Haruhi no Tomadoi.[g][33] Nakabenta ito ng 139, 425 na kopya, ang ika-95 pinakamabentang laro ng 2008 sa bansang Hapon.[34]
Inilabas naman ang ikatlong laro ng serye, ginawa ng Kadokawa Shoten para sa Wii ang Suzumiya Haruhi no Gekidou[h] noong ika-27 ng Nobyembre 2008.[35] Ang ikaapat, ginawa ng Sega para sa Wii at pinamagatang Suzumiya Haruhi no Heiretsu,[i] ay inilabas naman noong ika-26 ng Marso 2009.[36] Ginawa rin ng Sega ang ikalima nitong laro para naman sa Nintendo DS, ang Suzumiya Haruhi no Chokuretsu[j] na lumabas noong ika-28 ng Mayo 2009 matapos ng tatlong buwang pagkaantala.[37] Noong Pebrero 2010, inilabas naman ng Kadokawa Shoten ang The Day of Sagittarius III, isang larong base sa laro ng kaparehong pangalan na pinakita sa serye, sa App Store ng Apple sa wikang Hapon at Ingles.[38]
Inilabas naman ng Namco Bandai Games ang isang laro para sa PlayStation 3 (PS3) at sa PSP ang Suzumiya Haruhi no Tsuisou[k] noong ika-12 ng Mayo 2011.[39] Kasunod (sequel) ito ng pelikula. 33,784 na kopya ang kabuuang naibenta ng PS3 at PSP na bersyon ng laro sa unang apat na araw ng pagbenta nito.[40] Lumabas din ang mga karakter ng serye sa isang crossover na laro sa PSP, Nendoroid Generation ng Namco Bandai Games, Good Smile Company, at Banpresto.
Musika
May dalawang pambungad na tema (opening theme) ang anime nito noong 2006: ang Koi no Mikuru Densetsu[l] na kinanta ni Yuki Goto na ginamit para sa unang episode (mas kilalang "Episode 00"),[41] at ang Bouken Desho? Desho?[m] na kinanta naman ni Aya Hirano at ginamit mula ikalawa hanggang ika-14 na episode ng anime. Ang ginamit namang pangwakas na tema (ending theme) ay ang kantang Hare Hare Yukai[n] na kinanta nina Hirano, Goto, at ni Minoru Chihara mula sa simula hanggang sa ika-13 episode. Ginamit naman ang pinahabang bersyon ng Bouken Desho? Desho?[m][42] Para naman sa mga bagong episode ng muling pagsasaere ng anime noong 2009, ginamit ang kantang Super Driver[o] ni Hirano bilang pambungad na tema, at Tomare![p] kinanta nina Hirano, Goto, at Chihara, ang pangwakas na tema ng mga ito. Nilabas ang single ng Super Driver[o] noong ika-22 ng Hulyo 2009,[43] habang noong ika-26 ng Agosto 2009 naman inilabas ang single ng Tomare![p][17] Ginamit din ng pelikula bilang pambungad na tema ang Bouken Deshou? Deshou?[o] at ang kantang Yasashii Boukyaku[q] naman ang pangunahing tema nito, na kinanta ni Chihara.
Ang mga kantang God Knows...[r] at Lost My Music[s] ay ang mga kantang ginamit para sa ika-12 episode ng anime.[44] Kinanta ito pareho ni Aya Hirano sa wikang Hapon at ni Wendee Lee sa wikang Ingles. Samantala, ang ilang bahagi ng mga piyesang Simponiya Blg. 4 sa F Minor ni Peter Ilyich Tchaikovsky,[45] Simponiya Blg. 7 sa C Major, "Leningrad" ni Dmitri Shostakovich,[46] at Daphnis et Chloé ni Maurice Ravel[47] ay ginamit sa ika-11 episode, habang ginamit naman sa ika-14 na episode ang Simponiya Blg. 8 sa E♭ Major, "Simponiya ng Sanlibo" ni Gustav Mahler.[48]
Itinanghal sa Omiya Sonic City noong ika-18 ng Marso 2007 ang isang live na konsiyerto na Suzumiya Haruhi no Gekisou.[t] Kinanta rito ng mga nagsipagboses ang mga kantang itinampok sa anime. Nilabas noong ika-27 ng Hulyo 2007 ang DVD ng konsiyerto. Itinanghal naman ng Tokyo Philharmonic Orchestra noong ika-29 ng Abril 2009 ang Suzumiya Haruhi no Gensou[u] sa Tokyo. Kinumpas ni Philip Chu, pinatugtog ng orkestra ang mga kanta at piyesa ng musikang galing sa anime sa anyong klasikal. Nilabas noong ika-24 ng Hunyo 2009 ang CD nito.
Ang ginamit na pangunahin at pambungad na tema ng spinoff ONA na Suzumiya Haruhi-chan no Yuuutsu[kailangan ng sanggunian] ay Ima Made no Arasuji[v] habang ang Atogaki ga You na Mono[w] ang pangwakas na tema nito. Parehong kinanta ang dalawang kantang nabanggit nina Hirano, Chihara, Goto, Tomokazu Sugita, at Daisuke Ono. Pareho ring nilabas ang single ng dalawang kantang ito noong ika-20 ng Abril 2009. May tatlong single ring galing sa Nyoro~n Churuya-san[kailangan ng sanggunian] ang nilabas, lahat ay kinanta ni Yuki Matsuoka.
Pagtanggap
Ginawaran ang unang nobela ng serye ng "Pinakamataas na Gatimpala" sa ikawalong taunang Gawad Sneaker - ang ikatlong nabigyan sa kasaysayan ng parangal. Isang malaking tagumpay para sa mga nobelang magaan ang serye sa bansang Hapon, na nakabenta ng mahigit 4,300,000 kopya noong Setyembre 2007.[49] Pagkaraan ng paglabas sa ika-10 at ika-11 nobela ng serye, narating nito ang 8,000,000 kopyang nabenta noong Mayo 2011 matapos makagawa ng record na 513,000 unang imprenta para sa mga nobelang magaan ang mga limitadong edisyon nito.[50] Mahigit 20 milyong kopya ng lahat ng mga nobelang magaan at tomo ng manga ang naimprenta hanggang 2017.[51]
Ayon sa magasing Newtype USA, ang anime nito ay ang pinakasikat na anime sa bansang Hapon nung panahong iyon.[52] Nakabenta ng 70,000 yunit ang unang bahagi nito at 90,000 naman sa ikalawa. Ikalima ito sa top ten na anime ng taong 2007 ayon sa IGN.[53] Pumang-apat naman sa isang poll na isinagawa ng TV Asahi para sa kanilang 100 pinakapaboritong TV anime sa lahat ng panahon ang anime.[54] Pagsapit ng ikapitong bahagi ng anime, nakabenta na ito ng 45,000 yunit.[55] Nanalo ang anime nito ng Parangal para sa TV feature sa Animation Kobe ng taong 2006.[56] Naipanalo rin ng anime ang kategoryang Pinakamahusay na TV Anime sa ikaanim na taon ng Parangal Pang-anime ng Tokyo, kasama ng mga anime na Code Geass at Death Note.[57] Nanalo rin sa naturang gawad-parangal ang nagboses kay Haruhi Suzumiya, si Aya Hirano, ng Pinakamahusay na Pagboses.[57] Samantala, nanalo rin ang dalawang spinoff nito ng Parangal sa Network sa ika-14 na Parangal ng Animation Kobe.[58]
Sa Anime Expo ng taong 2008, nakatanggap ang serye ng samu't saring mga parangal mula sa Kapisanan para sa Pagtataguyod ng Animasyong Hapon (Society for the Promotion of Japanese Animation). Natanggap ni Tomokazu Sugita, ang nagboses kay Kyon, ang Pinakamahusay na Lalaking Nagboses (Hapon), si Aya Hirano naman sa Pinakamahusay na Babaeng Nagboses (Hapon), si Kaeko Sakamoto sa Pinakamahusay na Direksyon sa Cast, si Shoko Ikeda sa Pinakamahusay na Disensyo ng Karakter, ang karakter na si Haruhi Suzumiya sa Pinakamahusay na Babaeng Karakter, at ang kantang Hare Hare Yukai bilang Pinakamahusay na Orihinal na Kanta.[59]
Epekto sa kultura
Naging isang Internet phenomenon ang anime sa bansang Hapon, sa kontinente ng Asya, at sa mga bansang Ingles ang salita. Mahigit-kumulang 2,000 mga klip mula sa anime at mga parody ng mga user pati mga pintuho (homage) ang nai-post sa mga websayt na tulad ng YouTube[60] at Nico Nico Douga. Dahil sa kasikatan ng mga ito (pati na rin ng iba pang mga anime), naghain ang Kapisanang Hapon para sa mga Karapatan ng May-akda, Kompositor, at Tagalathala (JASRAC) ng isang hiling sa YouTube na tanggalin ang mga klip na sinasabing sakop ng karapatang-sipi ng mga miyembro nila.[61]
Ang kasikatan rin ng anime ang nagpatulak kay Aya Hirano na maging isa sa mga pinakaunang halimbawa ng isang "idolong mamboboses" (idol voice actor) noong huling bahagi ng dekada 2000s. Nagpakita sa kauna-unahang pagkakataon sa isang patalastas ng Lotte Acuo Gum noong Marso 2010 sa bansang Hapón ang mga karakter na sina Haruhi, Yuki, at Mikuru (binosesan nina Aya Hirano, Minoru Chihara, at Yuko Goto), kasama ang Hapon na aktor na si Toma Ikuta.[62]
Nakagawa ng isang problema sa matematika ang di-tuwid na pag-eere ng anime: "Ano ang pinakamababang dami ng mga episode ng Haruhi ang kinakailangan para mapanood ang lahat ng orihinal na 14 na episode sa lahat ng posibleng kaparaanan?" Ang naturang problema ay kilala sa tawag na "Ang Problemang Haruhi" (The Haruhi Problem). Dahil sa tanong na ito, noong 2011, isang proof na pinaskil sa website na 4chan ng isang di-kilala user, nadiskubre lamang ng isang matematiko noong 2018, ang naging sagot na hinahanap-hanap ng mga matematiko para sa mababang hangganan (lower bound) ng pinakamaiksing haba ng superpermutation, isang tanong na di nasagot mula pa noong 1993.[63]
Brigada ASOS
Noong Disyembre 2006, inirehistro ng Bandai Entertainment ang website na asosbrigade.com (di na ngayon aktibo).[64] Noong ika-22 ng Disyembre ng taong iyon, nagbukas ang websayt at nagpakita ng isang pagtatanghal na itinatampok ang isang mala-fanmade na produksiyon na nagpapakita kina Haruka Inoue at Akiyo Yamamoto bilang sina Mikuru Asahina at Yuki Nagato, at si Patricia Ja Lee naman bilang si Haruhi Suzumiya.[65] Kinumpirma ng bidyong naka-Hapon ang kasunduan sa paglilisensiya. Makaraan ng ilang araw, pinalitan ito ng isang naka-subtitle na bidyo sa Ingles, at sinalin ang orihinal na anunsyo sa wikang Hapon papuntang wikang Ingles.[66] Ni-link ng website ang isang blog sa isang social networking site na Myspace, na nakapasok 50 pinakabinisitang pahina sa Myspace sa loob ng 24 na oras.[67]
Inanunsyo noong ika-30 ng Mayo 2007 ang SOS Brigade Invasion Tour para sa Anime Expo 2007 sa ka-30 ng Hunyo. Kasama sina Aya Hirano, Minoru Chihara, at Yuki Goto sa event na ito "diretso mula pa sa bansang Hapon." Nakalahok ang mga pumunta sa ASOS Dance Contest kung saan ang mga nanalo ay nakakuha ng tiyansang makasayaw sa entablado kasama ng tatlo.[68] Simula nung inanunsyo ang nasabing event, kinailangan ng mga opisyales ng AX na bawasan ang mga binebentang tiket dahil sa rami ng mga bumili ng paunang tiket (advanced ticket), kahit na libreng pumunta sa event.[69][70]
Naglabas muli noong 2010 ng isa pang serye ng mga bidyo para sa pag-aanunsyo sa ikalawang season ng mga naka-dub na episode sa Ingles. Itinatampok rito sina Cristina Vee bilang si Haruhi, Karrie Shirou bilang si Mikuru, at sina Gina Lee (unang episode) at Alice bilang si Yuki.[71]
Talababa
Salin
Sanggunian
Kawing panlabas
- Ang serye ng Haruhi Suzumiya sa sayt ng Kadokawa Shoten (sa wikang Hapón).
- haruhi.tv - Ang opisyal na websayt ng anime na Suzumiya Haruhi no Yuuutsu (sa wikang Hapón).
- Ang pahina Naka-arkibo 2009-04-15 sa Wayback Machine. ng anime sa websayt ng Kyoto Animation (sa wikang Hapón).
- Ang websayt ng Brigada ASOS sa Wayback Machine. (sa wikang Hapón).
- Suzumiya Haruhi no Yuuutsu sa ensiklopedya ng Anime News Network (sa wikang Ingles) (sa wikang Ingles)