Miss World 1955
Ang Miss World 1955 ay ang ikalimang edisyon ng Miss World pageant, na ginanap sa Lyceum Ballroom sa Londres, Reyno Unido noong 20 Oktubre 1955.
Miss World 1955 | |
---|---|
Petsa | 20 Oktubre 1955 |
Presenters | Eric Morley |
Pinagdausan | Lyceum Ballroom, Londres, Reyno Unido |
Lumahok | 21 |
Placements | 8 |
Bagong sali |
|
Hindi sumali |
|
Bumalik |
|
Nanalo | Susana Duijm Beneswela |
Pagkatapos ng kompetisyon, kinoronahan ng aktor na si Eunice Gayson si Susana Duijm ng Beneswela bilang Miss World 1955.[1] Ito ang kauna-unahang tagumpay ng Beneswela sa kasaysayan ng kompetisyon. Nagtapos bilang first runner-up si Margaret Anne Haywood ng Estados Unidos, samantalang nagtapos bilang second runner-up si Tzoulia Coumoundourou ng Gresya.[2][3] Hindi nakadalo si Miss World 1954 Antigone Costanda ng Ehipto dahil sa sigalot sa pagitan ng Ehipto at Reyno Unido sa Kanal Suez.
Mga kandidata mula sa dalawampu't-isang bansa at teritoryo ang lumahok sa kompetisyong ito. Pinangunahan ni Eric Morley ang kompetisyon.
Kasaysayan
Pagpili ng mga kalahok
Ang mga kalahok mula sa dalawampu't-isang mga bansa at teritoryo ay napili upang lumahok sa kompetisyon. Isang kandidata ang nailuklok upang kumatawan sa kanyang bansa/teritoryo.
Mga pagpalit
Iniluklok ang first runner-up ng Miss Suomi 1955 na si Mirva Arvinen matapos na hindi lumahok si Miss Suomi 1955 Inga-Britt Soderberg dahil nanalo na ito sa Miss Europe.[4] Dahil hindi sumali ang orihinal na Miss Australia 1955 na si Shirley Bliss, dalawang kandidata ang nais maging kinatawan ng Australya sa Miss World: sina Miss Victoria Beverley Prowse ng Melbourne, at si Miss South Australia Pat Doran ng Adelaide. Upang mapili kung sino ang kakalahok sa Miss World, nagsagawa ng isang botohan ang isang dyaryo sa Londres para sa kanilang mambabasa, at ang napili ng publiko bilang Miss Australia ay si Prowse.[5]
Mga unang pagsali, pagbalik, at pag-urong
Lumahok sa unang pagkakataon ang mga bansang Australya, Austrya, Beneswela, Honduras, Kuba, at Lupanyelo, at bumalik ang mga bansang Israel at Monako na huling sumali noong 1953. Hindi sumali ang mga bansang Ehipto, Suwisa, at Turkiya sa edisyong ito. Hindi sumali si Yolanda Cristina Gigliotti ng Ehipto dahil sa sigalot ng Reyno Unido at Ehipto tungkol sa Kanal Suez.[6] Hindi sumali si Claude Ivry ng Suwisa at Suna Soley ng Turkiya dahil sa hindi isiniwalat na dahilan.
Dapat sanang kakalahok sina Lorna McLeod ng Alaska at Barbara Mamo Vieira ng Hawaii. Gayunpaman, hindi nakasali ang mga ito dahil sa kakulangan sa badyet upang lumakbay papuntang Londres.[7]
Mga resulta
Mga pagkakalagay
Pagkakalagay | Kandidata |
---|---|
Miss World 1955 | |
1st runner-up |
|
2nd runner-up | |
3rd runner-up | |
4th runner-up | |
5th runner-up | |
Top 8 |
Kompetisyon
Pormat ng kompetisyon
Ilang pagbabago ang inimplementa sa edisyong ito. Ang bilang ng mga semi-finalist sa edisyong ito ay itinaas sa walo mula sa anim noong nakaraang edisyon. Ang walong semifinalist ay napili sa pamamagitan ng paunang kompetisyon na ginanap sa araw ng pinal na kompetisyon na binubuo ng swimsuit at evening gown competiton.
Komite sa pagpili
- Steve Cochran – Amerikanong aktor[9]
- Jack Hylton – piyanistang Ingles
- Sir Hardy Amies – taga-disenyong Ingles[9]
- Charles Eade – mamamahayag na Ingles
- Gerald Kelly – dating pangulo ng British Royal Academy[9]
- Claude Berr – miyembro ng komite ng Miss Europe
- Smith Crighton – sosyalidad na Ingles
- Hermione Gingold – aktres na Ingles
- Gloria Swanson – Amerikanang aktres[9]
Mga kandidata
Dalawampu't-isang kandidata ang lumahok para sa titulo.[8][10]
Bansa/Teritoryo | Kandidata | Edad[a] | Bayan |
---|---|---|---|
Alemanya | Heidi Krüger[10] | 18 | Berlin |
Australya | Beverly Prowse[11] | 23 | Melbourne |
Austrya | Felicitas Von Goebel[12] | 24 | Viena |
Belhika | Rosette Ghislain[13] | 22 | Hainaut |
Beneswela | Susana Duijm[14] | 19 | Caracas |
Ceylon | Sita Gunarate[10] | 22 | Colombo |
Dinamarka | Karin Palm-Rasmussen[10] | 18 | Copenhague |
Estados Unidos | Margaret Haywood[15] | 20 | Jonesboro |
Gran Britanya | Jennifer Chimes[16] | 22 | Leamington |
Gresya | Tzoulia Coumoundourou[17] | 18 | Icaria |
Honduras | Pastora Pagán[18] | 18 | San Pedro Sula |
Irlanda | Evelyn Foley[10] | 22 | Dublin |
Israel | Miriam Kotler[10] | 21 | – |
Italya | Franca Incorvaia[10] | 18 | – |
Kuba | Gilda Marín[1] | 26 | Havana |
Lupangyelo | Arna Hjörleifsdóttir[19] | 22 | Akureyri |
Monako | Josette Travers[10] | 16 | Monako |
Olanda | Angelina Kalkhoven[20] | 18 | Amsterdam |
Pinlandiya | Mirva Arvinen[21] | 19 | Helsinki |
Pransiya | Gisele Thierry[22] | 21 | Paris |
Suwesya | Anita Åstrand[10] | 21 | Alingsas |