این بیرین سنگھ

نونگتھومبم بیرین سنگھ (پیدائش: یکم جنوری 1961ء)^[1] ایک بھارتی سیاست دان، سابقہ فٹ بال کھلاڑی اور صحافی ہیں۔ وہ اس وقت منی پور کے وزیر اعلیٰ ہیں۔^[2]

این بیرین سنگھ
مناصب
وزیر اعلیٰ منی پور (12  )
آغاز منصب 15 مارچ 2017
اوکرم ابوبی سنگھ
معلومات شخصیت
پیدائش	1 جنوری 1961ء (63 سال)  امفال مشرقی ضلع
شہریت	بھارت
جماعت	انڈین نیشنل کانگریس بھارتیہ جنتا پارٹی
عملی زندگی
پیشہ	سیاست دان
درستی - ترمیم

انھوں نے اپنے کیرئیر کا آغاز ایک فٹ بالر کی حیثیت سے کیا اور پھر بارڈر سیکیورٹی فورس نے انھیں اپنی ٹیم میں مقامی مقابلوں میں حصہ لینے کے لیے بھرتی کر لیا تھا۔ کچھ عرصے بعد انھوں نے بارڈر سیکیورٹی فورس سے استعفی دے دیا اور صحافت سے منسلک ہو گئے۔ باوجود اس کے کہ انھیں اس کا پہلے سے قطعی تجربہ نہیں تھا اور نہ اس نے اس ضمن میں کوئی تربیت لی ہوئی تھی ، انھوں نے 1992 میں مقامی روزنامہ “ نہارولگی تھوؤ دانگ “ میں کام شروع کر دیا اور 2001 تک ایڈیٹر رہے۔^[1]

انھوں نے 2002 میں سیاست میں قدم رکھا اور ڈیموکریٹک ریوولیوشنری پیپلز پارٹی میں شامل ہوئے۔ وہ ہینگنگ سے انتخاب لڑے اور اسمبلی کی نشست جیتی۔ انھوں نے 2003 میں انڈین نیشنل کانگریس میں شمولیت اختیار کر لی اور 2007 میں اپنی جیتی ہوئی نشست کا پھر سے دفاع کیا۔ کھیلوں اور نوجوانوں کے امور کے وزیر کی حیثیت سے خدمات انجام دینے کے بعد 2016 میں انھوں نے سابقہ جماعت چھوڑ دی اور بھارتیہ جنتا پارٹی میں شمولیت اختیار کر لی اور ایک بار پھر سے ہینگنگ سے اپنی نشست جیت کی اور اپنی جماعت کے حکومت بنانے پر اس بار وزیر اعلیٰ نامزد ہوئے۔^[3]