پینارائے وجئے ین
پینارائی وجیَن (انگریزی: Pinarayi Vijayan) (پیدائش 24 مئی 1945ء)[3] ایک بھارتی سیاست دان جو 25 مئی 2016ء سے ریاست کیرل کے وزیر اعلیٰ ہیں۔[4]
پینارائے وجئے ین | |
---|---|
(ملیالم میں: പിണറായി വിജയൻ) | |
مناصب | |
وزیر اعلیٰ کیرلا | |
آغاز منصب 25 مئی 2016 | |
معلومات شخصیت | |
پیدائش | 21 مارچ 1944ء (80 سال)[1] پنارائی |
رہائش | پنارائی |
شہریت | بھارت برطانوی ہند ڈومنین بھارت (15 اگست 1947–26 جنوری 1950) |
جماعت | بھارتیہ مارکسوادی کمیونسٹ پارٹی |
تعداد اولاد | |
عملی زندگی | |
مادر علمی | برنن کالج [2] |
پیشہ | سیاست دان |
مادری زبان | ملیالم |
پیشہ ورانہ زبان | ملیالم ، انگریزی ، ہندی ، کنڑ زبان |
درستی - ترمیم |
وہ بھارت کی کمیونسٹ پارٹی (مارکسی) کے پولٹ بیورو کے رکن ہیں۔ وہ لمبے عرصے سے سی پی آئی (ایم) کی کیرلا ریاستی کمیٹی کے، سنہ 1998ء سے سنہ 2015ء تک سیکریٹری بھی تھے۔ انھوں نے سنہ 1996ء سے سنہ 1998ء تک کیرلا کی حکومت میں وزیر برائے الیکٹرک پاور اور کوآپریٹوز کے طور پر بھی کام کیا۔ پینارائی وجاین نے سنہ 2016ء کے کیرلا مجلسِ قانون ساز کے انتخابات میں سی پی آئی (ایم) کے امیدوار کے طور پر دھرمڈم حلقے سے حصہ لیا اور کامیاب رہے۔[5] انھیں بھارتیہ کمیونسٹ پارٹی اور بھارتیہ مارکسوادی کمیونسٹ پارٹی کے اتحاد لیفٹ ڈیموکریٹک فرنٹ کا لیڈر چنا گیا اور وہ کیرلا کے بارہویں وزیر اعلیٰ بن گئے۔
ابتدائی زندگی اور تعلیم
پینارائی وجین 24 مئی 1954ء[3] کو ایک غریب خاندان[6] میں ملبار ضلع (موجودہ ضلع کنور) کے گاؤں پینارائی میں پیدا ہوئے اور وہ منڈایل کورن اور کلیانی کے سب سے چھوٹے بیٹے تھے۔ ان کے چودہ بہن بھائی تھے جن میں سے صرف تین ہی زندہ رہے۔ اسکول کی تعلیم مکمل کرنے کے بعد انھوں نے کھڈی کے کپڑے بُننے والے کا کام کیا اور بعد میں انھوں نے گورنمنٹ برینن کالج، تلشیری سے ایک کورس کیا۔ بالآخر انھوں نے اسی کالج سے ڈگری کورس مکمل کر لیا۔[7][8]
نجی زندگی
پینارائی وجین کملا وجین سے شادی کے بندھن میں بندھے ہوئے ہیں اور ان کے دو بچے ہیں: وینا اور ویویک۔ ان کی زوجہ ایک سبکدوش شدہ معلمہ ہیں۔ ان کا فرزند ابو ظبی میں ”ایچ ایس بی سی بینک“ میں کام کرتا ہے اور بیٹی بنگلور، بھارت میں ہے، جہاں وہ ایک ویب اسٹارٹ اپ چلاتی ہے۔ ان کا خاندان تروواننتاپورم میں واقع وزیر اعلیٰ کی سرکاری رہائش گاہ میں رہائش پزیر ہے۔