Elvis Stojko

1991-yilgi Jahon chempionatida Stoyko 4 sakrashli tryukni muvaffaqiyatli bajargan birinchi konkida uchuvchisi boʻlgan, hakamlar mahorati uchun past baho berganligi sababli atigi oltinchi oʻrinni egallagan. Stoyko 1992-yilda jahon chempionatida birinchi marta medal sohibiga aylanadi^[1].

1994-yilgi Jahon chempionatida Stoyko har ikkala dasturda gʻolib chiqqan, erkin dasturda 6,0 ball toʻplab birinchi marta jahon chempioni boʻlishga muvaffaq boʻlgan. 1994-yilgi Olimpiada oʻyinlarida qisqa dasturdagi chiqishdan soʻng u ikkinchi oʻrinni egalladi (uning asosiy raqobatchilari (Kurt Brauning, Briaan Boitano va Viktor Petrenko) oʻz dasturlarida xatolikka yoʻl qoʻydilar).

Stojko 1994—1995-yilgi mavsumni Kanada chempionati vaqtida jarohat olib boshlagan. Shunga qaramay, u 1995-yilgi jahon chempionatida gʻolib chiqdi. Qisqa dasturdan soʻng u T.Eldrijga yutqazib, ikkinchi oʻrinni egalladi, ammo qisqa dasturdanda qiyinroq erkin dasturni bexato yakunlab, ikkinchi jahon chempionligini qoʻlga kiritdi. 1996-yilgi Jahon chempionatida, qisqa dasturdagi chiqishda yiqilib yettinchi oʻrinni egalladi, erkin dasturda esa toʻrtinchi oʻrinni qoʻlga kiritdi.

Elvis Stojko 1997-yilda Gran-pri finalida birinchi marta halqa tryukini amalga oshirib, gʻolib chiqdi. 1997-yilgi jahon chempionatida Stojko qisqa dasturdagi chiqishdan keyin toʻrtinchi oʻrinni, erkin dasturda esa birinchi oʻrinni egallab uchinchi marta jahon chempionligini qoʻlga kiritdi.

Stojko 1998-yilgi Olimpiadada koʻzga koʻringan konkida uchuvchilardan biri edi. Qisqa dasturda qoʻsh aksel sakrashni bexato amalga oshirdi va 2-oʻrinni egalladi. Erkin dasturda ham Stojko ikkinchi oʻrinni egalladi va ikkinchi Olimpiya kumushini qoʻlga kiritdi. Stojko erkin dastur davomida jarohat olgan, natijada 1998-yilgi Jahon chempionatida qatnashmadi^[2].

Jarohatlari bitgan Stojko 1999-yilgi jahon chempionatida qatnashib, 4-oʻrinni egalladi. 2002-yilgi Olimpiadada 8-oʻrinni egallaganidan soʻng u oʻz sport faoliyatini yakunladi.