Moxhon d' toet
Moxhon d' toet | ||||||||||||||||
---|---|---|---|---|---|---|---|---|---|---|---|---|---|---|---|---|
måye | ||||||||||||||||
Rindjmint sincieus | ||||||||||||||||
|
On moxhon d' toet u on pierot u on soverdea (on dit eto: on monet u on gros-betch)[1], c' est on ptit oujhea magneus d' grinnes foirt kinoxhou dins toplin des payis, ki vike voltî dilé les måjhons.
Sincieus no d' l' indje : Passer domesticus.
Ricnoxhaedje
Discrijhaedje
Li moxhon d' toet est a pô près 10 a 15 cm long. Li longueur di ses aiyes est l' dobe. I peze ene trintinne di grames.
Les måyes ont-st on gris bounet avou do brun so les boirds. Il ont ene noere goidje. Li frumele est pus grijhe, sins ôte coleur, pår sol goidje
- frumele
- deus måyes, al noere face
Xhuflaedje
I xhufele voltî, on xhuflaedje fwait d' ene shûte di « tchîp tchîp ». On dit k' i « tchîptêye ».
Kidujhance
I s' bate voltî avou ses frés por lu awè l' meyeuse pårt.
I candje di plaece tot zouplant a ptits côps.
Vicaedje
Nourixhince
Les moxhons d' toet si nourixhèt purade di grinnes, come après l' awousse.
Dilé les måjhons, i rcwerèt eto les restants d' nouriteure leyîs pa les djins (pwin).
I magnèt eto voltî les ptits insekes mins ossu di totes sôres di viers, di halenes et di ptitès cropantès biesses.
I magnèt insi des fruts, del djonne salåde, u del tournêye k' est co bén tinre, et des ôtes botons d' plante.
Mopliyaedje
Li moxhon d' toet bastit s' ni e moes d' måss, purade dins l' trô d' on bastimint (trô d' mani, craeye d' on meur, gotire, evnd.), a pårti di strin, di ploumions et di ptits bokets di stofe.
I lyi pout ariver d' ocuper l' nid d' ene aronde, pa des côps e dislodjant cisse-ciale.
Li frumele pond di 3 a 8 oûs, covés pa les deus parints ene cwénzinne di djoûs å lon. 20 djoûs après leu disclôyaedje, les djonnes polèt sôrti do nid, çou ki dene l' ocåzion ås parints di fé leu ni on deujhinme côp. On moxhon d' toet pout viker djusk' a ene dijhinne d' anêyes.
Veye sociåle
I vikèt e bindes et n' voyaedjèt nén.
I s' aprotchèt voltî des dmorances des djins.
Waerantixhaedje et distrujhaedje
Sorlon les payis et les contrêyes, li moxhon d' toet est soeye-t i waeranti, soeye-t i loukî come on måfjhant, a cåze di ses distrujhaedjes dins les culteures, aprume les dinrêyes d' awousse.
Vicansté
Les populåcions d' moxhons d' toet discrexhnut ene miete totavå l' Urope, a cåze
Dins l' lingaedje walon
Tite
Li no do moxhon d' toet a eto siervou po batijhî ene rivuwe e walon, «Li Soverdea».
Spotaedje
Les Moxhons d' toet, c' est eto li spotaedje des djins d' Djamblene (hamtea d' Viyé-so-Lesse).
Dins les belès-letes
- Jules Sabaux, Les ptits pierots, Li Soverdea, l° 351, djanvî 2018.