堇泥（普通闲话：土壤，英语：soil）是有机物、矿物质、气体、液体搭有机体个混合物，佗里一道支持生命。
“堇”勒吴语区各地有na/ne/le等读音，读le个辰光也畀写成“烂泥”[1]。《说文解字》讲“堇”个意思是“黏土也”，必过乃朝个吴语当中“堇泥”指普遍个泥土。“堇”字来勒隶变个辰光，根据读音弗同分化成“堇𦰩”两种写法[2]；“難ne”字个声旁就是“𦰩”，读音搭堇泥个“堇”同源。
