聖座
聖座（拉丁文：Sancta Sedes是羅馬主敎（即眾所周知个敎宗）个敎務職權，也是天主敎會內超乎眾敎座之上个主敎敎座。從外交丄搭其他方面話，聖座之言行代表爻整個天主敎會。渠也畀國際法个其他主體視爲主權實體，由敎宗領導，可與其締結外交關係，其行政機構爲羅馬敎廷。
由於聖座个所在地及乃朝其主權管轄範圍爲梵蒂岡城國，各界常以「梵蒂岡」代稱聖座；但嚴格來話，聖座弗同於梵蒂岡城國，後者直到1929年纔出現，而聖座个歷史可遠溯至基督敎會發展早期。在國際關係中，聖座向各國搭國際組織派出个外交代表處或使節，是代表聖座个而非梵蒂岡城國。
組織
敎宗通過聖座个行政機構羅馬敎廷管理爻天主敎會。敎廷最高層由一系列複雜个機構組成，包括敎廷國務院、9聖部、3個敎務法院、以及12個宗座理事會。敎廷國務院由國務樞機卿領導，直接組織敎廷。羅馬敎廷中衹有國務卿居住在梵蒂岡城裏向。其它機構嚜散佈在羅馬城裏，並享有治外法權。
羅馬敎廷裏向頂主要个機構有敎義部，監督天主敎敎義；主敎部，協調全球主敎个任命；萬民福音部，監督所有宗敎活動；正義和平部，負責磋商國際和平搭社會問題。
三個宗敎法庭執行宗敎裁判權。敎廷法院處理一般司法訴訟，最常見个是處理婚姻个合法性。[1]梵蒂岡法官是最高上訴法庭、執行法庭，處理包括敎廷法院在內个判案，執行高層（主敎以及更高級个religious institute）个決議，譬如廢除敎區，解除某人職務咾啥。渠也監視其它層級宗敎法庭个工作。[2]敎廷赦罪院弗處理外事或法令，但處理道德問題，對責難進行赦罪、分配、減刑、認可、寬容以及其它事宜；渠也好特赦。[3]
聖座經濟事務局爲聖座處理財政个機構，其中頂重要个是宗座財產管理局。
敎廷內務管理處負責敎宗个起居、受眾、儀式（嚴格个禮拜儀式除外）。
聖座弗因某一敎宗个離世或辭職而撤銷脫，而是通過弗同个規則宗座從缺來運行。宗座從缺期間，天主敎廷个政府部門主任（例如the prefects of congregations）隔手補位，除脫首席贖免官之外，執行赦免搭分配。羅馬聖敎會總司庫在昰歇執行聖座个財政事務。聖座个執政，即天主敎會，交畀由樞機團來管理。敎會法禁止樞機團搭總司庫在昰歇對敎會體制做出任何變革。
國際法中个地位
無論在國際慣例還是在當代法律中，聖座全畀國際公法承認，在權利搭義務丄等同於主權國家。聖座弗同於梵蒂岡城，並弗具備國際法關於主權國家个標準——有常住人口，一定个領土，穩定个政府，有能力搭別國建交。但在事實丄，聖座搭180個國家建交，滿足爻國際法个法人要求[4]，蓋咾在政府搭國際組織事務中算爲“成員國”[5]。聖座“應受由主權國家所組成个國際社會之尊重，享有國際法主體待遇，有權在爲建立搭維護世界和平所預備个國際法框架下參與外交事務，搭若干國家訂立具有法律約束力个國際協議。”[6]
聖座外交
自中世紀以來，聖座就畀視爲一個主權國家。聖座搭180個主權國家保持著外交關係，包括中華民國、馬爾他騎士團以及其它主權組織，像歐盟、巴勒斯坦解放組織[7][8]；69個外交使節承認聖座在場羅馬。
註釋
參攷文獻
外部連結
- 聖座（意大利文）