ბარომეტრი

ბარომეტრი (ჯვ.-ბერძენ. βάρος — „სიმონკა“ დო μετρέω — „ბზიმუნქ“) — ატმოსფერული წნევაშ ოზჷმალი მონწყილობა. ვარჩხილიშწყარიშ ბარომეტრი 1644 წანასს იტალირ ევანჯელისტა ტორიჩელიქ აკოქიმინჷ^[1][2][3]. მორო, ვარაუდეფი რსებენს, ნამჷ-და იტალიარ მათემატიკოს დო ასტრონომ გასპარო ბერტიქ მოხვამილაფირო აკოქიმინჷ წყარიშ ბარომეტრი, დოხოლაფირო 1640-1643 წანეფს.^[1][4] 1631 წანას, ფრანგ მენცარ დო ფილოსოფოს რენე დეკარტიქ წჷმარინუ ატმოსფერული წნევაშ ოზჷმალი მონწყილობაშ პროექტი, მორო ვარსებენს მუთუნნერი დადასურება თიშ, ნამჷ-და თი პერიოდის მოქიმინჯე ბარომეტრი რსებენდჷნ.^[1]

სითხამ ბარომეტრეფს წნევა იზჷმუ მილს რსებული სითხაშ სიმაღალათ. ვარჩხილიშწყარამი ბარომეტრეფი შხვა ბარომეტრეფშე უმოსი ზუსტი რე დო მეტეოდგჷმილეფს გჷმირინუაფუ.